Magbenepisyo sa Video nga No Blood​​—⁠Medicine Meets the Challenge

Daw ano kadamo sang imo nahibaluan tuhoy sa mga pililian sa pagpabulong nga wala nagagamit sing dugo? Nahibaluan mo bala ang pila ka mga alternatibo sa pagpatayon kag kon paano ini ginahimo? Tan-awa ini nga video, kag tilawi ang imo ihibalo paagi sa masunod nga mga pamangkot.​​—⁠Patalupangod: Bangod ang video nagapakita sang malip-ot nga danyag sa pag-opera, ang mga ginikanan dapat mangin maalamon sa pagdesisyon kon bala patan-awon nila ang ila magagmay nga mga kabataan. (1) Ano ang panguna nga rason ngaa indi magpatughong sing dugo ang mga Saksi ni Jehova, kag diin makita sa Biblia ining prinsipio? (2) Kon tuhoy sa pagpabulong, ano ang luyag naton? (3) Ano ang sadsaran nga kinamatarong sang mga pasyente? (4) Ngaa isa ka maalamon kag responsable nga tikang ang pagsikway sa mga pagpatughong sing dugo? (5) Kon madamo katama nga dugo ang naggua, anong duha ka butang ang dapat himuon gilayon sang mga doktor? (6) Ano nga mga risgo sa kapagros ang naangot sa pagpatughong sing dugo? (7) Ano ang sarang magamit sang mga manugbusbos agod mabuhinan ang pagdugo sa tion sang operasyon? (8) Ano ang dapat mo mahibaluan tuhoy sa pagpabulong nga tal-us sa pagpatughong sing dugo? (9) Sarang bala mahimo ang komplikado nga mga operasyon bisan wala sing pagtughong sing dugo? (10) Ano ang handa nga himuon sang nagadamo pa nga mga doktor para sa mga Saksi ni Jehova, kag ano ang mahimo mangin talaksan sang pagbulong sa mga pasyente sa palaabuton? Desisyon sang tagsatagsa ang pagbaton sang bisan ano nga pagbulong nga ginpresentar sa video.​​—⁠Tan-awa ang Hunyo 15, 2004, nga Lalantawan, p. 22-4, 29-31, kag ang Oktubre 15, 2000, nga Lalantawan, p. 30-31.