Oi Laloatao, A?

Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

• Keristani taudia momokanidia ese Dirava ena ladana be toni o gimaia gauna bamona idia gaukaralaia, a?

Taunimanima haida be sibona idia gimaia totona kohu ta o tau ta ena ladana idia gaukaralaia, to Dirava ena taunimanima be unai bamona idia karaia lasi. Idia ese Iehova idia abidadama henia, ena ura idia karaia, bona ena ladana be edia roho mauri gabuna ai idia halaoa. (Sep. 3:​12, 13)​—⁠1/15, rau 5-6.

• Dahaka dainai Iehova ese King Saulo ia dadaraia?

Dirava ese Saulo ia oda henia Dirava ena peroveta tauna do ia naria, to Saulo ia kamonai lasi bona ia sibona ese gabua boubouna ia karaia. Gabeai, Iehova ese Saulo ia oda henia Amaleka taudia do ia hamasea totona, to ia kamonai lasi.​—⁠2/15, rau 22-23.

• Edena dala ai ita hahedinaraia ita be kara dika ita inai henia?

Inuinu kekero karana, meamea bona babalau karadia bona matabodaga karadia ita dadaraia be namo. Hegeregere, ponografi laulaudia do ita raraia lasi bona lalohadai dikadia ita dadaraia. (Mat. 5:​27, 28) Danu, Keristani kongrigeisen amo idia atoa siri taudia do ita bamoa lasi.​—⁠2/15, rau 29-32.

• Edena dala ai Ieremia be “ranu ena badinai idia hadoa auna bamona”? (Ier. 17:​7, 8)

Ieremia be huahua namodia momo ia havaraia. Bona ia ura lasi hevaseha taudia ese iena kara namodia idia hadikaia. To ia be Dirava, mauri ranuna ena Badina, dekenai ia tabekau bona iena hereva ibounai ia badinaia.​—⁠3/15, rau 14.