10 “Mgbe Jehova bụ́ Chineke gị ga-akpọbata gị n’ala ọ ṅụụrụ nna nna gị hà, bụ́ Ebreham, Aịzik, na Jekọb iyi na ọ ga-enye gị,+ bụ́ nnukwu obodo mara mma ndị ọ na-abụghị gị rụrụ,+ 11 ụlọ ndị ụdị ihe ọma dị iche iche juru bụ́ ndị ị na-arụghị ọrụ nweta, olulu mmiri ndị ọ na-abụghị gị gwuru, nakwa ubi vaịn na osisi oliv ndị ọ na-abụghị gị kụrụ, gị erie ihe rijuo afọ,+ 12 lezie anya ka ị ghara ichefu Jehova,+ onye kpọpụtara gị n’ala Ijipt, n’ebe ị nọ na-agba ohu.*

 4 E nweghị uru akụnụba ga-aba n’ụbọchị oké iwe.*+

Ma, ọ bụ ezi omume ga-anapụta mmadụ n’ọnwụ.+

 4 Adọgbula onwe gị n’ọrụ ka ị kpata akụ̀.+

Kwụsị ime otú ahụ, kama gosi na ị na-aghọta ihe.*

19 “Kwụsịnụ ịkpakọtara onwe unu akụ̀ n’ụwa,+ ebe ọ ga-ata nchara, egu* erichapụkwa ya, ebe ndị ohi na-abanye zuo ohi.

24 “O nweghị onye ga-abụli ohu nna ukwu abụọ. N’ihi na, ma ọ́ bụghị na ọ ga-akpọ otu asị ma hụ onye nke ọzọ n’anya,+ ya abụrụ na ọ ga-arapara n’otu ma leda onye nke ọzọ anya. Unu agaghị abụli ndị ohu Chineke na nke Akụnụba.+

36 N’eziokwu, olee uru ọ ga-abara mmadụ ma o nwetachaa ụwa niile ma tụfuo ndụ* ya?+

15 Ọ gwaziri ha, sị: “Lezienụ anya ka unu ghara inwe ụdị anyaukwu ọ bụla,+ n’ihi na mmadụ nwegodị ọtụtụ ihe, ihe o nwere anaghị eme ka ọ dị ndụ.”+

17 Na-agwa ndị bara ọgaranya n’oge a* ka ha ghara ịdị mpako, ka ha gharakwa ịtụkwasị akụnụba a na-ejighị n’aka obi,+ kama, ka ha tụkwasị Chineke obi, onye na-enye anyị ihe niile na-akpa anyị mmaji kwuru mmaji.+

16 n’ihi na ihe niile dị n’ụwa, ya bụ, ihe na-agụ anụ ahụ́ agụụ+ na ihe na-agụ anya agụụ+ na mmadụ igosi ihe ndị o nwere,* esighị n’ebe Nna anyị nọ, kama o si n’ụwa.