Hesiai Hebou Ena Sediual

ITAIA: Inai Iseda Basileia Gaukara pepana amo, Hesiai Hebou Ena Sediual be mai ena autlain hua gabena ena Hesiai Hebou ginigunana totona danu. Unai ai karaia badina reana nega haida Iseda Basileia Gaukara pepana be nega korikori ai do idia ginidae lasi.

December 6 Purana

Ane 207

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

15 min: “Iehova ese Taunimanima Edia Toana Ia Laloa Lasi Karana Tohotohoa.” Hamatamaia hereva be miniti tamona lalonai oi gwauraia, bona henanadai bona haere amo oi karaia. Taunimanima edia toana laloa lasi karana ena anina, Iehova ese ia hahedinaraia dalana, bona haroro gaukara ai ita hahedinaraia diba dalana oi gwauraia hedinarai.​​—Insight, Volium 1, rau 1192, paragraf 4-7 itaia.

20 min: “Unai be Guna Ita Kamonai Vadaeni, A?” Hereva oi henia bona helai taudia ida oi kikilaia. Helai taudia oi noia hereva momokani idia lalo-pararalaia bona laloa bada totona gwauraia loulou karana ese idia ia durua dalana idia herevalaia.​​—Gima Kohorona, July 15, 1995, rau 21-2, bona August 15, 1993, rau 13-​14, paragraf 10-​12 itaia.

Ane 218 bona guriguri.

December 13 Purana

Ane 168

10 min: Kongregesen ena hadibaia herevadia. Akaun ripotina. Holide ena hanamoa herevadia haerelaia totona ena heduru herevadia gwauraia. Kerisimasi holide lalonai, Tau Hereadaena bukana be haroro gaukara dekenai ita gaukaralaia namonamo diba dalana oi hahedinaraia.

15 min: “Lagani 2000 Ena Haroro Sikuli.” Inai hereva be Haroro Sikuli naria tauna ese do ia henia. Sediual ai lagani matamata totona idia haidaua gaudia riviulaia. Ibounai hagoadaia edia pura ta ta ena Baibel duahiduahi idia karaia noho bona sikuli lalonai hereva henia karana idia goadalaia.

20 min: “Ma Haida Boiridia Mai, Tau Hereadaena Murinai Do Idia Raka Totona.” Helai taudia ida kikilaia. Haheitalai kwadogidia rua karaia. Oi hahedinaraia ruma-ta-ruma-ta gaukara lalonai nouti torea be mai anina bada; hereva kwadogina amo idia torea be namo herevadia riviulaia.

Ane 220 bona guriguri.

December 20 Purana

Ane 219

10 min: Kongregesen ena hadibaia herevadia. Pablisa haida ese haroro gaukara lalonai idia moalelaia ekspiriens namodia be hereva kwadogina amo idia gwauraia.

15 min: “Idia Oi Hagoadaia Iesu Murinai Idia Raka Taudia ai Idia Lao Totona.” Helai taudia ida kikilaia. Haheitalai kwadogidia rua karaia. Ibounai hagoadaia, pura ta ta lalonai nega idia abia hidi lou henia idia karaia totona.

20 min: Tomadiho Rumana ta Eiava Tomadiho Gabudia Ma Haida ai Gaukara Lau Abia Dae be Namo, A? Elda ta ese April 15, 1999 ena Gima Kohorona, rau 28-30, ena hereva amo hereva ta do ia henia. Taunimanima haida ese unai bamona gaukara idia abia dae bona gabeai idia davaria idia karaia gaukarana be Baibel ena hakaua herevadia hegeregerena lasi. Tomadiho orea ena gaukara ta ita abia hidi neganai, ita laloa be namo henanadai haida riviulaia. Ibounai hagoadaia Iehova ena vairanai ia namo dalana idia badinaia.​​—2 Kor. 6:​3, 4, 14-​18.

Ane 109 bona guriguri.

December 27 Purana

Ane 166

10 min: Kongregesen ena hadibaia herevadia. Bema emui kongregesen ese hebou negadia idia haidaua lagani matamata totona, ibounai hagoadaia unai nega matamatadia ai hanaihanai hebou idia lao henidia. Namona be Baibel stadi bona kamonai taudia dekenai idia haidaua negadia hadibaia, bona unai sediual matamata idia hahedinaraia boiboi pepadia gaukaralaia matamaia. Ibounai hadibaia December ena ripoti idia henia totona.

15 min: Ura Lasi Herevadia Haerelaia Daladia. Helai taudia ida kikilaia bona haheitalai haida hahedinaraia. Buka Helaga Herevalaia bukana ena rau 17-18 dekenai “Hereva Haida” duahia. “Ura lasi herevadia” rua eiava toi rau 18-22 amo oi abia hidi, eiava nega momo emui teritori dekenai umui kamonai herevadia oi gaukaralaia. Koua herevadia haida riviulaia, bona emui gabu ai namo idia havaraia diba ena badina tahua. Haheitalai kwadogidia amo haida haheitalaia. Helai taudia oi noia idia gaukaralaia bona namo idia havaraia haere herevadia idia herevalaia.

20 min: January Lalonai Buka Gunadia Hariharilaia. Hereva bona haheitalai haida. Rau 192 buka gunadia, lagani 1986 do lasi neganai idia halasia bona kongregesen lalonai idia noho gaudia, rua eiava toi hahedinaraia bona pablisa taudia oi hagoadaia haida idia abia haroro gaukara totona. (Bema idia noho lasi neganai, January ena henia gauna ma ta oi kikilaia.) Unai buka gunadia ese anina namona idia havaraia ena badina, taunimanima edia ura Baibel dekenai idia habadaia, oi gwauraia hedinarai. Buka ta ta ai hereva hamatamaia totona idia gaukaralaia diba hereva badadia bona laulau hahedinarai. Haheitalai ta o rua amo karaia dalana hahedinaraia. Bema kamonai taudia umui davaria, Dahaka Ita Karaia? buklet umui gaukaralaia diba stadi umui hamatamaia totona.

Ane 224 bona guriguri.

January 3 Purana

Ane 10

8 min: Kongregesen ena hadibaia herevadia.

17 min: Namona be Haere Henia Dalana Oi Diba. (Kol. 4:6) Hereva oi henia bona helai taudia ida oi kikilaia. Buka Helaga Herevalaia bukana be heduru gauna namona, Baibel ena hereva momokani be ma haida dekenai ita herevalaia totona. Bema ruma tauna ta ese iseda hahediba herevana ta ia hepapahuahulaia, reana “Bema Ta Ia Gwau” kahana ita gaukaralaia diba​—unai hahediba herevana ia herevalaia kahana ena dokona dekenai. Baibel dainai idia gwauraia herevadia be rau 60-63 ai oi herevalaia, bona idia noho haere be reana namo idia havaraia diba ena badina oi gwauraia.

20 min: Haroro naria tauna ese April 1998 Iseda Basileia Gaukara lalonai idia udaia pepana amo “Baibel Stadi Ma Haida Ita Tahua” herevana be helai taudia ida ia kikilaia. Kongregesen ai idia karaia Baibel stadi karana riviulaia. Bema kongregesen ese unai kara idia goadalaia oi hanamodia. Idia hanamoa diba gaudia Baibel stadi karana hamatamaia bona karaia totona, ruma bese ena stadi karana lalonai danu, oi hahedinaraia.

Ane 56 bona guriguri.