Ang Gugma Nagapakilala sa Matuod nga mga Cristiano—Amligi ang Hamili nga Paghiusa

KON NGAA IMPORTANTE: Sang gab-i antes napatay si Jesus, nangamuyo sia nga ang iya mga disipulo ‘mahiusa sing bug-os.’ (Ju 17:23, footnote) Para magpabilin nga nahiusa, dapat naton ipakita ang gugma, nga ‘wala nagaisip sang kahalitan.’—1Co 13:5.

KON PAANO HIMUON:

• Sunda si Jehova paagi sa pagpangita sing maayo sa iban

• Magpatawad sing kinabubut-on

• Kon nasolbar na ang problema, indi na ini pag-ungkata.—Hul 17:9

TAN-AWA ANG VIDEO NGA “MAGHIGUGMAANAY KAMO”—INDI PAG-ISIPA ANG KAHALITAN, DAYON SABTI ANG MASUNOD NGA MGA PAMANGKOT:

• Sa una nga bahin sang video, paano ginpakita ni Helen nga ‘nagaisip sia sang kahalitan’?

• Sa ikaduha nga bahin sang video, ano ang ginhimo ni Helen para madula ang iya negatibo nga panghunahuna kag mangin positibo ang iya pagtamod?

• Labing importante, paano nakabulig si Helen sa paghiusa sang kongregasyon?