PAGSUGOD SA PAG-ISTORYAHANAY
LEKSION 2
Mangin Natural
Prinsipio: “Ang tinaga nga ginhambal sa husto nga tion—tuman gid kaayo!”—Hulu. 15:23.
Ang Ginhimo ni Felipe
1. Tan-awa ang VIDEO, ukon basaha ang Binuhatan 8:30, 31. Dayon binagbinaga ang masunod nga mga pamangkot:
Paano ginsugdan ni Felipe ang pag-istoryahanay?
Ngaa natural ini nga paagi para sugdan ang pag-istoryahanay kag sugiran sang bag-o nga kamatuoran ang eunuco?
Ano ang Matun-an Naton kay Felipe?
2. Kon natural lang ang pag-istoryahanay, posible gid nga mangin relaks kag handa mamati ang aton kaistorya sa aton mensahe.
Iluga si Felipe
3. Mag-obserbar. Madamo ka sing mabal-an sa isa ka tawo kon obserbahan mo ang iya reaksion kag paghulag. Gusto bala niya makig-istorya sa imo? Puede mo sugdan ang pag-istoryahanay parte sa Biblia paagi sa pagpamangkot sa iya, “Sa banta mo, . . . ?” Indi pagpilita ang tawo nga mag-istorya sa imo kon indi niya gusto.
4. Mangin mapinasensiahon. Indi magbatyag nga kinahanglan mo dayon isugid sa iya ang parte sa Biblia. Maghulat sa insakto nga tion. Kon kaisa, masugiran mo sia parte sa Biblia sa sunod na ninyo nga pag-istoryahanay.
5. Mag-adjust. Posible nga lain nga topiko ang gusto istoryahan sang imo kaistorya. Gani, i-adjust ang imo mensahe suno sa iya sitwasyon, bisan pa lain ini sa imo ginhanda nga topiko.