Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Enero

“Ang iban nga tawo nagapati nga ang Biblia isa ka masaligan nga libro sang mga tagna. Ang iban naman nagapati nga nagaunod ini sing indi maathag nga mga prediksion nga mahimo hangpon sa lainlain nga paagi. Ano naman ang imo pagpati?” Tuguti sia nga magsabat. Nian ihatag sa tagbalay ang kopya sang Enero 1 nga Lalantawan, kag binagbinaga ninyo ang topiko sa una nga subtitulo sa pahina 16 kag ang isa ukon kapin pa sa mga teksto. Itanyag ang mga magasin, kag maghimo sing kahimusan sa pagbalik para binagbinagon ang masunod nga pamangkot.

Ang Lalantawan Enero 1

“Nagapati ka bala nga madamo kita sing matun-an gikan sa kilala nga mga tawo sa kasaysayan? [Tuguti sia nga magsabat.] Ini nga teksto nagapatuhoy sa isa ka bantog nga tawo. Sia lamang ang ginsambit sa Biblia nga ‘abyan sang Dios.’ [Basaha ang Santiago 2:23.] Ginapaathag sini nga magasin kon ngaa ginkabig sang Dios si Abraham nga abyan kag kon ano ang aton matun-an sa iya halimbawa.”

Magmata! Enero

“Ang hamham, palapaw, kag iban pa nga porma sang pagkadibunayag lapnag na sa mga negosyo karon. Ang pila nagapati nga kinahanglan mangin di-bunayag kon kaisa para magmadinalag-on ang negosyo. Ano sa banta mo? [Tuguti sia nga magsabat.] Pamensari ini nga hulubaton. [Basaha ang Hulubaton 20:17.] Ini nga magasin nagapaathag kon ngaa praktikal nga mangin bunayag.”