Kèk chanjman nan reyinyon nou fè nan jou lasemèn nan

Apati 3 septanm, etid biblik kongregasyon an pap dire 25 minit ankò men l ap dire 30 minit. Nan kòmantè frè a ap fè pou l kòmanse etid la, l ap pran yon minit pou l fè revizyon sou etid nou te fè semèn pase a. Kantite tan reyinyon sèvis la dire a ap chanje tou. Li pap dire 35 minit ankò men l ap dire 30 minit. Pap gen yon patisipasyon apa pou anons ankò. Olye de sa, y ap bay tout anons nan kòmansman premye pati pwogram nan. An jeneral, si gen anons ki vrèman nesesè pou yo bay, se ta dwe kèk grenn anons sèlman. Li pa nesesè pou yo di sa k gen nan pwogram reyinyon an. Yo pa dwe bay anons pou randevou predikasyon, pou netwayaj ni pou salitasyon lòt kongregasyon voye (km 10/08 p. 1 § 4). Si gen yon anons ki long pou yo bay, l ap bon pou frè k ap patisipe nan reyinyon an konn sa alavans dekwa pou yo ka fè patisipasyon pa yo a pi kout.