Հարցումի տուփ

◼ Դրան առջեւ Աստուածաշունչի ուսումնասիրութիւն մը վարելու ատեն, հրատարակչուհի մը պէ՞տք է իր գլուխը ծածկէ հրատարակիչի մը ներկայութեան։

Երբ հրատարակչուհի մը հրատարակիչի մը ներկայութեան կանոնաւոր եւ յայտագրուած Աստուածաշունչի ուսումնասիրութիւն մը վարէ, ան պէտք է իր գլուխը ծածկէ (Ա. Կոր. 11։3-10)։ Դիտարան–ի 15 յուլիս 2002 թիւը էջ 27–ին մէջ կը բացատրէ. «Ասիկա նախապէս ծրագրուած ուսումնասիրութեան պահ մըն է, ուր վարողը ինք կը գլխաւորէ։ Այսպիսի պարագաներու, ուսումնասիրութիւնը ժողովքային կարգադրութեան մէկ մասը կը դառնայ։ Եթէ մկրտուած քոյր մը այսպիսի ուսումնասիրութիւն մը վարէ մկրտուած եղբօր մը ներկայութեան, ան պէտք է իր գլուխը ծածկէ»։ Ասիկա կիրարկելի է, ուսումնասիրութիւնը ըլլայ տունի մէջ, դրան առջեւ, կամ ուրիշ տեղ։

Միւս կողմէ, եթէ դրան առջեւ Աստուածաշունչի ուսումնասիրութիւն մը տակաւին չէ հաստատուած, քոյրը պէտք չունի գլուխը ծածկելու հրատարակիչի մը ներկայութեան, նոյնիսկ եթէ վերայցելութեան նպատակն է Աստուածաշունչի ուսումնասիրութիւն մը ցուցադրել կամ նիւթ մը նկատի առնել ուսումնասիրելիք հրատարակութենէ մը։ Քանի որ դրան առջեւ ուսումնասիրութիւնները յաճախ աստիճանաբար կը հաստատուին,– շարք մը վերայցելութիւններ կատարելէ ետք,– հրատարակչուհիները պէտք է պարագաները նկատի առնեն եւ բանաւորութեամբ որոշեն թէ ո՞ր հանգրուանին պէտք է իրենց գլուխը ծածկեն։