Haroro Sikuli Ena Henanadai

Haroro Sikuli ena henanadai September 6 ia lao December 20, 1999, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Iehova ese nega ia henia taunimanima be sibodia idia naria totona, unai amo do ia hamomokania iena lohia dalana be hanaihanai momokani bona maoromaoro. (Deut. 32:4; Iobu 34:​10-​12; Ier. 10:23) [1, w97 2/15 rau 5 par. 3] Momokani.

2. Baibel ia hahedinaraia Dirava ese maumau karadia ibounai ia gwauraia dika. [3, w97 12/1 rau 30 par. 3-4] Koikoi. Ita noholaia tanobada dikana lalonai kara gageva momo idia vara bona ta ese ia hamaoromaorodia be namo.

3. Tama sina ese natudia idia koua memero kekeni haida eiava bema ia be mero bona idia koua kekeni ia bamodia momo lasi totona o bema ia be kekeni bona idia koua memero ia bamodia momo lasi totona, namona be natudia idia abia dae unai ese idia ia naria bona vaira negana ai namo do ia havaraia. (Aon. 6:23; 13:20; 3:31) [5, fl rau 166 par. 13] Momokani.

4. Mareko 6:​31-​34 ia hahedinaraia Iesu be hutuma edia gorere bona ogogami sibona dainai ia hebogahisi henidia. [6, w97 12/15 rau 29 par. 1] Koikoi. Iesu ese taunimanima ia hebogahisi henidia badina lauma dalanai idia dabu. Edia tomadiho gunalaia taudia ese idia durudia lasi.

5. Bema Keristani mamoe idauna tauna ta be Iesu ena mase ena Memorial hebou dekenai ia lao henia diba lasi, ia ese Numera 9:​10, 11 ena hakaua herevana hegeregerena ai hua ta murinai ia karaia be namo. (Ioa. 10:16) [7, Wiki ta ta ena Baibel duahiduahi; w93 2/1 rau 31 par. 9 itaia.] Koikoi. “Mamoe idaudia” be paraoa idia ania lasi bona uaina idia inua lasi dainai, ia totona hebou ma ta be hua ta murinai do idia karaia lasi.

6. Bema ta ese taunimanima ma ta ia kara dika henia eiava taunimanima ta ese ia ia kara dika henia, namona be kara ta ia karaia unai hekwakwanai hamaoromaoroa totona. (Mat. 5:​23, 24; Ef. 4:32) [7, rs rau 237 sinado ginigunana] Momokani.

7. Iehova ena Witness taudia ese kara maoromaoro idia badinaia bona idia abidadama heheni dainai, idia ta be ma ta ida bisinesi karadia idia karaia neganai, kontraka pepana idia torea be gau badana lasi. [10, w97 8/1 rau 30-1] Koikoi. Keristani taudia huanai kontraka pepadia idia torea be ta ta idia abidadama henia lasi dainai idia karaia lasi, to unai kara be Baibel ena hereva hegeregerena, ia be mai ena namo bona ia be lalokau karana ta.

8. Lagani 1530 ai, English gado ai Heberu Revarevadia ia hahanaia neganai, William Tyndale be Dirava ena ladana, Iehova, ia gaukaralaia tauna ginigunana. [12, w97 9/15 rau 28 par. 3] Momokani.

9. Hari inai nega ena heau mauri hanuana be Dirava ena hahemauri dalana, iena taravatu, rara ena helaga taravatuna, ita utua dainai do ita mase garina ita ia hamauria dalana unai. (Num. 35:11) [15, Wiki ta ta ena Baibel duahiduahi; w95 11/15 rau 17 par. 8 itaia.] Momokani.

10. Deuteronomi, anina be “Taravatu Iharuana,” be ladana maorona badina unai Baibel bukana ese Taravatu ia gwauraia lou sibona. [16, Wiki ta ta ena Baibel duahiduahi; si Dec. 20 par. 4 itaia.] Koikoi. Deuteronomi 1:5 ena hereva hegeregerena, ia be Taravatu ia hadibaia, bona hari inai negai ita dekenai namo idia havaraia mai anina bada hakaua herevadia momo ia herevalaia.

Henuna henanadai oi haerelaidia:

11. Pentekoste ena Aria neganai hahelaga tauna badana ese ia bouboulaia hatubua paraoa rua be dahaka idia laulaulaia? (Lev. 23:​15-​17) [3, Wiki ta ta ena Baibel duahiduahi; w98 3/1 rau 13 par. 21 itaia.] Unai hatubua paraoa rua ese 144,000 goevadae lasi taudia, Iesu ese Dirava totona ia hoidia ‘Basileia ta bona Dirava ena hahelagaia taudia’ ai do idia lao taudia, idia laulaulaia. Unai lohia taudia be goevadae lasi taudia edia kahana rua, Iuda taudia bona Idau Bese taudia, amo idia mai be unai hatubua paraoa rua ese idia laulaulaia diba danu. (Apok. 5:​9, 10; 14:​1, 3) (Unai bamona hereva ia hegeregere)

12. Keristani taudia edia Iubili be edena negai ia matamaia, bona unai nega ai dahaka amo idia ia ruhaia? (Lev. 25:10) [4, Wiki ta ta ena Baibel duahiduahi; w95 5/15 rau 24 par. 14 itaia.] Ia be Pentekoste 33 C.E. ai ia matamaia, lauma helaga idia abia taudia be Mose ena Taravatu gwauhamatana amo ia ruhaia neganai.

13. Numera bukana ena hereva hegeregerena, dahaka gau toi ita karaia be namo hahemauri ita abia totona? [5, si Oct. 4 par. 1] (1) Iehova ena ladana do ita hahelagaia, (2) nega ibounai ia do ita kamonai henia, bona (3) iena ladana ai idia gaukara taudia do ita matauraia.

14. Mose ese edena dala ai ia hahedinaraia namo herea ia be mama tauna lasi? (Num. 11:29) [8, Wiki ta ta ena Baibel duahiduahi; w95 9/15 rau 18 par. 11 itaia.] Ma haida ese dagi namodia idia abia neganai, ia moale. Ia ura lasi ia sibona be hairai do ia abia.

15. Kora, Datana, bona Abirama edia sivarai ese edena bamona ia hahedinaraia idia vara gaudia be matana amo ita itaia karana ese reana abidadama ia havaraia lasi? [9, w97 3/15 rau 4 par. 2] Idia ese Aigupito hadikaia hisihisi 10, hoa dalanai Israela besena be Davara Kakakakana lalonai idia heau mauri, Farao bona ena tuari oreana idia mase ore, bona Sinai Ororona ai Iehova ena siahu bada idia itaia. To, daudau lasi murinai, idia ese Dirava bona ena abia hidi hesiai taudia idia gwau-edeede henia. (Eso. 7:19–​11:10; 12:​29-​32; Num. 16:​1-​35; Deut. 4:​11, 12; Sal. 136:15) (Unai bamona hereva ia hegeregere)

16. Genese 2:24 bona Efeso 5:23 edia hakaua hereva hegeregerena, tama sina ese edia natudia badadia be edena bamona idia kara henia be namo? [9, fl rau 174-5 par. 9-11] Natudia idia headava murinai, tama sina ese, guna idia kara henidia hegeregerena do idia kara henia lasi. Abia hidi karaia be hari ruma bese matamatana ena kwarana, tau, ena maduna.

17. Numera 26:​64, 65 amo, dahaka mai anina bada gauna ita dibaia? [12, Wiki ta ta ena Baibel duahiduahi; g75-E 8/8 rau 10-11 par. 1-8; w97 12/1 rau 13 par. 14 itaia.] Kara dika ita karaia neganai anina dikana do ita davaria.

18. Pineha ena haheitalai ese edena bamona ita ia durua eda gwauhamata Iehova dekenai ena anina ita lalo-pararalaia totona? (Num. 25:11) [12, Wiki ta ta ena Baibel duahiduahi; w95 3/1 rau 16 par. 12-13 itaia.] Pineha ese Iehova dadaraia karadia ibounai ia dadaraia hegeregerena, namona be iseda kudouna ai eda gwauhamata karana Iehova dekenai be gau ta ese do ia koua lasi.

19. Heau mauri hanuana ese ia laulaulaia gauna lalonai ia noho tauna be edena dala ai “hanua ia rakatania” diba? (Num. 35:26) [15, Wiki ta ta ena Baibel duahiduahi; w95 11/15 rau 20 par. 20 itaia.] Bema ena kudouna lalonai ia ese Satani ena tanobada ia ura henia matamaia.

20. Edena dala ai Codex Sinaiticus be Baibel hahanaia gaukarana ia durua bada? [13, w97 10/15 rau 11 par. 2] Badina ia be gado ginigunadia edia revareva ginigunadia ta dainai, ia hahedinaraia Greek Revarevadia be idia idau lasi bona diba taudia ia durua danu, revareva gabedia ai idia vareai kereredia idia davaria totona.

Henuna herevadia dekenai idia torea lasi herevadia oi torea:

21. Dirava ese kara dika ia koua lasi badina ia ura hamomokania vaitani ia sibona be Lohiabada bona ia havaraia gaudia ibounai be maino ai idia noho bona idia moale totona iena taravatu idia badinaia be mai anina bada. (Sal. 1:​1-3; Aon. 3:​5, 6; Had. 8:9) [1, w97 2/15 rau 5 par. 4]

22. Levitiko bukana ese ia hahedinaraia goevagoeva rara be helaga, ia hahedinaraia rara gaukaralaia dalana maorona tamona be kara dika kokia totona. [4, si Sept. 27 par. 33]

23. Salamo 144:15b hegeregerena moale korikorina be iseda kudouna ai ia vara gauna ena badina be abidadama momokani bona Iehova Dirava tura henia namonamo karana. [7, w97 3/15 rau 23 par. 7]

24. Heberu Baibel be Greek besena taudia ese idia manadalaia Greek gadona ai idia hahanaia bona lagani 150 B.C.E. bamona ai idia haorea gauna, ena ladana idia hatoa Septuagint; Jerome ese Latin gado dekenai ia hahanaia Baibel ena ladana idia hatoa Vulgate, eiava Iboudiai Edia, bona ia be lagani 400 C.E. bamona ai ia torea haorea. [11, w97 8/15 rau 9 par. 1; rau 10 par. 4]

25. Iuda ese Balama bona Kora edia sivarai Numera bukana lalonai ia gaukaralaia, idia amo Keristani taudia ia sisiba henia mataganigani bona gwau-edeede karadia edia tarapu idia dadaraia totona. [15, si Dec. 13 par. 35]

Henuna herevadia dekenai haere maorona oi abia hidi:

26. Lagani ta ta ai, (Au Raurau Ruma Maragidia Ariana; Kara Dika Ena Davana Karaia Dinana; Pasova) dekenai, Israela besena ibounai, bona Iehova idia tomadiho henia idau bese taudia idia bogaraginai, be taravatu hegeregerena (gaukara idia karaia lasi; edia kohu kahana 10 amo kahana ta idia henia; anina ginigunadia do idia henia) bona aniani idia ania lasi. (Lev. 16:​29-​31) [1, Wiki ta ta ena Baibel duahiduahi; w96 7/1 rau 10 par. 12 itaia.]

27. New World Bible Translation Committee ena tahua gauna ta be (hereva ta ta hegeregerena ai idia hahanaia; gado ginigunadia edia hereva be sibona edia hereva amo idia hahanaia; hahediba herevana ta idia lalo-pararalaia dalana ida idia hatamonaia.) Unai hahanaia dalana ese duahia tauna dekenai gado ginigunadia edia mamina ia henia bona idia lalohadailaia dalana danu. [13, w97 10/15 rau 11 par. 5]

28. Heberu 13:19 ena hereva hegeregerena, orea tamona taudia edia guriguri loulou karana ese (Dirava ese ia koua lasi gaudia; Dirava ia kara negana; Dirava ese dahaka do ia karaia) ia haidaua diba. [8, w97 4/15 rau 6 par. 1]

29. Israela taudia ese ‘edia dabua edia herahera gaudia ta ta edia latanai varo ta, ena kala bulu do idia kwatua,’ badina unai varo (be herahera helagana; be hemataurai ena toana; idia itaia neganai, idia laloatao idia be Iehova ena bese taudia dainai tanobada amo idia idau). (Num. 15:​38, 39) [9, Wiki ta ta ena Baibel duahiduahi; w84 7/1 rau 20 par. 16 itaia.]

30. Deuteronomi bukana be (hua rua; lagani tamona; lagani rua) lalonai idia vara gaudia ia herevalaia, bona lagani (1513; 1473; 1467) B.C.E. ena matamana kahanai ia torea ore. [16, si Dec. 20 par. 6 itaia.]

Henuna herevadia dekenai siri maorona oi abia hidi:

Num. 16:​41, 49; Aon. 23:22; Mat. 16:​16-18; Mat. 19:9; Mat. 20:28

31. Kara dika kokia dalana be Iesu Keriso ena mauri davalaia boubouna. [Mat. 20:28] [2, w97 7/15 rau 6 par. 6, 7]

32. Baibel ese headava hadokoa bona ma ta adavaia diba ena badina maorona tamona ia hahedinaraia, unai be heudahanai karana. [Mat. 19:9] [8, fl rau 172 par. 5]

33. Aonega tauna ese ena tama sina edia sisiba do ia kamonai henia ena be idia buruka vadaeni. [Aon. 23:22] [3, fl rau 163-4 par. 7, 8]

34. Iehova ese ena abia hidi hesiai taudia amo hahemaoro ia karaia neganai, ena kerere tahua karana ese dika bada ia havaraia diba. [Num. 16:​41, 49] [10, Wiki ta ta ena Baibel duahiduahi; w96 6/15 rau 21 par. 13 itaia.]

35. Ta ia mase dainai taunimanima vairanai sene taitai karadia amo lalohisihisi idia hahedinaraia karana be Baibel ena hahediba herevadia ida idia hegeregere lasi. [Mat. 6:​16-18] [14, rs rau 278 par. 8]