Kara Namo Dekenai Dahaka Ia Vara?​—Baibel be Dahaka Ia Gwau?

Taunimanima momo be kara namo idia hahedinaraia lasi. Gorere taudia ese edia doketa dekenai idia hereva auka; Restaurant ai idia aniani taudia be weita taudia idia kara namo henia lasi, pasendia taudia ese flight attendant taudia idia gwau henia, natudia ese tisa taudia idia hevasehalaia, hagaria bona idia heatu henia, bona politik taudia haida be koikoi karadia idia karaia bona idia haida be sibona edia kara namo idia heagilaia.

Baibel ena hakaua hereva sibona ese ita dekenai kara namodia ia hadibaia. Danu, ita dekenai taunimanima be kara namo idia hahedinaraia lasi ena badina ia gwauraia.

Kara Namo Dekenai Dahaka Ia Vara?

Tanobada ibounai ai, taunimanima momo be kara namo idia hahedinaraia lasi.

• Vanegai ena Gallup poll ese ia hahedinaraia, America taudia idia gwau, United States ai, taunimanima momo be kara namo idia hahedinaraia lasi, badina idia hanaia lagani 22 lalonai be unai bamona lasi.

• Ripoti ma ta ai, tano 28 lalonai taunimanima 32,000 mai kahana amo, 65 pesen idia gwau, hari taunimanima edia kara be ia dika momokani.

Hari ita itaia noho karadia be Baibel ese ia perovetalaia.

• “Dina gabedia ai nega aukadia do idia vara. Taunimanima be sibona do idia laloa bada, do idia mataganigani, hekokoroku, bona sibona do idia laloa bada, hadikaia herevadia do idia gwauraia, tama sina do idia kamonai henia lasi, tanikiu karana do idia diba lasi, . . . do idia dagedage, kara namodia do idia ura henia lasi.”​—2 Timoteo 3:1-3, Good News Translation.

Peroveta hereva idia guguru dalana diba totona, inai atikol “Did the Bible Predict the Way People Think and Act Today?” oi duahia.

Baibel ese kara namo ia hadibaia

Inai tanobada ai, taunimanima milioni momo be Baibel ena hakaua hereva amo kara namodia idia dibaia. Baibel ena sisiba maorodia ita “abidadama henia diba, hari ela bona hanaihanai.” (Salamo 111:8) Mani inai ita laloa:

• Baibel ia gwau: “Umui ura taunimanima ese umui dekenai do idia karaia gaudia ibounai be idia dekenai do umui karaia danu.”​—Mataio 7:12.

  Ena anina be: Namona be haida ita kara namo henia bona matauraia, ita ura idia ese ita dekenai idia karaia hegeregerena.

• Baibel ia gwau: “Koikoi karana umui atoa siri vadaeni dainai, umui ta ta ese emui dekena tauna dekenai hereva momokani do umui gwauraia.”​—Efeso 4:25.

  Ena anina be: Namona be mai momokani ida ita kara bona hereva.

Inai topik ena hereva ma haida diba totona, mani inai duahia:

• Gima Kohorona ena sinado “Maoro Bona Kerere—Edena Bamona Do Oi Diba?”

• Inai atikol “Ta Ena Kara Haheaukalaia—Baibel ese Ia Durua Diba.”