13 Devid asị Gad: “Ihe a na-agbawa m obi. Biko, ka m daba n’aka Jehova, n’ihi na ọ na-eme ebere nke ukwuu.+ Ma, ka m ghara ịdaba n’aka mmadụ.”+

15 Ma Jehova, ị bụ Chineke nwere ọmịiko* ma na-eme ebere.

Ị naghị ewe iwe ọsọ ọsọ, ịhụnanya gị dị ukwuu, ị bụkwa onye e kwesịrị ịtụkwasị obi.*+

 7 Ka onye ajọ omume hapụ ụzọ ọjọọ ọ na-eso.+

Ka onye ọjọọ kwụsị iche echiche ọjọọ.

Ya lọghachikwute Jehova, onye ga-emere ya ebere.+

Ya lọghachikwute Chineke anyị, n’ihi na ọ ga-agbaghara ya mmehie ya kpamkpam.+

3 Ka e too Chineke, bụ́ Nna nke Onyenwe anyị Jizọs Kraịst,+ na Nna na-emetere ndị mmadụ ebere,+ Chineke nke na-akasi ndị mmadụ obi n’ụdị ọnọdụ niile ha nọ.+

11 Anyị na-asị na ndị tachiri obi+ na-enwe obi ụtọ.* Unu anụla otú Job si tachie obi,+ hụkwa ihe Jehova* mechara mee.+ Unu ejirikwala ya mata na ihe gbasara onye ọzọ na-emetụ Jehova* n’obi, nakwa na ọ na-eme ebere.+