Pioneer Gaukara—Lalokau Hahedinaraia Gaukarana
1 Iehova bona iseda dekena taudia ita lalokau henidia dainai ita ura iseda haroro gaukara ita habadaia. Iseda lalokau karana Iehova bona taunimanima dekenai ia bada ia lao neganai, unai ese ita ia hagoadaia dainai ita hegaegae iseda haroro gaukara ita habadaia totona. ‘Diba korikori’ Dirava ena hereva dekenai ita habadaia neganai iseda lalokau karana ia bada ia lao. (Fil. 1:9, 10) Iseda diba Iehova ena ura dekenai ita habadaia neganai, ita lalo-parara ita be nega dokona lalonai ita noho. Unai dainai, ita ura dikadika taunimanima ita durudia. Taunimanima momo ese edia hebogahisi lalokauna idia hahedinaraia dalana be pioneer gaukara idia karaia.
2 Dala oi hegaegaelaia diba heduru eiava regular pioneer gaukara do oi karaia totona, a? Namona be ita ta ta ibounai be mai guriguri danu iseda lalona do ita tahua namonamo.
3 Keristen taudia momo dekenai nega be lasi pioneer gaukara idia karaia totona, unai dainai gau badana be ‘nega ita hoia’ bamona. (Ef. 5:15-17) Bema Dirava bona taunimanima ita lalokau henidia, do ita ura sibona eda ura gaudia haida bona namo gaudia haida ita reaia, iseda lalokau karana ita hahedinaraia bada totona. (Mar. 12:33) Reana ita laloa namona be ita abia kohudia be mauri durua gaudia sibodia, to tano ma haida dekenai taunimanima edia matanai unai gaudia be taga bada gaudia bamona.
4 Tamana bona sinana be dahaka idia karaia diba edia natudia idia durudia Dirava ena lalohadai dalana idia abia totona. Namona be tamana bona sinana edia natudia idia do maragi neganai idia hagoadaia lauma gaudia do idia tahua totona. Sikuli idia haorea gwauraia neganai, idia be moni gaukara idia laloa eiava idia be lauma gaukarana idia laloa? Ita ura iseda memero kekeni idia do maragi neganai ita durudia, bena do idia diba pioneer gaukara amo hahenamo ela bona hanaihanai do idia abia. Unai kara amo guba dekenai kohu idia haboua noho. (Mat. 6:19-21) Unai gaukara ese Dirava ia hamoalea bona iseda abidadama bona tabekau karana ia dekenai ia hahedinaraia. Bona taunimanima ia hamauridia.
5 Dirava ia ura “taunimanima ibounai ese mauri do idia davaria.” (1 Tim. 2:4) Ita hahedinaraia diba unai be iseda ura danu, a? Oibe, ita hahedinaraia diba bema ita ura Basileia gaukara ita atoa guna. Danu, ita hahedinaraia diba bema Iehova dekenai ita tabekau mauri durua gaudia ita do ia henia totona. (Mat. 6:31-33) Ena be tanobada ena mauri do ia auka, to Iehova ia gwauhamata ita do ia naria bona unai gwauhamata do ia haidaua lasi.—Sal. 37:25.
6 Bema iseda nega hegeregerena, ita goada karaia haroro gaukara ita karaia totona, unai ese iseda lalokau karana ia hahedinaraia. Haida dekenai unai anina be regular pioneer gaukara idia karaia. Namona be emu lalona oi hadaia bona September 1, 1992 ai eiava daudau lasi murinai unai gaukara do oi karaia hamatamaia.
[Questions]
1, 2. (a) Dahaka ese tau ta ia hagoadaia ia ura ena haroro gaukara ia habadaia totona? (b) Dahaka dainai memero kekeni momo ese pioneer gaukara idia karaia? (c) Ita ta ta ibounai be dahaka ita laloa be namo?
3. (a) Efeso 5:15-17 duahia. Edena dala ai, ‘nega ita hoia’ diba? (b) Mareko 12:33 ena hereva hegeregerena, bema iseda dekena taudia ita lalokau henia dahaka do ita ura karaia?
4. Tamana bona sinana be dahaka idia karaia diba edia natudia idia durudia guba dekenai kohu idia haboua totona?
5, 6. Dahaka ita karaia diba Dirava ena ura bona iseda ura idia tamona totona?