February Ena Hesiai Hebou
February 1 Purana
Ane 154
8 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia. Iboudiai hadibaia lou January ena haroro ripoti idia henia totona. Namona be iboudiai ese Herevalaia bukana, rau 375 ia lao 379 ai, sinado “Tanobada Ena Lauma,” idia duahia bona vaira pura ena hebou dekenai idia mailaia.
17 min: “Mauri Hanaihanai Bukana be Mauri Lagani Idauidau Taudia Dekenai Oi Henia.” Elda ta ese inai hereva be idia manada pablisa rua eiava toi ida do ia kikilaia. Ma haida ita durua, do idia lalo-parara ruma bese lalonai moale davaria totona gau badana be Baibel ena sisiba idia badinaia. (Mauri Hanaihanai bukana ena rau 238 itaia.) Idia noho haroro herevana ta haheitalaia. Lou henia negana hegaegaelaia dalana hahedinaraia.
20 min: “Mauri Matamatana Ita Atoa.” Hereva ta, Efeso 4:20-24 herevalaia namonamo. (March 1, 1993, Gima Kohorona, rau 14-18, paragraf 4-17 itaia.) Oi hahedinaraia edena dala ai mauri gunana ita kokia diba bona mauri matamatana ita atoa. Unai bamona idia karaia taudia haida edia kara herevalaia.
Ane 4 bona guriguri.
February 8 Purana
Ane 12
9 min: Kongregesen ena hadibaia herevadia, bona Orea Ena Sivarai herevalaia danu. Akaun ripoti.
15 min: “ ‘Dirava Ia Gwauraia Mauri Dalana’ Hebouheboudia amo Namo Ita Abia.” Henanadai bona haere. Idia halasia buka matamatana bona buklet matamatana hahedinaraia, bona do ita gaukaralaia namonamo daladia gwauraia hedinarai.
21 min: Ia hegaegae namonamo elda tauna ese Herevalaia bukana, rau 375 ia lao 379 ai, sinado “Tanobada Ena Lauma” ia herevalaia. Namona be unai kahana ena hereva ia herevalaia namonamo, bona nega ia atoa, hereva kwarana maragidia iboudiai henunai idia noho hereva badadia edia anina ia hahedinaraia. Nega ia noho Baibel siri haida sibona duahia totona. Bema elda o ia hegeregere hesiai tauna ta ia noho lasi, namona be ta ese kamonai taudia dekenai unai hereva ia duahia.
Ane 173 bona guriguri.
February 15 Purana
Ane 40
10 min: Kongregesen ena hadibaia herevadia. Henanadai Mauana duahia.
18 min: Edena Bamona Namo Do Ita Abia Bema Haroro Sikuli Lalonai Ita Vareai? Haroro sikuli ia naria tadikakana be helai taudia ida unai do ia kikilaia. Haroro sikuli ena badina be taunimanima vairadiai iseda hereva henia karana ia hanamoa totona sibona lasi. Dala ma haida ai namo ita davaria. (School Guidebook, rau 12-13 itaia.) Taunimanima ida herevahereva namonamo dalana ita dibaia danu. Ita ia hadibaia, ita hereva goevagoeva, ita gini maoro, bona mai goada ida ita hereva totona. Ita ia durua dainai taunimanima ese ita abia dae herevadia idia henanadailaia neganai, haere namona do ita henia bona Baibel ena hereva dainai ita abia hidi gaudia idauidau edia badina ita gwauraia diba. Iseda diba Baibel dekenai ia bada ia lao, bona unai ese ita ia durua iseda haroro gaukara lalonai anina ita havaraia totona. Iseda manoka gaudia ita itaia, bona sisiba ita abia dae, bona unai amo ma haida ida ita hebamo heheni namonamo. Sikuli amo ita abia dibana ibounai ese ita ia durua ‘ita hegeregere’ Dirava ena hesiai taudia bamona ita noho totona.—2 Kor. 3:5, 6.
17 min: “Ruma Bese Taudia Idia Gaukara Hebou Dalana—Baibel Idia Stadilaia Namonamo Totona.” Ruma bese ta ese idia herevalaia. Idia ese sibodia edia kara idia tahua bona idia itaia bema May 15, 1996, Gima Kohorona, rau 14, bona October 15, 1992, Gima Kohorona, rau 16-17, edia hereva Baibel duahiduahi bona stadilaia karadia dekenai idia badinaia namonamo.
Ane 57 bona guriguri.
February 22 Purana
Ane 170
8 min: Kongregesen ena hadibaia herevadia.
17 min: Pablisa taudia rua o toi ida May 1995, Iseda Basileia Gaukara pepana, ena hereva “Noho Lasi Taudia Rekodi Oi Torea, A?” umui herevalaia. Teritori idauidau dekenai ita haroro neganai, noho lasi taudia edia rekodi namona ita torea dalana, emui teritori ena toana hegeregerena umui herevalaia. Bema mai dalana, blakbod dekenai oi torea.
20 min: Taunimanima be Hahediba Taudia ai Halaoa Karana Moalelaia Dalana. Hereva oi henia February 15, 1996, Gima Kohorona, rau 19-22 amo.
Ane 91 bona guriguri.