Sampol nga mga Presentasyon

Ang Lalantawan Oktubre 1

“Nagabisita kami agod ipakita sa mga tawo ini nga isyu sang Ang Lalantawan. [Ipakita ang kober.] Ang iban nagasiling nga usik lang sa tion ang pagpangamuyo, kag wala man sang may nagapamati. Ang iban naman nagapati nga ginapamatian sang Dios ang ila mga pangamuyo. Ano ’ya ang masiling mo? [ Tuguti sia nga magsabat.] Basahon ta bala ang ginasiling sang Biblia parte sa pangamuyo. [Basaha ang Isaias 30:19.] Ginapakita sini nga magasin nga ginapamatian kag ginasabat sang Dios ang mga pangamuyo nga ginahimo sa husto nga paagi kag sa husto nga rason.”

Magmata! Oktubre

“Nagabisita kami sing makadali bangod madamo nga tawo ang nagapamangkot kon ngaa ginatugutan sang Dios ang pag-antos. Sa banta mo, wala ka bala nagatahod sa Dios kon ipamangkot mo ini sa iya? [Tuguti sia nga magsabat.] May pamangkot man kuntani sa Dios ang matarong nga tawo nga si Job. [Basaha ang Job 23:3-5.] Ginabinagbinag sini nga magasin ang tatlo ka pamangkot nga luyag ipamangkot sang mga tawo sa Dios, kon mahatagan sila sing tsansa, kag kon ano ang makalilipay nga sabat sang Biblia.”