Մարդիկ իրենց վստահութիւնը կը կորսնցնեն քաղաքագէտներու հանդէպ. Աստուածաշունչը ի՞նչ կ’ըսէ

2024–ը առաջին տարին է, որուն ընթացքին սովորականէն շատ աւելի ընտրութիւններ պիտի ըլլան աշխարհի չորս կողմը։ Բայց շատեր իրենց վստահութիւնը կը կորսնցնեն քաղաքագէտներու հանդէպ։

• «Փորձագիտանքի մը ժամանակ, ամերիկացիներուն մեծամասնութիւնը ըսաւ, որ «քաղաքագէտներուն մեծամասնութիւնը անձնասէր պատճառներ ունի» եւ թէ անոնք փափաք չունին լաւ բաներ ընելու իրենց ժողովուրդին համար (Pew Research Center, 19 սեպտեմբեր 2023)a։

Շատ մը երիտասարդներ ալ իրենց վստահութիւնը կորսնցուցած են քաղաքագէտներու հանդէպ։

• «Այսօր, թէեւ երիտասարդները կ’ուզեն կարեւոր խնդիրներու լուծումները տեսնել, բայց փորձագիտանքներու ժամանակ, կ’ըսեն որ քաղաքագէտները այդ լուծումները չունին» (The New York Times, 29 յունուար 2024)։

• «Փորձագիտանքի մը համաձայն, պատանիները աւելի կը վստահին YouTube–ի վրայ վիտէօներ պատրաստողներուն, քան՝ քաղաքագէտներուն» (The Korea Times, 22 յունուար 2024)։

Կրնա՞նք քաղաքագէտներուն վստահիլ եւ ըսել, որ անոնք աւելի լաւ ապագայ մը պիտի բերեն։ Եթէ ոչ, լաւ որո՞ւ կարելի է վստահիլ։

Ուշադիր եղիր, թէ որո՛ւ կը վստահիս

Մարդիկ իրաւունք ունին զգոյշ ըլլալու, թէ որո՛ւ կը վստահին։ Աստուածաշունչը կ’ըսէ, որ «միամիտ մարդը ամէն խօսքի կը հաւատայ, բայց խելացին իր քայլերը կը քննէ» (Առակաց 14։15)։

• Գիտնալու համար, թէ քու լսած կամ կարդացած ո՛ր տեղեկութիւնները ճիշդ են եւ որո՛նք՝ սխալ, նկատի առ օգտակար առաջարկներ՝ «Ինչպէ՞ս կրնաս ինքզինքդ պաշտպանել սխալ տեղեկութիւններէ» յօդուածին մէջ (արաբ.)։

Ասկէ զատ, նոյնիսկ ամէնէն անկեղծ եւ լաւ միտումներ ունեցող քաղաքագէտներուն կարողութիւնները սահմանափակ են։ Անոր համար, Աստուածաշունչը կը զգուշացնէ.

• «Յոյս մի՛ դնէք իշխողներուն, մարդ արարածին վրայ, փրկութիւն մի՛ սպասէք անոնցմէ» (Սաղմոս 146։3, ՆԹ)։

Առաջնորդ մը՝ որուն կրնաս վստահիլ

Աստուածաշունչը կը բացատրէ, որ Աստուած նշանակած է ամէնէն կարող եւ վստահելի առաջնորդը. Յիսուս Քրիստոս (Ղուկաս 1։32, 33)։ Յիսուս Աստուծոյ Թագաւորութեան Թագաւորն է։ Աստուծոյ Թագաւորութիւնը կառավարութիւն մըն է, որ երկինքէն կ’իշխէ (Մատթէոս 6։10)։

• Տես թէ ինչո՛ւ կրնաս Յիսուսին վստահիլ եւ թէ ան ի՛նչ պիտի ընէ՝ մեր խնդիրները լուծելու համար։ Կարդա՛ «Ո՞վ է Աստուծոյ Թագաւորութեան Թագաւորը» եւ «Աստուծոյ Թագաւորութիւնը ի՞նչ պիտի իրագործէ» յօդուածները։