Otú Anyị Ga-esi Na-emekwu nke Ọma n’Ozi Ọma—Iji Telefon Ezi Ozi Ọma

Ihe Mere O Ji Dị Mkpa: Ọ bụ ụzọ ọzọ anyị na-esi enyere ndị mmadụ aka ka ha mụta ihe ga-eme ka a zọpụta ha. (2 Pita 3:9) Ọ bụ eziokwu na ịga n’ụlọ n’ụlọ bụ ụzọ anyị kacha esi ezi ozi ọma Alaeze Chineke, anyị na-esikwa ụzọ ndị ọzọ ezi ndị anyị na-enwetaghị n’ụlọ ozi ọma.—Mat. 24:14; Luk 10:1-7; Mkpu. 14:6.

Ihe Anyị Ga-eme:

Mgbe anyị ji telefon na-ezi mmadụ ozi ọma, anyị kwesịrị ịgwa onye ahụ okwu ka anyị na ya ọ̀ nọ. Ụfọdụ ndị iji telefon na-ezi ozi ọma na-edochabeghị anya nwere ike dee ihe ha chọrọ ikwu ede, ma gụpụta ya otú ọ na-agaghị adị ka à na-agụ ya agụ.
Anyị nwere ike inweta ihe anyị ga-ekwu n’akwụkwọ bụ́ Ụzọ Isi Malite Nkwurịta Okwu Bible, Ozi Alaeze Anyị, na traktị bụ́ Ị̀ Chọrọ Ịma nke Bụ́ Eziokwu? Ọ bụrụ na ị chọghị ikwu ihe dị n’akwụkwọ ndị a, kpebie ihe ị ga-agwa onye ahụ, ajụjụ ị ga-ajụ ya, na amaokwu Baịbụl ndị ị ga-agụrụ ya.
Akwụkwọ ị ga-enye onye ahụ bụ akwụkwọ ndị anyị na-enye ndị mmadụ n’ozi ụlọ n’ụlọ.
Tụsara ahụ́, jirikwa nwayọọ gwa ya okwu. Kwanyere ya ùgwù, nweere ya ndidi ma gwa ya okwu ka enyi n’ihi na e nwere ike isi n’olu mmadụ mata ụdị onye ọ bụ. Gee ya ntị mgbe ọ na-ekwu obi ya, jaakwa ya mma maka ihe o kwuru.
Agwala onye ahụ banyere onyinye n’ihi na o nwere ike ime ka o chewe na anyị na-arịọ ya ego.

Mee Ihe A n’Ọnwa A:

Unu na-enwe ofufe ezinụlọ, meenụ ihe ngosi ebe mmadụ ji telefon na-ezi ozi ọma.