September Ena Hesiai Hebou
September 6 Purana
Ane 190
5 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
25 min: “Iseda Buka Bona Magasin Hariharilaia Dalana.” Manada elda ta be helai taudia ida unai hereva do ia kikilaia. Danu, namona be elda tauna ese Society ena June 1, 1999, revarevana amo hereva badadia ia kikilaia. Manada pablisa taudia abia hidi, edena bamona haroro gaukara dekenai inai kahana ena hereva ita gaukaralaidia diba idia haheitalaia totona. Pablisa tauna ese Saturday bona Sunday ai do ita gaukaralaia magasin matamatana ta ena hereva amo ruma tauna ia hereva henia. Pablisa tauna ese magasin ena hereva badana ta ia kikilaia lalonai, ruma tauna ia gwau, “Unai hereva be namo herea?” Pablisa tauna ia gwau: “Mai egu moale ida inai magasin do lau rakatania diba, unai amo inai hereva bona ena hereva ma haida oi duahia diba mai emu moale ida.” Ruma tauna ia henanadai: “Ena davana be hida?” Pablisa ia haere: “Bema oi duahia, do lau henia diba davana lasi. To, ena rau iharuana dekenai ia noho herevana oi itaia, ia hahedinaraia inai magasin be tanobada ibounai dekenai Baibel hadibaia gaukarana ta bona unai be taunimanima edia kontribusen moni amo idia karaia. [Awake! magasin ena rau 4 dekenai idia torea herevana bona Gima Kohorona magasin ena rau 2 ena dokona kahana dekenai idia torea herevana oi hahedinaraia.] Ai Iehova ena Witness taudia ibounai 6 milioni ia hanaia be tano 200 mai kahana ai volantia gaukara amo emai nega bona kohu ai gaukaralaia unai gaukara hereadaena ai karaia totona. Bema ta ia ura kontribusen moni maragina amo unai gaukara ia durua, unai be ena ura hegeregerena.” Ruma tauna ese kontribusen moni ia henia bona pablisa tauna ese envelope ta dekenai moni ia udaia. Ruma tauna ia tanikiu henia ena kontribusen monina dainai bona ia gwau magasin matamata idia ginidae neganai do ia abia mai. Haheitalaia iharuana ai, hahedinaraia dahaka dainai pablisa tauna ese buka ia rakatania lasi ena badina be ruma tauna ia ura ia herevahereva to Basileia sivaraina ia ura henia momokani lasi. Haheitalai ihatoina ai, hahedinaraia edena bamona pepapepa ita henia diba kamonai tauna ta dekenai, badina unai hora dekenai ia bisi bona nega be hegeregere lasi iseda tanobada ibounai gaukarana durua dalana ia kamonaia totona. Pablisa tauna ia gwauhamata nega namona ta dekenai do ia giroa lou. Ia giroa lou neganai, ia tahua bema ruma tauna ia ura momokani ia kamonai, bema ia ura momokani, vadaeni iseda haroro gaukara durua dalana ia herevalaia diba.
15 min: “Tama Sina e—Natudia Dekenai Haheitalai Namona Hahedinaraia.” Elda ese hamatamaia hereva kwadogina ia gwauraia, bena tadikaka rua, idia be tama, ese unai kahana do idia kikilaia hebou. Idia hahedinaraia sikuli gabuna ai, televisen ai, bona edia Witness lasi varavara bona ma haida edia amo idia itaia kara kereredia amo edia natudia idia naria namonamo be namo. Tadikaka ese hemataurai lasi karadia, tanobada ena hereva mirodia bona dabua atoa dalana, bona moale kara dikadia idia herevalaia. Haheitalai namodia do idia hahedinaraia dalana idia kikilaia murinai, namona be ruma bese stadi, kongregesen hebou, bona haroro gaukara habadaia dalana idia herevalaia.—July 1, 1999, Gima Kohorona, rau 8-22, bona September 22, 1991, Awake!, rau 8-9 itaia.
Ane 101 bona guriguri.
September 13 Purana
Ane 171
10 min: Kongregesen ena hadibaia herevadia. Akaun ripotina. Ibounai oi hadibaia edena kontribusen mauana be “Society Ena Tanobada Ibounai Gaukarana Durua Monina—Mataio 24:14.” Haroro gaukara dekenai iseda tanobada ibounai gaukarana durua kontribusen monina ita abia neganai, namona be unai kontribusen maua dekenai ita udaia.
20 min: Lagani Gunana ai Iseda Gaukara be Edena Bamona? Haroro naria tauna ese unai hereva do ia henia. Kongregesen ena haroro ripoti hesiai laganina 1999 totona do ia riviulaia. Idia karaia gau namodia dainai oi hanamodia. Idia hanamoa diba gaudia kikilaia. Hebou lao henia bona Baibel stadi edia namba herevalaia badabada. Lagani vairai idia tahua diba gaudia herevalaia.
15 min: “Oi be Palani ta Hegeregerena Oi Gaukara, A?” Hamatamaia herevana oi hakwadogia, miniti ta ia hanaia lasi, bena henanadai bona haere amo oi karaia. Hesiai Gaukara bukana, rau 89, ena hereva haida gwauraia. Ibounai oi hagoadaia haroro gaukara dekenai idia goada bona idia karaia noho totona.
Ane 140 bona guriguri.
September 20 Purana
Ane 193
12 min: Kongregesen ena hadibaia herevadia bona haroro gaukara lalonai idia vara ekspiriens haida gwauraia.
15 min: Kongregesen durua herevana. Eiava December 15, 1998, Gima Kohorona, rau 21-25, ena hereva ladana “Henaoa Taudia mai Edia Pidia Gaudia Idia Mai Neganai” kikilaia. Idia vara diba gaudia bona inai hereva badinaia daladia herevalaidia.
18 min: Kamonai Taudia Dekenai Diba Bukana Hariharilaia. June 1997 Iseda Basileia Gaukara pepana, rau 4 dekenai haroro herevadia riviulaia. Haheitalai rua karaia, hahedinaraia edena bamona kamonai namonamo taudia dekenai buka do ita hariharilaia. Danu, oi hahedinaraia edena bamona ruma tauna dekenai kontribusen dalana ita herevalaia diba.
Ane 175 bona guriguri.
September 27 Purana
Ane 141
10 min: Kongregesen ena hadibaia herevadia. Pablisa taudia oi hadibaia September ena haroro ripoti do idia henia. Ibounai oi hagoadaia October lalonai magasin hariharilaia gaukara ena palani idia karaia totona. October 1996 Iseda Basileia Gaukara pepana, rau 8, ena hereva haida amo hamatamaia herevadia hegaegaelaia dalana riviulaia.
20 min: Henanadai Mauana. Helai taudia ida kikilaia. Magasin matamatadia amo hereva badadia haida herevalaia bona haheitalai ta eiava rua karaia, edena bamona pablisa ese kontribusen herevana ia gwauraia hedinarai namonamo dalana ia herevalaia. Bema ruma tauna ese magasin ena davana ia henanadailaia, reana pablisa tauna ia haere diba: “Emai magasin ena davana be do oi henia lasi, to bema oi ura durua kontribusen moni maragina amo emai tanobada ibounai dekenai Baibel hadibaia gaukarana oi durua, mai moale ida unai do ai abia dae.” Eiava, bema ia hegeregere, pablisa tauna be inai hereva ia gwauraia diba: “Reana oi laloa, Iehova ena Witness taudia edia gaukara be edena bamona idia karaia.” Pablisa tauna ese ruma tauna ena haere ia naria sisina, bena ia gwau: “Iehova ena Witness taudia ibounai be volantia taudia sibona, unai dainai edia gaukara davana idia abia lasi. Unai ena anina be buka bona magasin idia printaia bona siaia taudia danu edia davana idia abia lasi. Ai bona ura taudia ma haida be Baibel hadibaia gaukarana ena namo ai laloa bada bona emai kontribusen monina amo ai durua. Bema ta ena ura hegeregerena durua kontribusen moni maragina ia henia, mai moale ida unai ai abia dae.” Pablisa tauna ia naria ruma tauna ia hereva totona. Pablisa taudia ibounai oi hagoadaia buka bona magasin idia gaukaralaia namonamo bona kamonai namonamo taudia dekenai kontribusen dalana idia herevalaia namonamo.
15 min: Ruma bese taudia ese November 1, 1998, Gima Kohorona, rau 24-28 amo, “Mai Moale Danu Ia Henia Tauna be Dirava ese Ia Lalokau Henia” ena hereva badadia idia herevalaia hebou. Tama ese ruma bese taudia ia hamaorodia, namona be edia kontribusen moni amo tanobada ibounai gaukarana idia durua be namo. Sina ese unai lalohadai ia abia dae, bona ia laloa buka bona magasin hariharilaia dalana matamatana durua totona, kontribusen moni henia lalohadaina idia abia be mai anina bada. Tama ese natudia ia hadibaia, edena bamona pablisa taudia bona painia taudia ese haroro gaukara lalonai kontribusen moni idia abia neganai, envelope dekenai idia udaia bona Kingdom Hall ena kontribusen maorona dekenai do idia udaia be namo. Namona be natuna idia durua do idia itaia pablisa bona painia taudia ese kontribusen monina be sibona totona idia abia be maoro lasi.
Ane 87 bona guriguri.