Ճշդումներ՝ Յայտնութիւն—անոր հոյակապ յանգումը մօտ է գրքին

Վարը նշուած են՝ 2001–ին լոյս տեսած Յայտնութիւն—անոր հոյակապ յանգումը մօտ է գրքին գլխաւոր ճշդումները։ Այս ցանկը չի պարփակեր, զոր օրինակ, կարգ մը վիճակագրական ճշդումներ, զորս կարելի է գտնել ընթացիկ Տարեգիրք–ին եւ այլ հրատարակութիւններու մէջ։

ԳԼՈՒԽ 4

Էջ 19, պարբ. 4, վերջին նշուած համարը ջնջէ. Մատթէոս 25։31-33

ԳԼՈՒԽ 5

Էջ 24, պարբ. 3, ստորանիշը փոխարինէ. Մանրամասն բացատրութեան համար, տես Աստուածաշունչը իրապէս ի՞նչ կը սորվեցնէ գիրքը, էջ 88-92, 215-218, հրատարակուած՝ Եհովայի Վկաներուն կողմէ։

ԳԼՈՒԽ 6

Էջ 30, պարբ. 12, վեցերորդ նախադասութիւնը փոխարինէ. Վերջապէս, Հռովմէացի Կոստանդին Կայսրը «քրիստոնէական» կրօնքին պետական ճանաչում շնորհեց, եւ ասիկա յառաջ բերաւ Քրիստոնեայ Աշխարհը, ուր Եկեղեցին եւ Պետութիւնը իրենց ուժերը միացուցին, հազար տարի տիրելու համար։

Էջ 32, շրջանակ, առաջին պարբերութիւնը փոխարինէ. Յիսուս Յորդանան Գետին մէջ մկրտուեցաւ եւ որպէս նշանակուած Թագաւոր օծուեցաւ Հ.Դ. 29 Հոկտեմբերի ատենները։ Երեքուկէս տարի ետք՝ Հ.Դ. 33–ին, ան Երուսաղէմի տաճարը եկաւ եւ անկէ դուրս նետեց բոլոր անոնք որոնք զայն աւազակներու այր ըրած էին։ Այնպէս կը թուի որ զուգահեռ մը կայ ասոր, եւ երկնքի մէջ, 1914–ի Հոկտեմբերին Յիսուսի գահակալումէն երեքուկէս տարի ետք Քրիստոնէութիւն դաւանողները քննելու համար իր գալուն միջեւ, երբ դատաստանը Աստուծոյ տունէն սկսաւ։ (Մատթէոս 21։12, 13. Ա. Պետրոս 4։17) 1918–ի սկիզբը, Եհովայի ժողովուրդին Թագաւորութեան գործունէութիւնը մեծ հակառակութեան հանդիպեցաւ։ Անիկա համաշխարհային փորձութեան ժամանակ մը եղաւ, եւ վախկոտները մաղուեցան։ 1918–ի Մայիսին, Քրիստոնեայ Աշխարհի կղերները Դիտարանի Ընկերութեան պաշտօնեաներուն բանտարկութիւնը դաւեցին, սակայն, ինը ամիս ետք անոնք ազատ արձակուեցան։ Հետագային, անոնց դէմ եղած ամբաստանութիւնները չեղեալ նկատուեցան։ 1919–էն ի վեր, Աստուծոյ ժողովուրդին կազմակերպութիւնը փորձուած եւ զտուած ըլլալով, նախանձախնդրութեամբ դէպի առաջ ընթացաւ, Քրիստոս Յիսուսի յանձնուած Եհովայի Թագաւորութիւնը ծանուցանելով որպէս մարդկութեան յոյսը։—Մաղաքեայ 3։1-3

ԳԼՈՒԽ 8

Էջ 40, պարբ. 8, տող 6, «125 սխալներ» փոխարինէ. 130 սխալներ

Էջ 40, պարբ. 10, վերջին նախադասութիւնը փոխարինէ. Միայն Միացեալ Նահանգներու Բարձրագոյն Ատեանին մէջ, Եհովայի Վկաները 50 յաղթանակ տարած են։

ԳԼՈՒԽ 10

Էջ 50, պարբ. 11, ստորանիշը փոխարինէ. Օրինակի համար, տես՝ «Հաւատարիմ Քրիստոնեայ Կիներ՝ Աստուծոյ Թանկագին Երկրպագուներ» յօդուածը, Դիտարան 1 Նոյեմբեր 2003 թիւին մէջ։

ԳԼՈՒԽ 11

Էջ 56, պարբ. 9, պարբերութեան երկրորդ մասը փոխարինէ. Ասոր կապակցաբար, Դիտարան պարբերաթերթը մեզ քաջալերած է, հետեւեալին նման խորագրերով՝ «Քննեցէք ձեր անձերը» եւ՝ «Այլեւս մենք մեզի համար չենք ապրիր»։ Հոգեւոր այսպիսի նպաստներ ունենալով, մեր ամենաներքին անձնաւորութիւնը քննենք, մինչ կը ջանանք Եհովայի առջեւ խոնարհութեամբ, բարեպաշտութեամբ եւ ուղղամտութեամբ քալել։—Սաղմոս 26։1-3. 139։23, 24

Էջ 56, պարբ. 9, ստորանիշը փոխարինէ. Տես՝ Դիտարան 1 Օգոստոս 2005 եւ 1 Ապրիլ 2005։

ԳԼՈՒԽ 12

Էջ 61, պարբ. 14, ստորանիշը փոխարինէ. ^# Յովհաննէս դասակարգին կողմէ հրատարակուած Դիտարան պարբերաթերթը շարունակած է ընդգծել այս առիթէն օգտուելու եւ կարելի եղած չափով լիովին քարոզչութեան գործին մասնակցելու ստիպողականութիւնը. օրինակ, 1 Յունուար 2004 համարին մէջ, տեսէք հետեւեալ յօդուածները. «Բոլորս Եհովայի Փառքը Ծանուցանենք», եւ՝ «Բոլոր Երկի՛ր Ելաւ Անոնց Հնչիւնը»։ 1 Յունիս 2004 համարին՝ «Աստուծոյ Փառք Տուողները Օրհնեալ Են» յօդուածին մէջ, շեշտը դրուած էր «բացուած դռնէն» լիաժամ ծառայութեան մէջ մտնելու վրայ։ 2005–ին, 1,093,552 ռահվիրաներու գագաթնակէտ մը տեղեկագրուեցաւ։

ԳԼՈՒԽ 13

Էջ 71, պարբ. 14, տող 5, «1999–ին, միասնաբար աւելի քան 40 միլիոն» փոխարինէ. 2006–ին, միասնաբար աւելի քան 59 միլիոն

Էջ 73, պարբ. 23, տող 13, նշուած համարը ջնջէ. Մատթէոս 25։31

ԳԼՈՒԽ 16

Էջ 90, պարբ. 4, երկրորդ ստորանիշը փոխարինէ. Յիսուս 1914–ին իր Թագաւորութիւնը ստանձնելուն մանրամասնուած ապացոյցին համար տես՝ Աստուածաշունչը իրապէս ի՞նչ կը սորվեցնէ գիրքը, էջ 215-218, հրատարակուած՝ Եհովայի Վկաներուն կողմէ։

Էջ 91, պարբ. 9, վերջին նախադասութիւնը փոխարինէ. Աճը շատ ուշագրաւ եղած է Կաթողիկէ երկիրներու եւ ծանր հալածանք եղող երկիրներու մէջ, ինչպէս Գերմանիա, Իտալիա եւ Ճափոն, ուր ներկայիս 600,000–է աւելի Վկաներ իրենց ծառայութիւնը կը տեղեկագրեն։—Եսայեայ 54։17. Երեմեայ 1։17-19

Էջ 97, պարբ. 28, պարբերութիւնը փոխարինէ. Հոս կարեւոր բանը «մահացու պատուհաս»ն է։ Առաջին Աշխարհամարտի աւերումներուն յաջորդեց սպանական հարբուխը, որ 1918-1919–ի միջեւ, միայն քանի մը ամսուան մէջ, աւելի քան 20 միլիոն մարդկային կեանքեր խլեց։ Երկրի վրայ միմիայն Սէնթ Հէլէնա կղզին խնայուեցաւ այս պատուհասէն։ Հոն ուր բնակչութիւնը մեծ զանգուածներով կը մահանար, դիզուած դիակները այրելու համար թաղման խարոյկներ կը գործածէին։ Իսկ այսօր կան սրտի հիւանդութեան ու խլիրդի ահաւոր պարագաներ, որոնց մեծամասնութիւնը ծխախոտի ապականութեան հետեւանքն է։ «Այլանդակ տասնամեակ» կոչուած 1980–ական տարիներուն, Աստուածաշունչի չափանիշներուն հակառակ եղող ապրելակերպ մը, «մահացու պատուհաս»ին վրայ աւելցուց ԷՅՏԾ–ը։ 2000–ին, Մ.Ն. Հանրային Առողջապահութեան Բաժանմունքի տնօրէնը նշեց թէ ԷՅՏԾ–ը «հաւանաբար ցարդ աշխարհի տեսած ամենագէշ համաճարակն է»։ Ան ըսաւ թէ աշխարհի տարածքին 52 միլիոն հոգի վարակուեցան Դիմադրողականութեան Անկման Վարակի ժահրով, իսկ անոնցմէ 20 միլիոն հոգի մահացան։ Եհովայի ծառաները որքա՜ն ուրախ են որ իր Խօսքին իմաստուն խրատները զիրենք ետ կը պահեն պոռնկութենէ ու արիւնի սխալ գործածութենէ, որոնց միջոցաւ շատ մը հիւանդութիւններ կը փոխանցուին ներկայիս։—Գործք 15։28, 29. համեմատել՝ Ա. Կորնթացիս 6։9-11

ԳԼՈՒԽ 18

Էջ 106, պարբ. 7, պարբերութիւնը փոխարինէ. Բ. Աշխարհամարտը տակնուվրայութեան ուրիշ ալիք մըն ալ բերաւ։ Իսկ աւելի պզտիկ պատերազմներ, միջազգային ահաբեկչութեան հետ մէկտեղ, կը շարունակեն երկիրը ցնցել։ Ահաբեկիչներու կամ պետութիւններու կողմէ զանգուածային կործանման զէնքեր գործածելու ահաւոր սպառնալիքը շատերը մտահոգութեան կը մատնէ։

Էջ 107, պարբ. 11, չորրորդ նախադասութիւնը փոխարինէ. Այս աշխարհածաւալ ազդարարութիւնը տեղեակ պահած է Սատանայի համաշխարհային դրութիւնը։

ԳԼՈՒԽ 20

Էջ 123, պարբ. 11, չորրորդ նախադասութիւնը փոխարինէ. Այս տպագրութեան ժամանակ, ՄԵՓՍ–ի զանազան տեսակներ կը գործածուին երկրի տարածքին՝ աւելի քան 125 վայրերու մէջ, եւ անոր շնորհիւ կարելի եղած է որ կիսամսեայ պարբերաթերթը՝ Դիտարան–ը աւելի քան 130 լեզուներով միաժամանակ հրատարակուի։

Էջ 128, պարբ. 30, վերջին նախադասութիւնը փոխարինէ. Մարդոց մէջէն միայն փոքրամասնութիւն մը, մէջը ըլլալով 144,000 կնքուածներէն անոնք որ թերեւս տակաւին մարմնի մէջ են եւ ուրիշ ոչխարներէ բաղկացած մեծ բազմութիւն մը, որոնք անոնց հետ պիտի ‘կայնին’, այսինքն՝ պիտի վերապրին։—Երեմեայ 35։19. Ա. Կորնթացիս 16։13

ԳԼՈՒԽ 22

Էջ 143, ենթագլուխը փոխարինէ. Մարախներու Այժմու Պատուհասը

Էջ 146, պարբ. 16, Յայտնութիւն 9։10–ի յաջորդող նախադասութիւնները փոխարինէ. Ասիկա ի՞նչ կրնայ նշանակել։ Երբ Թագաւորութեան գործին մէջ են, Եհովայի Վկաները խօսքով եւ հրատարակութիւններով կը հաղորդեն Աստուածաշունչի վրայ հիմնուած ծանրակշիռ խօսքեր։ Անոնց պատգամը կարիճի նման խայթոց ունի, քանի որ Եհովայի մօտալուտ վրէժխնդրութեան օրուան համար մարդիկը կը զգուշացնեն։ (Եսայեայ 61։2) Հոգեւոր մարախներու ներկայ սերունդը իր կեանքը աւարտելէ առաջ, Եհովայի դատաստանները ծանուցանելու իր աստուածատուր գործը պիտի ամբողջանայ. ի վնաս բոլոր խստապարանոց հայհոյիչներուն։

Էջ 147, պարբ. 17, ստորանիշը փոխարինէ. Այս պարբերաթերթին խորագիրը 1937–ին եղաւ Մխիթարութիւն, իսկ 1946–ին՝ Զարթի՛ր։

ԳԼՈՒԽ 24

Էջ 160, պարբ. 21, տող 11, «այծանման մարդոց» փոխարինէ. հակառակորդներուն

Էջ 160, պարբ. 21, տող 17, «Մատթէոս 25։31-34, 41, 46» փոխարինէ. Փիլիպպեցիս 1։27, 28

Էջ 160, 21 (բ) հարցումը փոխարինէ. Բարի լուրը ինչո՞ւ գէշ լուր մըն է հակառակորդներուն համար։

ԳԼՈՒԽ 25

Էջ 162, պարբ. 4, ստորանիշը փոխարինէ. Այս հոգեւոր մեծ տաճարին մասին մանրամասնութեանց համար տես՝ «Եհովայի Հոգեւոր Մեծ Տաճարը» յօդուածը, Դիտարան 1 Հոկտեմբեր 1996 թիւին մէջ, եւ՝ «Միակ Ճշմարիտ Տաճարը՝ Պաշտամունքի Համար» յօդուածը, Դիտարան 1 Դեկտեմբեր 1972 թիւին մէջ (Անգլերէն)։

Էջ 162, պարբ. 5, երրորդ նախադասութիւնը փոխարինէ. Եբրայերէն Սուրբ Գրութիւններու մարգարէութեանց մէջ, չափելը երաշխիք մը կու տար որ Եհովայի կատարեալ չափանիշներուն հիման վրայ, արդարութիւն ի գործ պիտի դրուէր։

Էջ, 162, պարբ. 7, Յայտնութիւն 11։2–ի յաջորդող երկրորդ նախադասութիւնը փոխարինէ. Ինչպէս պիտի տեսնենք, հոս խօսքը 42 բառացի ամիսներու մասին է, Դեկտեմբեր 1914–էն Յունիս 1918–ը, երբ դաւանեալ Քրիստոնեաներուն բոլորը խիստ փորձի ենթարկուեցան։

Էջ 165, պատկերին խորագիրը փոխարինէ. Զօրաբաբէլի եւ Յեսուի վերակառուցման գործը կը նշէր թէ տէրունական օրուան մէջ, Եհովայի Վկաներուն պզտիկ սկիզբին պիտի յաջորդէր մեծ յաւելում մը։ Վերեւը ցոյց տրուած Պրուքլինի (Նիւ Եորք) մէջ եղածին նման համալիրներ մեծապէս ընդարձակելու հարկը տեսնուեցաւ, իրենց կարիքներուն գոհացում տալու համար

ԳԼՈՒԽ 27

Էջ 185, պարբ. 28, առաջին երկու նախադասութիւնները փոխարինէ. Հալածանքի այս կատաղի հեղեղը իր գագաթնակէտին հասաւ Բ. Աշխարհամարտին։ Եւրոպայի մէջ, շուրջ 12,000 Վկաներ Նացի կեդրոնացման ճամբարներու եւ բանտերու մէջ բանտարկուեցան, եւ շուրջ 2,000 հոգի մեռան։

ԳԼՈՒԽ 28

Էջ 187, պարբ. 4, ստորանիշը փոխարինէ. Յաւելեալ մանրամասնութեանց համար հաճեցէք տեսնել՝ Ուշադրութիւն Ընծայեցէ՛ք Դանիէլի Մարգարէութեան գրքին 165-179–րդ էջերը, հրատարակուած՝ Եհովայի Վկաներուն կողմէ։

ԳԼՈՒԽ 29

Էջ 202, պարբ. 14, 1-3–րդ տողերը փոխարինէ. 144,000–ը «երկրէն գնուած»՝ ‘մարդոց մէջէն գնուած’ են։ Անոնք որդեգրուած են, որպէս Աստուծոյ որդիներ եւ իրենց յարութենէն

ԳԼՈՒԽ 32

Էջ 231, պարբ. 27, վերջին նախադասութիւնը փոխարինէ. Սատանան այս «խաղաղութիւն ու ապահովութիւն» կեղծ ծանուցումին ետին կը կենայ։—Ա. Թեսաղոնիկեցիս 5։2, 3

ԳԼՈՒԽ 33

Էջ 243, պարբ. 21, նախավերջին նախադասութիւնը փոխարինէ. Յատկանշական է որ Պապը իր քարոզին մէջ շատ քիչ ուշադրութիւն ընծայեց Յիսուս Քրիստոսի կամ Աստուծոյ Թագաւորութեան։

ԳԼՈՒԽ 34

Էջ 250, պարբ. 12, ստորանիշ, «1981» փոխարինէ. 1993

Էջ 251, պարբ. 14, պարբերութիւնը փոխարինէ. Վերջին տարիներուն, քաղաքագէտներ «խաղաղութիւն ու ապահովութիւն» արտայայտութիւնը գործածած են՝ մարդկային ծրագիրներ նկարագրելու համար։ Արդեօք աշխարհի առաջնորդներուն կողմէ թափուած այս ջանքերը, Ա. Թեսաղոնիկեցիս 5։3–ի կատարման սկի՞զբն են, թէ ոչ Պօղոս միայն համայն աշխարհի ուշադրութիւնը գրաւող մասնայատուկ դէպքի մը կ’ակնարկէր։ Ասիկա գիտնալու համար պէտք է սպասենք, քանի որ Աստուածաշունչի մարգարէութիւնները յաճախ լիովին կը հասկցուին՝ միմիայն անոնց կատարումէն ետք, կամ երբ կատարման ընթացքի մէջ են։ Մինչ այդ, Քրիստոնեաները գիտեն թէ ազգերը ի՛նչ խաղաղութիւն եւ ապահովութիւն ալ իրագործեն, իրապէս ոչինչ փոխուած պիտի ըլլայ։ Անձնասիրութիւնը, ատելութիւնը, ոճիրը, ընտանեկան քայքայումը, անբարոյութիւնը, հիւանդութիւնը, վիշտը եւ մահը տակաւին գոյութիւն պիտի ունենան։ Անոր համար «խաղաղութիւն ու ապահովութիւն է» կանչ մը ձեզ պէտք չէ մոլորեցնէ, եթէ աշխարհի դէպքերուն իմաստին նկատմամբ արթուն մնաք եւ Աստուծոյ Խօսքին մարգարէական ազդարարութիւններուն ուշադրութիւն ընծայէք։—Մարկոս 13։32-37. Ղուկաս 21։34-36

ԳԼՈՒԽ 36

Էջ 259, պարբ. 4, նախավերջին նախադասութիւնը փոխարինէ. 1914–ին, Յիսուս երկնային Թագաւոր եղաւ, եւ անկէ ի վեր որպէս Եհովայի ընկերակից Թագաւոր ու Դատաւոր, երկրի վրայ իշխանութիւն կը բանեցնէ։

Էջ 266, պարբ. 28, չորրորդ նախադասութիւնը փոխարինէ. Որեւէ ողորմութիւն պիտի չցուցաբերուի, քանի որ Մեծն Բաբելոնը որեւէ ողորմութիւն ցոյց չէ տուած իր զոհերուն հանդէպ։

ԳԼՈՒԽ 38

Էջ 277, պարբ. 17, վերջին երկու նախադասութիւնները փոխարինէ. Եթէ օծեալներէն ոմանք տակաւին երկրի վրայ ողջ են, Քրիստոս իր յաղթանակը ամբողջացնելէ անմիջապէս ետք՝ անկասկած իրենց երկնային վարձատրութիւնը պիտի ստանան եւ հարս դասակարգի իրենց ընկերակիցներուն պիտի միանան։ Ապա Աստուծոյ որոշած ժամանակին, Գառնուկին հարսանիքը տեղի կրնայ ունենալ։

Էջ 277, պարբ. 18, առաջին նախադասութիւնը փոխարինէ. Սաղմոս 45–ի մարգարէական արձանագրութիւնը կը նկարագրէ դէպքերուն շարքաւորումը։

ԳԼՈՒԽ 41

Էջ 296, պարբ. 5, երրորդ նախադասութիւնը փոխարինէ. Եթէ օծեալներէն ոմանք տակաւին երկրի վրայ ողջ են Արմագեդոնէն ետք, շուտով պէտք է մեռնին եւ յարութեամբ իրենց երկնային վարձատրութիւնը ստանան։ (Ա. Պետրոս 4։17. Յայտնութիւն 7։2-4)

ԳԼՈՒԽ 43

Էջ 311, պարբ. 19, «Յայտնութիւն 11։15. 12։10»–ի յաջորդող նախադասութիւնները փոխարինէ. Վերջին ժամանակին ընթացքին, հոգին ու հարսը ուղղաբարոյ անհատները հրաւիրած են որ կենաց ջուրը ձրի առնեն։ Այս գետին ջուրը պիտի շարունակէ այսպիսիներուն մատչելի ըլլալ մինչեւ իրերու ներկայ դրութեան վախճանը, ապա՝ նոր աշխարհին մէջ, երբ Նոր Երուսաղէմը «երկնքէն Աստուծմէ կ’իջնէ»։—Յայտնութիւն 21։2

Էջ 312, պարբ. 26, առաջին երկու նախադասութիւնները փոխարինէ. Այս ծառերը, լաւ ոռոգուած ըլլալով գետէն, կրնան Գառնուկին կնկան 144,000 անդամները պարփակել։ Իրենց երկրային կեցութեան ընթացքին, անոնք ալ Յիսուս Քրիստոսի միջոցաւ կեանքի համար Աստուծոյ ըրած կարգադրութենէն կը խմեն։ Հետաքրքրական է որ Յիսուսի այս հոգիէն ծնած եղբայրները մարգարէաբար կոչուած են «Արդարութեան բեւեկնիներ»։ (Եսայեայ 61։1-3. Յայտնութիւն 21։6)