Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Hulyo

“Madamo ang nakasaulo sang Amay Namon. Ini nagasiling: ‘Magkari ang imo ginharian. Matuman ang imo kabubut-on sa duta, subong sang sa langit.’ Sa banta mo, ano ina nga Ginharian? [Tuguti sia nga magsabat.] Ang Biblia nagahatag sa aton sing ideya.” Basaha ang Daniel 2:44. Dayon, idaho sa tagbalay ang Hulyo 1 nga Ang Lalantawan. Basaha kag binagbinaga ninyo ang una nga parapo sa idalom sang una nga subtitulo sa pahina 16. Itanyag ang magasin kag maghimo sing kahimusan nga magbalik para binagbinagon ang sabat sa masunod nga pamangkot.

Ang Lalantawan Hulyo 1

“Bangod malip-ot lang ang kabuhi kag puno sing problema, madamo ang nagapalibog kon ano gid bala ang kahulugan sang kabuhi. Napaligban mo man bala ina? [Tuguti sia nga magsabat.] Ang Biblia nagsaad nga ining aton kahimtangan indi na magdugay. [Basaha ang Bugna 21:4.] Ini nga magasin nagabinagbinag kon ano ang katuyuan sang Dios sa duta kag nagasugid sang pila ka butang nga puede naton mahimo agod masapwan ang matuod nga kahulugan sang kabuhi bisan karon.”

Magmata! Hulyo

Sambita ang isa ka malain nga balita. Dayon magsiling: “Sa banta mo, ngaa gintugutan sang Dios nga matabo ini? [Tuguti sia nga magsabat.] Ginapakita sang Biblia nga naluoy ang Dios sa mga nagaantos. [Basaha ang Exodo 3:7.] Ginasugid man sang Biblia kon ngaa ginatugutan sang Dios ang pag-antos, kag dulaon niya ini sa ulihi. Ginapaathag ina sini nga magasin.”