“Wala Naman Sia sa Ila Balay!”

Nasiling mo na bala ini parte sa isa ka tawo nga nagpakita sing interes? Bisan pila ka beses mo sia nga ginbalikan, indi mo mabunyagan ang binhi sang kamatuoran nga imo gintanom. (1 Cor. 3:6) Kon kaisa, ginasulatan sang eksperiensiado nga mga manugbantala ang interesado nga indi nila masapwan sa balay, ukon nagabilin sila sing nota sa puertahan. Bangod nahibaluan sang iban nga manugbantala nga mabudlay masapwan liwat ang tagbalay, ginapangayo nila ang numero sang iya cell phone paagi sa pagpamangkot, “Puede ta ka ma-text?” Maisip nga pagduaw liwat kon personal nga ginduaw naton ang tagbalay ukon nagpanaksi sa iya paagi sa sulat, e-mail, text, ukon nagbilin kita sing nota sa puertahan, ukon nagtawag sa telepono. Bisan pa wala sia pirme sa balay, mapalambo gihapon naton ang iya interes.