Համեստ վարքովդ եւ խոր յարգանքովդ կրնաս ամուսինիդ սիրտը շահիլ

Շատ անգամ, Եհովան պաշտող կիներուն քրիստոնէավայել վարքն է, որ կ’օգնէ իրենց ամուսիններուն, որ ճշմարտութիւնը ընդունին։ Բայց ասիկա կրնայ պահանջել, որ անոնք տարիներ շարունակ դժուարութիւններու տոկան (Ա. Պետ. 2։21-23. 3։1, 2)։ Եթէ անարդարութեան զոհը կ’երթաս, շարունակէ բարիով յաղթել չարին (Հռով. 12։21)։ Քու լաւ օրինակովդ կրնաս դրականօրէն ազդել ամուսինիդ, ինչ որ միայն խօսքերով թերեւս բնա՛ւ չկարենաս ընել։

Փորձէ հարցերը դիտել կողակիցիդ ակնոցով (Փլպ. 2։3, 4)։ Կարեկից եղիր եւ լաւագոյնդ ըրէ որ պատասխանատուութիւններդ կատարես, մինչ ամուսինիդ հանդէպ յարգանք կը ցուցնես։ Լաւ մտիկ ըրէ իրեն (Յակ. 1։19)։ Համբերութիւն ունեցիր եւ կողակիցդ վստահեցուր որ զինք կը սիրես։ Նոյնիսկ եթէ կողակիցդ քեզի չափ ազնուութեամբ ու յարգանքով չի վարուիր հետդ, կրնաս ուրախ ըլլալ, որ Եհովան կ’արժեւորէ քու հաւատարմութիւնդ (Ա. Պետ. 2։19, 20)։

ԴԻՏԷ ԵՀՈՎԱՆ ՄԵԶ ԿԸ ԶՕՐԱՑՆԷ ՈՐ ՄԵՐ ԲԵՌԸ ՇԱԼԿԵՆՔ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Կրէյս Լիին ամուսնական կեանքը սկիզբը ինչպէ՞ս էր։

• Ի՞նչը զինք ճշմարտութեան քաշեց։

• Քոյր Լին ինչպէ՞ս կրցաւ դժուարութիւններու դիմանալ իր մկրտութենէն ետք։

• Քոյր Լին ի՞նչ աղօթեց իր ամուսինին նկատմամբ։

• Քոյր Լին իր համեստ վարքին եւ խոր յարգանքին պատճառով ի՞նչ օրհնութիւններ վայելեց։