Անձնական հետաքրքրութիւն ցուցաբերէ՝ աչքի լաւ հաղորդակցութեամբ
1 Հանրապէս եւ տուն տունէ վկայելու ատեն, յաճախ մարդոց հետ աչքի հաղորդակցութիւն կը հաստատենք՝ խօսելէ առաջ։ Այդ րոպէին կրնանք անոնց դէմքի արտայայտութենէն եզրակացնել թէ մեր ներկայութեան նկատմամբ ի՛նչ կը զգան եւ նոյնիսկ ի՛նչ տրամադրութիւն ունին։ Անոնք ալ մեր մասին կրնան շատ բան զատորոշել։ Կին մը Վկայի մը այցելութեան մասին ըսաւ. «Կը յիշեմ որ կնոջ ժպտուն դէմքը խաղաղութիւն կ’արտացոլացնէր։ Ասիկա հետաքրքրութիւնս շարժեց»։ Ուստի ան բարի լուրին ականջ տուաւ։
2 Փողոցը կամ այլ հանրային վայրերու մէջ վկայելու ատեն, ուրիշներու հետ աչքի հաղորդակցութիւն հաստատելը ազդու կերպ մըն է՝ խօսակցութեան զարկ տալու։ Եղբայր մը իրեն մօտեցող անհատներուն աչքերուն կը նայի։ Երբ աչքի հաղորդակցութիւն հաստատէ, ան կը ժպտայ ու պարբերաթերթերը կը ներկայացնէ։ Այս մօտեցումը գործածելով, ան հաճելի զրոյցներ կ’ունենայ եւ բազմաթիւ հրատարակութիւններ կը բաշխէ։
3 Ուրիշներու զգացումները զատորոշէ՛. Աչքի հաղորդակցութիւնը կ’օգնէ ուրիշներու զգացումները զատորոշելու։ Օրինակ, անհատին դէմքի արտայայտութիւնը նկատելով, կրնանք զատորոշել թէ ան մեր ըսածը հասկնալու դժուարութիւն ունի, համամիտ չէ, զբաղած է կամ սկսաւ ձանձրանալ։ Ուստի ըստ այնմ կրնանք ներկայացումը փոխել կամ կարճ կապել։ Ուրիշներուն զգացումները զատորոշելով, անոնց հանդէպ մեր անձնական հետաքրքրութիւնը կ’ապացուցանենք։
4 Անկեղծութիւն եւ համոզում. Շատ մը մշակոյթներու մէջ, անհատ մը իր անկեղծ ըլլալը ցոյց կու տայ՝ միւսին աչքերուն նայելով։ Նկատէ Յիսուսի հակազդեցութիւնը երբ աշակերտները հարցուցին. «Ուրեմն ո՞վ կրնայ փրկուիլ»։ Աստուածաշունչը կը տեղեկագրէ. «Յիսուս անոնց նայելով՝ ըսաւ. ‘Ատիկա մարդոց կողմէ անկարելի է, բայց Աստուծոյ կողմէ ամէն բան կարելի է’»։ (Մատթ. 19։25, 26) Անտարակոյս, Յիսուսի աչքերուն արտացոլացուցած համոզումը իր խօսքերուն աւելի կշիռ տուաւ։ Նոյնպէս, աչքի լաւ հաղորդակցութիւն պահելը մեզի պիտի օգնէ որ Թագաւորութեան պատգամը անկեղծութեամբ ու համոզումով ներկայացնենք։—Բ. Կորն. 2։17. Ա. Թես. 1։5