LOU HENIA KARAIA NOHO
LESENI 7
Oi Gaukara Goada
Hakaua Hereva: “Sivarai namona idia hadibaia bona harorolaia noho, idia hadokoa lasi.”—Kara 5:42.
Paulo ese Ia Karaia Gauna
1. VIDIO itaia, eiava Kara 19:8-10 duahia. Bena inai henanadai oi laloa:
Paulo be haida ese idia dagedage henia neganai, ia hesiku lasi. Edena dala ai, Paulo ia gaukara goada kamonai taudia ia durua totona?
Nega hida, Paulo be kamonai taudia hadibaia totona ia giroa lou, bona unai ia karaia ena daudau be edena bamona?
Paulo amo Dahaka Ita Dibaia?
2. Namona be iseda nega bona goada ita henia, lou henia bona Baibel stadi ita hamatamaia totona.
Paulo Tohotohoa
3. Kamonai tauna ese ia abia hidi nega hegeregerena emu sediual oi haidaua. Sibona oi nanadaia: ‘Edena nega ai ia do lau hereva henia? Edena nega bona edeseniai ia ura do ai herevahereva?’ Ena be oi dekenai unai be nega maorona lasi, to ia oi lou henia totona, namona be mai ura ida unai oi karaia.
4. Lou henia negana oi gwauraia. Kamonai tauna ida oi kiki murinai, ia oi nanadaia edena nega ai ia do oi hereva henia lou. Namona be emu hereva oi hamomokania.
5. Lalohadai maorona abia. Namo lasi oi laloa; nega momo ruma tauna be ia noho lasi, o ia bisi dainai do ia kamonai lasi. (1 Kor. 13:4, 7) To oi gaukara goada noho, bona emu nega oi gaukaralaia namonamo kamonai tauna oi davaria totona.—1 Kor. 9:26.