Ki sa w ap di si se yon repondè ?

Telefòn se yon mwayen efikas pou bay temwayaj. Grasa mwayen sa a, ou ka kontakte moun ou pa rive jwenn lakay yo, oswa moun ki abite nan tèritwa kote ou pa ka rive. Sepandan, anpil moun alèkile gen tandans pa reponn telefòn. Yo kite yon repondè fè travay sa a pou yo. Lè se yon repondè ki reponn, ki sa pou w fè ? Ou pa bezwen fèmen telefòn nan. Okontrè, se pou w byen prepare yon repons sou papye pou w li nan telefòn nan. Fè kèk repetisyon, ak yon vwa ki agreyab, tankou se konvèsasyon w ap fè ak yon moun. Ki sa w ka di ?

Yon fason kòdyal, ou ta gen dwa envite moun ki nan kay la pou l vin asiste pwochen reyinyon piblik nan Sal Wayòm nan. Ou ta ka di : “ Mwen byen regrèt mwen pa jwenn ou lakay ou. Si w ta renmen koute yon diskou ki baze sou Labib [bay tit diskou piblik la], mwen envite w silvouplè, vini nan Sal Wayòm Temwen Jewova yo. Nou envite tout moun. Nou pa janm fè lakolèt. ” Annapre, bay jou ak lè reyinyon an byen klè, bay adrès Sal Wayòm nan, oswa esplike ki jan yon moun ka rive nan Sal la.

Se pou w veyatif pou w remake kèlkeswa moun ki vin asiste reyinyon pou premye fwa. Fè konesans avèk yo, epi fè yo santi ou kontan wè yo. Pa bliye ofri yo yon etid biblik gratis !