Աստուածաշունչի Զօրութիւնը Ձեր Կեանքին Մէջ Պատկերիզին Ձգած Տպաւորութիւնները

Հետեւեալ հարցումներուն պատասխանելով, այս պատկերիզին բովանդակած պատգամին հանդէպ ձեր անկեղծ տպաւորութիւնները արտայայտեցէք։ (1ա) Ի՞նչ բան միլիոնաւոր անհատներու զօրութիւն տուած է որ իրենց կեանքը բարեփոխեն։ (Եբր. 4։12) (1բ) Այս զօրութիւնը ձեռք ձգելու եւ զայն անհատի մը կեանքին մէջ ի գործ դնելու համար ի՞նչ բան անհրաժեշտ է։ (2) Աստուածաշունչի ո՞ր համարները մէջբերուած էին, կողակիցներուն օգնելու համար որ (ա) իրենց հաղորդակցութիւնը բարելաւեն եւ (բ) իրենց բարկութիւնը զսպեն։ (3) Ամուսնութեան շուրջ քրիստոնէական տեսակէտը ի՞նչպէս կը բարելաւէ ընտանեկան կեանքը։ (Եփ. 5։28, 29) (4) Եհովա Աստուած ի՞նչպէս կատարեալ օրինակ մը հանդիսացած է, երախաներուն տալով այն երեք բաները որ կ’ուզեն ու որոնց կարիքը ունին, եւ ներկայիս ծնողներ ի՞նչպէս կրնան նոյնը ընել։ (Մար. 1։9-11) (5) Ծնողներ ինչո՞ւ անձամբ պէտք է իրենց զաւակներուն Աստուածաշունչը սորվեցնեն, եւ ի՞նչ ցոյց կու տայ որ ասիկա կանոնաւորաբար պէտք է ըլլայ։ (Բ. Օր. 6։6, 7) (6) Ծնողներ ի՞նչպէս կրնան ընտանեկան ուսումնասիրութիւնը հետաքրքրական դարձնել։ (7) Աստուածաշունչի ուսումնասիրութեան կողքին, Աստուծոյ Խօսքը ծնողները կը մղէ ուրիշ ի՞նչ բան հայթայթելու իրենց զաւակներուն համար։ (8) Աստուածաշունչի խրատը ի՞նչպէս կ’օգնէ ընտանիքներու որ տնտեսական գետնի վրայ չձախողին։ (9) Սուրբ գրային ո՞ր սկզբունքները կ’օգնեն առողջապահական խնդիրները նուազեցնելու։ (10) Աստուծոյ Խօսքին սկզբունքները ի՞նչպէս ձեր կեանքին մէջ փոփոխութիւն մտցուցած են։ (11) Այս պատկերիզը ծառայութեան մէջ ձեր այցելած անհատին դիտել տալը, ինչո՞ւ կրնայ զինք քաջալերել որ տան սուրբ գրային ուսումնասիրութիւն մը ընդունի։