Kokkinakis v. Greece: Droit réservé
Halin sa ibabaw sa wala patuo pakadto sa ubos: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
PAGKABUHI BILANG CRISTIANO
“Pagpangapin kag Legal nga Pagpamatuod” sang Maayong Balita
Sang ginpamatukan ang mga Israelinhon sa pagtukod liwat sang templo, ginpanikasugan gid nila nga makakuha sing legal nga pamatuod nga may kinamatarong sila sa pagtukod sini. (Esd 5:11-16) Ginapanikasugan man sang mga Cristiano nga pangapinan kag legal nga pamatud-an ang maayong balita. (Fil 1:7) Gani sang 1936, ginhimo ang Legal Department sa world headquarters. Subong, ginaorganisar sang World Headquarters Legal Department ang pagpangapin sa hilikuton sang Ginharian sa bilog nga kalibutan. Ano ang ginahimo sini nga department para mapadayon ang hilikuton sang Ginharian kag para mabuligan ang katawhan sang Dios?
TAN-AWA ANG VIDEO NGA PAGBISITA SA LEGAL DEPARTMENT SA WORLD HEADQUARTERS, DAYON SABTI ANG MASUNOD NG MGA PAMANGKOT:
Ano nga mga kaso ang naatubang sang mga Saksi ni Jehova?
Maghatag sing halimbawa sang mga kaso nga nagdaug kita.
Ano ang mahimo sang kada isa sa aton para ‘mapangapinan kag legal nga mapamatud-an’ ang maayong balita?
Diin naton makita sa aton website ang mga kaso sa korte nga may epekto sa katawhan sang Dios kag ang listahan sang mga Saksi ni Jehova nga napriso bangod sa ila pagtuo?