Hesiai Hebou Ena Sediual

February 9 Purana

Ane 225

8 min: Kongregesen ena hadibaia herevadia. Rau 8, ai idia noho magasin herevalaia daladia amo January 15 Watchtower bona January 22 Awake! henia daladia haheitalaia. Unai dala rua dekenai, namona be unai magasin ruaosi ita henia nega tamona, herevana magasin tamona sibona ita herevalaia. Unai haheitalai ta lalonai, idia hahedinaraia edena bamona inai ura lasi herevana, “Lau be mai Egu Tomadiho,” ita hanaia.​​—Herevalaia bukana, rau 21-​22 itaia.

14 min: Kongregesen durua herevana.

23 min: “Iehova Ena Hoa Karadia Gwauraia Noho.”a (Paragraf 1-​10) Haroro naria tauna ese ia karaia. Idia torea henanadai gaukaralaia. Idia oi hagoadaia March, April bona May lalonai haroro gaukara idia habadaia totona.

Ane 90 bona guriguri.

February 16 Purana

Ane 41

10 min: Kongregesen ena hadibaia herevadia. Iseda Basileia Gaukara amo Hadibaia Hereva haida abia hidi.

15 min: “Dirava ese Ia Durua Gaukarana.”b Bema hegeregere, Proclaimers bukana, rau 547-8 dekenai idia noho herevadia kikilaia danu.

20 min: “Iehova Ena Hoa Karadia Gwauraia Noho.”c (Paragraf 11-​17) Idia torea henanadai gaukaralaia. Haheitalai kwadogina ta amo oi hahedinaraia, pablisa ta be lou henia tauna ta ia boiria Memorial hebouna dekenai ia lao totona.

Ane 75 bona guriguri.

February 23 Purana

Ane 118

10 min: Kongregesen ena hadibaia herevadia. Akaun ripotina. Rau 8, ai idia noho magasin herevalaia daladia amo February 1 Watchtower bona Awake! matamatana ta henia dalana haheitalaia. Unai dala rua dekenai, namona be unai magasin ruaosi ita henia nega tamona, herevana magasin tamona sibona ita herevalaia. Unai haheitalai ta dokonai, lalona veria henanadai ta oi gwauraia, vadivadi gabena ai Dahaka Ita Karaia? buklet amo oi haerelaia totona.

15 min: “Hebou Lao Henia Hanaihanai Karana​​—Atoa Guna.”d Pablisa ta eiava rua oi abia hegaegae guna, idia ese kongregesen heboudia ta ta idia reaia lasi totona dahaka idia karaia idia herevalaia.

20 min: “Hebou Taudia Edia Vairanai” Iehova Ita Hanamoa. Helai taudia ida Tiokratik Haroro Sikuli amo Heduru Oi Abia bukana, rau 70; October 1, 2002, Gima Kohorona, rau 6-7; June 1995 ena Iseda Basileia Gaukara, rau 2 amo Henanadai Mauana umui herevalaia. (1) Salamo 22:​22, 25 ese hebou dekenai ita haere ena badina be edena bamona ia herevalaia? (2) Dahaka dainai guriguri be heduru gauna? (2 Tim. 1:​7, 8) (3) Dahaka dainai ita hegaegae be namo? (4) Hebou dekenai, ita ibounai eda tahua gauna be dahaka? (5) Dahaka dainai platfom kahirakahira ita helai be namo? (6) Dahaka dainai ma haida idia hereva lalonai, ita kamonai be gau badana? (7) Edena dala ai ita sibona eda hereva amo haere ita henia diba? (8) Edena bamona eda haere amo ma haida ita hagoadaia diba? Namona be hebou ena kahana ta ia hakaua tadikaka ese inai gaudia ia laloatao: haere ta ta ia kamonai henia namonamo; idia haerelaia vadaeni henanadai ia gwauraia lou lasi; matamatadia bona idia hemarai taudia edia haere dainai ia hanamodia; ia sibona ese gau ibounai ia herevalaia lasi; namona be imana ia abia isi tauna ginigunana ia boiria haraga lasi to ia naria sisina, tadikaka bona taihu ma haida idia haere danu be namo; bema ta ese haere kererena ia henia, ia hahemaraia lasi be namo; tadikaka bona taihu idia haere totona, namona be henanadai haida ia gwauraia lasi, hegeregere, ‘Ta be mai ena lalohadai ta?’ ‘Inai be emu nega namona oi haere totona!’; namo lasi tadikaka edia hemami oi hadikaia badina stadi ena matamanai idia haere lasi, to idia ia hagoadaia idia haere totona.

Ane 81 bona guriguri.

March 1 Purana

Ane 156

10 min: Kongregesen ena hadibaia herevadia. Pablisa taudia hadibaia lou February ena haroro ripoti idia henia totona. March ena henia gauna herevalaia, bona nega kwadogina lalonai, January 2002 ena Iseda Basileia Gaukara lalonai idia udaia pepana amo haroro gaukara totona idia gwauraia kiki herevadia ta riviulaia.

15 min: “Edena Dala ai Witnes Lasi Adavadia Ita Durua Diba?”e Hereva momokani idia abia dae adavana ta eiava rua inteviu henidia, idia be edia adavadia edia haheitalai namona dainai idia danu be Iehova ena hesiai taudia ai idia lao.

20 min: “Iehova Ena Ura Gaudia Ita Karaia Diba.”f Idia torea henanadai gaukaralaia. Bema nega ia hegeregere, idia gwauraia siridia herevalaia.

Ane 98 bona guriguri.

[Footnotes]