JEREMIAS
1 Dagitoy ti sasao ni Jeremias* nga anak ni Hilkias a maysa kadagiti papadi idiay Anatot+ iti daga ti Benjamin. 2 Naipakaammo kaniak ti sao ni Jehova idi kaaldawan ni Josias,+ nga anak ni Amon,+ ti ari ti Juda, idi maika-13 a tawen ti panagturayna. 3 Naipakaammo met dayta kaniak idi kaaldawan ti ari ti Juda a ni Jehoiakim+ nga anak ni Josias, agingga a nalpas ti maika-11 a tawen a panagturay ti ari ti Juda a ni Zedekias+ nga anak ni Josias, agingga a naipanaw dagiti tattao ti Jerusalem iti maikalima a bulan.+
4 Kinuna kaniak ni Jehova:
5 “Am-ammokan* sakbay pay a binukelka iti aanakan,+
Ken sakbay pay a nayanakka,* pinilikan* a mangaramid iti naisangsangayan a trabaho.+
Pinagbalinka a propeta kadagiti nasion.”
6 Ngem kinunak: “O Kangatuan* nga Apo Jehova!
Saanko nga ammo ti agsao,+ ta maysaak laeng nga ubing.”*+
7 Kinuna ni Jehova kaniak:
“Dimo ibaga, ‘Maysaak laeng nga ubing.’
Ta masapul a mapanka iti amin a pangibaonak kenka,
Ken rumbeng nga ibagam ti amin nga ibilinko kenka.+
9 Kalpasanna, inunnat ni Jehova ti imana ket sinagidna ti ngiwatko.+ Ket kinuna ni Jehova kaniak: “Inkabilko dagiti sasaok iti ngiwatmo.+ 10 Kitaem, inikkanka ita nga aldaw iti autoridad kadagiti nasion ken pagarian, tapno mangparut ken mangrakrakka, tapno mangdadael ken mangrebbaka, tapno mangbangon ken mangimulaka.”+
11 Kinuna manen kaniak ni Jehova: “Ania ti makitkitam, Jeremias?” Isu nga insungbatko: “Makitkitak ti sanga ti kayo nga almendro.”*
12 Kinuna ni Jehova kaniak: “Husto ti makitkitam, ta kanayon a kitkitaek ti pannakaitungpal ti saok.”
13 Daytoy ti naipakaammo manen kaniak a sao ni Jehova iti maikadua a daras: “Ania ti makitkitam?” Isu a kinunak: “Makitkitak ti agburburek* a kaldero* a nakatingig manipud iti amianan a ti ngarabna ket sumango iti abagatan.” 14 Kalpasanna, imbaga kaniak ni Jehova:
“Idiay amianan ti paggapuan ti didigra
Maibusor iti amin nga agnanaed iti daga.+
15 Ta ‘ayabak ti amin a pamilia dagiti pagarian ti amianan,’ kuna ni Jehova,+
‘Ket umaydanto; ipasdekto ti tunggal maysa ti tronona
Iti sango dagiti ruangan ti Jerusalem,+
Maibusor iti aglikmut a paderna
Ken maibusor iti amin a siudad ti Juda.+
16 Ket ideklarakto kadakuada dagiti panangukomko gapu iti amin a kinadakesda,
Ta pinanawandak,+
Ken mangpupuorda iti idatonda kadagiti sabali a dios+
Ken agrukruknoyda kadagiti inaramid dagiti imada.’+
17 Ngem masapul nga agsaganaka nga agtignay,*
Ken masapul a tumakderka ket ibagam kadakuada ti amin nga ibilinko kenka.
Dimo kabuteng ida,+
Tapno dika butbutngen iti sanguananda.
18 Ta pinagbalinka ita a napaderan a siudad,
Maysa nga adigi a landok, ken pader a gambang maibusor iti intero a daga,+
Kadagiti ari ti Juda ken kadagiti prinsipena,
Kadagiti papadina ken kadagiti tattao iti daga.+
19 Ket sigurado a lumabanda kenka,
Ngem saandakanto a maabak,*
Ta ‘addaak kenka,’+ kuna ni Jehova, ‘tapno ispalenka.’”
2 Kinuna kaniak ni Jehova: 2 “Mapanka ket ipakaammom iti Jerusalem, ‘Daytoy ti imbaga ni Jehova:
“Silalagipak iti debosionmo* idi agtutuboka,+
Ti ayat nga impakitam idi naitulagkan a makiasawa,+
Idi sinursurotnak idiay let-ang,
Ti daga a saan a namulaan.+
3 Nasantuan idi ti Israel ken Jehova,+ ti umuna a bungbunga ti apitna.”’
‘Makabasol ti asinoman a mangraut kenkuana.
Didigra ti agur-uray kadakuada,’ kuna ni Jehova.”+
4 Denggem ti sao ni Jehova, O sangakabbalayan ni Jacob,
Ken dakayo amin a pamilia iti sangakabbalayan ti Israel.
5 Daytoy ti kuna ni Jehova:
“Ania a kamali ti nakita kaniak dagidi ammayo,+
Isu nga immadayoda unay kaniak,
Ken nagdaydayawda kadagiti awan serserbina a didiosen+ isu a nagbalinda met nga awan serserbina?+
6 Saanda nga imbaga, ‘Ayan ni Jehova,
Daydiay nangiruar kadatayo idiay Egipto,+
Daydiay nangidalan kadatayo iti let-ang,
Iti lugar a desierto+ ken ayan dagiti abut,
Iti lugar a natikag+ ken nakasipsipnget,
Iti daga a saan a pappapanan
Ken saan a pagnanaedan dagiti tattao?’
7 Kalpasanna, impankayo iti daga nga adu ti kaykayona,
Tapno kanenyo dagiti bunga ken ti nasayaat a bambanagna.+
Ngem simrekkayo ket rinugitanyo ti dagak;
Pinagbalinyo a makaparurod ti tawidko.+
8 Saan nga insaludsod dagiti papadi: ‘Ayan ni Jehova?’+
Saandak nga am-ammo dagidiay mangisursuro iti Linteg,
Nagrebelde kaniak dagiti pastor,+
Nagipadto dagiti propeta iti nagan ni Baal,+
Ket sinurotda dagidiay saan a makaited iti pagimbagan.
9 ‘Isu nga addanto latta ipabasolko kadakayo,’+ kuna ni Jehova,
‘Agraman kadagiti annak dagiti annakyo.’
10 ‘Ngem bumallasiwkayo kadagiti igid ti baybay* ti Kitim+ ket kitaenyo.
Wen, mangibaonkayo iti mensahero idiay Kedar+ ken panunotenyo a naimbag;
Kitaenyo no addan napasamak a kas iti daytoy.
11 Adda kadin nasion a nangisukat kadagiti diosna kadagiti saan a dios?
Ngem awan serserbi ti nangisukatan ti mismo nga ilik iti dayagko.+
12 Mingminganyo daytoy gapu iti siddaaw, dakayo a langlangit;
Agpigergerkayo gapu iti nakaro a buteng,’ kuna ni Jehova,
13 ‘Ta adda dua a dakes a banag nga inaramid ti ilik:
Pinanawandak kas ti ubbog ti sibibiag a danum,+
Ken nagkalida* kadagiti pagurnongan iti danum,
Nagrengngat a pagurnongan iti danum a di makaurnong iti danum.’
14 ‘Ni kadi Israel ket adipen wenno tagabo a nayanak iti sangakabbalayan?
Apay ngarud nga innala dagiti kabusor?
Pinagbalinda a nakabutbuteng ti dagana.
Nauram dagiti siudadna, tapno awan ti agnaed kadagita.
16 Kalkalbuen dagiti umili ti Nof*+ ken Tapanes+ ti dagam.*
17 Saan kadi a sika a mismo ti makagapu a napasaram daytoy
Ta pinanawam ni Jehova a Diosmo+
Bayat a kibkibinennaka iti dalan?
19 Agnakemka koman manipud iti kinadakesmo,
Ken tubngarennaka koma ti saanmo a kinamatalek.
Ammuem ken amirisem a nagdakes ken nagpait+
Ti panangpanawmo ken Jehova a Diosmo;
Awan panagbutengmo kaniak,’+ kuna ti Kangatuan* nga Apo, ni Jehova a panguluen dagiti armada.
Ngem kinunam: “Saanak nga agserbi kenka,”
Ta iti rabaw ti tunggal nangato a turod ken iti sirok ti tunggal narukbos a kayo+
Nagid-iddaka a nakadata ket nagbalangkantiska.+
21 Immulaka kas dekalidad a nalabaga a puon ti ubas,+ manipud iti puro a bukel;
Apay ngarud a bimmaba ti kalidadmo ket nagbalinka a balang a puon ti ubas iti sanguanak?’+
22 ‘Uray no agbuggoka iti soda* wenno agusarka iti turo,*
Makitak latta ti mansa ti basolmo,’+ kuna ti Kangatuan nga Apo Jehova.
23 Kasano koma a maibagam, ‘Diak rinugitan ti bagik.
Saanak a nagdaydayaw kadagiti Baal’?
Kitaem ti dalanmo iti tanap.
Panunotem ti inaramidmo.
Kaska la iti agmaya a naparagsit nga urbon a kamelio
A taray a taray iti sadinoman a kayatna a papanan;
24 Kas iti atap nga asno a nairuamen iti let-ang,
A mangsaysay-up iti angin bayat a kapigsa ti riknana* a makidenna;
Asino ti makaigawid kenkuana iti panagmayana?
Saan nga agpakarigat dagidiay mangbirbirok kenkuana.
Ta alistoda la a masarakan iti tiempo ti panagmayana.*
25 Saanka nga agsakasaka
Dimo itulok a mamagaan ti karabukobmo.
Ngem imbagam, ‘Saanen a mabalin!+
26 Kas iti pannakaibabain ti mannanakaw no matiliwan,
Naibabain met ti sangakabbalayan ti Israel,
Dagiti arida, prinsipeda,
Papadida, ken propetada.+
27 Ibagbagada iti kayo, ‘Sika ti amak,’+
Ken iti bato, ‘Sika ti inak.’
Ngem tinallikudandak imbes nga asitgandak.+
Ngem ibagada inton madidigrada,
‘Tulongan ken isalakannakami!’+
28 Ayanna ngaruden dagiti inaramidmo a didiosem?+
Bay-am a tulongandaka no kabaelandaka nga isalakan iti pannakadidigram,
Ta immadu ti didiosem a kas iti kaadu dagiti siudadmo, O Juda.+
29 ‘Apay nga itultuloyyo ti mangkontra kaniak?
Apay a nagrebeldekayo amin kaniak?’+ kuna ni Jehova.
30 Awan serserbina ti panangkabilko kadagiti annakyo.+
Saanda nga inawat ti disiplina.+
Mismo nga espadayo ti nangpapatay kadagiti propetayo,+
Kas iti dumarup a leon.
31 Dakayo a henerasion, panunotenyo ti sao ni Jehova.
Nagbalinak aya a let-ang iti Israel
Wenno nakasipsipnget a daga?
Apay nga imbaga dagitoy a tattaok, ‘Mapankami iti kaykayatmi.
Saankaminton nga umay kenka’?+
32 Malipatan aya ti maysa a balasang dagiti pagpapintasna,*
Malipatan aya ti agkasar a nobia ti naarkosan a barikesna?*
Ngem nabayagen a nalipatandak dagiti mismo a tattaok.+
33 O babai, naglaingka nga agbirok iti lallaki a mangayat kenka!
Inruammo ta bagim nga agaramid iti dakes.+
34 Namansaan pay ketdi dagiti paldam iti dara dagiti inosente a pobre,*+
Nupay saanko ida a nakita a mangserserrek iti balay;
Nakitak latta ti darada iti amin a paldam.+
35 Ngem ibagbagam, ‘Inosenteak.
Sigurado a bimmaawen ti pungtotna kaniak.’
Iyegko itan ti pannakaukommo
Gapu ta imbagam, ‘Saanak a nakabasol.’
36 Apay a tagtagilag-anem unay ti panagbaliwbaliw ti panunotmo?
37 Gapu met iti daytoy, rummuarkanto a nakaparabaw dagita imam iti ulom,+
Ta linaksid ni Jehova dagidiay nagtalkam;
Saandakanto a mapagballigi.”
3 Isaludsod dagiti tattao: “No papanawen ti maysa a lalaki ti asawana ket pumanaw ti babai ken agbalin nga asawa ti sabali a lalaki, rumbeng kadi a sublian ti lalaki ti asawana?”
Saan kadi a nakarugrugiten dayta a daga?+
“Adu a kakaduam ti nakidennaam,+
Ket ita agsublika kaniak?” kuna ni Jehova.
2 “Tangadem ken kitaem dagiti kalbo a turod.
Sadino ti saanmo a nakaramesan?
Nagtugawka iti igid ti dalan a nagur-uray kadakuada,
Kas iti maysa nga agakar-akar* iti let-ang.
Intultuloymo a rinugitan ti daga
Babaen ti panagbalangkantis ken kinadakesmo.+
5 Rumbeng aya a makapungtotka iti agnanayon,
Wenno kanayon nga agsakit ti nakemmo?’
Dayta ti ibagbagam,
Ngem ipappapasmo latta ti agaramid iti dakes.”+
6 Idi kaaldawan ni Ari Josias,+ imbaga kaniak ni Jehova: “‘Nakitam kadi ti saan a kinamatalek ti Israel? Napan iti tunggal nangato a bantay ken iti sirok ti tunggal narukbos a kayo tapno agbalangkantis.+ 7 Uray kalpasan nga inaramidna amin dagita, kanayon nga imbagak kenkuana nga agsubli kaniak,+ ngem saan a nagsubli; ket kanayon a nakita ti Juda ti ar-aramiden ti manangallilaw a kabsatna a babai.+ 8 Idi nakitak dayta, pinapanawko ti saan a matalek nga Israel ket intedko ti kompleto a kasuratan ti diborsio+ gapu iti pannakikamalalana.+ Ngem saan a nagbuteng ti Juda, ti manangallilaw a kabsatna a babai; nagbalangkantis met.+ 9 Tinagtagilag-anna ti panagbalangkantisna, ken intultuloyna a rinugitan ti daga ken nakikamkamalala kadagiti bato ken kayo.+ 10 Iti laksid amin dagitoy, saan a naimpusuan a nagsubli kaniak ti Juda a manangallilaw a kabsatna. Naginsusubli laeng,’ kuna ni Jehova.”
11 Isu nga imbaga kaniak ni Jehova: “Impakita ti saan a matalek nga Israel nga isu ket nalinlinteg ngem ti Juda a manangallilaw a kabsatna.+ 12 Mapanka iti amianan ket ipakaammom daytoy a mensahe:+
“‘“Agsublika, O rebelioso nga Israel,” kuna ni Jehova.’+ ‘“Diakto makaunget a kumita* kenka,+ ta napudnoak,” kuna ni Jehova.’ ‘“Saan nga agsakit ti nakemko iti agnanayon. 13 Isuna laeng ta aminem a nagbasolka, ta nagrebeldeka ken Jehova a Diosmo. Intultuloymo ti nakirelasion* kadagiti estranghero* iti sirok ti tunggal narukbos a kayo ngem dimo impangag ti timekko,” kuna ni Jehova.’”
14 “Agsublikayo, dakayo a rebelioso nga annak,” kuna ni Jehova. “Ta nagbalinak a pudpudno nga apoyo;* ket alaenkayto, maysa iti tunggal siudad ken dua iti tunggal pamilia, ket ipankayo idiay Sion.+ 15 Ikkankayo kadagiti pastor a mangaramid iti pagayatak,*+ ket ipaayandakayto iti pannakaammo ken pannakatarus. 16 Umadu ken dumakkelto ti populasionyo iti daga kadagita nga aldaw,” kuna ni Jehova.+ “Saandanton nga ibaga, ‘Ti lakasa ti tulag ni Jehova!’ Saandanton a mapanunot wenno malagip wenno kailiw dayta, ken saanton a maaramid manen dayta. 17 Iti dayta a tiempo, awagandanto ti Jerusalem a trono ni Jehova;+ ken maipanto a sangsangkamaysa idiay Jerusalem+ ti amin a nasion tapno maidaydayaw ti nagan ni Jehova. Saandanto metten nga igagara ti agtulnog iti dakes a pusoda.”
18 “Kadagidiay nga aldaw, agkaduanto a magna dagiti tattao ti Juda ken tattao ti Israel.+ Aggapudanto iti daga ti amianan a mapan iti daga nga impatawidko kadagidi ammayo.+ 19 Pinampanunotko, ‘Maragsakanak unay a nangikabil kenka iti tengnga dagiti annakko ken inikkanka iti napintas a daga, ti kapipintasan a tawid kadagiti nasion!’*+ Impagarupko met nga awagannak iti, ‘Amak!’ ken kanayonto a sumurotka kaniak. 20 ‘Kas iti manangallilaw a babai a nangpanaw ken lakayna,* kasta met ti inaramidyo, O tattao ti Israel, talaga nga inallilawdak,’+ kuna ni Jehova.”
21 Adda nangngeg nga uni iti tapaw dagiti kalbo a turod,
Ti panagsangit ken panagpakpakaasi ti tattao ti Israel.
Ta inaramidda a killokillo ti dalanda;
Linipatda ni Jehova a Diosda.+
22 “Agsublikayo, dakayo a rebelioso nga annak.
Ilintegkonto ti rebelioso a kasasaadyo.”+
“Adtoykami! Immaykami kenka,
Ta sika, O Jehova, ti Diosmi.+
23 Linoklokomi laeng ti bagimi idi nagdaydayawkami kadagiti didiosen iti tapaw dagiti turod ken bantay.+
Talaga a ni Jehova a Diosmi ti mangisalakan iti Israel.+
24 Manipud idi ubbingkami, inibus ti nakababain a banag* ti nagbannogan dagidi ammami,+
Dagiti karnero, kalding, ken bakada,
Dagiti annakda a lallaki ken babbai.
25 Agiddatayo iti pakaibabainantayo,
Ket abbongannatayo koma ti pannakaibabaintayo,
Ta nagbasoltayo ken Jehova a Diostayo,+
Datayo ken dagidi ammatayo manipud pay kinaubingtayo agingga ita nga aldaw,+
Ken saantayo nga impangag ti timek ni Jehova a Diostayo.”
4 “No agsublika, O Israel,” kuna ni Jehova,
“No agsublika kaniak
Ken no ikkatem dagiti makarimon nga idolom iti sanguanak,
Saankanto ngarud nga agbalin a pugante.+
2 Ken no isapatam,
‘Isapatak iti nagan ti sibibiag a Dios a ni Jehova!’ iti kinapudno, kinahustisia, ken kinalinteg,
Magun-odanto ngarud dagiti nasion ti pamendisionko,
Ket ipagpannakkeldak.”+
3 Ta daytoy ti kuna ni Jehova kadagiti tattao ti Juda ken ti Jerusalem:
“Araduenyo dagiti mamulmulaan a daga,
Ken diyo itultuloy ti agmula iti nagbabaetan dagiti siitan.+
Iti sanguanan ni Jehova,*
Dakayo a tattao ti Juda ken umili ti Jerusalem,
Tapno saan a sumged ti pungtotko a kas iti apuy
Ken gumil-ayab nga awan ti asinoman a makaiddep,
Gapu kadagiti dakes nga aramidyo.”+
5 Ibagayo dayta iti Juda, ket ipakaammoyo dayta iti Jerusalem.
Agpukkawkayo ken puyotanyo ti tangguyob iti intero a daga.+
Ipigsayo nga ibaga: “Aguummongtayo,
Ket agkamangtayo kadagiti napaderan a siudad.+
6 Mangipatakderkayo iti senial* a sumango iti Sion.
Aglemmengkayo ken saankayo nga agtaktakder lattan,”
Ta mangyegak iti didigra nga aggapu iti amianan,+ maysa a nakaro a panangdadael.
Rimmuar iti ayanna tapno pagbalinenna a nakabutbuteng ti dagayo.
Marpuogto dagiti siudadyo ket awanton ti agnaed kadagita.+
8 Isu nga agbadokayo iti nakersang,+
Agsangit* ken aganug-ogkayo,
Ta sumsumged pay laeng ti unget ni Jehova kadatayo.
9 “Iti dayta nga aldaw,” kuna ni Jehova, “kumapuyto ti pakinakem* ti ari,+
Ken uray ti pakinakem* dagiti prinsipe;
Kasta unay ti panagbutengto dagiti papadi, ken masdaawto dagiti propeta.”+
10 Kalpasanna, kinunak: “O Kangatuan* nga Apo Jehova! Talaga nga inallilawmo dagitoy a tattao+ ken ti Jerusalem, ta ibagbagam, ‘Addanto talna kadakayo,’+ idinto ta adda espada a nakalayat iti karabukobmi.”
11 Iti dayta a tiempo, maipakaammonto kadagitoy a tattao ken iti Jerusalem:
“Addanto makasinit nga angin manipud kadagiti kalbo a turod iti desierto.
Dalapusennanto ti annak a babbai dagiti* tattaok;
Saan nga umay mangwalis wenno mangdalus.
12 Dumteng ti napigsa nga angin gapu kaniak.
Ipakaammok itan ti panangukomko kadakuada.
Nasigsiglat dagiti kabaliona ngem kadagiti agila.+
Kaasitayo pay ta madadaeltayon!
14 Dalusam ti pusom ket ikkatem ti kinadakesna, O Jerusalem, tapno maisalakanka.+
Kasano pay kabayag ti panangpampanunotmo iti dakes?
15 Ta adda timek a mangiwarwaras iti damag manipud idiay Dan,+
Ket ipakpakaammona ti didigra manipud iti kabambantayan ti Efraim.
16 Ipadamagyo dayta, wen, kadagiti nasion;
Ipakaammoyo dayta maibusor iti Jerusalem.”
“Um-umayen dagiti agbambantay* manipud iti adayo a lugar,
Ket agpukkawda maikontra kadagiti siudad ti Juda.
17 Mapanda iti amin a sikiganna kas kadagiti guardia iti kataltalonan,+
Ta nagrebelde kaniak,”+ kuna ni Jehova.
18 “Maisingirto kenka dagiti kababalin ken aramidmo.+
Nakaronto ti pannakadidigram,
Ta simmalputen iti pusom ti kinadakesmo!”
Nakaut-ut-ot ti pusok.*
Agkebbakebba ti barukongko.
20 Naipadamag ti agsasaruno a didigra,
Ta nadadaelen ti intero a lugar.
Pagammuan ta nadadael dagiti toldak,
Dagus a napigis dagiti tela ti toldak.+
Saanda a manakem nga annak, saanda a makaaw-awat.
Naglaingda* nga agaramid iti dakes,
Ngem saanda nga ammo ti agaramid iti nasayaat.”
23 Kinitak dayta a lugar, ket kitaenyo! awanen ti aggigian ken nabaybay-anen.+
Kinitak ti langit, ket awanen ti lawagna.+
Gapu dayta ken Jehova,
Gapu iti sumsumged nga ungetna.
27 Ta daytoy ti kinuna ni Jehova: “Saanton a mapagnaedan ti intero a lugar,+
Ngem saankonto nga interamente a dadaelen.
Gapu ta imbagakon ken inkeddengkon,
Ket saankonto a balbaliwan ti panunotko, wenno saankonto a babawyen dayta.+
Sumrekda kadagiti kasamekan,
Ken ulienda dagiti dadakkel a bato.+
Mapanawan ti tunggal siudad,
Ket awan ti tao nga agyan kadagita.”
30 Itan ta nadadaelka, ania ngaruden ti aramidem?
Nalabaga idi ti isusuotmo a badom,
Balitok dagiti iyar-arkosmo iti bagim,
Ken padpadakkelem dagita matam iti nangisit a pinta,*
Awan serserbina ti panangpapintasmo iti bagim.+
31 Ta nangngegko ti timek a kas iti timek ti masakit a babai,
Ti panagrigat a kas iti mapaspasaran ti agdadamo nga aganak,
Ti timek ti anak a babai ti Sion a marigrigatan nga umanges.
Ibagbagana bayat nga uk-ukradenna dagiti dakulapna:+
“Kakaasiak met, ta nabannogakon gapu kadagiti mammapatay!”
5 Sursorenyo dagiti kalsada ti Jerusalem.
Kitaenyo ti aglawlaw ken agsiputkayo.
Sursorenyo dagiti plasana tapno makitayo
No adda tao nga agar-aramid iti kinahustisia+
Ken mangikagkagumaan nga agbalin a matalek,
Ket pakawanekto ti siudad.
2 Uray no ibagbagada: “Isapatami iti nagan ti sibibiag a Dios a ni Jehova!”
Ulbod latta ti sapatada.+
3 O Jehova, saan kadi a birbirokem ti kinamatalek?+
Kinabilmo ida, ngem awan ti epektona kadakuada.*
Adu kadakuada ti dinadaelmo, ngem saanda nga inawat ti disiplina.+
Pinagbalinda ti rupada a natangtangken ngem iti dakkel a bato.+
Ken saanda a kinayat ti agsubli kenka.+
4 Ngem kinunak iti bagik: “Sigurado nga awan serserbi dagitoy.
Kinamaag ti ar-aramidenda, ta saanda nga ammo ti dalan ni Jehova,
Ti panangukom ti Diosda.
5 Mapanakto kadagiti prominente a tattao ket kasaritak ida,
Ta mabalin nga ammoda ti dalan ni Jehova,
Ti panangukom ti Diosda.+
Ngem isuda amin ti nangdadael iti sangol
Ken nangpugsat kadagiti galut.”*
6 Isu a darupen ida ti maysa a leon iti bakir,
Rarauten ida ti maysa a lobo ti desierto a tanap,
Siririing ti maysa a leopardo kadagiti siudadda.
Marangrangkay ti amin a rummuar kadagita.
Ta nakaad-adu ti basolda;
Namin-adu nga impakitada a dida matalek.+
7 Kasanoka a mapakawan gapu iti daytoy?
Pinanawandak dagiti annakmo,
Agsapsapatada iti saan a Dios.+
Intedko la ngaruden ti amin a kasapulanda,
Ngem intultuloyda latta ti nakikamalala,
Ket simrekda amin iti balay ti balangkantis.
8 Kasda la kadagiti naderrep ken narasuk a kabalio,
Kakaiddaen ti tunggal maysa kadakuada ti asawa ti sabali a lalaki.+
9 “Saan aya a rumbeng laeng a singirek ida gapu kadagita?” kuna ni Jehova.
“Saan aya a rumbeng a balsek ti kasta a nasion?”+
Ikkatenyo dagiti agkalkalatkat a saringitna,
Ta saan ida a kukua ni Jehova.
Awanto ti didigra a dumteng kadatayo;
Awanto ti gubat ken nakaro a bisin a mapasarantayo.’+
Mapasamak koma dayta kadakuada!”
14 Isu nga imbaga ni Jehova a Dios dagiti armada:
“Gapu ta kasta ti ibagbaga dagitoy a tattao,
Pagbalinek nga apuy dagiti saok iti ngiwatmo,+
Kasla kayo dagitoy a tattao,
Ket daytanto ti mangpuor kadakuada agingga a dumapoda.”+
15 “Mangibaonak iti nasion a naggapu iti adayo a mangraut kenka, O Israel,”+ kuna ni Jehova.
“Maysa a nagkauna a nasion.
16 Ti pagkargaanda iti pana ket kas iti nakalukat a tanem;
Aminda ket mannakigubat.
17 Ibusendanto dagiti apit ken tinapaymo.+
Patayendanto dagiti annakmo a lallaki ken babbai.
Alaendanto dagiti karnero, kalding, ken bakam.
Ibusendanto dagiti ubas ken higosmo.
Dagiti armasda ti mangdadaelto kadagiti napaderan a siudadmo a pagtaltalkam.”
18 “Ngem uray kadagidiay nga aldaw,” kuna ni Jehova, “saankayonto nga interamente a dadaelen.+ 19 Ket no damagenda, ‘Apay nga inaramid amin dagitoy kadatayo ni Jehova a Diostayo?’ masapul nga isungbatmo kadakuada, ‘Gapu ta pinanawandak tapno agserbikayo iti sabali a dios iti dagayo, agserbikayonto met kadagiti ganggannaet iti daga a saanyo a kukua.’”+
20 Ipakaammom daytoy iti sangakabbalayan ni Jacob,
Ken iwaragawagmo dayta idiay Juda:
21 “Denggenyo, dakayo a maag ken saan a manakem a tattao:*+
22 ‘Saankay kadi nga agbuteng kaniak,’ kuna ni Jehova,
‘Saankay kadi nga agpigerger iti sanguanak?
Siak ti nangikabil iti kadaratan a pagpatinggaan ti baybay,
Maysa a permanente a paglintegan a saanna a mabalin a sukiren.
Uray no agsabuag dagiti dalluyonna, saanda a makaballasiw;
Uray no dumaranudorda, saanda latta a lumbes iti pagpatinggaanda.+
24 Ken saanda nga imbaga iti pusoda:
“Agbutengtayo itan ken Jehova a Diostayo,
Daydiay mangmangted iti tudo iti panawenna,
Iti nasapa a tudo ken iti naladaw a tudo,
Daydiay mangipasigurado a maaddaantayo kadagiti naikeddeng a lawas ti panagaapit.”+
25 Gapu kadagiti kamaliyo, saan a dimteng dagita kadakayo;
Naipaidam kadakayo ti nasayaat a bambanag gapu kadagiti basolyo.+
26 Ta adda dagiti managdakdakes iti tengnga dagiti tattaok.
Agsipsiputda a kas kadagiti kumkumleb nga agtiliw iti billit.
Mangipakatda iti makapapatay a silo.
Tattao ti tiliwenda.
Isu a bimmileg ken bimmaknangda.
28 Limmukmeg ken limmamuyotda;
Nagkaro ti kinadakesda.
Saanda nga ilaban ti kalintegan dagiti awan amana,+
Tapno laeng agballigida;
Ken ipaidamda ti hustisia kadagiti napanglaw.’”+
29 “Saan aya a rumbeng laeng a singirek ida gapu kadagita?” kuna ni Jehova.
“Saan aya a rumbeng a balsek ti kasta a nasion?
30 Adda nakabutbuteng ken nakaam-amak a napasamak iti daga:
Ket magusgustuan dayta dagiti tattaok.+
Ngem anianto ti aramidenyo inton umay ti panungpalan?”
6 O annak ni Benjamin, agkamangkayo iti adayo ti Jerusalem.
Ta adda um-umayen a kalamidad manipud iti amianan, maysa a nakaro a didigra.+
2 Ti anak a babai ti Sion ket kas iti napintas ken naimnas a babai.+
3 Umayto dagiti papastor ken dagiti pangenda.
4 “Agsaganakayo iti* gubat maibusor kenkuana!
Agtignaykayo, ket darupentayo iti tengnga ti aldaw!”
“Kaasitayo met, ta lumlumneken ti init
Ken umat-atiddogen dagiti anniniwan ti rabii!”
6 Ta daytoy ti kuna ni Jehova a panguluen dagiti armada:
“Mangpukankayo iti kayo ket mangaramidkayo iti bunton a pagdalanan tapno marautyo ti Jerusalem.+
Isu ti siudad a masapul a masingir;
Puro panangirurumen ti adda kenkuana.+
7 No kasano nga iti pagurnongan iti danum ti pagtaudan ti nalamiis* a danum,
Isu met ti pagtataudan ti kinadakes.
Mangmangngeg kenkuana ti kinaranggas ken pannakadadael;+
Kanayon a makitkitak ti sakit ken didigra.
8 Awatem ti pakdaar, O Jerusalem, ta no saan, makapungtotak ket adaywanka;+
Pagbalinenka a langalang, lugar a saan a mapagnaedan.”+
9 Daytoy ti kuna ni Jehova a panguluen dagiti armada:
“Dagiti nabati iti Israel ket kas kadagiti maudi a bunga ti ubas.
Masapul nga alaem amin ida a kas iti panangburas ti tao kadagiti nabati nga ubas.”
10 “Asino ti masapul a kasaritak ken pakdaarak?
Asino ti dumngeg?
Kitaem! Ap-apputenda dagiti lapayagda,* isu a saanda a mangipangag.+
Kitaem! Uy-uyawenda ti sao ni Jehova;+
Saanda a maragsakan iti dayta.
“Ibulosmo ti ungetmo iti ubing iti kalsada,+
Kadagiti naguummong nga agtutubo a lallaki.
Ta usarekto ti mannakabalin nga imak maibusor kadagiti agnanaed iti daga,” kuna ni Jehova.
13 “Nanumo man wenno natan-ok, naagumda amin iti material a gunggona;+
Propeta man wenno padi, tunggal maysa ket mangsasaur.+
14 Sinsinan* ti panangpadasda a mangpaimbag iti sugat* ti ilik, nga ibagbagada,
‘Adda talna! Adda talna!’
Idinto ta awan ti talna.+
15 Mabainda kadi kadagiti makaparurod nga inaramidda?
Saan a pulos!
Dida pay ketdi ammo ti rikna ti mabainan!+
Isu a mapapataydanto a kadua dagiti napapatayen.
Maitibkoldanto inton dusaek ida,” kuna ni Jehova.
16 Daytoy ti imbaga ni Jehova:
“Agtakderkayo kadagiti nagsangaan ti dalan ket kumitakayo.
Agsaludsodkayo maipapan kadagiti nagkauna a dalan,
Damagenyo no ayan ti nasayaat a dalan, ket magnakayo iti dayta,+
Ket makainanakayonto.”
Ngem kunada: “Saankaminto a magna iti dayta.”+
Ngem imbagada: “Saanminto nga ipangag.”+
18 “Denggenyo ngarud, O dakayo a nasion!
Ken ammuenyo, O dakayo a tattao,
Ti mapasamakto kadakuada.
19 Imdengam, O daga!
Mangyegak iti kalamidad kadagitoy a tattao+
Gapu kadagiti dakes a pampanunotda,
Ta saanda nga impangag dagiti imbagak
Ken dida tinungpal ti lintegko.”*
20 “Ania ti serserbina kaniak ti panangtedyo iti olibano manipud Sheba
Ken iti nabanglo a ruot manipud iti adayo a lugar?
Saanko nga awaten dagiti sibubukel a datonyo a mapuoran,
Ken saanak a maragsakan kadagiti datonyo.”+
21 Gapuna, daytoy ti imbaga ni Jehova:
“Mangikabilak kadagiti pakaitibkolan dagitoy a tattao,
Ket maitublakdanto kadagita,
Ken mataydanto amin,
Dagiti amma ken annak,
Ti kaarruba ken ti kaduana.”+
22 Daytoy ti imbaga ni Jehova:
“Kitaenyo! Um-umay dagiti tattao manipud iti pagilian iti amianan,
Ket mariingto ti maysa a dakkel a nasion manipud kadagiti kaadaywan a paset ti daga.+
23 Agiggemdanto kadagiti pana ken pika.
Naulpitda ken saandanto a maasian.
Dumaranudor a kas ti baybay ti bosesda,
Ken nakakabalioda.+
Nakasaganada a manggubat kenka, O anak a babai ti Sion.”
24 Nangngegmi ti damag maipapan iti dayta.
25 Dika mapan iti tay-ak,
Ken dika magna iti dalan,
Ta nakaespada ti kalaban;
Nakabutbuteng ti intero nga aglawlaw.
Agdung-awka iti napalalo ken agladingitka a kas iti natayan iti kakaisuna nga anak,+
Ta bigla nga umay ti mangdadael kadatayo.+
27 “Kadagiti tattaok, pinagbalinka* a panggugor iti metal,
Ta masapul nga ammuem ti pudno a kasasaadda;
Masapul a sukimatem ken usigem dagiti ar-aramidenda.
Kasda la gambang ken landok;
Agar-aramidda amin iti dakes.
29 Inkagumaan ti trabahador a pagbalinen a puro ti metal.
Pinuoranna dagiti anguyob a pinangparangrangna iti apuy.
Ngem awan serserbi ti panagreggetna ta buli laeng ti rimmuar iti apuy,+
Dagiti managdakdakes ket saan a naisina kadagiti tattao.+
7 Daytoy ti mensahe ni Jehova ken Jeremias: 2 “Agtakderka iti ruangan ti balay ni Jehova ket iwaragawagmo sadiay daytoy a mensahe, ‘Denggenyo ti kinuna ni Jehova, dakayo amin a tattao iti Juda, a sumrek kadagitoy a ruangan tapno agdaydayaw ken Jehova. 3 Daytoy ti imbaga ni Jehova a panguluen dagiti armada, ti Dios ti Israel: “Baliwanyo dagiti kababalin ken aramidyo, ket ipaluboskonto nga agtultuloykayo nga agyan iti daytoy a lugar.+ 4 Dikay agtalek iti makaallilaw a sasao ken diyo ibagbaga, ‘Daytoy* ti templo ni Jehova, ti templo ni Jehova, ti templo ni Jehova!’+ 5 Ta no talaga a baliwanyo dagiti kababalin ken aramidyo; no talaga nga ipatungpalyo ti hustisia kadagiti kaso ti maysa a tao ken ti kaarrubana;+ 6 no saanyo nga irurumen dagiti ganggannaet a residente, ulila,* ken balo a babbai;+ no saanyo a patayen dagiti inosente iti daytoy a lugar; ken no saankayo nga agdaydayaw kadagiti sabali a dios a pakadidigraanyo;+ 7 ipaluboskonto ngarud nga agtultuloykayo nga agyan iti daytoy a lugar, iti daga nga intedko kadagidi ammayo iti agnanayon.”’”*
8 “Ngem agtaltalekkayo iti makaallilaw a sasao+—sigurado nga awanto a pulos ti pagimbaganna dayta kadakayo. 9 Mabalinyo kadi ti agtakaw,+ pumatay, makikamalala, agsapata iti ulbod,+ agdaton* ken Baal,+ ken agdaydayaw kadagiti sabali a dios a diyo am-ammo, 10 sa umaykayo ken agtakderkayo iti sanguanak iti daytoy a balay a nakaipanaganan ti naganko, ket ibagayo, ‘Maisalakankami,’ uray no ar-aramidenyo amin dagitoy a nakadakdakes a bambanag? 11 Daytoy kadi a balay a nakaipanaganan ti naganko ket imbilangyon a kueba dagiti mannanakaw?+ Nakitak a mismo dayta,” kuna ni Jehova.
12 “‘Mapankayo ngarud ita iti lugarko idiay Shilo,+ a damo a pinilik a pakaidaydayawan ti naganko,+ ket kitaenyo ti inaramidko iti dayta gapu iti kinadakes ti ilik nga Israel.+ 13 Ngem kanayon nga ar-aramidenyo amin dagitoy,’ kuna ni Jehova, ‘ket saankayo a nangipangag uray no maulit-ulit a nagsaoak kadakayo.*+ Kanayon nga ay-ayabankayo, ngem saankayo a simmungbat.+ 14 Isu a ti inaramidko idiay Shilo+ ket aramidekto met iti balay a nakaipanaganan ti naganko,+ a pagtaltalkanyo,+ ken iti daytoy a lugar nga intedko kadakayo ken kadagidi ammayo. 15 Papanawenkayto iti sanguanak, kas iti panangpapanawko iti amin a kakabsatyo, ti intero a kaputotan ni Efraim.’+
16 “Ngem saanmo nga ikararagan dagitoy a tattao. Saanka nga umawag wenno agkararag wenno agpakaasi kaniak para kadakuada+ ta saankanto a denggen.+ 17 Saanmo kadi a makita ti ar-aramidenda kadagiti siudad ti Juda ken kadagiti kalsada ti Jerusalem? 18 Agur-urnong dagiti annakda iti kayo, ar-arunan dagiti amma ti apuy, ken agmasmasa dagiti assawa a babbai iti arina nga aramidenda a tinapay nga idatonda iti Reyna ti Langit.*+ Mangibukbukbokda met iti daton nga inumen para kadagiti sabali a dios tapno saktanda ti riknak.+ 19 ‘Ngem siak aya ti saksaktanda?’* kuna ni Jehova. ‘Saan aya a ti bagbagida met laeng, a pakaibabainanda?’+ 20 Isu a kastoy ti imbaga ti Kangatuan* nga Apo Jehova, ‘Kitaenyo! Ti unget ken pungtotko ket maibuyat iti daytoy a lugar,+ kadagiti tattao ken animal, kadagiti kaykayo iti tay-ak ken iti bungbunga ti daga. Ti pungtotko ket kaslanto apuy a saan a maiddep.’+
21 “Daytoy ti kinuna ni Jehova a panguluen dagiti armada, ti Dios ti Israel, ‘Sige, inayonyo dagiti sibubukel a datonyo a mapuoran iti dadduma pay a datonyo, ken kanenyo ti karne.+ 22 Ta idi inruarko dagidi ammayo idiay Egipto, saanko a kinasarita wenno binilin ida maipapan kadagiti sibubukel a daton a mapuoran ken daton.+ 23 Ngem imbilinko kadakuada: “Agtulnogkayo kaniak, ket agbalinakto a Diosyo, ken agbalinkayto a tattaok.+ Masapul a magnakayo iti amin a dalan nga ibilinko kadakayo tapno nasayaat ti pagbanaganyo.”’+ 24 Ngem saanda a dimngeg wenno nangipangag.+ Sinurotda ketdi dagiti bukodda a kapanunotan,* inggagarada ti nagtulnog iti dakes a pusoda,+ isu a dimmakesda imbes a simmayaatda, 25 manipud idi rimmuar dagidi ammayo idiay Egipto agingga ita nga aldaw.+ Isu nga inaldaw ken maulit-ulit nga imbaonko kadakayo* ti amin nga adipenko a propeta.+ 26 Ngem saanda a dimngeg kaniak ken saandak nga impangag.+ Natangken ketdi ti uloda,* ken dakdakes pay dagiti inaramidda ngem kadagidi ammada!
27 “Ibagamto amin dagitoy kadakuada,+ ngem saandakanto a denggen; awagamto ida ngem saandakanto a sungbatan. 28 Ibagamto kadakuada, ‘Daytoy ti nasion a saan a nagtulnog ken Jehova a Diosda ken saan nga immawat iti disiplina. Awanen ti matalek kadakuada ken saanda payen a pagsasaritaan dayta.’*+
29 “Pukisam ti di pay naputdan* a buokmo ket ibellengmo, ken agdung-awka* kadagiti kalbo a turod, ta inlaksiden ni Jehova ken baybay-annanto daytoy a henerasion a kapungtotna la unay. 30 ‘Ta dakes ti inaramid dagiti tattao ti Juda iti sanguanak,’ kuna ni Jehova. ‘Inkabilda dagiti makarimon nga idoloda iti balay a nakaipanaganan ti naganko tapno rugitanda dayta.+ 31 Imbangonda dagiti nangato a disso ti Tofet, nga adda idiay Tanap ti Anak ni Hinnom,*+ tapno puoranda ti annakda a lallaki ken babbai,+ a saanko nga imbilin ken pulos a saanko man la a napanunot.’*+
32 “‘Isu a kitaem! um-umayen dagiti aldaw,’ kuna ni Jehova, ‘inton saanen a Tofet wenno Tanap ti Anak ni Hinnom* ti maipanagan iti dayta no di ket Tanap a Pagpapatayan. Agitabondanto idiay Tofet agingga nga awanen ti mabati a pagitabonan.+ 33 Dagiti bangkay dagitoy a tattao ket kanento dagiti billit iti tangatang ken dagiti animal iti daga. Awanto ti mangpapanaw kadagita.+ 34 Pasardengekto ti panagraragsak ken panagrarag-o, ti timek ti nobio ken ti nobia+ kadagiti siudad ti Juda ken kadagiti kalsada ti Jerusalem, ta madadaelto dayta a lugar.’”+
8 “Iti dayta a tiempo,” kuna ni Jehova, “mairuarto manipud iti tanemda ti tultulang ti ar-ari ti Juda, tultulang dagiti prinsipena, tultulang ti papadi, tultulang dagiti propeta, ken tultulang dagiti umili ti Jerusalem. 2 Maiwaranto dagita iti baba ti init, bulan, ken amin nga armada ti langit nga inay-ayat, nagserbian, sinurot, sinapul ken nagruknoyanda.+ Saandanto a maurnong, wenno maikali. Agbalindanto a kas ganagan iti rabaw ti daga.”+
3 “Dagiti nabati iti daytoy nakadakdakes a pamilia a nakalasat iti amin a lugar a nangiwarasak kadakuada ket kaykayatdanto laengen ti matay ngem ti agbiag,” kuna ni Jehova a panguluen dagiti armada.
4 “Ket masapul nga ibagam kadakuada, ‘Daytoy ti kinuna ni Jehova:
“Matuangdanto aya ket dida bumangon manen?
No agbabawi ti maysa, saanto met aya nga agbabawi ti sabali?
5 Apay a saan latta a matalek kaniak dagitoy a tattao iti Jerusalem?
Nayugalidan ti mangallilaw;
Saanda a kayat ti agbalbaliw.+
6 Impangagko ida ken dimngegak a kanayon kadakuada, ngem saan a nasayaat ti panagsasaoda.
Awan ti nagbabawi iti kinadakesna wenno nangisaludsod, ‘Ania ti inaramidko?’+
Kanayon a sublian ti tunggal maysa ti ar-aramiden ti kaaduan, kas iti kabalio a napartak a mapan iti paggugubatan.
7 Ammo uray ti billit a tikbaboy iti tangatang no kaano nga umakar iti sabali a lugar;*
Kanayon nga ammo ti pagaw, langaylangayan, ken bulbul* no kaano ti panagsublida.*
Ngem saan a maawatan dagiti mismo a tattaok ti panangukom ni Jehova.”’+
8 ‘Kasano koma a maibagayo: “Masiribkami, ken adda kadakami ti linteg ni Jehova”?
Ta kinaagpaysuanna, ti ulbod a pagsurat+ dagiti eskriba* ket maus-usar laeng iti kinaulbod.
Napabutnganda ket matiliwdanto.
Kitaenyo! Saanda nga inawat ti sao ni Jehova,
Ania ngarud a sirib ti adda kadakuada?
10 Isu nga itedkonto dagiti assawada iti sabali a lallaki,
Itedkonto dagiti taltalonda iti sabali nga agtagikua;+
Ta nanumo man wenno natan-ok, naagumda amin iti material a gunggona;+
Propeta man wenno padi, tunggal maysa ket mangsasaur.+
11 Sinsinan* ti panangpadasda a mangpaimbag iti sugat* ti anak a babai ti ilik, nga ibagbagada,
“Adda talna! Adda talna!”
Idinto ta awan ti talna.+
12 Mabainda kadi kadagiti makaparurod nga inaramidda?
Saan a pulos!
Dida pay ketdi ammo ti rikna ti mabainan!+
Isu a mapapataydanto a kadua dagiti napapatayen.
Maitibkoldanto inton dusaek ida,’+ kuna ni Jehova.
13 ‘Inton ummongek ida, dadaelekto ida,’ kuna ni Jehova.
‘Awanto ti ubas a mabati iti puonna, awanto ti bunga ti kayo a higos, ken malaylayto dagiti bulong.
Ket mapukawto dagiti intedko kadakuada.’”
14 “Apay nga agtugtugawtayo ditoy?
Aguummongtayo ket sumrektayo kadagiti napaderan a siudad+ tapno idiay a mataytayo.
Ta patayennatayto ni Jehova a Diostayo,
Ken ikkannatayo iti nasabidongan a danum nga inumentayo,+
Gapu ta nagbasoltayo ken Jehova.
15 Adda namnama a talna, ngem awan ti nasayaat a dimteng,
Adda namnama ti pannakapaimbag, ngem buteng ti dimteng!+
16 Manipud iti Dan, nangngeg ti banang-es dagiti kabaliona.
Gapu iti mangngeg a garaigi dagiti kalakian a kabaliona,
Magunggon ti intero a daga.
Umay dagiti kabusor ket dadaelenda ti daga ken amin nga adda iti dayta,
Ti siudad ken dagiti umilina.”
17 “Ta mangibaonak kadagiti uleg iti nagtetengngaanyo,
Kadagiti nagita nga uleg a saan a mapaamo dagiti engkantador,
Ket sigurado a kagatendakayo,” kuna ni Jehova.
18 Diak mailiwliwag ti ladingitko;
Agsakit ti pusok.
19 Manipud iti adayo a lugar, agpatpatulong
Ti anak a babai ti ilik:
“Awanen aya ni Jehova idiay Sion?
Wenno awanen aya kenkuana ti arina?”
“Apay a pinagpungtotdak babaen kadagiti kinitikitan nga imahenda
Ken kadagiti awan serserbina a didiosen dagiti sabali a nasion?”
20 “Nalpasen ti panagani, nagpatinggan ti kalgaw,
Ngem saantayo a naisalakan!”
Mabutbutengak.
22 Awan kadi ti balsamo* idiay Gilead?+
Wenno awan kadi ti mangngagas* sadiay?+
Apay a saan nga immimbag ti anak a babai ti ilik?+
Iti kasta, agsangitak iti aldaw ken rabii
Gapu kadagiti napapatay a kailiak.
2 O no la koma adda pagdagusak iti let-ang!
“Dumakdakesda,
Ken saandak nga ikaskaso,”+ kuna ni Jehova.
4 “Dakayo amin, agannadkayo iti kaarrubayo,
Ken saanyo a pagtalkan uray ti kabsatyo.
5 Loklokuen ti tunggal maysa ti kaarrubana,
Awan a pulos ti agsasao iti kinapudno.
Sinuruanda ti dilada nga agsao iti kinaulbod.+
Agpappapasda nga agaramid iti dakes.
6 Aggigianka iti tengnga dagiti manangallilaw.
Mangal-allilawda ken saandak a kayat nga am-ammuen,” kuna ni Jehova.
7 Isu a daytoy ti kinuna ni Jehova a panguluen dagiti armada:
“Tunawek ken subokek ida,+
Ta ania pay ti mabalinko nga aramiden iti anak a babai ti ilik?
8 Ti dilada ket makapapatay a pana nga agsasao iti makaallilaw.
Maipapan iti talna ti ibagbaga ti maysa a tao iti kaarrubana,
Ngem iti un-unegna, dakes ti panggepna.”
9 “Saan aya a rumbeng laeng a singirek ida gapu kadagita?” kuna ni Jehova.
“Saan aya a rumbeng a balsek ti kasta a nasion?+
10 Agsangit ken agunnoyakto gapu iti kabambantayan
Ken agdung-awakto* gapu kadagiti pagaraban iti let-ang,
Ta napuorandan isu nga awanen ti tao a magmagna kadagita,
Ken awanen ti mangngeg nga uni dagiti dinguen.
Nagpapanawen dagiti billit iti tangatang ken dagiti animal; awandan.+
11 Pagbalinekto ti Jerusalem a bunton ti batbato,+ ti pagaponan dagiti chakal,+
Pagbalinekto met a langalang dagiti siudad iti Juda, ket awanton ti agnaed kadagita.+
12 Asino ti addaan iti kasta unay a sirib tapno maawatanna daytoy?
Asino ti nangibagaan ni Jehova tapno maipakaammona dayta?
Apay a nadadael ti daga?
Apay a napuoran a kas iti let-ang,
Isu nga awanen ti magmagna iti dayta?”
13 Kinuna ni Jehova: “Gapu ta binaybay-anda ti lintegko* nga intedko kadakuada, ken gapu ta saanda a sinurot dayta ken saanda a nagtulnog iti timekko. 14 Inggagarada ketdi ti nagtulnog iti dakes a pusoda+ ken nagdaydayawda kadagiti rebulto ni Baal, kas iti insuro kadakuada dagidi ammada.+ 15 Isu a daytoy ti kinuna ni Jehova a panguluen dagiti armada, ti Dios ti Israel, ‘Pakanek dagitoy a tattao iti napait a mula nga ajenjo, ken painumekto ida iti nasabidongan a danum.+ 16 Iwarawarakto ida kadagiti nasion a saanda nga ammo ken uray dagidi ammada,+ ket mangibaonakto kadagiti mangpapatay kadakuada agingga a maibusko ida.’+
17 Daytoy ti imbaga ni Jehova a panguluen dagiti armada,
‘Panunotenyo ti mapaspasamak.
Paayabanyo dagiti babbai nga agkankanta kadagiti dung-aw,+
Ken paumayenyo dagiti nalaing a babbai nga agdung-aw,
18 Tapno darasenda ti umay ken agunnoyda kadakami.*
Tapno agarubos ti lua kadagiti matami
Ken agaruyot ti danum kadagiti kalub ti matami.+
19 Ta ti panagunnoy ket nangngeg manipud Sion:+
“Nakaro ti pannakadadaeltayo!
Napalalo ti pannakaibabaintayo!
Ta pinanawantayo ti daga, ket rinakrakda ti balbalaytayo.”+
20 Dakayo a babbai, denggenyo ti kinuna ni Jehova.
Ipangagyo koma ti imbagana.
Isuroyo kadagiti annakyo a babbai daytoy nga un-unnoy,
21 Ta immuli ni patay kadagiti tawatayo;
Simrek kadagiti natibker a torretayo
Tapno alaenna dagiti ubbing kadagiti kalsada
Ken dagiti agtutubo a lallaki kadagiti plasa.’+
22 Ibagam, ‘Daytoy ti kuna ni Jehova:
“Agkaiwaranto dagiti bangkay ti tattao a kas iti ganagan iti talon,
Kas iti naintar a kagapgapas iti likud ti agan-ani
Ket awan ti asinoman a mangurnong kadagita.”’”+
23 Daytoy ti imbaga ni Jehova:
“Saan koma nga ipannakkel ti masirib a tao ti siribna;+
Saan koma nga ipannakkel ti nabileg a lalaki ti kinabilegna;
Ket saan koma nga ipannakkel ti baknang a tao ti kinabaknangna.”+
24 “Ngem daytoy koma ti ipannakkel daydiay agpampannakkel:
Nga adda pannakatarus ken pannakaammona maipapan kaniak,+
A siak ni Jehova, Daydiay mangipakpakita iti napudno nga ayat, kinahustisia, ken kinalinteg iti daga,+
Ta dagita ti pakaragsakak,”+ kuna ni Jehova.
25 “Kitaenyo! Um-umayen dagiti aldaw,” kuna ni Jehova, “ket singirekto ti amin a nakugit ken saan a nakugit,+ 26 idiay Egipto,+ Juda,+ Edom,+ kadagiti Ammonita,+ idiay Moab,+ ken ti amin a naputdan ti buok iti pispisda nga agnanaed idiay let-ang;+ ta saan a nakugit ti amin a nasion, ken nasukir ti puso* ti amin a tattao ti Israel.”+
10 Denggenyo ti imbaga ni Jehova maibusor kadakayo, O tattao ti Israel. 2 Daytoy ti kinuna ni Jehova:
“Diyo sursuruen ti dalan dagiti nasion,+
Ket diyo pagbutngan dagiti pagilasinan iti langit
Ta dagita ti pagam-amkan dagiti nasion.+
3 Ta awan ti serserbi dagiti kaugalian ti tattao.
Ta kayo laeng dayta a napukan iti bakir,
Nga inaramid dagiti ima ti eksperto a trabahador babaen ti remientana.*+
4 Ar-arkosanda dayta iti pirak ken balitok+
Ken pagkakamangenda kadagiti lansa tapno saan a matumba.+
5 Dida makasao a kas iti bambanti iti talon a namulaan iti pipino.+
Masapul a mabagkatda ta saanda a makapagna.+
Diyo kabuteng ida ta saandakayo a madangran,
Wenno awan ti aniaman a nasayaat a maaramidda kadakayo.”+
6 Awan ti kas kenka, O Jehova.+
Naindaklanka! Naindaklan ken mannakabalin ti naganmo.
7 Asino ti saan nga agbuteng kenka, O Ari dagiti nasion,+ ta maikarika iti dayta;
Gapu ta iti amin a masirib a tattao kadagiti nasion ken pagarianda,
Awan a pulos ti kas kenka.+
8 Aminda ket awan naknakemna ken maag.+
Ti panagpaiwanwan iti kayo ket talaga nga awan ti serserbina.+
9 Naggapu dagiti pirak idiay Tarsis+ ken naggapu dagiti balitok idiay Ufaz,
Aramid dagita ti eksperto a trabahador, aramid ti ima ti latero.
Asul ken purpura a sinulid ti naaramid a badoda.
Inaramid amin dagita dagiti eksperto a trabahador.
10 Ngem ni Jehova ti pudno a Dios.
Isu ti sibibiag a Dios+ ken ti agnanayon nga Ari.+
Gapu iti kasta unay a pungtotna, agginggined ti daga,+
Ket awanto ti nasion a makaibtur iti nakaro nga ungetna.
11 * Daytoy ti masapul nga ibagam kadakuada:
“Dagiti didiosen a saan a nangaramid iti langit ken iti daga
Ket mapukawto ditoy daga ken iti baba ti langit.”+
12 Isu ti Nangaramid iti daga babaen ti pannakabalinna,
Daydiay nangaramid iti nabunga a daga babaen ti siribna+
Ken Daydiay nangyunnat iti langit babaen ti pannakaawatna.+
13 No ipangngegna ti timekna,
Makibur dagiti danum iti langit,+
Ken ipangatona dagiti ulep* manipud kadagiti ungto ti daga.+
14 Tunggal tao ket agtigtignay nga awan nakemna ken awan ammona.
Maibabainto ti tunggal latero gapu iti kinitikitan nga imahen;+
Ta saan a pudno ti inaramidna a metal nga imahen,*
15 Awan ti serserbi dagita ken banag a mauy-uyaw.+
Inton aldaw ti pannakasingirda, madadaeldanto.
16 Ti Bingay ni Jacob ket saan a kas kadagitoy a banag,
Ta isu Daydiay nangaramid iti amin,
Ket ti Israel ti sarukod ti tawidna.+
Jehova a panguluen dagiti armada ti naganna.+
17 Alaem ti kargam manipud iti daga,
O babai nga agnanaed iti lugar a nasakup.
18 Ta daytoy ti kuna ni Jehova:
19 Kaasiak pay gapu iti pannakadunorko!*+
Saan a maagasan ti sugatko.
Ket imbagak: “Sigurado a daytoy ti sakitko isu a masapul nga ibturak.
20 Nadadaelen ti toldak, ken napugsapugsaten dagiti galut ti toldak.+
Pinanawandakon dagiti annakko ket awandan.+
Awanen ti mangyukrad ken mangibangon iti toldak.
Isu a saan a masirib ti panagtignayda,
Ket naiwarawara ti amin nga arbanda.”+
22 Denggenyo ti kasangsangpet a damag!
Ti napigsa a karibuso manipud iti daga iti amianan,+
A mamagbalin kadagiti siudad iti Juda a langalang ken pagaponan dagiti chakal.+
23 O Jehova, ammok a saan a kabaelan ti tao nga idalan ti bagina.
Saan a naikkan ti tao iti autoridad a mangiturong uray iti addangna.+
24 Ilintegnak, O Jehova, maitunos iti hustisiam,
25 Ipapasmo ti pungtotmo kadagiti nasion a di mangikankano kenka,+
Ken kadagiti pamilia a saan nga umaw-awag iti naganmo.
11 Daytoy ti mensahe ni Jehova ken Jeremias: 2 “Dakayo a tattao, denggenyo ti ibagbaga daytoy a tulag!
“Ipakaammom* kadagiti tattao ti Juda ken kadagiti umili ti Jerusalem, 3 ket ibagam kadakuada, ‘Daytoy ti kuna ni Jehova a Dios ti Israel: “Mailunod ti tao a saan nga agtulnog iti ibagbaga daytoy a tulag,+ 4 nga imbilinko kadagidi ammayo idi inruarko ida iti Egipto,+ manipud iti urno a pagtunawan iti landok,+ a kinunak, ‘Agtulnogkayo kaniak, ken aramidenyo ti amin nga ibilinko kadakayo; ket agbalinkayto a tattaok ken agbalinakto a Diosyo,+ 5 tapno matungpalko ti insapatak kadagidi ammayo, nga itedko ti daga a pagay-ayusan ti gatas ken diro,+ kas iti daytoy nga aldaw.’”’”
Ket insungbatko: “Amen,* O Jehova.”
6 Kinuna kaniak ni Jehova: “Ipakaammom dagitoy a sasao kadagiti siudad iti Juda ken kadagiti kalsada iti Jerusalem: ‘Denggenyo ti ibagbaga daytoy a tulag, ken aramidenyo dagitoy. 7 Ta binilinko a naimbag dagidi ammayo idi inruarko ida idiay Egipto, ken agingga ita nga aldaw, a maulit-ulit a bagbagaak ida:* “Agtulnogkayo kaniak.”+ 8 Ngem saanda a dimngeg wenno nangipangag; inggagarada ketdi ti nagtulnog iti dakes a pusoda.+ Isu nga imbagak kadakuada ti amin a linaon daytoy a tulag nga imbilinko a tungpalenda ken saanda a kayat nga aramiden.’”
9 Imbaga ngarud kaniak ni Jehova: “Nagkukumplot dagiti tattao ti Juda ken dagiti umili ti Jerusalem. 10 Inulitda dagiti nagkamalian dagidi ammada, a saanda a nagtulnog kadagiti sasaok.+ Nagdaydayaw ken nagserbida kadagiti sabali a dios.+ Dinadael ti sangakabbalayan ti Israel ken sangakabbalayan ti Juda ti tulagko kadagidi ammada.+ 11 Gapuna, imbaga ni Jehova, ‘Mangyegak iti didigra+ a saanda a maitarayan. Inton agpakaasida kaniak iti tulong, saankonto ida a denggen.+ 12 Dagiti siudad ti Juda ken dagiti umili ti Jerusalem ket mapanto kadagiti didiosen a pagidatdatonanda kadagiti daton* ket agpakaasida iti tulong.+ Ngem pulos a saanto ida a maisalakan dagita a didiosen iti tiempo ti pannakadadaelda. 13 Ta dagiti didiosem ket nagbalin a kas kaadu dagiti siudadmo, O Juda, ket nangibangonka kadagiti altar a kas iti kaadu dagiti kalsada ti Jerusalem para iti nakababain a banag,* dagiti altar a pagidatonan ken Baal.’+
14 “Ngem sika,* saanmo nga ikararagan dagitoy a tattao. Saanka nga agpakaasi wenno agkararag para kadakuada,+ ta saanakto a dumngeg inton agpakaasida iti tulong gapu iti pannakadidigrada.
15 Ania koma ti karbengan daydiay ipatpategko nga agyan iti balayko
Ta nakaad-adu ti agar-aramid kadagiti dakes a bambanag?
Babaen ti nasantuan a karne* mapasardengda aya ti didigra a dumteng kenka?
Maragsakankanto kadi iti dayta a tiempo?
16 Narangpaya nga olibo ti awag idi kenka ni Jehova,
Napintas a kayo a nagsayaat ti bungana.
Babaen ti napigsa nga uni, pinuoranna dayta,
Ken tinukkolda dagiti sangana.
17 “Ni Jehova a panguluen dagiti armada, ti Nangimula kenka,+ impakaammona a madidigraka gapu iti dakes nga inaramid ti sangakabbalayan ti Israel ken sangakabbalayan ti Juda. Sinaktanda ti riknak ta nagdatonda ken Baal.”+
18 Imbaga ni Jehova kaniak tapno maammuak;
Iti dayta a tiempo, impakitam kaniak dagiti ar-aramidenda.
19 Kaslaak iti naamo a kordero a naipan iti pagpartian.
Diak ammo nga adda planoda maibusor kaniak:+
“Dadaelentayo ti kayo agraman ti bungana,
Ket pagpatinggaentayo ti biagna iti daga dagiti sibibiag,
Tapno saanton a pulos malagip ti naganna.”
20 Ngem nalinteg ti panangukom ni Jehova a panguluen dagiti armada;
Makitak koma ti panangbalesmo kadakuada,
Ta intalekko kenkan ti kasok.
21 Gapuna, imbaga ni Jehova maibusor kadagiti tattao iti Anatot+ a mayat a mangkettel iti biagmo* ken mangibagbaga: “Dika agipadto iti nagan ni Jehova,+ no dimo kayat a patayendaka”; 22 isu nga imbaga ni Jehova a panguluen dagiti armada: “Dusaek ida. Mapapatay iti espada dagiti agtutubo a lallaki,+ ken matayto iti nakaro a bisin dagiti annakda a lallaki ken babbai.+ 23 Awanto ti uray maysa a mabati kadakuada, ta didigraekto dagiti tattao iti Anatot+ iti tawen a panangsingirko kadakuada.”
Ngem apay a naballigi dagiti dakes a tattao,+
Ken apay a saan a madandanagan dagiti manangallilaw?
2 Immulam ida, ket nagramutda.
Dimmakkelda ken nagbungada.
Kanayon a nasayaat ti ibagbagada maipapan kenka ngem adayoka iti kaunggan a pampanunotda.*+
3 Ngem am-ammonak unay, O Jehova,+ makitkitanak;
Sinukimatmo ti pusok ket nakitam a naipamaysa dayta kenka.+
Isinam ida a kas kadagiti karnero a maparti,
Ket ilasinmo ida para iti aldaw ti panangpapatay.
Gapu iti kinadakes dagiti agnanaed iti dayta,
Awanen dagiti animal ken dagiti billit.
Ta imbagada: “Saanna a makita ti mapasamak kadatayo.”
5 No mabannogka a makilumba kadagiti magmagna a soldado,
Kasanoka ngarud a makilumba kadagiti kabalio?+
Uray no kampanteka iti natalna a lugar,
Anianto ti aramidem no addaka iti kasamekan iti igid ti Jordan?
Binusordaka.
Saanmo ida a patpatien,
Uray no nasayaat ti ibagbagada kenka.
7 “Pinanawak ti balayko;+ binaybay-ak ti tawidko.+
Insukok daydiay ipatpategko unay iti ima dagiti kabusorna.+
8 Nagbalin ti tawidko a kas iti leon iti bakir.
Ngerngerngerannak.
Isu a ginurak.
9 Ti tawidko ket kas iti namaris a dakkel a billit;
A tiliwen dagiti sabali pay a dadakkel a billit iti aglawlawna.+
Umaykayo, aguummongkayo, dakayo amin nga atap nga animal iti tay-ak,
Umaykayo mangan.+
Pinagbalinda a langalang ti nakasaysayaat a bingayko a daga.
11 Nagbalinen nga awan serserbina;
Nagbalin a langalang dayta a daga,
Ngem saan nga impapuso dayta dagiti tattao.+
12 Immay dagiti manangdadael a nagnada kadagiti madaldalanan a paset iti let-ang,
Ta lumasat ti espada ni Jehova a mangdadael iti intero a daga.+
Awan ti talna iti asinoman.*
13 Nagmulada iti trigo, ngem siit ti naapitda.+
Impanda amin a pigsada a nagtrabaho ngem awan ti nagunggonada.
Mabaindanto iti maapitda
Gapu iti umap-apuy nga unget ni Jehova.”
14 Daytoy ti imbaga ni Jehova maibusor iti amin a dakes a kaarrubak, a mangdaddadael iti daga nga impatawidko iti ilik nga Israel:+ “Parutek ida iti dagada,+ ket parutekto ti sangakabbalayan ti Juda iti tengngada. 15 Ngem inton naparutko idan, kaasiakto met laeng ida ket isublikto ti tunggal maysa kadakuada iti tawidda ken iti dagada.”
16 “Ket no ipasiguradoda a sursuruenda ti ar-aramiden ti ilik ken agsapatada iti naganko, ‘Isapatami iti nagan ti sibibiag a Dios a ni Jehova!’ kas iti pannakaisuroda nga agsapata ken Baal, mabendisionandanto iti tengnga dagiti tattaok. 17 Ngem no saanda nga agtulnog, parutekto met dayta a nasion. Parutek ken dadaelek dayta,” kuna ni Jehova.+
13 Daytoy ti imbaga ni Jehova kaniak: “Mapanka gumatang iti sinturon a lienso ket ibarikesmo, ngem dimo ipalubos a mabasa iti danum.” 2 Isu a gimmatangak iti sinturon kas iti imbaga ni Jehova ket imbarikesko dayta. 3 Iti maikadua a daras, kastoy ti imbaga ni Jehova kaniak: 4 “Alaem ti ginatangmo a sinturon nga imbarikesmo ket mapanka idiay Eufrates. Ilemmengmo dayta iti rengngat ti dakkel a bato.” 5 Isu a napanko inlemmeng idiay Eufrates kas imbilin ni Jehova.
6 Ngem kalpasan ti adu nga aldaw, imbaga ni Jehova: “Mapanka idiay Eufrates ket alaem ti impailemmengko a sinturon.” 7 Isu a napanak idiay Eufrates ket inruarko ti sinturon iti nangilemmengak. Nakitak a nadadaelen ti sinturon; saanen a mabalin nga usaren.
8 Kalpasanna, kinuna ni Jehova kaniak: 9 “Daytoy ti kuna ni Jehova, ‘Kastanto ti panangdadaelko iti kinapangas ti Juda ken iti napalalo a kinapangas ti Jerusalem.+ 10 Dagitoy a dakes a tattao a mangsuksukir iti sasaok,+ a mangipilpilit iti kaykayatda,+ ken sumursurot, agserserbi, ken agdaydayaw kadagiti sabali a dios ket agbalinto a kas iti daytoy a sinturon a saanen a mabalin nga usaren.’ 11 ‘Ta no kasano a kumpet ti sinturon iti siket ti maysa a tao, inkapetko met kaniak ti intero a sangakabbalayan ti Israel ken intero a sangakabbalayan ti Juda,’ kuna ni Jehova, ‘tapno agbalinda a tattaok,+ maysa a nagan,+ pakaidaydayawan, ken napintas a banag. Ngem saanda a nagtulnog.’+
12 “Masapul nga ibagam pay daytoy kadakuada, ‘Daytoy ti kuna ni Jehova a Dios ti Israel: “Masapul a mapno iti arak ti tunggal burnay.”’ Ket isungbatdanto kenka, ‘Saanmi pay aya nga ammo a masapul a mapno iti arak ti tunggal burnay?’ 13 Ket ibagam kadakuada, ‘Daytoy ti kuna ni Jehova: “Kas iti dakkel a karamba, punnuek iti arak ti amin nga umili iti daytoy a daga,+ dagiti ari nga agtugtugaw iti trono ni David, dagiti papadi ken propeta, ken ti amin nga umili ti Jerusalem. 14 Pagdidinnungparekto a kasla karamba dagiti amma ken annak,” kuna ni Jehova.+ “Saanakto a makipagrikna wenno maladingitan wenno maasian kadakuada; awan ti makalapped kaniak a mangdadael kadakuada.”’+
15 Dumngegkayo ken ipamaysayo ti atensionyo.
Dikay agtangsit, ta ni Jehova ti nagsao.
16 Idaydayawyo ni Jehova a Diosyo
Sakbay nga iyegna ti sipnget
Sakbay a maitibkol dagiti sakayo kadagiti bantay bayat a sumipnget.
Agur-uraykayo iti lawag,
Ngem mangyegto iti kasta unay a kinasipnget;
Pagbalinennanto a nakasipsipnget.+
17 Ket no saankayo a dumngeg,
Agsangitakto a sililimed gapu iti kinatangsityo.
Agtedted ti adu a lua iti matak ken agayusto dagiti luak,+
Gapu ta ti arban ni Jehova+ ket naipanaw kas balud.
18 Ibagam iti ari ken iti inana,+ ‘Agtugawkayo iti nababbaba a lugar,
Ta matnagto ti napintas a korona iti uloyo.’
19 Naserraan* dagiti siudad iti abagatan ken awan ti makailukat.
Naipanaw ti amin a tattao iti Juda, naipanawda amin.+
20 Itannawagmo dagiti matam ket kitaem dagidiay sumungsungad iti amianan.+
Ayannan ti arban a naited kenka, dagiti napipintas a karnerom?+
Saan kadi a nasakit dayta a kas iti marikna ti agan-anak a babai?+
22 Inton ibagam iti bagim, ‘Apay a napasamak kaniak dagitoy?’+
Gapu iti kadakkel ti basolmo, naikkat ti paldam+
Ken nakaro ti sakit dagiti mukodmo.
23 “Mabalbaliwan aya ti Cusita* ti kudilna, wenno mabalbaliwan aya ti leopardo ti labangna?+
No wen, kabaelanyo ti agaramid iti naimbag,
Dakayo a nairuamen nga agar-aramid iti dakes.
24 Isu nga iwarawarakto ida a kas iti garami nga itayab ti angin ti desierto.+
25 Daytoy ti mapasamak kenka. Daytoy ti intedko a bingaymo,” kuna ni Jehova,
Kadagiti turod, kadagiti taltalon,
Nakitak ti narugit nga inar-aramidmo.+
Kaasika pay, O Jerusalem!
Kaanonto pay nga isardengmo ti kinarugitmo?”+
14 Daytoy ti kinuna ni Jehova ken Jeremias maipapan kadagiti tikag:+
2 Agladladingit ti Juda,+ ken nadadaelen dagiti ruanganna.
Natumbada iti daga gapu iti lidayda,
Ken mangngeg iti Jerusalem ti panagsasangitda.
3 Ibaon dagiti amo dagiti adipenda* a mapan agsakdo.
Mapanda kadagiti abut a pagalaan iti danum* ngem awan ti makitada a danum dagita.
Agawidda nga awan nagyan dagiti pagkargaanda.
Mabainan ken madismayada,
Ken abbonganda ti uloda.
4 Nagrengngat ngamin ti daga,
Ta awan ti tudo,+
Nadismaya dagiti agtaltalon ken inabbonganda ti uloda.
5 Baybay-an payen ti kabaian nga ugsa iti talon ti kayyanak nga urbonna
Gapu ta awan ti ruot.
6 Agtakder dagiti atap nga asno kadagiti kalbo a turod.
Agal-alda a kas kadagiti chakal;
Kumudrep ti panagkitada gapu ta awanen ti mulmula.+
Ta namin-adu a saankami a nagbalin a matalek,+
Ken nagbasolkami kenka.
8 O sika a namnama ti Israel, ti Manangisalakan kenkuana+ iti tiempo ti rigat,
Apay a kaska la estranghero iti daga,
Kas iti biahero nga umyan laeng iti rabii?
9 Apay a kaska la iti nakigtot a lalaki,
Kas iti nabileg a lalaki a saan a makaisalakan?
Saannakami a baybay-an.
10 Daytoy ti imbaga ni Jehova maipapan kadagitoy a tattao: “Kaykayatda ti agakar-akar;+ saanda a makontrol dagiti sakada.+ Isu a saan a maragsakan kadakuada ni Jehova.+ Ita, lagipenna ti kamalida ken dusaenna ida gapu kadagiti basolda.”+
11 Kalpasanna, imbaga kaniak ni Jehova: “Dimo ikararag a nasayaat ti mapasamak kadagitoy a tattao.+ 12 No agayunarda, saanko a denggen dagiti panagpakaasida,+ ken no agidatonda iti sibubukel a daton a mapuoran ken bukbukel, saanak a maragsakan+ ta dadaelekto ida iti espada, nakaro a bisin, ken makapapatay a sakit.”+
13 Gapuna, kinunak: “O Kangatuan* nga Apo Jehova! Kastoy ti ibagbaga kadakuada dagiti propeta: ‘Diyonto mapasaran ti gubat ken nakaro a bisin no di ket mangyegak iti pudno a talna iti daytoy a lugar.’”+
14 Ngem imbaga kaniak ni Jehova: “Ulbod ti ipadpadto dagiti propeta a mangus-usar iti naganko.+ Saanko ida nga imbaon, binilin, wenno kinasarita.+ Agipadpadtoda kadakayo iti saan nga agpayso a sirmata, awan serserbina a padto, ken ti panangallilaw ti pusoda.+ 15 Gapuna, daytoy ti imbaga ni Jehova maipapan kadagiti propeta a mangus-usar iti naganko nga agipadto, uray no saanko ida nga imbaon, ken mangibagbaga nga awan ti dumteng a gubat wenno nakaro a bisin iti daytoy a daga: ‘Matayto dagidiay a propeta iti gubat ken nakaro a bisin.+ 16 Dagiti met tattao a pagipadpadtuanda ket maibellengto kadagiti kalsada iti Jerusalem gapu iti nakaro a bisin ken gubat. Awanto ti mangitabon kadakuada+ agraman kadagiti assawa ken annakda a lallaki ken babbai, ta iyegko ti didigra a maitutop kadakuada.’+
17 “Masapul nga ibagam daytoy kadakuada,
‘Agarubos koma dagiti luak iti aldaw ken rabii, saanda koma nga agsardeng,+
Ta ti birhen nga anak a babai ti ilik ket namimpinsan a nadadael ken nadunor,+
Ket nakaro ti sugatna.
Ket no sumrekak iti siudad,
Makitak dagiti sakit nga epekto ti nakaro a bisin!+
Ta napan ti propeta ken padi iti lugar a saanda nga ammo.’”+
19 Namimpinsan kadin nga inlaksidmo ti Juda, wenno ginuram ti Sion?+
Apay a dinangrannakami, ket saankamin a mapaimbag?+
Adda namnama a talna, ngem awan ti nasayaat a dimteng,
Adda namnama ti pannakapaimbag, ngem buteng ti dimteng!+
Laglagipem ti tulagmo kadakami ket tungpalem koma.+
22 Makaited aya iti tudo ti asinoman nga awan serserbina a didiosen dagiti nasion,
Wenno makaited aya ti langit iti tudo a bukbukodna?
Saan aya a sika laeng ti makaaramid iti daytoy, O Jehova a Diosmi?+
Ken mangnamnamakami kenka,
Ta sika laeng ti nangaramid kadagitoy amin a banag.
15 Ket imbaga kaniak ni Jehova: “Uray agtakder da Moises ken Samuel iti sangok,+ saankonto a kaasian daytoy nga ili. Papanawem ida iti sanguanak. Pagtalawem ida. 2 No saludsodenda kenka, ‘Papananmi?’ ibagam kadakuada, ‘Daytoy ti kuna ni Jehova:
“Matayto iti sakit ti dadduma kadakayo!
Matayto iti espada ti dadduma kadakayo!+
Matayto iti nakaro a bisin ti dadduma kadakayo!
Ken maipanawto ti dadduma kadakayo!”’+
3 “‘Mangyegakto kadakuada iti uppat a didigra,’*+ kuna ni Jehova, ‘ti espada a mangpapatay, dagiti aso a mangguyodguyod kadagiti bangkayda, ken dagiti billit iti tangatang ken animal iti daga a mangalun-on ken mangdadael.+ 4 Pagbalinekto met ida a nakabutbuteng iti amin a pagarian ditoy daga+ maigapu iti ari ti Juda a ni Manases nga anak ni Ezekias ken gapu iti inaramidna iti Jerusalem.+
5 O Jerusalem, asino ti makipagrikna kenka,
Asino ti makisimpatia kenka,
Ken asino ti dumagas a mangkomusta iti kasasaadmo?’
6 ‘Pinanawannak,’ kuna ni Jehova.+
‘Kanayon a taltallikudannak.*+
Isu nga usarekto ti pannakabalinko maibusor kenka ket dadaelenka.+
Naumaakon a mangipakpakita kenka iti asi.*
7 Ket iwarawarak ida a kas iti pannakaitaep ti bukbukel kadagiti ruangan ti daga.
Ipaluboskonto a maawananda iti annak.+
Dadaelekto dagiti tattaok,
Gapu ta dida kayat a balbaliwan dagiti dakes nga aramidda.+
8 Iti imatangko, ad-adunto dagiti baloda a babbai ngem iti darat dagiti baybay.
Mangyegakto iti mangdadael kadakuada iti tengnga ti aldaw, maikontra kadagiti inna ken agtutubo a lallaki.
Bigla nga iyegkonto kadakuada ti danag ken buteng.
9 Naglusdoy ti babai a nangyanak iti pito;
Marigrigatan nga umanges.
Limneken ti initna uray no aldaw pay laeng,
Isu a mapabainan ken maibabain.’*
‘Ti sumagmamano kadakuada a sibibiag pay laeng
Ket itedkonto kadagiti kabusorda a mangpapatay kadakuada,’ kuna ni Jehova.”+
10 O inak, kaasiak pay, gapu ta inyanaknak,+
Maysaak a lalaki a kanayon a mairamraman iti riri ken supiat iti intero a daga.
Saanak a nagpautang wenno immutang.
Ngem agpapadada a mangilunlunod kaniak.
11 Kinuna ni Jehova: “Sigurado a tulonganka;
Sigurado a salaknibanka manipud iti kabusor,
Iti tiempo ti didigra, iti tiempo ti rigat.
12 Kabaelan aya ti asinoman a tukkotukkolen ti landok,
Uray ti landok a naggapu iti amianan, agraman ti gambang?
13 Baybay-akto a maala dagiti sanikuam ken kinabaknangmo,+
Saan a gapu iti balor, no di ket maigapu iti amin a basolmo iti amin a teritoriam.
Ta simgeden ti ungetko,
Ken sumsumgiab maibusor kadakayo.”+
15 Ammom, O Jehova,
Lagipennak ken asikasuennak.
Ibalesannak kadagiti mangidaddadanes kaniak.+
Dimo ipalubos a matayak* ta nabannayatka nga agpungtot.
Panunotem a para kenka ti panangibturko iti daytoy a pannakaumsi.+
16 Nasarakak ti sasaom, ket kinnanko dagita;+
Ti saom ket pakaragsakak ken pagrag-oan ti pusok,
Ta naipanagan kaniak ti naganmo, O Jehova a Dios dagiti armada.
17 Saanak a makikadua kadagiti managayat iti ragragsak ken makipagrag-o kadakuada.+
18 Apay a di met la sumardengen ti marikriknak nga ut-ot ken saan a maagasan ti sugatko?
Saanna a kayat ti umimbag.
Agbalinka kadi kaniak a kas iti ubbog nga awan danumna
A saan a mapangnamnamaan?
19 Isu a daytoy ti imbaga ni Jehova:
“No agsublika, kaasiankanto manen,
Ket agtakderkanto iti sanguanak.
No isinam ti napateg manipud kadagiti awan pategna,
Agbalinkanto a pannakangiwatko.*
Umaydanto kenka,
Ngem saankanto a mapan kadakuada.”
20 “Pagbalinenka a natibker a pader a gambang kadagitoy a tattao;+
Sigurado a labanandaka,
Ngem saandanto nga agballigi kenka,*+
Ta addaak kenka, tapno isalakanka ken alawenka,” kuna ni Jehova.
21 “Alawenkanto iti ima dagiti managdakdakes
Ken wayawayaanka iti dakulap dagidiay naulpit.”
16 Kinuna pay ni Jehova kaniak: 2 “Saanka a mangasawa ken saanka nga agputot iti lallaki ken babbai iti daytoy a lugar. 3 Ta daytoy ti kuna ni Jehova maipapan kadagiti nayanak ditoy a lallaki ken babbai, kadagiti inna a nangyanak kadakuada, ken kadagiti amma a nangputot kadakuada iti daytoy a lugar: 4 ‘Mataydanto kadagiti makapapatay a sakit,+ ngem awanto ti mangdung-aw wenno mangitabon kadakuada. Agbalindanto a kas ganagan iti rabaw ti daga.+ Mataydanto gapu iti espada ken nakaro a bisin.+ Dagiti bangkayda ket kanento dagiti billit iti tangatang ken atap nga animal iti daga.’
5 Ta daytoy ti kuna ni Jehova,
‘Dika sumrek iti balay a pagdadayaan dagiti nagminatay,
Ken saanka a mapan makidung-aw wenno makisimpatia.’+
‘Ta inikkatkon ti talnak kadagitoy a tattao,’ kuna ni Jehova,
‘Agraman ti napudno nga ayatko ken asik kadakuada.+
6 Agpadpada a matayto dagiti natan-ok ken nanumo iti daytoy a lugar.
Saandanto a maitabon,
Awanto ti mangdung-aw kadakuada,
Wenno mangsugat iti bagina wenno agpakalbo maigapu kadakuada.*
7 Awanto met ti mangted iti kanen dagiti nagminatay,
Tapno maliwliwada gapu iti panagminatayda;
Wenno awanto ti mangted kadakuada iti kopa ti arak a pangliwliwa
Tapno inumenda maigapu iti ipapatay ti ama wenno inada.
8 Ken dika sumrek iti balay a pagdadayaan
Tapno makipangan wenno makiinum kadakuada.’
9 “Ta daytoy ti kuna ni Jehova a panguluen dagiti armada, ti Dios ti Israel, ‘Iti daytoy a lugar ken iti kaaldawanyo, makitayo a pasardengekto ti uni ti panagragsak ken panagrag-o, ti timek ti nobio ken ti timek ti nobia.’+
10 “Inton ibagam amin dagitoy a sasao kadagiti tattao, damagendanto kenka, ‘Apay nga imbaga ni Jehova amin daytoy dakkel a didigra kadakami? Ania ti kamali ken basolmi ken Jehova a Diostayo?’+ 11 Isungbatmonto kadakuada, ‘“Gapu ta pinanawandak dagidi ammayo,”+ kuna ni Jehova, “ken nagdaydayaw, nagserserbi, ken nagrukruknoyda kadagiti sabali a dios.+ Pinanawandak ketdi ken saanda a nagtulnog iti lintegko.+ 12 Ngem dakdakes pay ti inaramidyo ngem kadagidi ammayo,+ ken inggagara ti tunggal maysa kadakayo ti nagtulnog iti dakes a pusona imbes nga agtulnogkayo kaniak.+ 13 Isu a pagtalawenkayto iti daytoy a lugar ket ipankayo iti lugar a diyo ammo ken uray dagidi ammayo.+ Iti aldaw ken rabii, mapilitankayto nga agserbi kadagiti sabali a dios sadiay+ ta saankayto a kaasian.”’
14 “‘Ngem um-umayen dagiti aldaw,’ kuna ni Jehova, ‘inton saandan nga ibaga: “Isapatami iti nagan ti sibibiag a Dios a ni Jehova a nangiruar kadagiti Israelita idiay Egipto!”+ 15 Kastoyton ti ibagada: “Isapatami iti nagan ti sibibiag a Dios a ni Jehova a nangiruar kadagiti Israelita iti lugar iti amianan ken iti amin a lugar a nangiwarawaraanna kadakuada!” ket isublikto ida iti dagada nga intedko kadagidi ammada.’+
16 ‘Mangibaonak iti adu a mangngalap,’ kuna ni Jehova,
‘Ket kalapendanto ida.
Kalpasanna, mangibaonakto iti adu a mangnganup,
Ket anupendanto ida iti tunggal bantay ken turod
Ken kadagiti rengngat ti dadakkel a bato.
17 Ta makitkitak ti amin nga ar-aramidenda.*
Saan a nailemmeng dagita iti sanguanak,
Saan met a nailinged kaniak ti basolda.
18 Umuna, dusaekto ida gapu iti basol ken kamalida,+
Ta rinugitanda ti dagak kadagiti awan biagna a rebulto* dagiti makarimon nga idoloda
Ken pinunnoda ti dagak kadagiti nagdakes a bambanag.’”+
19 O Jehova, a pigsak ken bilegko,
Ti kamangko iti aldaw ti rigat,+
Umayto kenka dagiti nasion manipud kadagiti ungto ti daga,
Ket ibagadanto: “Natawid dagidi ammami ti nalawag a kinaulbod,
Bambanag nga awan kaes-eskanna, awan serserbina, ken awan maitulongna.”+
21 “Ipakaammokto ngarud kadakuada,
Iti daytoy a tiempo, ipakaammokto kadakuada ti pannakabalin ken bilegko,
Ket maammuandanto a ti naganko ket Jehova.”
17 “Naisurat ti basol ti Juda babaen ti landok a pagsurat.
Babaen ti natirad a diamante, naikitikit dayta iti pusoda
Ken kadagiti sara dagiti altarda,
2 Bayat a malaglagip ti annakda dagiti altarda ken sagrado a posteda*+
Iti abay ti narukbos a kayo, iti rabaw dagiti nangato a turod,+
3 Iti tapaw ti bambantay iti away.
Baybay-akto a maala dagiti sanikuam, ti amin a kinabaknangmo+
—Wen, dagiti nangato a dissom gapu iti basol iti amin a teritoriam.+
4 Baybay-amto a maala ti impatawidko kenka.+
Ipaadipenkanto kadagiti kabusormo iti lugar a saanmo nga ammo,+
Agnanayonto a sumsumged dayta.”
5 Daytoy ti kuna ni Jehova:
“Mailunod ti tao* nga agtalek kadagiti tattao laeng,+
Nga agpannuray iti pannakabalin ti tao,*+
Ken mangyadayo iti pusona ken Jehova.
6 Kayarigannanto ti maymaysa a kayo iti desierto.
Dinanto makita no adda nasayaat a dumteng,
Ta agyanto kadagiti natikag a lugar iti let-ang,
Iti naapgad a daga a saan a mapagnaedan.
8 Kayarigannanto ti kayo a naimula iti igid ti dandanum,
Nga agwaras dagiti ramutna agingga iti pagayusan ti danum.
Saannanto a madlaw ti bara ti init,
Ta nalangto latta dagiti bulongna.+
Ket saanto nga agdanag iti tawen ti tikag,
Ken saanto met nga agsardeng nga agbunga.
9 Ti puso ket ad-adda a manangallilaw* ngem iti aniaman a banag ken desperado.*+
Asino ti makaammo iti dayta?
10 Siak, ni Jehova, suksukisokek ti puso,+
Suksukimatek ti kaunggan a pampanunot,*
Tapno supapakak ti tunggal tao sigun iti kababalinna,
Sigun kadagiti bunga dagiti aramidna.+
11 Kas iti tukling a mangukop iti saanna nga inyitlog,
Mapukaw ti kinabaknangna bayat a kabambanuaganna,
Ket mapaneknekan a maag iti kamaudiananna.”
13 O Jehova, ti namnama ti Israel,
Maibabainto ti amin a mangpanaw kenka.
Dagidiay agapostata kenka* ket maisuratto iti tapok,+
Ta pinanawanda ni Jehova, ti ubbog ti sibibiag a danum.+
14 Paimbagennak, O Jehova, ket umimbagakto.
Isalakannak, ket maisalakanakto,+
Ta sika ti idaydayawko.
15 Kitaenyo! Adda dagidiay mangibagbaga kaniak:
“Ayan ti sao ni Jehova?+
Sapay koma ta matungpal!”
16 Ngem saanak a simmardeng a sumursurot kenka kas pastor,
Saanko met a pinadpadaanan ti aldaw ti didigra.
Pagaammom ti amin nga imbagak;
Napasamak amin dagita iti sanguanam!
17 Saanmo koma nga ipalubos a mapabutnganak.
Sika ti pagkamangak iti aldaw ti didigra.
Lapunosem ida iti buteng,
Ngem dimo koma ipalubos a mapabutnganak.
19 Daytoy ti imbaga kaniak ni Jehova: “Mapanka agtakder iti ruangan ti annak dagiti umili, a pagserkan ken pagruaran ti ar-ari ti Juda, ken iti amin a ruangan ti Jerusalem.+ 20 Masapul nga ibagam kadakuada, ‘Denggenyo ti kinuna ni Jehova, dakayo nga ar-ari ti Juda, dakayo amin nga umili ti Juda, ken dakayo amin nga agnanaed iti Jerusalem, a sumsumrek kadagitoy a ruangan. 21 Daytoy ti kuna ni Jehova: “Agannadkayo, ken dikay agawit iti aniaman nga awit iti aldaw ti Sabbath wenno diyo iserrek dayta kadagiti ruangan ti Jerusalem.+ 22 Iti aldaw ti Sabbath, masapul a saankayo a mangiruar iti aniaman nga awit manipud kadagiti pagtaenganyo; ken saankayo a pulos nga agtrabaho.+ Pagtalinaedenyo a sagrado ti aldaw ti Sabbath, kas iti imbilinko kadagidi ammayo.+ 23 Ngem saanda nga immimdeng wenno nangipangag. Inggagarada ketdi ti saan* nga agtulnog wenno immawat iti disiplina.”’+
24 “‘“Ngem no ikagumaanyo ti agtulnog kaniak,” kuna ni Jehova, “ken saankayo a mangiserrek iti awit kadagiti ruangan daytoy a siudad iti aldaw ti Sabbath, ken pagtalinaedenyo a sagrado ti aldaw ti Sabbath babaen ti saanyo a panangaramid iti aniaman a trabaho,+ 25 dagiti ari ken prinsipe nga agtugaw iti trono ni David+ ket sumrekto met ngarud kadagiti ruangan daytoy a siudad, a nakasakay iti karuahe ken kadagiti kabalio, isuda ken dagiti prinsipeda, dagiti tattao ti Juda ken dagiti agnanaed iti Jerusalem;+ ket agnanayonto a mapagnaedan daytoy a siudad. 26 Ket umayto dagiti tattao manipud kadagiti siudad ti Juda, manipud kadagiti lugar iti aglikmut ti Jerusalem, manipud iti daga ti Benjamin,+ manipud iti kapatagan,+ manipud iti kabambantayan, ken manipud iti Negeb,* a mangyeg kadagiti sibubukel a daton a mapuoran,+ datdaton,+ daton a bukbukel,+ olibano, ken daton ti panagyaman iti balay ni Jehova.+
27 “‘“Ngem no saankayo nga agtulnog kaniak gapu ta diyo pagtalinaeden a sagrado ti aldaw ti Sabbath ken adda latta dagiti awitenyo nga iserrek kadagiti ruangan ti Jerusalem iti aldaw ti Sabbath, puorakto dagiti ruanganna, ket sigurado a mauramto dagiti natibker a torre ti Jerusalem+ ket saanto a maiddep dayta.”’”+
18 Daytoy ti mensahe ni Jehova ken Jeremias: 2 “Agsaganaka ken mapanka iti balay ti agdamdamili,+ ket makisaritaakto kenka sadiay.”
3 Napanak ngarud iti balay ti agdamdamili, ket madama idi nga agdamdamili. 4 Ngem adda depekto ti banga nga ar-aramidenna isu a binaliwanna a damilien kas iti kayatna a pagbalinan dayta.*
5 Ket kinuna kaniak ni Jehova: 6 “‘O tattao ti Israel, saanko aya a maaramid kadakayo ti kas iti inaramid daytoy nga agdamdamili?’ kuna ni Jehova. ‘Kitaenyo! Kas iti pila iti ima ti agdamdamili, kastakayo met iti imak, O tattao ti Israel.+ 7 Kada ibagak ti maipapan iti panangparut ken panangrebba ken panangdadael iti maysa a nasion wenno pagarian,+ 8 ket isardeng dayta a nasion ti kinadakesna, baliwakto met ti panunotko maipapan iti* didigra a panggepko nga iyeg iti dayta.+ 9 Ngem kada ibagak ti maipapan iti panangbangon ken panangimula iti nasion wenno pagarian, 10 ket aramidenna ti dakes iti sanguanak ken saan nga agtulnog iti timekko, baliwakto ti panunotko maipapan iti* nasayaat a panggepko nga aramiden iti dayta.’
11 “Ita, pangngaasim ta ibagam kadagiti tattao iti Juda ken kadagiti umili iti Jerusalem, ‘Daytoy ti imbaga ni Jehova: “Mangyegak* iti didigra ken adda panggepko a maibusor kadakayo. Pangngaasiyo ta isardengyo dagiti dakes nga aramidyo ket balbaliwanyo dagiti kababalin ken aramidyo.”’”+
12 Ngem insungbatda: “Awanen ti serbina!+ Ta surotenmi ti adda iti panunotmi, ken aramiden ti tunggal maysa kadakami ti kayat ti dakes a pusomi.”+
13 Isu a daytoy ti imbaga ni Jehova:
“Pangngaasim ta isaludsodmo kadagiti nasion.
Asino ti nakangngegen iti kastoy a banag?
Inaramid ti anak a babai ti Israel ti kadadaksan a banag.+
14 Marunaw aya ti niebe manipud iti dadakkel a bato iti bakras ti kabambantayan ti Lebanon?
Wenno agsardeng aya nga agayus ti nalamiis a danum manipud iti adayo?
15 Ngem linipatdak dagiti tattaok.+
Ta mangipapaayda kadagiti daton* para iti awan patpategna,+
Mangar-aramidda iti pakaitibkolan dagiti tattao iti pagnaanda, iti nagkauna a dalan,+
Tapno magnada kadagiti likkalikkaong ken saan a nasimpa* a babassit a dalan,
Mabuteng ken agwingiwingto ti amin a lumabas a makakita iti dayta.+
17 Kas iti angin ti daya, iwarawarakto ida iti sanguanan dagiti kabusorda.
Ti bukotko, saan ket a ti rupak, ti ipakitakto kadakuada iti aldaw ti pannakadidigrada.”+
18 Ket imbagada: “Umaykayo, agplanotayo iti maikontra ken Jeremias,+ ta dagiti papadi ti mangisursuro kadatayo iti linteg* wenno dagiti masirib ti mammagbaga kadatayo wenno dagiti propeta ti mangipakpakaammo kadatayo iti sao ti Dios. Umaykayo ket agsaotayo iti maikontra kenkuana* ken ditay ipangag ti ibagbagana.”
19 Ipangagnak, O Jehova,
Ket denggem ti ibagbaga dagiti kabusorko.
20 Rumbeng kadi a dakes ti maisubad iti naimbag?
Ta nagkalida iti abut tapno maalada ti biagko.*+
Lagipem dagiti panagtakderko iti sanguanam tapno ibagak dagiti nasayaat maipapan kadakuada,
Tapno bumaaw ti pungtotmo kadakuada.
Mabalo koma dagiti assawada a babbai ken matay dagiti annakda.+
Matay koma dagiti lallaki iti makapapatay a sakit,
Mapapatay koma dagiti agtutubo a lallaki iti espada iti paggugubatan.+
22 Mangngeg koma ti ikkisda kadagiti balayda
Inton bay-am a kellaat a serken ida dagiti mannanakaw.
Ta nagkalida iti abut a pangtiliwanda kaniak
Ken nagipakatda kadagiti pangsilo iti sakak.+
Saanmo a kaluban ti kamalida,
Ken dimo punasen ti basolda kenka.
19 Kinuna ni Jehova: “Mapanka gumatang iti karamba iti agdamdamili.+ Ikuyogmo ti sumagmamano a panglakayen dagiti umili ken dadduma a lallakayen a papadi, 2 sa rummuarka iti Tanap ti Anak ni Hinnom,+ iti pagserkan ti Ruangan Dagiti Ribak.* Idiay nga ipakaammom dagiti ibagak kenka. 3 Ibagamto, ‘Denggenyo ti kuna ni Jehova, dakayo nga ar-ari ti Juda ken umili ti Jerusalem. Daytoy ti kuna ni Jehova a panguluen dagiti armada, ti Dios ti Israel:
“‘“Dandanin ti panangdidigrak iti daytoy a lugar, nga uray la makigtotto* ti asinoman a makangngeg iti dayta. 4 Gapu ta pinanawandak+ ken pinagbalinda daytoy a lugar a saanen a mailasin.+ Ditoy nga agidatdatonda kadagiti sabali a dios a dida am-ammo ken saan nga am-ammo dagidi ammada ken dagiti ari ti Juda. Pinunnoda met daytoy a lugar iti dara dagiti inosente.+ 5 Imbangonda dagiti nangato a disso a pagdaydayawanda ken Baal tapno puoranda ti annakda a lallaki kas sibubukel a daton ken Baal,+ banag a saanko nga imbilin wenno imbaga ken pulos a saanko man la a napanunot.”’*+
6 “‘“Isu a kitaem! um-umayen dagiti aldaw,” kuna ni Jehova, “inton saanen a Tofet wenno Tanap ti Anak ni Hinnom ti maipanagan iti daytoy a lugar no di ket Tanap a Pagpapatayan.+ 7 Dadaelekto dagiti plano ti Juda ken Jerusalem iti daytoy a lugar, ket bay-akto a matayda iti espada iti sango dagiti kabusorda ken iti ima dagidiay mayat a mangala iti biagda.* Ipakankonto met dagiti bangkayda kadagiti billit iti tangatang ken kadagiti animal iti daga.+ 8 Ket pagbalinek daytoy a siudad a nakabutbuteng ken mauy-uyaw.* Mabuteng ken agwingiwingto ti amin a lumabas a makakita iti dayta gapu iti amin a pannakadidigrana.+ 9 Ket bay-akto a kanenda ti lasag ti annakda a lallaki ken babbai, ken kanento ti tunggal maysa kadakuada ti lasag ti padana a tao, gapu iti pannakapupok ken kinadesperadoda inton parigaten ida dagiti kabusorda ken dagidiay mayat a mangala iti biagda.”’*+
10 “Burakem ti karamba iti sango dagiti lallaki a kimmuyog kenka, 11 ken ibagam kadakuada, ‘Daytoy ti kuna ni Jehova a panguluen dagiti armada: “Kastoy ti panangburakko kadagitoy a tattao ken iti daytoy a siudad, kas iti panangburak ti maysa a tao iti karamba ti agdamdamili tapno saanen a matarimaan dayta; ket itabondanto dagiti natay idiay Tofet agingga nga awanen ti pagitabonan kadakuada.”’+
12 “‘Kasta ti aramidekto iti daytoy a lugar,’ kuna ni Jehova, ‘ken kadagiti umilina, tapno agbalin daytoy a siudad a kas iti Tofet. 13 Dagiti balay ti Jerusalem ken balbalay ti ar-ari ti Juda ket agbalinto a narugit a kas iti daytoy a lugar ti Tofet,+ wen, ti amin a balay a ti rabaw dagiti atepda ti nangidatonanda kadagiti daton para iti init, bulan, ken amin nga armada ti langit,+ ken nangibukbokanda iti daton nga inumen kadagiti sabali a dios.’”+
14 Idi nakaawiden ni Jeremias manipud Tofet a nangibaonan kenkuana ni Jehova tapno agipadto, nagtakder iti paraangan ti balay ni Jehova ket imbagana iti amin nga umili: 15 “Daytoy ti kuna ni Jehova a panguluen dagiti armada, ti Dios ti Israel, ‘Ipagtengko iti daytoy a siudad ken iti amin nga ilina ti amin a didigra nga imbagak maibusor iti dayta, ta inggagarada ti saan* nga agtulnog kadagiti imbagak.’”+
20 Ita, ni Pasur nga anak ti padi a ni Immer, a mangidadaulo met a komisionado iti balay ni Jehova, ket agdengdengngeg idi impadto dagita ni Jeremias. 2 Kalpasanna, kinabil ni Pasur ti propeta a ni Jeremias ken inkabilna iti tul-ong+ nga adda iti Makinngato a Ruangan ti Benjamin iti balay ni Jehova. 3 Ngem kabigatanna, idi rinuk-atan ni Pasur ni Jeremias iti tul-ong, kinuna kenkuana ni Jeremias:
“Saan a Pasur ti impanagan ni Jehova kenka, no di ket Pagbutbutngan iti Intero nga Aglawlaw.+ 4 Ta daytoy ti imbaga ni Jehova, ‘Aramidenkanto a pagbutbutngan ti bagim ken ti amin a gagayyemmo. Makitamto a matayda iti espada dagiti kabusorda;+ ket iyawatkonto ti intero a Juda iti ima ti ari ti Babilonia, ket ipannanto ida idiay Babilonia ken patayenna ida iti espada.+ 5 Ket itedkonto kadagiti kabusorda ti amin a kinabaknang, amin a sanikua ken amin a napapateg a bambanag daytoy a siudad, ken amin a gameng dagiti ari ti Juda.+ Alaen ken agawento dagiti kabusor ket ipanda dagita idiay Babilonia.+ 6 Ket maipanawkanto, Pasur, ken ti intero a sangakabbalayam. Maipankayto idiay Babilonia ken mataykanto sadiay, ket maitabonkanto sadiay a kadua ti amin a gagayyemmo, gapu ta ulbod dagiti impadtom kadakuada.’”+
7 Sabali idi ti pampanunotek ngem kinombinsirnak, O Jehova,
Impakitam a napigpigsaka ngem siak, ket nangabakka.+
Agmalmalem a kinatkatawaandak;
Aminda ket uy-uyawendak.+
8 Ta kada agsaoak, masapul nga ipukkawko ken ipakaammok,
“Kinaranggas ken pannakadadael!”
Gapu iti sao ni Jehova, agmalmalem nga in-insultuen ken uy-uyawendak.+
Ngem iti pusok, kasla sumsumged nga apuy dayta a napupok kadagiti tulangko,
Ken nabannogakon a mangtepteppel iti dayta;
Diak kabaelanen ti agulimek lattan.+
“Akusaranyo; Akusarantayo!”
Amin a makigaygayyem kaniak sipsiputanda ti pannakatnagko:+
“Nalabit masulisogto nga agaramid iti dakes,
Isu nga agballigitayto ket makaibalestayo kenkuana.”
11 Ngem kaduak ni Jehova a kas iti nakabutbuteng a mannakigubat.+
Isu a maitibkol ken saan nga agballigi dagidiay mangidaddadanes kaniak.+
Maibabaindanto iti kasta unay, ta saanda nga agballigi.
Agnanayonto a malaglagip ti pannakaibabainda.+
12 Ngem suksukimatem ti nalinteg, O Jehova a panguluen dagiti armada;
13 Kantaanyo ni Jehova! Idaydayawyo ni Jehova!
Ta insalakanna ti napanglaw* iti ima dagiti managdakdakes.
14 Nailunod koma daydi aldaw ti pannakayanakko!
Saan koma a nabendisionan daydi aldaw nga inyanaknak ni inak!+
15 Nailunod koma ti lalaki a nangibaga iti naimbag a damag ken amak:
“Addan anakmo, lalaki!”
Nakaragragsak idi ni amak.
16 Agbalin koma dayta a lalaki a kas kadagiti siudad a dinadael ni Jehova a dina pinagladingitan.
Makangngeg koma iti ikkis iti bigat ken mamakdaar nga uni iti tengnga ti aldaw.
17 Apay a dinak pay la pinatay idi sikogak pay laeng,
Tapno ti aanakan ni inak ti nagbalin a tanemko
Ket saan koman a naganak pay?+
18 Apay pay laeng a nayanakak
Tapno agrigat ken agladingitak,
Tapno agpatingga ti biagko a maibabainak?+
21 Dimteng ken Jeremias ti sao ni Jehova idi imbaon kenkuana ni Ari Zedekias+ ni Pasur+ nga anak ni Malkias ken ni Sofonias+ nga anak ti padi a ni Maasias tapno kiddawenda: 2 “Pangngaasim ta agkonsultaka ken Jehova para kadakami, gapu ta gubgubatennatayo ni Ari Nabucodonosor* ti Babilonia.+ Bareng no adda nakaskasdaaw nga aramiden ni Jehova kadatayo a kas iti inaramidna idi, tapno umatras ti ari.”+
3 Kinuna ni Jeremias kadakuada: “Daytoy ti masapul nga ibagayo ken Zedekias, 4 ‘Daytoy ti kuna ni Jehova a Dios ti Israel: “Usarek a maibusor met laeng kadakayo* dagiti iggemyo nga armas a pakigubat iti ari ti Babilonia+ ken kadagiti Caldeo a mangraraut kadakayo iti aglikmut ti pader. Ket urnongekto dagita* iti tengnga daytoy a siudad. 5 Usarekto ti nabileg* nga imak ken mannakabalin a takiagko a lumaban kadakayo,+ gapu iti pungtot ken ungetko ken napalalo a rurodko.+ 6 Dadaelekto dagiti agnanaed iti daytoy a siudad, tattao man ken animal. Mataydanto iti makapapatay a sakit.”’+
7 “‘“Ken kalpasan dayta,” kuna ni Jehova, “ni Ari Zedekias ti Juda ken dagiti adipenna ken ti amin nga umili daytoy a siudad—dagidiay nakalasat iti makapapatay a sakit, espada, ken nakaro a bisin—ket itedkonto ken ni Ari Nabucodonosor* ti Babilonia, kadagiti kabusorda, ken kadagiti mayat a mangkettel iti biagda.*+ Papatayennanto ida iti espada. Saanto a makipagrikna wenno maladingitan wenno maasian kadakuada.”’+
8 “Ket masapul nga ibagam kadagitoy a tattao, ‘Daytoy ti kuna ni Jehova: “Ikkankayo iti pagpilian: ti dalan ti biag ken ti dalan ni patay. 9 Dagidiay agbati iti daytoy a siudad ket matayto iti espada, nakaro a bisin, ken makapapatay a sakit. Ngem asinoman a rummuar ken sumuko kadagiti Caldeo a mangraraut kadakayo ket agtultuloyto a sibibiag ket maisalakanna ti biagna.”’*+
10 “‘“Ta inlaksidko daytoy a siudad isu a madidigra ket saan a nasayaat ti pagbanaganna,”+ kuna ni Jehova. “Maitedto dayta iti Babilonia,+ ket puorannanto dayta.”+
11 “‘Para iti sangakabbalayan ti ari ti Juda: Denggenyo ti kinuna ni Jehova. 12 O balay ni David, daytoy ti kinuna ni Jehova:
“Inaldaw nga ipatungpalyo ti hustisia,
Ken isalakanyo ti masasaur.+
Tapno ti pungtotko ket saan a gumil-ayab a kas iti apuy+
Ket awan ti makaiddep iti dayta
Gapu kadagiti dakes nga aramidyo.”’+
13 ‘Adtoyak a mangdusa kenka nga agnanaed iti tanap,*
O dakkel a bato iti kapatagan,’ kuna ni Jehova.
‘Kadakayo a mangibagbaga: “Asino koma ti bumusor kadakami?
Ken asino koma ti mangserrek iti balbalaymi?”
‘Ket puorakto ti kabakiranyo,
Ket mauramto ti amin nga adda iti aglikmutyo.’”+
22 Daytoy ti imbaga ni Jehova: “Mapanka iti balay* ti ari ti Juda, ket ipakaammom daytoy a mensahe. 2 Masapul nga ibagam, ‘Denggem ti kinuna ni Jehova, O ari ti Juda nga agtugtugaw iti trono ni David, sika agraman dagiti adipenmo ken kailiam, dagidiay sumsumrek kadagitoy a ruangan. 3 Daytoy ti imbaga ni Jehova: “Ipatungpalyo ti hustisia ken kinalinteg. Isalakanyo ti masasaur. Diyo maltratuen ti asinoman a ganggannaet a residente, ken saanyo a dangdangran ti asinoman nga awan amana nga ubing* wenno balo a babai.+ Ket saanyo a patayen ti asinoman nga inosente iti daytoy a lugar.+ 4 Ta no siguraduenyo a tungpalen dagita, dagiti ngarud ari nga agtugtugaw iti trono ni David+ ket sumrekto kadagiti ruangan daytoy a balay, a nakasakay kadagiti karuahe ken kabalio, a kaduada dagiti adipen ken kailianda.”’+
5 “‘Ngem no dikay agtulnog kadagitoy a sasao, isapatak a mismo,’ kuna ni Jehova, ‘a madadaelto daytoy a balay.’+
6 “Ta daytoy ti kuna ni Jehova maipapan iti balay ti ari ti Juda,
‘Para kaniak, kayarigam ti Gilead,
Kas iti tapaw ti Lebanon.
Ngem pagbalinenkanto a let-ang;
Awan ti uray maysa kadagiti siudadmo ti mapagnaedanto.+
Pukanendanto dagiti kasayaatan a sedrom
Ket puoranda dagita.+
8 “‘Ket adu a nasion ti lumabasto iti daytoy a siudad ket agsisinnaludsodda: “Apay a kasta ti inaramid ni Jehova iti daytoy dakkel a siudad?”+ 9 Ket isungbatdanto: “Saanda ngamin a tinungpal ti tulag ni Jehova a Diosda ket nagdayaw ken nagserbida kadagiti sabali a dios.”’+
10 Diyo sangitan daydiay natay,
Ken dikay maasian kenkuana.
Sangitanyo ketdi daydiay pumanaw,
Ta dinton agsubli a mangkita iti daga a nakayanakanna.
11 “Ta daytoy ti kuna ni Jehova maipapan ken Salum*+ nga anak ni Josias, ti ari ti Juda nga agturturay imbes a ni Josias nga amana,+ a pimmanaw iti daytoy a lugar: ‘Saanton nga agsubli pay iti daytoy a lugar. 12 Ta matayto iti lugar a nangipananda kenkuana, ket dinanton pulos makita daytoy a daga.’+
13 Kaasi met daydiay sinisuitik ti panangibangonna iti balayna
Ken sinasaur ti panangaramidna kadagiti makinngato a kuartona,
Pinagtrabahona ti padana a tao nga awan man la ti intedna,
Ket dina man la inted ti tangdanna;+
14 Daydiay mangibagbaga, ‘Mangibangonakto iti dakkel a balayko
Nga addaan iti nalalawa a kuarto iti ngato.
Iyaramidakto kadagiti tawa
Ket didingakto iti kayo ti sedro ken pinturaakto iti bermelion.’*
15 Agtultuloykanto aya nga agturay ta natantan-okka ngem iti dadduma gapu iti panangusarmo iti sedro?
Nangan ken imminum met ni amam,
Ngem impatungpalna ti hustisia ken kinalinteg,+
Ket nagsayaat ti nagbanaganna.
16 Inlabanna ti kaso ti marigrigatan ken napanglaw.
Isu a nasayaat ti resultana.
‘Saan kadi nga inaramidna dayta gapu ta am-ammonak?’ kuna ni Jehova.
17 ‘Ngem kanayon a naagum ti matam ken pusom iti material a gunggona,
Pappapatayem dagiti inosente,
Mangkikkikil ken mangag-agawka.’
18 “Isu a daytoy ti imbaga ni Jehova maipapan iti anak ni Josias a ni Jehoiakim+ nga ari ti Juda,
‘Saandanto nga isangit:
“Kaasika met, kabsatko a lalaki! Kaasika met, kabsatko a babai!”
Saandanto nga isangit:
“Kaasika met, O apok! Kaasika met, ta nagpatinggan ti dayawmo!”
19 Maitabonto a kas iti pannakaitabon ti asno,+
Maiparingguyod ken maibelleng,
Iti ruar dagiti ruangan ti Jerusalem.’+
20 Sumang-atka idiay Lebanon ken agpukkawka,
Agrungaabka idiay Basan.
Ken aganug-ogka manipud Abarim,+
Ta nadadaelen ti amin a mangay-ayat unay kenka.+
21 Kinasaritaka idi natalna ti kasasaadmo.
Ngem imbagam, ‘Diak kayat ti agtulnog.’+
Kastakan manipud pay idi agtutuboka,
Ta saanka nga agtultulnog iti ibagbagak.+
Isu a maibabain ken maipababakanto gapu iti amin a napasaram a didigra.
23 O sika nga agnanaed iti Lebanon,+
Nanam-ay ti panagyanmo kadagiti sedro,+
Napalalonto la ketdi ti panagpaut-otmo no dumteng ti rigatmo,
24 “‘Ikarik,’ kuna ti sibibiag a Dios a ni Jehova, ‘uray no sika Conias,*+ nga anak ni Jehoiakim+ nga ari ti Juda, ti nagbalin a pangselio a singsing iti kannawan nga imak, uksotenkanto! 25 Iyawatkanto iti ima dagiti mayat a mangala iti biagmo,* kadagiti ima dagiti kabutengmo, iti ima ni Ari Nabucodonosor* ti Babilonia, ken iti ima dagiti Caldeo.+ 26 Ibellengkayto nga agina iti sabali a daga a saanyo a nakayanakan, ket idiayto ti pakatayanyo. 27 Didanto pulos makasublin iti lugar nga il-iliwenda.*+
28 Ni kadi Conias ket maysa laeng a mauy-uyaw ken naburak a banga,
Maysa a pagkargaan nga awan ti mangayat?
Apay a naipuruak a kaduana dagiti annakna
Ken naibellengda iti lugar a saanda nga ammo?’+
29 O daga,* daga, daga, denggem ti kinuna ni Jehova.
30 Daytoy ti imbaga ni Jehova:
‘Isuratyo a daytoy a tao ket awan putotna,
Maysa a lalaki a dinto pulos agballigi iti intero a panagbiagna,*
Ta awanto ti agballigi kadagiti annakna
Nga agtugaw iti trono ni David ken agturay manen iti Juda.’”+
23 “Kaasi pay dagiti pastor a mangdaddadael ken mangiwarawara kadagiti karnero iti pagpastorak!” kuna ni Jehova.+
2 Isu a daytoy ti imbaga ni Jehova a Dios ti Israel maibusor kadagiti mangipaspastor kadagiti tattaona: “Inwarawarayo dagiti karnerok; intultuloyyo ida a pagsisinaen, ken saanyo ida nga inaywanan.”+
“Isu a dusaenkayo gapu kadagiti dakes nga aramidyo,” kuna ni Jehova.
3 “Urnongekto ti nabatbati kadagiti karnerok manipud iti amin a lugar a nangiwarawaraak kadakuada.+ Isublikto ida iti pakaipastoranda,+ ket agpaadudanto.+ 4 Mangdutokakto kadagiti pastor a talaga a mangipastorto kadakuada.+ Saandanton nga agbuteng wenno agamak, ket awanton ti mapukaw,” kuna ni Jehova.
5 “Kitaenyo! Um-umayen dagiti aldaw,” kuna ni Jehova, “inton mangpatuboak ken David iti nalinteg a tarubong.*+ Agturayto ti maysa nga ari+ ken ipakitananto nga adda pannakaawatna ket ipatungpalna ti kinahustisia ken kinalinteg iti daga.+ 6 Bayat ti panagturayna, maisalakanto ti Juda+ ken natalgedto ti panagbiag iti Israel.+ Daytoyto ti mayawag a naganna: Ni Jehova ti Kinalintegtayo.”+
7 “Ngem um-umayen dagiti aldaw,” kuna ni Jehova, “inton saandan nga ibaga: ‘Isapatami iti nagan ti sibibiag a Dios a ni Jehova a nangiruar kadagiti Israelita idiay Egipto!’+ 8 Kastoyton ti ibagada: ‘Isapatami iti nagan ti sibibiag a Dios a ni Jehova a nangiruar ken nangisubli kadagiti annak dagiti Israelita iti lugar iti amianan ken iti amin a lugar a nangiwarawaraanna kadakuada,’ ket agyandanto iti bukodda a daga.”+
9 Ibagak kadagiti propeta:
Nasugat ti pusok.
Agpigpigerger amin a tulangko.
Kaslaak la maysa a nabartek,
Ken lalaki a linemmes ti arak,
Gapu ken Jehova ken gapu kadagiti nasantuan a sasaona.
10 Ta napno ti daga kadagiti mannakikamalala;+
Gapu iti lunod, nagladingit ti daga+
Ken nagtikag dagiti pagpastoranda iti let-ang.+
Dakes ti ar-aramidenda, ken ab-abusuenda ti pannakabalinda.
11 “Narugitan* dagiti propeta ken papadi.+
Nakitak ti kinadakesda uray iti mismo a balayko,”+ kuna ni Jehova.
Ta didigraekto ida
Iti tawen ti pannakasingirda,” kuna ni Jehova.
13 “Nakitak ti nakaar-ariek nga ar-aramiden dagiti propeta ti Samaria.+
Agipadpadtoda iti nagan ni Baal,
Ken iyaw-awanda ti ilik nga Israel.
14 Ken nakitak ti nakadakdakes nga ar-aramiden dagiti propeta ti Jerusalem,
Makikamkamalalada+ ken naulbodda;+
Sugsugsoganda* dagiti agar-aramid iti dakes,
Ken saanda a kayat nga isardeng ti kinadakesda.
15 Gapuna, daytoy ti imbaga ni Jehova a panguluen dagiti armada maibusor kadagiti propeta:
“Pakanek ida iti mula nga ajenjo
Ken painumek ida iti nasabidongan a danum.+
Ta nagwaras iti intero a daga ti panagapostasia dagiti propeta iti Jerusalem.”
16 Daytoy ti imbaga ni Jehova a panguluen dagiti armada:
“Saanyo a denggen ti ibagbaga dagiti propeta nga agipadpadto kadakayo.+
Al-allilawendakayo.*
17 Maulit-ulit nga ibagbagada kadagiti saan a mangraraem kaniak,
‘Imbaga ni Jehova: “Natalnanto ti kasasaadyo.”’+
Ken ibagbagada iti amin a nasukir,
‘Awanto ti mapasaranyo a didigra.’+
18 Ta asino ti nakikadua kadagiti nasinged ken Jehova
Tapno mangngeg ken maawatanna ti sao ti Dios?
Asino ti makaawat iti saona tapno ipangagna dayta?
19 Kitaenyo! Ibulosto ni Jehova ti pungtotna kas iti napigsa nga angin;
Kasla allawig nga agtayyek iti ulo dagiti managdakdakes.+
20 Saan a bumaaw ti pungtot ni Jehova
Agingga a maitungpal ken maaramidna dagiti panggep ti pusona.
Maawatanyonto a naimbag daytoy iti maudi a paset dagiti aldaw.
21 Saanko nga imbaon dagiti propeta ngem napanda.
Saanko ida a kinasarita ngem nagipadtoda.+
22 Ngem no nakikaduada koma kadagiti nasinged kaniak,
Naipangngegda koma ti sasaok kadagiti tattaok
Ken natulonganda ida a tumallikud iti dakes a kababalinda ken kadagiti dakes nga aramidda.”+
23 “Maysaak laeng aya a Dios iti asideg,” kuna ni Jehova, “wenno maysaak met a Dios iti adayo?”
24 “Makapaglemmeng kadi ti asinoman a tao iti nalimed a lugar a saanko a makita?”+ kuna ni Jehova.
“Diak aya makita ti amin nga adda iti langit ken daga?”+ kuna ni Jehova.
25 “Nangngegko dagiti propeta a mangus-usar iti naganko nga agipadto iti ulbod, ‘Nagtagtagainepak! Nagtagtagainepak!’+ 26 Kasano kabayag nga agtultuloy ti panagulbod dagiti propeta? Propeta ida ti manangallilaw a pusoda.+ 27 Pagiinnestoriaanda dagiti tagtagainep ta kayatda a malipatan dagiti tattaok ti naganko, a kas iti pananglipat dagidi ammada iti naganko gapu ken Baal.+ 28 Bay-am nga iyestoria ti propeta ti tagtagainepna, ngem ti propeta a nakaammo iti saok masapul nga ibagana dayta a sipupudno.”
“Ania ti pagpadaan ti ungkay ti trigo ken ti dawa ti trigo?” kuna ni Jehova.
29 “Saan aya a ti saok ket kas iti apuy,”+ kuna ni Jehova, “ken kas iti maso a mangburak iti dakkel a bato?”+
30 “Isu a dusaek dagiti propeta,” kuna ni Jehova, “a mangala iti sasaok manipud iti dadduma a propeta tapno killuenda dagita.”+
31 “Dusaek dagiti propeta,” kuna ni Jehova, “dagidiay mangibagbaga, ‘Imbagana!’”+
32 “Dusaek dagiti propeta a mangibagbaga kadagiti ulbod a tagtagainep,” kuna ni Jehova, “dagiti mangyes-estoria kadagita ken mangyaw-awan kadagiti tattaok gapu iti kinaulbod ken kinapangasda.”+
“Ngem diak imbaon wenno binilin ida isu nga awan ti maitulongda kadagitoy a tattao,”+ kuna ni Jehova.
33 “Ket no isaludsod kenka dagitoy a tattao wenno ti propeta wenno ti padi, ‘Ania ti makapadagsen a mensahe ni Jehova?’ masapul nga isungbatmo, ‘“Dakayo a tattao ti makapadagsen! Isu nga ibellengkayto,”+ kuna ni Jehova.’ 34 Kadagiti propeta wenno padi wenno tattao a mangibaga, ‘Daytoy ti makapadagsen a mensahe ni Jehova!’ Dusaekto dayta a tao ken ti sangakabbalayanna. 35 Daytoy ti ibagbaga ti tunggal maysa kadakayo iti kaduana ken iti kabsatna, ‘Ania ti insungbat ni Jehova? Ken ania ti imbaga ni Jehova?’ 36 Ngem saanyon a dakdakamaten a makapadagsen ti mensahe ni Jehova, ta ti makapadagsen ket ti ibaga ti tunggal maysa, ken ti panangbaliwyo iti sasao ti sibibiag a Dios a ni Jehova a panguluen dagiti armada, ti Diostayo.
37 “Daytoy ti ibagam iti propeta, ‘Ania ti insungbat kenka ni Jehova? Ken ania ti imbaga ni Jehova? 38 Ket no itultuloymo nga ibaga, “Makapadagsen ti mensahe ni Jehova!” kastoy ti kuna ni Jehova: “Gapu ta ibagbagam, ‘Makapadagsen ti sao ni Jehova,’ uray no imbagakon kenka, ‘Dimo ibaga: “Makapadagsen ti sao ni Jehova!”’ 39 bagkatenka sa ipalladawka tapno saankan a makita, sika ken ti siudad nga intedko kenka ken kadagidi ammam. 40 Ket mangyegak iti agnanayon a pakaibabainam ken agnanayon a pakaipababaam, a dinto malipatan.”’”+
24 Impanaw ni Ari Nabucodonosor* ti Babilonia ni Jeconias*+ nga anak ni Jehoiakim,+ ti ari ti Juda, agraman dagiti prinsipe ti Juda, nalaing a trabahador, ken dagiti latero.* Innalana ida idiay Jerusalem sana impan idiay Babilonia.+ Kalpasan dayta, impakita kaniak ni Jehova ti dua a basket a naglaon iti higos a naikabil iti sango ti templo ni Jehova. 2 Naglaon ti maysa a basket kadagiti nagsasayaat a higos, a kas kadagiti umuna a bunga ti higos, ngem naglaon ti sabali a basket kadagiti nagdakes a higos, nakadakdakes a saan a mabalin a kanen.
3 Kalpasanna, insaludsod kaniak ni Jehova: “Ania ti makitkitam, Jeremias?” Insungbatko: “Higos; nagsasayaat dagiti nasayaat a higos, ngem nagdakes dagiti dakes a higos, nakadakdakes a saan a mabalin a kanen.”+
4 Kinuna kaniak ni Jehova: 5 “Daytoy ti imbaga ni Jehova a Dios ti Israel, ‘Kas kadagitoy nasasayaat a higos, ibilangko a nasayaat dagidiay naipanaw manipud Juda, dagidiay innalak ditoy a lugar nga impanko iti lugar dagiti Caldeo. 6 Kitaekto ti pagsayaatanda ken pagsubliekto ida iti daytoy a lugar.+ Bangonekto ida, ket saanko a rebbaen; imulakto ida, ket saanko a paruten.+ 7 Ket ikkakto ida iti puso a makaam-ammo kaniak, a siak ni Jehova.+ Agbalindanto a tattaok, ket agbalinakto a Diosda,+ ta agsublidanto kaniak iti amin a pusoda.+
8 “‘Ngem daytoy ti imbaga ni Jehova maipapan kadagiti nakadakdakes a higos a saan a mabalin a kanen:+ “Ibilangkonto a kasta ni Ari Zedekias+ ti Juda, dagiti prinsipena, ken dagiti nabati iti daga ti Jerusalem, agraman dagidiay agnanaed iti Egipto.+ 9 Pagbalinekto ida a nakabutbuteng ken didigra iti amin a pagarian iti daga,+ maum-umsi, malalais, mauy-uyaw, ken mailunlunod+ iti amin a lugar a pangiwarawaraak kadakuada.+ 10 Ket iyegkonto kadakuada ti espada,+ nakaro a bisin, ken makapapatay a sakit,+ agingga nga awanton a pulos ti mabati iti daga nga intedko kadakuada ken kadagidi ammada.”’”
25 Ti mensahe a naipakaammo ken Jeremias maipapan iti amin a tattao ti Juda idi maikapat a tawen ti panagturay ti anak ni Josias a ni Jehoiakim+ nga ari ti Juda, bayat ti umuna a tawen ti panagturay ni Ari Nabucodonosor* ti Babilonia. 2 Daytoy ti imbaga ni propeta Jeremias maipapan iti amin a tattao ti Juda ken amin nga agnanaed iti Jerusalem:
3 “Manipud iti maika-13 a tawen ti panagturay ni Josias+ nga anak ni Amon, ti ari ti Juda, agingga ita nga aldaw, kadagitoy 23 a tawen, naipakaammo kaniak ti mensahe ni Jehova, ket maulit-ulit a nagsaoak kadakayo,* ngem saankayo a nangipangag.+ 4 Ket maulit-ulit nga imbaon kadakayo* ni Jehova ti amin nga adipenna a propeta, ngem saankayo a nangipangag ken saanyo nga inyasideg ti lapayagyo tapno dumngegkayo.+ 5 Ibagbagada, ‘Pangngaasiyo ta isardengyo dagiti dakes nga aramid ken kababalinyo;+ tapno agtultuloy ti napaut a panagnaedyo iti daga a nabayagen nga inted ni Jehova kadakayo ken kadagidi ammayo. 6 Dikay agdaydayaw, agserbi, ken agruknoy kadagiti sabali a dios tapno saandak a mapagura iti aramid dagiti imayo; ta no saan, didigraenkayo.’
7 “‘Ngem saandak nga impangag,’ kuna ni Jehova. ‘Pinagpungtotdak ketdi iti aramid dagiti imayo isu a dinidigrakayo.’+
8 “Daytoy ngarud ti imbaga ni Jehova a panguluen dagiti armada, ‘“Gapu ta saankayo a nagtulnog kadagiti imbagak, 9 paayabak ti amin a pamilia iti amianan,”+ kuna ni Jehova, “paayabak ti adipenko a ni Ari Nabucodonosor* ti Babilonia,+ ket paumayek ida maibusor iti daytoy a daga+ ken kadagiti agnanaed iti dayta ken iti amin a nasion iti aglikmut.+ Dadaelek ida ket pagbalinek ida a pagbutbutngan ken mauy-uyaw* ket agnanayonto ti pannakadadaelda. 10 Pasardengekto ti panagraragsak ken panagrarag-o,+ ti timek ti nobio ken ti nobia,+ ti uni ti gilingan a pusiposen ti ima ken ti lawag ti lampara. 11 Agbalinto a langalang daytoy a daga ken agbalin a pagbutbutngan, ket mapilitanto dagitoy a nasion nga agserbi iti ari ti Babilonia iti 70 a tawen.”’+
12 “‘Ngem inton natungpalen ti 70 a tawen,+ singirekto* ti ari ti Babilonia ken dayta a nasion gapu iti biddutda,’+ kuna ni Jehova, ‘ket pagbalinekto ti daga dagiti Caldeo nga agnanayon a langalang.+ 13 Siguraduek a mapasamakto iti dayta a daga ti amin nga imbagak maibusor iti dayta, amin a naisurat iti daytoy a libro nga impadto ni Jeremias maibusor iti amin a nasion. 14 Ta adipenento ida+ ti adu a nasion ken naindaklan nga ar-ari,+ ket balsekto ida gapu kadagiti aramidda ken aramid dagiti imada.’”+
15 Ta daytoy ti imbaga kaniak ni Jehova a Dios ti Israel: “Alaem iti imak daytoy a kopa ti arak ti pungtot, ket painumem ti amin a nasion a pangibaonak kenka. 16 Inumendanto ket agibar-ibarda ken agtignayda a kasla bagtit gapu iti espada nga iyegko kadakuada.”+
17 Isu nga innalak ti kopa iti ima ni Jehova ket pinainumko ti amin a nasion a nangibaonan kaniak ni Jehova:+ 18 inrugik iti Jerusalem ken kadagiti siudad ti Juda,+ kadagiti ari ken prinsipena, tapno madadaelda, agbalinda a pagbutbutngan, mauy-uyaw ken lunod,+ kas iti daytoy nga aldaw; 19 ket kalpasanna, ken Faraon nga ari ti Egipto ken kadagiti adipenna, prinsipena, ken amin nga umilina,+ 20 ken amin a nagduduma a residente kadagita; amin nga ari iti daga ti Uz; amin nga ari iti daga dagiti Filisteo,+ iti Askelon,+ Gaza, Ekron, ken kadagidiay natda iti Asdod; 21 Edom,+ Moab,+ ken kadagiti Ammonita;+ 22 amin nga ari iti Tiro, amin nga ari iti Sidon,+ ken kadagiti ari iti isla iti baybay; 23 iti Dedan,+ Tema, Buz, ken iti amin a naputdan ti buok iti pispisda;+ 24 amin nga ari dagiti Arabiano+ ken amin nga ari ti nagduduma a residente iti let-ang; 25 ken amin nga ari ti Zimri, amin nga ari ti Elam,+ ken amin nga ari dagiti Medo;+ 26 ken amin nga ari iti amianan nga adda iti asideg ken adayo, nga agsasaruno, ken amin a dadduma pay a pagarian iti intero a daga; sa kalpasanda, uminumto ti ari ti Sesak.*+
27 “Ket masapul nga ibagam kadakuada, ‘Daytoy ti kuna ni Jehova a panguluen dagiti armada, ti Dios ti Israel: “Uminumkayo, agbartekkayo, ken agsaruakayo. Matumbakayo tapno saankayon a makabangon+ gapu iti espada nga iyegko kadakayo.”’ 28 Ket no saanda a kayat ti uminum iti iggemmo a kopa, ibagam kadakuada, ‘Daytoy ti kuna ni Jehova a panguluen dagiti armada: “Masapul nga uminumkayo! 29 Ta kitaenyo! no ti siudad a nakaipanaganan ti naganko ti umuna a didigraek,+ saankayo met aya a dusaen?”’+
“‘Dusaenkayonto, ta mangayabak iti espada maibusor iti amin nga agnanaed iti daga,’ kuna ni Jehova a panguluen dagiti armada.
30 “Ket masapul nga ipadtom kadakuada dagitoy amin a sasao, ket ibagam kadakuada,
‘Manipud iti ngato, agungorto ni Jehova,
Ket manipud iti nasantuan a pagnaedanna, ipangngegnanto ti timekna.
Napigsanto ti timekna iti lugar a paggigiananna.
Agpukkaw a kas kadagidiay agpayatpayat iti pagpespesan iti ubas,
Agkantanto a sibaballigi maibusor iti amin nga agnanaed iti daga.’
31 ‘Addanto ariwawa a mangngeg iti intero a daga,
Ta adda pammabasol ni Jehova kadagiti nasion.
Isu a mismo ti mangukom iti amin a tattao.*+
Dagiti managdakdakes ket papatayennanto iti espada,’ kuna ni Jehova.
32 Daytoy ti kinuna ni Jehova a panguluen dagiti armada,
‘Kitaenyo! Agsaknapto ti didigra iti nadumaduma a nasion,+
Addanto nadawel a bagyo nga aggapu kadagiti kaadaywan a paset ti daga.+
33 “‘Dagidiay pinatay ni Jehova iti dayta nga aldaw ket manipud iti maysa nga ungto ti daga agingga iti sabali nga ungto ti daga. Saandanto a madung-awan, maurnong, wenno maitabon. Agbalindanto a kas ganagan iti rabaw ti daga.’
34 Aganug-og ken umkiskayo gapu iti liday, dakayo a papastor!
Agilad-iladkayo, dakayo a natan-ok iti arban,
Ta dimtengen ti oras a pannakapapatayyo ken pannakaiwarawarayo,
Ket matnagkayto a kas iti nangina a pagkargaan!
35 Awan ti pagkamangan dagiti papastor,
Ket saan a makatalaw dagiti natan-ok iti arban.
36 Denggenyo! Ti ikkis dagiti papastor
Ken ti anug-og dagiti natan-ok iti arban,
Ta daddadaelen ni Jehova ti pagpaspastoranda.
37 Dagiti natalna a pagyanan ket napagbalinen nga awan biagna
Gapu iti sumsumged a pungtot ni Jehova.
38 Pinanawanna ti rukibna a kas iti urbon a leon,*+
Ta ti dagada ket nagbalin a pagbutbutngan
Gapu iti mangirurumen nga espada
Ken gapu iti sumsumged a pungtotna.”
26 Idi rugrugi ti panagturay ni Jehoiakim+ nga anak ni Josias, ti ari ti Juda, daytoy ti mensahe a naggapu ken Jehova: 2 “Daytoy ti imbaga ni Jehova, ‘Agtakderka iti paraangan ti balay ni Jehova ken agsaoka maipapan iti* amin a tattao kadagiti siudad ti Juda nga um-umay agdaydayaw* iti balay ni Jehova. Ibagam kadakuada ti amin nga ibilinko kenka; saanmo a kissayan iti uray maysa laeng a sao. 3 Bareng mangipangagda ken isardeng ti tunggal maysa ti dakes a kababalinna, ket balbaliwakto ti panunotko maipapan iti* panangdidigrak kadakuada gapu kadagiti dakes nga aramidda.+ 4 Ibagam kadakuada: “Daytoy ti kuna ni Jehova, ‘No didak ipangag ken diyo suroten ti linteg* nga intedko kadakayo, 5 ken saanyo nga ipangag ti ibaga dagiti adipenko a propeta, a maulit-ulit nga imbaonko kadakayo,* ngem saanyo nga impangag,+ 6 pagbalinekto ngarud daytoy a balay a kas iti Shilo,+ ken pagbalinekto daytoy a siudad a lunod iti amin a nasion iti daga.’”’”+
7 Nangngeg dagiti papadi, propeta, ken amin nga umili dagiti imbaga ni Jeremias iti balay ni Jehova.+ 8 Idi naibagan ni Jeremias iti amin a tattao ti amin nga imbilin kenkuana ni Jehova, tinengngel dagiti papadi, propeta, ken amin nga umili, ket kinunada: “Sigurado a matayka. 9 Apay nga ipadpadtom iti nagan ni Jehova, ‘Daytoy a balay ket agbalinto a kas iti Shilo ken madadael daytoy a siudad ket awanton ti agnaed’?” Ket immaribungbong ti amin a tattao ken Jeremias iti balay ni Jehova.
10 Idi nangngeg dagiti prinsipe ti Juda dagitoy a sasao, pimmanawda iti balay* ti ari sa simmang-atda iti balay ni Jehova ket nagtugawda iti pagserkan ti baro a ruangan ni Jehova.+ 11 Imbaga dagiti papadi ken propeta kadagiti prinsipe ken amin nga umili: “Daytoy a tao ket maikari a madusa iti ipapatay,+ ta nagipadto maikontra iti daytoy a siudad kas iti nangngegyo a mismo.”+
12 Imbaga ngarud ni Jeremias iti amin a prinsipe ken iti amin nga umili: “Ni Jehova ti nangibaon kaniak nga agipadto iti amin a nangngegyo maikontra iti daytoy a balay ken iti daytoy a siudad.+ 13 Isu nga ita, balbaliwanyo dagiti kababalin ken aramidyo ken agtulnogkayo iti timek ni Jehova a Diosyo, ket ni Jehova balbaliwannanto ti panunotna maipapan iti* imbagana a panangdidigrana kadakayo.+ 14 Ngem makaammokayon kaniak. Aramidenyo kaniak ti ammoyo a nasayaat ken umiso. 15 Ngem tandaananyo a no patayendak, maisingir kadakayo ken iti daytoy a siudad ken kadagiti umilina ti dara ti inosente. Ta kinapudnona, ni Jehova ti nangibaon kaniak a mangibaga kadakayo iti amin a nangngegyo.”
16 Imbaga ngarud dagiti prinsipe ken amin nga umili kadagiti papadi ken propeta: “Daytoy a tao ket saan a maikari a madusa iti ipapatay, ta nagsao kadatayo iti nagan ni Jehova a Diostayo.”
17 Kanayonanna, timmakder ti dadduma a panglakayen iti dayta a lugar ket imbagada iti amin a naguummong a tattao: 18 “Idi kaaldawan ni Ari Ezekias+ ti Juda, agipadpadto ni Mikias+ a taga-Moreset ket imbagana iti amin a tattao iti Juda, ‘Daytoy ti kinuna ni Jehova a panguluen dagiti armada:
“Maaradonto ti Sion a kas iti talon,
Agbalinto ti Jerusalem a bunton dagiti rebba,+
Ken ti bantay ti Balay* ket agbalinto a kas kadagiti nangato a disso iti bakir.”’*+
19 “Pinatay kadi isuna ni Ari Ezekias ti Juda ken ti intero a Juda? Saan aya a nagbuteng ken Jehova ken nagpakpakaasi ken Jehova,* tapno baliwan ni Jehova ti panunotna maipapan iti* didigra nga imbagana kadakuada?+ Isu a dandanitayon nakaaramid iti nakaro a pakadidigraantayo met laeng.
20 “Ni Uria nga anak ni Semaias iti Kiriat-jearim+ ti maysa pay a lalaki nga agipadpadto idi iti nagan ni Jehova. Agipadpadto a maikontra iti daytoy a siudad ken iti daytoy a daga a kas kadagiti ibagbaga ni Jeremias. 21 Nangngeg ni Ari Jehoiakim+ ken ti amin a nabileg a soldadona ken ti amin a prinsipe ti imbagana, isu a binirok ti ari tapno patayenna.+ Idi nangngeg dayta ni Uria, dagus a nagbuteng ken nagkamang idiay Egipto. 22 Isu nga imbaon ni Ari Jehoiakim ni Elnatan+ nga anak ni Akbor a mapan idiay Egipto a kaduana ti dadduma a lallaki. 23 Innalada ni Uria idiay Egipto ket impanda ken Ari Jehoiakim. Pinatayna iti espada+ ket impalladawna ti bangkayna iti tanem dagiti ordinario a tattao.”
24 Ngem ni Ahikam+ nga anak ni Safan+ tinulonganna ni Jeremias tapno saan a papatayen dagiti tattao.+
27 Idi rugrugi ti panagturay ti ari ti Juda a ni Jehoiakim nga anak ni Josias, daytoy ti mensahe ni Jehova ken Jeremias: 2 “Daytoy ti imbaga kaniak ni Jehova, ‘Mangaramidka kadagiti galut ken sangol nga ikabilmo iti tengngedmo. 3 Ket ipatulodmo dagita iti ari ti Edom,+ iti ari ti Moab,+ iti ari dagiti Ammonita,+ iti ari ti Tiro,+ ken iti ari ti Sidon.+ Ipaw-itmo dagita kadagiti mensahero nga immay iti Jerusalem a mapan ken Zedekias nga ari ti Juda. 4 Daytoy ti ibilinmo nga ibagada kadagiti arida:
“‘“Daytoy ti imbaga ni Jehova a panguluen dagiti armada, ti Dios ti Israel. Kastoy ti masapul nga ibagayo kadagiti ariyo, 5 ‘Siak ti nangaramid iti daga, tattao, ken kadagiti animal iti rabaw ti daga babaen ti dakkel a pannakabalinko ken nabileg* a takiagko; ket intedko daytan iti asinoman a kayatko a pangtedan.*+ 6 Ket intedkon amin dagitoy a daga iti adipenko a ni Ari Nabucodonosor+ ti Babilonia. Intedko metten kenkuana dagiti atap nga animal iti tay-ak tapno agserbi kenkuana. 7 Amin a nasion ket agserbinto kenkuana ken iti anakna ken iti apokona agingga a dumteng ti tiempo a maparmek ti mismo a dagana,+ inton isu ket adipenen ti adu a nasion ken natan-ok nga ar-ari.’+
8 “‘“‘No adda nasion wenno pagarian a saan nga agserbi ken Ari Nabucodonosor ti Babilonia ken saan nga agpasakup* iti sangol ti panangadipen ti ari ti Babilonia, dusaekto dayta a nasion iti espada,+ nakaro a bisin, ken makapapatay a sakit,’ kuna ni Jehova, ‘agingga a mapagpatinggak ida babaen ti pannakabalinna.’
9 “‘“‘Gapuna, diyo ipangag dagiti propetayo, mammuyonyo, managtagtagainepyo, salamangkeroyo, ken dagiti mangkukulamyo a mangibagbaga kadakayo: “Saankayonto nga agserbi iti ari ti Babilonia.” 10 Ta ulbod ti ipadpadtoda kadakayo, tapno maipanawkayo iti dagayo ket iwarawarakayonto ken madadaelkayo.
11 “‘“‘Ngem ti nasion nga agpasakup iti sangol ti panangadipen ti ari ti Babilonia ken agserbi kenkuana, pagtalinaedekto* iti dagana,’ kuna ni Jehova, ‘tapno talonen ken pagyananna dayta.’”’”
12 Kastoy met laeng ti imbagak ken Ari Zedekias+ ti Juda: “Agpasakupkayo iti sangol ti panangadipen ti ari ti Babilonia ken agserbikayo kenkuana ken kadagiti tattaona, ket agtultuloykayto nga agbiag.+ 13 Apay koma a sika ken dagiti tattaom ket matay iti espada,+ nakaro a bisin,+ ken makapapatay a sakit,+ kas iti imbaga ni Jehova iti nasion a saan nga agserbi iti ari ti Babilonia? 14 Diyo ipangag dagiti propeta a mangibagbaga kadakayo, ‘Saankayonto nga agserbi iti ari ti Babilonia,’+ gapu ta ulbod ti ipadpadtoda kadakayo.+
15 “‘Ta saanko ida nga imbaon,’ kuna ni Jehova, ‘no di ket us-usarenda ti naganko nga agipadto iti ulbod, nga agresulta iti pannakaiwarawara ken pannakadadaelyo, dakayo ken dagiti propeta nga agipadpadto kadakayo.’”+
16 Imbagak met kadagiti papadi ken iti amin a tattao: “Daytoy ti kuna ni Jehova, ‘Diyo ipangag dagiti propeta nga agipadpadto kadakayo: “Kitaenyo! Asidegen a maisubli dagiti alikamen iti balay ni Jehova a naipan idi idiay Babilonia!”+ ta ulbod ti ipadpadtoda kadakayo.+ 17 Saanyo nga ipangag ida. Agserbikayo iti ari ti Babilonia tapno agtultuloykayo nga agbiag.+ Apay koma a madadael daytoy a siudad? 18 Ngem no propeta ida ni Jehova ken naggapu kenkuana ti mensaheda, ipakaasiyo koma nga agpakaasida ken Jehova a panguluen dagiti armada a saan a maipan idiay Babilonia dagiti nabatbati nga alikamen iti balay ni Jehova, iti balay* ti ari ti Juda, ken iti Jerusalem.’
19 “Ta daytoy ti kuna ni Jehova a panguluen dagiti armada maipapan kadagiti adigi,+ iti Baybay,*+ kadagiti kareton,+ ken kadagiti nabatbati nga alikamen iti daytoy a siudad, 20 a saan nga innala ti ari ti Babilonia a ni Nabucodonosor manipud Jerusalem, idi impanna idiay Babilonia ni Jeconias nga anak ni Jehoiakim, ti ari ti Juda, agraman ti amin a natan-ok iti Juda ken Jerusalem.+ 21 Wen, daytoy ti imbaga ni Jehova a panguluen dagiti armada, ti Dios ti Israel, maipapan kadagiti alikamen a nabati iti balay ni Jehova, iti balay* ti ari ti Juda, ken iti Jerusalem: 22 ‘“Maipanto dagita idiay Babilonia,+ ket agtalinaedda idiay agingga nga asikasuek dagita,” kuna ni Jehova. “Ket isublikto dagita ken ikabilkonto manen iti daytoy a lugar.”’”+
28 Iti dayta met la a tawen, idi rugrugi ti panagturay ni Ari Zedekias+ ti Juda, iti maikapat a tawen, iti maikalima a bulan, kinasaritanak ni propeta Hananias nga anak ni Azur manipud Gibeon.+ Imbagana kaniak idiay balay ni Jehova iti sango ti papadi ken amin nga umili: 2 “Daytoy ti imbaga ni Jehova a panguluen dagiti armada, ti Dios ti Israel, ‘Tukkolekto ti sangol ti panangadipen ti ari ti Babilonia.+ 3 Iti uneg ti dua a tawen,* isublik iti daytoy a lugar ti amin nga alikamen ti balay ni Jehova nga innala ni Ari Nabucodonosor ti Babilonia sana impan idi idiay Babilonia.’”+ 4 “‘Ket isublik ditoy ni Jeconias+ nga anak ni Jehoiakim,+ ti ari ti Juda, ken amin a naipanaw iti Juda a naipan idiay Babilonia,’+ kuna ni Jehova, ‘ta tukkolekto ti sangol ti panangadipen ti ari ti Babilonia.’”
5 Nakisarita ngarud ni propeta Jeremias ken propeta Hananias iti sango ti papadi ken amin nga umili a sitatakder iti balay ni Jehova. 6 Imbaga ni propeta Jeremias: “Amen!* Aramiden koma dayta ni Jehova! Tungpalen koma ni Jehova ti impadtom ket manipud idiay Babilonia, isublina ditoy dagiti alikamen ti balay ni Jehova ken ti amin a naipanaw nga umili! 7 Ngem pangngaasim ta denggem daytoy a mensahe nga ibagak kenka ken iti amin nga umili. 8 Idi un-unana, dagiti propeta nga immun-una ngem kadata ket nagipadpadto maipapan iti gubat, didigra, ken makapapatay a sakit iti adu a lugar ken dadakkel a pagarian. 9 No maipapan iti talna ti ipadto ti maysa a propeta ket pumayso ti ibagana, mapaneknekan a talaga nga imbaon ni Jehova dayta a propeta.”
10 Inikkat ngarud ni propeta Hananias ti sangol iti tengnged ni Jeremias sana tinukkol.+ 11 Ket kinuna ni Hananias iti sango ti amin nga umili: “Daytoy ti kuna ni Jehova, ‘Iti uneg ti dua a tawen, kastoyto ti panangtukkolko iti sangol ti panangadipen ni Ari Nabucodonosor ti Babilonia iti amin a nasion.’”+ Kalpasanna, pimmanawen ni propeta Jeremias.
12 Kalpasan a tinukkol ni propeta Hananias ti sangol nga innalana iti tengnged ni propeta Jeremias, imbaga ni Jehova ken Jeremias daytoy a mensahe: 13 “Mapanmo ibaga ken Hananias, ‘Daytoy ti kuna ni Jehova: “Kayo a sangol ti tinukkolmo,+ ngem mangaramidkanto iti landok a sangol a sukatna.” 14 Ta daytoy ti kinuna ni Jehova a panguluen dagiti armada, ti Dios ti Israel: “Mangikabilakto iti landok a sangol kadagitoy amin a nasion, tapno agserbida ken Ari Nabucodonosor ti Babilonia, ket masapul nga agserbida kenkuana.+ Itedko kenkuana uray dagiti atap nga animal iti tay-ak.”’”+
15 Ket imbaga ni propeta Jeremias ken propeta Hananias:+ “Pangngaasim ta denggem, O Hananias! Saannaka nga imbaon ni Jehova. Inallilawmo dagitoy a tattao tapno mamatida iti ulbod nga imbagam.+ 16 Isu a daytoy ti kuna ni Jehova, ‘Kitaem! Ikkatenka iti rabaw ti daga. Ita a tawen, mataykanto, ta insungsongmo dagiti tattao nga agrebelde ken Jehova.’”+
17 Isu a natay ni propeta Hananias iti dayta a tawen, iti maikapito a bulan.
29 Dagitoy ti linaon ti surat nga impatulod ni propeta Jeremias manipud Jerusalem kadagiti nabati a panglakayen dagiti naipanaw a tattao, papadi, propeta, ken amin a tattao nga innala ni Nabucodonosor manipud Jerusalem ken impanna idiay Babilonia, 2 kalpasan a naipanaw ni Ari Jeconias,+ ti ina ti ari,+ dagiti opisial ti palasio, dagiti prinsipe ti Juda ken Jerusalem, ken dagiti nalaing a trabahador ken latero* manipud Jerusalem.+ 3 Impaw-itna ti surat kada Elasa nga anak ni Safan+ ken ni Gemarias nga anak ni Hilkias, nga imbaon ni Ari Zedekias+ ti Juda a mapan ken Ari Nabucodonosor idiay Babilonia. Kastoy ti linaonna:
4 “Daytoy ti imbaga ni Jehova a panguluen dagiti armada, ti Dios ti Israel, kadagiti amin a tattao nga impalubosko a maipanaw iti Jerusalem ken maipan idiay Babilonia, 5 ‘Agaramidkayo kadagiti balay ken agyankayo kadagita. Agmulakayo ken kanenyo dagiti bungada. 6 Mangasawakayo tapno maaddaankayo iti annak a lallaki ken babbai; iyalaanyo dagiti annakyo iti assawada tapno maaddaanda met iti annak. Umadukayo sadiay ket diyo ipalubos a bumassit ti bilangyo. 7 Ket agbalinkayo a mannakikappia iti siudad a nangipanak kadakayo. Ikararagyo ken Jehova ti pagimbagan ti siudad, ta no natalna ti siudad, natalnanto met ti kasasaadyo.+ 8 Ta daytoy ti imbaga ni Jehova a panguluen dagiti armada, ti Dios ti Israel: “Dikay agpaallilaw kadagiti propeta ken mammuyon nga adda iti tengngayo,+ ken saanyo nga ipangag dagiti tagtagainepda. 9 Ta ‘us-usarenda ti naganko nga agipadto kadakayo iti ulbod. Saanko ida nga imbaon,’+ kuna ni Jehova.”’”
10 “Ta daytoy ti imbaga ni Jehova, ‘Inton natungpalen ti 70 a tawen a kaaddayo idiay Babilonia, asikasuenkayto+ ken tungpalekto ti inkarik ket isublikayo iti daytoy a lugar.’+
11 “‘Ta sigurado nga ammok ti pampanunotek para kadakayo,’ kuna ni Jehova, ‘ikkankayo iti talna, saan a didigra,+ tapno maaddaankayo iti nasayaat a masakbayan ken namnama.+ 12 Umawagkayto ken agkararagkayto kaniak ket denggenkayto.’+
13 “‘Birokendakto ket masarakandak,+ ta birokendakto iti amin a pusoyo.+ 14 Ipaluboskonto a mabirokandak,’+ kuna ni Jehova. ‘Ket urnongekto dagiti naipanaw kadakayo ken ummongenkayo manipud iti amin a nasion ken lugar a nangiwarawaraak kadakayo,’+ kuna ni Jehova. ‘Isublikayto iti lugar a nangalaak kadakayo.’+
15 “Ngem kinunayo, ‘Inikkannakami ni Jehova kadagiti propeta idiay Babilonia.’
16 “Ta daytoy ti imbaga ni Jehova iti ari nga agtugtugaw iti trono ni David+ ken iti amin nga umili iti daytoy a siudad, iti kakabsatyo a saan a naipanaw a kas kadakayo, 17 ‘Daytoy ti imbaga ni Jehova a panguluen dagiti armada: “Mangyegak kadakuada iti espada, nakaro a bisin, ken makapapatay a sakit,+ ket pagbalinek ida a kas kadagiti naperdi ken malunglungsoten* a higos a saanen a makan.”’+
18 “‘Ket rautekto ida iti espada,+ nakaro a bisin, ken makapapatay a sakit, ket pagbalinekto ida a nakabutbuteng iti amin a pagarian iti daga,+ ken lunod, pagsidsiddaawan, mauy-uyaw,*+ ken maum-umsi iti amin a nasion a pangiwarawaraak kadakuada,+ 19 gapu ta saanda nga impangag ti impaibagak kadagiti adipenko a propeta,’ kuna ni Jehova, ‘a maulit-ulit nga imbaonko kadakuada.’*+
“‘Ngem saankayo a nangipangag,’+ kuna ni Jehova.
20 “Denggenyo ngarud ti sao ni Jehova, dakayo amin a naipanaw a tattao, nga innalak idiay Jerusalem ken impanko idiay Babilonia. 21 Daytoy ti imbaga ni Jehova a panguluen dagiti armada, ti Dios ti Israel, maipapan ken Ahab nga anak ni Kolaias ken maipapan ken Zedekias nga anak ni Maasias, a mangus-usar iti naganko nga agipadto iti ulbod,+ ‘Iyawatko ida ken Ari Nabucodonosor* ti Babilonia, ket patayennanto ida iti imatangyo. 22 Ti mapasamak kadakuada ti mausarto a pangilunod iti amin a naala idiay Juda ken naipan idiay Babilonia: “Aramiden koma kenka ni Jehova ti napasamak kada Zedekias ken Ahab nga intuno ti ari ti Babilonia!” 23 Ngamin, nakababain ti inaramidda iti Israel,+ ta nakikamkamalalada iti assawa dagiti kaarrubada ken inus-usarda ti naganko nga agsao iti ulbod a saanko nga imbilin kadakuada.+
“‘“Siak Daydiay makaammo, ken maysaak a saksi,”+ kuna ni Jehova.’”
24 “Ibagamto met ken Semaias+ iti Nehelam, 25 ‘Daytoy ti imbaga ni Jehova a panguluen dagiti armada, ti Dios ti Israel: “Gapu ta inusarmo ti naganmo a nangipatulod kadagiti surat para iti amin nga umili iti Jerusalem, para ken Sofonias+ nga anak ti padi a ni Maasias, ken para iti amin a padi, nga ibagbagam, 26 ‘Imbes a ni Jehoiada a padi, sika ti pinagbalin ni Jehova a padi a mangaywan iti balay ni Jehova, mangaresto iti asinoman nga agbagtit nga agtigtignay a kas propeta ken mangikabil kenkuana kadagiti tul-ong ken iti pagipitan;*+ 27 apay ngarud a dimo binabalaw ni Jeremias iti Anatot+ nga agtigtignay a kasla propeta kadakayo?+ 28 Ta imbaonnakami pay ketdi idiay Babilonia nga ibagbagana: “Napautto dayta! Agaramidkayo kadagiti balay ken agyankayo kadagita. Agmulakayo ken kanenyo dagiti bungada,+—”’”’”
29 Idi imbasa ni Sofonias+ a padi daytoy a surat tapno mangngeg ni propeta Jeremias, 30 kinuna ni Jehova ken Jeremias: 31 “Ipakaammom iti amin a naipanaw a tattao: ‘Daytoy ti kinuna ni Jehova maipapan ken Semaias iti Nehelam: “Gapu ta nagipadto kadakayo ni Semaias, nupay saanko nga imbaon, ken pinadasnakayo nga allilawen kadagiti ulbod nga imbagana,+ 32 daytoy ngarud ti imbaga ni Jehova, ‘Dusaek ni Semaias iti Nehelam ken dagiti kaputotanna. Awanto iti pamiliana ti makalasat kadagitoy a tattao, ken saannanto a makita dagiti nasayaat nga aramidek kadagiti tattaok,’ kuna ni Jehova, ‘ta insungsongna dagiti tattao nga agrebelde ken Jehova.’”’”
30 Daytoy ti mensahe ni Jehova ken Jeremias: 2 “Daytoy ti imbaga ni Jehova a Dios ti Israel, ‘Isuratmo iti libro ti amin nga ibagak kenka. 3 Ta, “kitaenyo! um-umayen dagiti aldaw,” kuna ni Jehova, “inton urnongek dagiti naipanaw a tattaok, ti Israel ken Juda,”+ kuna ni Jehova, “ket isublik ida iti daga nga intedko kadagidi ammada, ket kukuadanto manen dayta.”’”+
4 Dagitoy ti imbaga ni Jehova iti Israel ken Juda.
5 Daytoy ti kuna ni Jehova:
“Nangngeg dagiti ikkis ti pannakataranta;
Adda buteng, ken awan ti talna.
6 Pangngaasiyo ta damagenyo no mabalin nga aganak ti maysa a lalaki.
Apay ngarud a makitak nga ig-iggaman ti tunggal napigsa a lalaki ti tianna*
A kas iti babai nga agan-anak?+
Apay a pumuspusiaw ti rupa ti amin a tattao?
7 Ay! Nakabutbuteng* dayta nga aldaw.+
Awan ti kapadana,
Tiempo ti rigat para ken Jacob.
Ngem maisalakanto iti dayta.”
8 “Ket iti dayta nga aldaw,” kuna ni Jehova a panguluen dagiti armada, “tukkolekto ti sangol iti tengngedmo, ket pugsatekto dagiti galutmo;* ket awanton dagiti estranghero* a mangadipen kenkuana.* 9 Agserbidanto ken Jehova a Diosda ken iti isaadko nga arida a ni David.”+
Ta manipud iti adayo, isalakanka
Ken ti kaputotam manipud iti nakaipananda a lugar.+
Agsublinto ni Jacob ket kalmadonto ken di maan-ano,
Ta awanto ti pagbutnganda.”+
11 “Ta addaak kenka,” kuna ni Jehova, “tapno isalakanka;
12 Ta daytoy ti kuna ni Jehova:
“Awan ti agas ti dunormo.+
Saan nga umimbag ti sugatmo.
13 Awan ti mangipakaasi iti kasasaadmo,
Awan ti mangpaimbag iti gaddilmo,
Awan ti makaagas kenka.
14 Nalipatandakan ti amin a mangay-ayat unay kenka.+
Saandakan a birbiroken.
Ta kinabilka a kas iti panangkabil ti kabusor,+
Dinusaka a kas iti panangdusa ti maysa a naulpit,
Gapu iti nagdakes nga aramidmo ken adu a basolmo.+
15 Apay nga agikkiska gapu iti dunormo?
Saan nga umimbag ti marikriknam nga ut-ot!
Inaramidko daytoy kenka
Ta nakaro ti dakes nga aramidmo ken adu ti basolmo.+
Maagawanto dagiti mangag-agaw kadagiti sanikuam,
Ket iyawatkonto kadagiti manangrabsut ti amin a mangrabrabsut kadagiti kukuam.”+
17 “Ngem paimbagenkanto ken agasak dagiti sugatmo,”+ kuna ni Jehova.
“Nupay inawagandaka idi iti nailaksid:
‘Sion a saan a birbiroken ti asinoman.’”+
18 Daytoy ti kuna ni Jehova:
“Urnongek dagidiay naipanaw kadagiti tolda ni Jacob,+
Ket kaasiakto dagiti tabernakulona.
Maibangonto manen ti siudad iti rabaw ti buntonna,+
Ket maikabilto ti natibker a torre iti rumbeng nga ayanna.
19 Mangngegto ti panagyaman ken panagkakatawada.+
Dusaekto ti amin a mangirurrurumen kenkuana.+
21 Agtaudto kenkuana ti liderda,
Ket aggapunto iti tengngana ti mangituray kadakuada.
Ayabakto ket umasidegto kaniak.”
“Ta no diak ayaban, asino ti makaitured* nga umasideg kaniak?” kuna ni Jehova.
22 “Agbalinkayto nga ilik,+ ket agbalinakto a Diosyo.”+
23 Kitaenyo! Ibulosto ni Jehova ti pungtotna kas iti napigsa nga angin,+
Kas iti dumalapus nga allawig nga agtayyek iti ulo dagiti managdakdakes.
24 Saan a bumaaw ti sumsumged a pungtot ni Jehova
Agingga a maitungpal ken maaramidna dagiti panggep ti pusona.+
Maawatanyonto daytoy iti maudi a paset dagiti aldaw.+
31 “Iti dayta a tiempo,” kuna ni Jehova, “agbalinakto a Dios ti amin a pamilia ti Israel, ket agbalindanto a tattaok.”+
2 Daytoy ti imbaga ni Jehova:
“Dagiti tattao a saan a natay iti espada ket kinaasian ti Dios idiay let-ang
Idi mapmapan ti Israel iti natalna a pagyananna.”
3 Manipud iti adayo, immay kaniak ni Jehova ket imbagana:
“Inay-ayatka iti agnanayon nga ayat.
Isu nga inyasidegka kaniak babaen ti napudno nga ayat.*+
4 Ibangonkanto manen ket maibangonkanto manen,+
5 Agmulakanto manen kadagiti ubas iti kabambantayan ti Samaria;+
Agmulanto dagiti agmulmula ket kanendanto dagiti maapitda.+
6 Ta addanto aldaw nga ipukkaw dagiti parabantay iti kabambantayan ti Efraim:
‘Tumakderkayo, mapantayo idiay Sion, ken Jehova a Diostayo.’”+
7 Ta daytoy ti imbaga ni Jehova:
“Siraragsak a kantaanyo ni Jacob.
Ipukkawyo ti rag-oyo ta nangatngatokayo ngem kadagiti nasion.+
Ipakaammoyo dayta; idaydayawyo ket ibagayo,
‘O Jehova, isalakanmo dagiti tattaom, ti nabatbati iti Israel.’+
8 Manipud iti daga ti amianan, isublikto ida ditoy.+
Ummongekto ida manipud kadagiti kaadaywan a paset ti daga.+
Kaduadanto dagiti bulsek ken pilay,+
Ti masikog ken ti dandanin aganak, sangsangkamaysadanto.
Agsublidanto ditoy kas dakkel a kongregasion.+
9 Umaydanto nga agsangsangit.+
Idauluakto ida bayat nga agpakpakaasida.
Ta maysaak nga Ama ti Israel, ket ti Efraim ti inauna nga anakko.”+
“Daydiay nangiwarawara iti Israel ti mangummongto met laeng kenkuana.
Aywanannanto kas iti panangaywan ti pastor iti arbanna.+
12 Umaydanto ket agriawdanto a siraragsak iti tapaw ti Sion+
Ket agraniagdanto gapu iti kinaimbag ni* Jehova,
Gapu iti bukel, baro nga arak,+ lana,
Ken urbon a karnero, kalding, ken baka.+
13 “Iti dayta a tiempo, nakaragragsakto nga agsala dagiti babbalasang,
Agraman dagiti babbaro ken lallakay.+
Pagbalinekto ti ladingitda a kasta unay a panagraragsak,+
Liwliwaek ken paragsakekto ida imbes nga agladingitda.+
14 Bussogekto dagiti padi* iti nakaad-adu* a makan,
Ket mapnekto ti ilik iti kinaimbagko,”+ kuna ni Jehova.
15 “Daytoy ti imbaga ni Jehova,
‘Mangngeg idiay Rama+ ti napalalo a panagunnoy ken panagsangit:
Sangsangitan ni Raquel dagiti annakna.+
Saanna a kayat ti paliwliwa
Ta awanen dagiti annakna.’”+
16 Daytoy ti imbaga ni Jehova:
“‘Lapdam ti agrungaab ken aglua,
Ta adda gunggonam iti inaramidmo,’ kuna ni Jehova,
‘Agsublidanto manipud iti daga ti kabusor.’+
17 ‘Ken adda namnama iti masanguanam,’+ kuna ni Jehova,
‘Agsublinto dagiti annakmo iti bukodda a teritoria.’”+
18 “Talaga a nangngegko nga isangsangit ti Efraim,
‘Inlintegnak, ket nailintegak
A kas iti urbon a baka a saan a nasanay.
Isublinak, ket nakasaganaak nga agsubli,
Ta sika ni Jehova a Diosko.
Naibabain ken naipababaak,+
Gapu kadagiti inaramidko idi agtutuboak.’”
20 “Saan aya a napateg kaniak ti Efraim, ti dungdungnguek nga anak?+
Ta malaglagipko latta uray kanayonak nga agsao maikontra kenkuana.
Isu a sumnek ti riknak* kenkuana.+
Sigurado a maasianakto kenkuana,” kuna ni Jehova.+
21 “Mangikabilka kadagiti surotem a marka iti kalsada.
Ken mangikabilka kadagiti karatula iti dalan.+
Ipamaysam ti panagkitam iti kalsada, ti dalan a masapul a pagnaam.+
Agsublika, O anak a babai ti Israel, agsublika kadagitoy a siudadmo.
22 Kasano kabayag a sumiasika, O sika a di matalek nga anak a babai?
Ta adda baro a pinarsua ni Jehova iti daga:
Aggagarto ti maysa a babai nga agbirok iti lalaki.”
23 Daytoy ti imbaga ni Jehova a panguluen dagiti armada, ti Dios ti Israel: “Ibagadanto manen dagitoy a sasao iti daga ti Juda ken kadagiti siudadna inton ummongek nga isubli dagiti naipanaw: ‘Bendisionannaka koma ni Jehova, O nalinteg a pagyanan,+ O nasantuan a bantay.’+ 24 Ket sadiay, agnaed a sangsangkamaysa ti Juda ken amin a siudadna, dagiti mannalon ken dagiti mangipaspastor kadagiti arban.+ 25 Ta pennekekto ti nabannog ken ti tunggal agkakapsut.”+
26 Gapu iti daytoy, nagriingak ken nagmulagatak. Naimas daydi a pannaturogko.
27 “Kitaenyo! Um-umayen dagiti aldaw,” kuna ni Jehova, “inton paaduek dagiti tattao iti sangakabbalayan ti Israel ken sangakabbalayan ti Juda. Paaduekto met dagiti tarakenda nga animal.”+
28 “No kasano idi a binantayak ida nga agparut, agrakrak, mangrebba, mangdadael, ken mangdangran,+ bantayakto met ida nga agbangon ken agmula,”+ kuna ni Jehova. 29 “Kadagita nga aldaw, saandanton nga ibaga, ‘Dagiti amma ti nangan iti naalsem nga ubas, ngem dagiti ngipen ti annak ti naalino.’*+ 30 Ngem matayto ti tunggal maysa gapu iti mismo a basolna. Maalinonto dagiti ngipen ti asinoman a mangan iti naalsem nga ubas.”
31 “Kitaenyo! Um-umayen dagiti aldaw,” kuna ni Jehova, “inton mangaramidak iti baro a tulag iti sangakabbalayan ti Israel ken iti sangakabbalayan ti Juda.+ 32 Saan a kas iti daydi tulag nga inaramidko kadagidi ammada idi kinibinko ida nga inruar idiay Egipto,+ ‘ti tulag a saanda a tinungpal,+ nupay siak idi ti pudpudno nga apoda,’* kuna ni Jehova.”
33 “Ta daytoy ti tulag nga aramidekto iti sangakabbalayan ti Israel kalpasan dagidiay nga aldaw,” kuna ni Jehova. “Ikabilkonto ti lintegko kadakuada,+ ket isuratkonto dayta iti pusoda.+ Agbalinakto a Diosda, ket agbalindanto nga ilik.”+
34 “Ket saandanton nga isuro iti tunggal kaarruba ken kabsatda, ‘Am-ammuenyo ni Jehova!’+ ta am-ammodakton amin, nanumo man wenno natan-ok,”+ kuna ni Jehova. “Ta pakawanekto ti kamalida ken diakton lagipen ti basolda.”+
35 Daytoy ti imbaga ni Jehova,
A mangmangted iti init a manglawag iti aldaw,
Kadagiti paglintegan ti bulan ken bitbituen a manglawag iti rabii,
A mangkibkibur iti baybay ken mamagdaranudor kadagiti dalluyonna,
A ti naganna ket Jehova a panguluen dagiti armada:+
36 “‘No agpalia dagitoy a pagalagadan,’ kuna ni Jehova,
‘Dagiti kaputotan ti Israel ket saanto metten nga agbalin a nasion iti sanguanak.’”+
37 Daytoy ti imbaga ni Jehova: “‘No ti langit ket mabalin a rukoden ken no dagiti pundasion ti daga ket mabalin a sukimaten, ilaksidkonto metten ti amin a kaputotan ti Israel gapu iti amin nga inaramidda,’ kuna ni Jehova.”+
38 “Kitaenyo! Um-umayen dagiti aldaw,” kuna ni Jehova, “inton maibangon ti siudad+ para ken Jehova manipud iti Torre ni Hananel+ agingga iti Makinsuli a Ruangan.+ 39 Ken marukodto+ nga agdirdiretso agingga iti turod ti Gareb, ket agkurba agingga iti Goa. 40 Ket agbalinto a nasantuan ken Jehova+ ti intero a tanap* nga ayan dagiti bangkay ken dapo* ken amin a kataltalonan agingga iti adayo a Tanap ti Kidron,+ agingga iti suli ti Ruangan ti Kabalio+ iti daya. Saanton a pulos a maparut wenno madadael manen.”
32 Ti mensahe ni Jehova ken Jeremias idi maika-10 a tawen ti panagturay ni Ari Zedekias ti Juda, kayatna a sawen, iti maika-18 a tawen ti panagturay ni Nabucodonosor.*+ 2 Iti dayta a tiempo, ti Jerusalem ket palpalawlawan dagiti armada ti ari ti Babilonia, ken nakabalud ni propeta Jeremias iti Paraangan ti Guardia+ iti balay* ti ari ti Juda. 3 Ta impaibalud ni Ari Zedekias ti Juda,+ nga ibagbagana: “Apay a kastoy ti ipadpadtom? Ibagbagam, ‘Daytoy ti imbaga ni Jehova: “Itedkonto daytoy a siudad iti ari ti Babilonia, ket sakupennanto.+ 4 Saanto a makalibas ni Ari Zedekias kadagiti Caldeo, ta sigurado a maitedto iti ari ti Babilonia, ket personal a makisaritanto kenkuana iti rupanrupa.”’+ 5 ‘Ipannanto ni Zedekias idiay Babilonia, ket agyanto sadiay agingga nga ikeddengko ti aramidek kenkuana,’ kuna ni Jehova. ‘Uray makilablabankayo kadagiti Caldeo, saankayto nga agballigi.’”+
6 Kinuna ni Jeremias: “Daytoy ti imbaga ni Jehova kaniak, 7 ‘Umayto kenka ni Hanamel nga anak ti angkelmo* a ni Salum, ket ibagana: “Gatangem ti talonko idiay Anatot,+ ta sika ti umuna nga adda kalinteganna a mangsaka iti dayta.”’”+
8 Kas imbaga ni Jehova, immay kaniak ni Hanamel a kasinsinko* iti Paraangan ti Guardia, ket imbagana: “Pangngaasim ta gatangem ti talonko idiay Anatot, iti daga ti Benjamin, ta adda kalintegam a mangtagikua ken mangsaka iti dayta. Gatangemon.” Ket naamirisko a pagayatan dayta ni Jehova.
9 Ginatangko ngarud ti talon idiay Anatot iti kasinsinko a ni Hanamel. Tinimbangko ti kuarta+ iti sangona, 7 a siklo* ken 10 a pedaso a pirak. 10 Kalpasanna, insuratko dayta iti katulagan,+ intatakko ti selio, nangayabak kadagiti mangtestigo,+ ken tinimbangko ti kuarta. 11 Innalak ti katulagan ti pananggatang, daydiay natatakan iti selio sigun iti bilin ken linteg, agraman daydiay saan a natatakan iti selio. 12 Ti katulagan ti pananggatang ket intedko ken Baruk+ nga anak ni Nerias+ nga anak ni Masias iti sango ni Hanamel a kasinsinko ken dagiti testigo a nagpirma iti katulagan ti pananggatang, ken iti amin a Judio nga agtugtugaw iti Paraangan ti Guardia.+
13 Ita, imbilinko ken Baruk iti sanguananda: 14 “Daytoy ti imbaga ni Jehova a panguluen dagiti armada, ti Dios ti Israel, ‘Alaem dagitoy a katulagan, daytoy a katulagan ti pananggatang, ti natatakan iti selio ken ti saan a natatakan, ket ikabilmo ida iti damili a pagkargaan tapno maidulin ket agpaut dagita.’ 15 Ta daytoy ti imbaga ni Jehova a panguluen dagiti armada, ti Dios ti Israel, ‘Magatangto manen iti daytoy a daga dagiti balbalay ken taltalon ken kaubasan.’”+
16 Idi naitedkon ken Baruk nga anak ni Nerias ti katulagan ti pananggatang, inkararagko ken Jehova: 17 “O Kangatuan* nga Apo Jehova! Kitaem! Inaramidmo ti langit ken ti daga babaen ti dakkel a pannakabalinmo+ ken nabileg* a takiagmo. Awan ti imposible kenka, 18 sika ti mangipakpakita iti napudno nga ayat iti rinibu, ngem mangipalpalubos a mapasaran ti* annak dagiti epekto ti basol dagidi ammada,+ sika ti pudno a Dios, ti naindaklan ken mannakabalin, a ti naganmo ket Jehova a panguluen dagiti armada. 19 Nagsayaat dagiti balakadmo* ken naindaklan dagiti aramidmo.+ Makitkitam ti amin nga ar-aramiden dagiti tattao,+ tapno gunggonaam ti tunggal maysa sigun iti aramidna.+ 20 Nangaramidka kadagiti pagilasinan ken milagro idiay Egipto nga agdindinamag agingga ita nga aldaw, isu a limmatak ti naganmo iti Israel ken iti intero a sangatauan+ a kas ita. 21 Ket idi inruarmo ti ilim nga Israel idiay Egipto, inusarmo dagiti pagilasinan ken milagro, agraman mannakabalin nga imam ken nabileg a takiagmo, ken dagiti nakabutbuteng a pasamak.+
22 “Idi agangay, intedmo kadakuada daytoy a daga a pagay-ayusan ti gatas ken diro+ nga inkarim kadagidi ammada.+ 23 Ket immayda ken tinagikuada dayta, ngem saanda a nagtulnog iti timekmo wenno dida sinurot ti lintegmo. Awan ti inaramidda kadagiti imbilinmo, isu nga impalubosmo a mapasamak kadakuada amin dagitoy a didigra.+ 24 Kitaem! Immay dagiti soldado ket nangaramidda iti bunton a pagdalanan tapno masakupda ti siudad.+ Ket gapu iti espada,+ nakaro a bisin, ken makapapatay a sakit,+ sigurado a mayawatto ti siudad iti ima dagiti Caldeo a makilablaban iti dayta. Napasamak amin nga imbagam, kas makitkitam ita. 25 Ngem Imbagam kaniak, O Kangatuan nga Apo Jehova, ‘Gatangem ti talon ken mangayabka kadagiti testigo,’ uray no siguradon a mayawat daytoy a siudad kadagiti Caldeo.”
26 Isu a kinuna ni Jehova ken Jeremias: 27 “Siak ni Jehova, ti Dios ti intero a sangatauan.* Adda aya imposible kaniak? 28 Daytoy ngarud ti imbaga ni Jehova, ‘Itedko daytoy a siudad kadagiti Caldeo ken iti ima ni Ari Nabucodonosor* ti Babilonia, ket sakupennanto dayta.+ 29 Ket sumrekto dagiti Caldeo a makilablaban iti daytoy a siudad. Puoranda ti intero a siudad agraman ti balbalay a dagiti atepda ti nagpuoran+ dagiti tattao kadagiti datonda ken Baal ken nangibukbokanda iti daton nga inumen para kadagiti sabali a dios tapno saktanda ti riknak.’+
30 “‘Ta manipud pay idi ubbingda, kanayonen a dakes ti ar-aramiden dagiti tattao iti Israel ken iti Juda iti sanguanak.+ Kanayon a pagpungtotendak dagiti tattao iti Israel gapu iti ar-aramidenda,’ kuna ni Jehova. 31 ‘Ta daytoy a siudad ti makagapu a makapungtot ken makaungetak,+ manipud idi binangonda agingga ita nga aldaw, isu a masapul a maikkat dayta iti sanguanak,+ 32 gapu iti amin a dakes nga inaramid dagiti tattao iti Israel ken Juda. Pinagpungtotdak amin dagiti ari,+ prinsipe,+ padi, propeta,+ ken dagiti umili ti Juda ken Jerusalem. 33 Kanayon a pinanawan ken tinallikudandak;+ nupay maulit-ulit nga inkagumaak nga isuro ida,* awan kadakuada ti nangipangag tapno umawat iti disiplina.+ 34 Ket inkabilda dagiti makarimon nga idoloda iti balay a nakaipanaganan ti naganko, tapno rugitanda dayta.+ 35 Nangibangonda met kadagiti nangato a disso a pagdaydayawanda ken Baal iti Tanap ti Anak ni Hinnom,*+ tapno ipalasatda ti annakda a lallaki ken babbai iti apuy a para ken Molek,+ banag a saanko nga imbilin kadakuada,+ ken pulos a saanko a napanunot* nga ipaaramid kadakuada ti kasta a makarimon a banag, tapno agbasol ti Juda.’
36 “Daytoy ngarud ti kuna ni Jehova a Dios ti Israel maipapan iti daytoy a siudad nga ibagbagayo a maited iti ari ti Babilonia babaen ti espada, nakaro a bisin, ken makapapatay a sakit, 37 ‘Urnongekto ida manipud iti amin a lugar a nangiwarawaraak kadakuada gapu iti unget, pungtot, ken nakaro a rurodko,+ ket isublikto ida iti daytoy a lugar ken pagnaedekto ida a sitatalged.+ 38 Agbalindanto a tattaok, ket agbalinakto a Diosda.”+ 39 Ikkakto ida iti maysa a puso+ ken dalan tapno kanayon nga agbutengda kaniak, para iti pagsayaatanda ken dagiti annakda kalpasanda.+ 40 Kaduakto ida a mangaramid iti agnanayon a tulag,+ a saanakto a sumardeng nga agaramid iti nasayaat kadakuada;+ ket isurokto dagiti pusoda nga agbuteng kaniak, tapno saandak a tallikudan.+ 41 Maragsakanakto a mangaramid iti nasayaat kadakuada,+ ket permanentento a pagnaedek ida iti daytoy a daga+ iti amin a pusok ken kararuak.’”*
42 “Ta daytoy ti imbaga ni Jehova, ‘No kasano nga impalak-amko kadagiti tattao daytoy amin a nakaro a didigra, iyegkonto met kadakuada ti amin a kinaimbag* nga inkarik kadakuada.+ 43 Ket magatangto manen dagiti talon iti daytoy a lugar+ nupay ibagbagayo: “Langalang dayta nga awanan iti tao ken animal ken naiteden kadagiti Caldeo.”’
44 “‘Dagiti talon ket magatangto iti kuarta, mayaramidan kadagiti katulagan ti pananggatang ken matatakan iti selio, ken maayabanto dagiti testigo iti daga ti Benjamin,+ kadagiti aglawlaw ti Jerusalem, kadagiti siudad iti Juda,+ kadagiti siudad iti kabambantayan, kadagiti siudad iti kapatagan,+ ken kadagiti siudad iti abagatan, ta isublikto dagiti naipanaw kadakuada,’+ kuna ni Jehova.”
33 Kinuna ni Jehova ken Jeremias iti maikadua a daras, bayat a nakapupok pay laeng iti Paraangan ti Guardia:+ 2 “Daytoy ti imbaga ni Jehova a Nangaramid iti daga, ni Jehova a nangparsua ken sititibker a nangipasdek iti dayta; Jehova ti naganna, 3 ‘Awagannak, ket sungbatankanto ken nakasaganaak a mangibaga kenka iti naindaklan ken di maawatan a bambanag a saanmo pay nga ammo.’”+
4 “Ta daytoy ti imbaga ni Jehova a Dios ti Israel maipapan kadagiti balay iti daytoy a siudad ken balbalay ti ar-ari ti Juda a narakrak gapu kadagiti naipalawlaw a bunton ken iti espada,+ 5 ken maipapan kadagidiay um-umay a makilaban kadagiti Caldeo, ken mangpunno kadagitoy a lugar iti bangkay dagidiay pinatayko gapu iti unget ken pungtotko, dagidiay tinallikudak iti daytoy a siudad gapu iti kinadakesda: 6 ‘Paimbagekto ken pasalun-atek; ket paimbagekto+ ken ipaayakto ida iti naruay a talna ken kinapudno.+ 7 Isublikto dagiti naipanaw iti Juda ken Israel,+ ket pabilgek ida a kas idi damo.+ 8 Dalusakto ida iti amin a basolda kaniak,+ ken pakawanekto ti amin a basol ken kamalida kaniak.+ 9 Agbalinto a pakaitan-okak, pakaidaydayawak, ken pakaipadayagak iti amin a nasion ti daga a makangngeg iti amin a nasayaat nga ipapaayko kadakuada.+ Ket agbuteng ken agsiddaawdanto+ gapu iti amin a kinasayaat ken talna nga ipapaayko kenkuana.’”+
10 “Daytoy ti imbaga ni Jehova: ‘Iti daytoy a lugar a kunayo a langalang, nga awanan iti tao wenno taraken nga animal, kadagiti siudad ti Juda ken kadagiti kalsada ti Jerusalem a nalangalang, nga awanan iti tao wenno agnanaed wenno taraken nga animal, mangngegto manen 11 ti uni ti panagragsak ken panagrag-o,+ ti timek ti nobio ken ti nobia, ti timek dagidiay agkunkuna: “Agyamankayo ken Jehova a panguluen dagiti armada, ta naimbag ni Jehova;+ agnanayon ti napudno nga ayatna!”’+
“‘Mangyegdanto kadagiti daton ti panagyaman iti balay ni Jehova,+ ta isublikto dagiti naipanaw iti daga a kas idi damo,’ kuna ni Jehova.”
12 “Daytoy ti imbaga ni Jehova a panguluen dagiti armada: ‘Iti daytoy a langalang, nga awanan iti tao wenno taraken nga animal, addanto manen dagiti pagpaaraban dagiti pastor kadagiti arbanda.’+
13 “‘Kadagiti siudad iti kabambantayan, kadagiti siudad iti kapatagan, kadagiti siudad iti abagatan, iti daga ti Benjamin, kadagiti aglawlaw ti Jerusalem,+ ken kadagiti siudad ti Juda,+ bilangento manen dagiti pastor ti arbanda,’ kuna ni Jehova.”
14 “‘Kitaenyo! Um-umayen dagiti aldaw,’ kuna ni Jehova, ‘inton tungpalek ti nagsayaat nga inkarik maipapan iti sangakabbalayan ti Israel ken sangakabbalayan ti Juda.+ 15 Kadagita nga aldaw ken iti dayta a tiempo, mangpatuboak para ken David iti nalinteg a tarubong,*+ ket ipakatnanto ti hustisia ken kinalinteg iti daga.+ 16 Kadagita nga aldaw, maisalakanto ti Juda+ ket agnaedto a sitatalged ti Jerusalem.+ Ket daytoy ti mayawagto kenkuana: Ni Jehova ti Kinalintegtayo.’”+
17 “Ta daytoy ti imbaga ni Jehova: ‘Kanayon nga addanto lalaki a miembro ti pamilia ni David nga agtugaw iti trono ti sangakabbalayan ti Israel,+ 18 ken kanayon nga addanto papadi a Levita nga agserbi iti sanguanak a mangidaton kadagiti sibubukel a daton a mapuoran, bukbukel a mapuoran, ken dadduma pay a daton.’”
19 Kinuna manen ni Jehova ken Jeremias: 20 “Daytoy ti imbaga ni Jehova, ‘No madadaelyo ti tulagko maipapan iti aldaw ken rabii, tapno saan a dumteng ti aldaw ken rabii iti umiso a tiempoda,+ 21 madadaelto metten ti tulagko iti adipenko a ni David,+ tapno awanto ti anakna nga agturay kas ari iti tronona,+ ken awanto metten ti agserbi kaniak a papadi a Levita.+ 22 No kasano a saan a mabilang ti armada ti langit ken ti darat ti baybay, kastanto met ti panangpaaduk iti kaputotan* ti adipenko a ni David ken kadagiti Levita nga agserserbi kaniak.’”
23 Kinuna manen ni Jehova ken Jeremias: 24 “Saanmo aya a nadlaw ti ibagbaga dagitoy a tattao, ‘Ilaksidto ni Jehova ti dua a pamilia a pinilina’? Ket saandan a raraemen dagiti tattaok, ken saanda idan nga ibilang kas maysa a nasion.
25 “Daytoy ti imbaga ni Jehova, ‘No kasano nga inaramidko a saan a mawaswas ti tulagko maipapan iti aldaw ken rabii,+ dagiti linteg ti langit ken daga,+ 26 diakto met pulos ilaksid ti kaputotan* ni Jacob ken ti adipenko a ni David, isu a kanayon nga addanto mangituray kadagiti kaputotan* ken iti sumarsaruno a henerasion* da Abraham, Isaac, ken Jacob. Ta ummongekto manen dagiti naipanaw kadakuada+ ken maasianakto kadakuada.’”+
34 Ti mensahe ni Jehova ken Jeremias idi a ni Ari Nabucodonosor* ti Babilonia, ti intero nga armadana, ti amin a pagarian ditoy daga nga iturturayanna, ken ti amin a tattao ket makilablaban iti Jerusalem ken iti amin a siudadna:+
2 “Daytoy ti imbaga ni Jehova a Dios ti Israel, ‘Inka ibaga ken Ari Zedekias+ ti Juda: “Daytoy ti imbaga ni Jehova, ‘Itedko daytoy a siudad iti ari ti Babilonia ket puorannanto.+ 3 Saankanto a makalibas kenkuana ta sigurado a tiliwendaka ken iyawatdaka kenkuana.+ Makitamto a personal ti ari ti Babilonia ket makisaritanto kenka iti rupanrupa, ken mapankanto idiay Babilonia.’+ 4 Ngem denggem ti kinuna ni Jehova, O Ari Zedekias ti Juda, ‘Daytoy ti ibaga ni Jehova maipapan kenka: “Saankanto a matay iti espada. 5 Natalnanto ti ipapataymo,+ ket addanto seremonia a panangpuor iti insienso para kenka a kas iti inaramidda kadagidi ammam, dagidi ar-ari nga immun-una ngem sika. Isangitdanto, ‘Kaasika pay nga arimi!’ ta ‘imbagak ti mensahe,’ kuna ni Jehova.”’”’”
6 Imbaga ngarud amin dagitoy ni propeta Jeremias iti ari ti Juda a ni Zedekias idiay Jerusalem, 7 idi makilablaban dagiti armada ti ari ti Babilonia maibusor iti Jerusalem ken iti amin a nabati a siudad iti Juda,+ maibusor iti Lakis+ ken iti Azeka;+ ta dagita laengen ti nabati a napaderan a siudad kadagiti siudad iti Juda.
8 Ti mensahe ni Jehova ken Jeremias kalpasan a nakitulag ni Ari Zedekias iti amin a tattao idiay Jerusalem tapno iwaragawagna ti panangwayawaya kadakuada,+ 9 a masapul a wayawayaan ti tunggal maysa dagiti adipenna a Hebreo a lallaki ken babbai, tapno awan ti agtultuloy a mangadipen iti padana a Judio. 10 Nagtulnog ngarud ti amin a prinsipe ken tattao. Sinurotda ti tulagan a masapul a wayawayaan ti tunggal maysa dagiti adipenda a lallaki ken babbai tapno saandan nga agtalinaed nga adipen. Nagtulnogda ket pinalubosanda idan a pumanaw. 11 Ngem kalpasanna, innalada met laeng dagiti winayawayaanda nga adipen a lallaki ken babbai, ket pinilitda ida nga agpaadipen manen. 12 Isu a daytoy ti mensahe ni Jehova ken Jeremias manipud ken Jehova:
13 “Daytoy ti imbaga ni Jehova a Dios ti Israel, ‘Nakitulagak kadagidi ammayo+ idi inruarko ida idiay Egipto a nakaadipenanda+ a kinunak: 14 “Iti ngudo ti pito a tawen, rumbeng a pagawiden ti tunggal maysa kadakayo ti kabsatna a Hebreo a nailako ken nagserbi kadakayo iti innem a tawen; rumbeng a wayawayaanyo.”+ Ngem saandak a dinengngeg wenno impangag dagidi ammayo. 15 Ket itay nabiit,* nagbalbaliwkayo ken inaramidyo ti umiso iti imatangko ta inwaragawagyo ti pannakawayawaya dagiti padayo a tattao, ken nakitulagkayo kaniak iti balay a nakaipanaganan ti naganko. 16 Ngem inaramidyo manen ti di umiso ken imbabainyo ti naganko+ ta pinagsubliyo dagiti lallaki ken babbai nga adipenyo a winayawayaanyo idin tapno mapatgan ti tarigagayda,* ket pinilityo ida nga agpaadipen manen.’
17 “Gapuna, daytoy ti imbaga ni Jehova, ‘Saanyo a tinungpal ti imbagak nga iwaragawagyo ti pannakawayawaya ti kabsatyo ken padayo a tao.+ Isu nga ikkankayo ita iti wayawaya,’ kuna ni Jehova, ‘wayawaya a matay iti espada, makapapatay a sakit, ken nakaro a bisin,+ ket pagbalinenkayto a nakabutbuteng iti amin a pagarian iti daga.+ 18 Daytoy ti mapasamakto kadagiti tattao a saan a nangtungpal iti tulagko ta saanda a sinurot ti pannakitulagda kaniak idi ginuduada ti urbon a baka ken limmasatda iti tengngana.+ 19 Isuda dagiti prinsipe ti Juda, prinsipe ti Jerusalem, opisial ti palasio, papadi, ken amin nga umili iti daga a limmasat iti tengnga ti nagudua nga urbon a baka: 20 Itedkonto ida kadagiti kabusorda ken kadagidiay mayat a mangpapatay kadakuada. Dagiti bangkayda ket kanento dagiti billit iti tangatang ken animal iti daga.+ 21 Itedkonto ti ari ti Juda a ni Zedekias ken dagiti prinsipena kadagiti kabusorda ken iti ima dagiti mayat a mangpapatay kadakuada ken kadagiti armada ti ari ti Babilonia,+ nga umat-atras kadakayo.’+
22 “‘Itedko ti bilin,’ kuna ni Jehova, ‘ket isublikto ida iti daytoy a siudad, ket makilabandanto iti dayta, sakupenda dayta ken puoranda;+ ket pagbalinekto a langalang dagiti siudad iti Juda ken awanto metten ti agnaed iti dayta.’”+
35 Daytoy ti mensahe ni Jehova ken Jeremias idi kaaldawan ti anak ni Josias a ni Jehoiakim+ nga ari ti Juda: 2 “Mapanka iti sangakabbalayan dagiti Rekabita.+ Kasaritam ken ipanmo ida iti maysa kadagiti siled a panganan* iti balay ni Jehova sa ikkam ida iti inumenda nga arak.”
3 Isu nga innalak ni Jaazanias nga anak ni Jeremias nga anak ni Habazinias, dagiti kakabsatna, amin nga annakna a lallaki, ken ti intero a sangakabbalayan dagiti Rekabita ket impanko 4 iti balay ni Jehova. Impanko ida iti siled a panganan dagiti annak ni Hanan nga anak ni Igdalias nga adipen ti pudno a Dios. Kaabay dayta ti siled a panganan dagiti prinsipe nga adda iti ngato ti siled a panganan ni Maasias nga anak ni Salum a parabantay iti ruangan. 5 Kalpasanna, pinasanguak ti sangakabbalayan dagiti Rekabita kadagiti kopa ken kopita a napno iti arak ket imbagak: “Uminumkayo iti arak.”
6 Ngem imbagada: “Saankami nga uminum iti arak, ta imbilin ni Jehonadab*+ nga anak ni Rekab, nga apongmi, ‘Dikay pulos uminum iti arak, uray dagiti annakyo. 7 Dikay met agbalay, agtalon, wenno agmula wenno maaddaan iti kaubasan. Kanayon ketdi nga agyankayo kadagiti tolda tapno agbiagkayo iti napaut iti lugar a pakipagnanaedanyo.’ 8 Gapuna intultuloymi ti nagtulnog iti amin nga imbaga ni Jehonadab nga anak ni Rekab nga apongmi ket saankami a pulos nga imminum iti arak ken uray dagiti assawami ken dagiti annakmi a lallaki ken babbai. 9 Saankami met nga agbangon iti balaymi, wenno maaddaan iti kaubasan wenno taltalon wenno bin-i. 10 Tolda latta ti pagnanaedanmi ken agtultulnogkami iti amin nga imbilin daydi apongmi a ni Jehonadab.* 11 Ngem idi immay ni Ari Nabucodonosor* ti Babilonia tapno sakupenna ti daga,+ imbagami, ‘Umaykayo, ket mapantayo idiay Jerusalem tapno mapanawantayo ti armada dagiti Caldeo ken Siriano.’ Dayta ti makagapu nga agnanaedkami ita iti Jerusalem.”
12 Kinuna ni Jehova ken Jeremias: 13 “Daytoy ti imbaga ni Jehova a panguluen dagiti armada, ti Dios ti Israel, ‘Ibagam kadagiti tattao idiay Juda ken kadagiti agnanaed idiay Jerusalem: “Saan kadi a kanayon nga ibagbagak kadakayo nga agtulnogkayo iti sasaok?”+ kuna ni Jehova. 14 “Imbilin ni Jehonadab nga anak ni Rekab iti kaputotanna a saanda nga uminum iti arak ket tinungpalda ti imbagana. Saanda nga immin-inum iti arak agingga ita nga aldaw. Inaramidda ngarud ti imbilin ti apongda.+ Ngem saankayo a nagtulnog uray no maulit-ulit a nagsaoak kadakayo.*+ 15 Maulit-ulit nga imbaonko kadakayo* ti amin nga adipenko a propeta,+ nga ibagbagak, ‘Pangngaasiyo ta isardengyo dagiti dakes nga aramidyo,+ ket aramidenyo ti umiso! Saankayo nga agdaydayaw ken agserbi kadagiti sabali a dios tapno agtultuloykayo nga agyan iti daga nga intedko kadakayo ken kadagidi ammayo.’+ Ngem didak dinengngeg wenno impangag. 16 Tinungpal dagiti kaputotan ni Jehonadab nga anak ni Rekab ti bilin daydi apongda,+ ngem saandak nga impangag dagitoy a tattao.”’”
17 “Daytoy ngarud ti imbaga ni Jehova a Dios dagiti armada, ti Dios ti Israel: ‘Iyegko iti Juda ken iti amin nga agnanaed iti Jerusalem ti amin a didigra nga impakpakaunak kadakuada,+ ta kinasaritak ida ngem dida nangipangag. Kanayon nga immawagak kadakuada ngem dida simmungbat.’”+
18 Ket imbaga ni Jeremias iti sangakabbalayan dagiti Rekabita: “Daytoy ti imbaga ni Jehova a panguluen dagiti armada, ti Dios ti Israel, ‘Gapu ta nagtulnogkayo iti bilin ni Jehonadab nga apongyo ken sursurotenyo ti amin nga imbilinna ken ar-aramidenyo ti eksakto nga imbilinna kadakayo, 19 daytoy ti imbaga ni Jehova a panguluen dagiti armada, ti Dios ti Israel: “Kanayon nga addanto agserbi kaniak a kaputotan ni Jehonadab* nga anak ni Rekab.”’”
36 Idi maikapat a tawen ti panagturay ti ari ti Juda a ni Jehoiakim+ nga anak ni Josias, daytoy ti mensahe ni Jehova ken Jeremias: 2 “Mangalaka iti lukot,* ket isuratmo ti amin nga imbagak kenka maibusor iti Israel, Juda,+ ken iti amin a nasion,+ manipud idi umuna nga aldaw a nakisaritaak kenka, idi kaaldawan ni Josias agingga ita nga aldaw.+ 3 Bareng no mangngeg ti sangakabbalayan ti Juda ti amin a panggepko a panangdidigra kadakuada ket isardengda dagiti dakes nga aramidda, tapno pakawanek ti kamali ken basolda.”+
4 Inayaban ngarud ni Jeremias ni Baruk+ nga anak ni Nerias. Indiktar ni Jeremias ti amin nga imbaga kenkuana ni Jehova, ket insurat dagita ni Baruk iti lukot.*+ 5 Kalpasanna, imbilin ni Jeremias ken Baruk: “Maiparit a sumrekak iti balay ni Jehova. 6 Sika ngarud ti sumrek ket ipigsam a basaen dagiti imbaga ni Jehova nga indiktarko nga isuratmo iti lukot. Basaem dagita tapno mangngeg dagiti tattao idiay balay ni Jehova inton aldaw ti panagayunar. Ibasam dagita iti amin a tattao iti Juda a naggapu kadagiti siudadda. 7 Bareng no makadanon ken Jehova ti panagpakaasida ket isardeng ti tunggal maysa dagiti dakes nga aramidna, ta napalalo ti unget ken pungtot ni Jehova nga imbagana maibusor kadagitoy a tattao.”
8 Inaramid ngarud ni Baruk nga anak ni Nerias ti amin nga imbilin kenkuana ni propeta Jeremias; impigsana a binasa idiay balay ni Jehova ti lukot* a nakaisuratan dagiti imbaga ni Jehova.+
9 Idi maikasiam a bulan ti maikalima a tawen a panagturay ti ari ti Juda a ni Jehoiakim+ nga anak ni Josias, ti amin nga umili ti Jerusalem ken amin a tattao nga immay idiay Jerusalem manipud kadagiti siudad ti Juda ket nangiwaragawag iti panagayunar iti sanguanan ni Jehova.+ 10 Nangngeg ti amin a tattao ti napigsa a panangibasa ni Baruk iti sasao ni Jeremias manipud iti lukot* idiay balay ni Jehova, iti kuarto* ni Gemarias+ nga anak ni Safan+ a parakopia,* iti makinngato a paraangan, iti pagserkan ti baro a ruangan ti balay ni Jehova.+
11 Idi nangngeg ni Mikaias nga anak ni Gemarias nga anak ni Safan ti amin a sasao ni Jehova iti lukot,* 12 napan iti balay* ti ari, iti kuarto ti sekretario. Nakatugaw sadiay ti amin a prinsipe:* ni Elisama+ a sekretario, ni Delaias nga anak ni Semaias, ni Elnatan+ nga anak ni Akbor,+ ni Gemarias nga anak ni Safan, ni Zedekias nga anak ni Hananias, ken amin a dadduma pay a prinsipe. 13 Imbaga kadakuada ni Mikaias ti amin a sasao a nangngegna idi imbasa ni Baruk ti lukot* kadagiti umili.
14 Imbaon ngarud ti amin a prinsipe ni Jehudi nga anak ni Netanias nga anak ni Selemias nga anak ni Cusi, a mangibaga ken Baruk: “Ipanmo ditoy ti lukot nga imbasam kadagiti tattao.” Intugot ni Baruk nga anak ni Nerias ti lukot ket impanna kadakuada. 15 Imbagada: “Pangngaasim ta agtugawka, ket ipigsam nga ibasa kadakami.” Imbasa ngarud dayta ni Baruk kadakuada.
16 Apaman a nangngegda ti amin a sasao, mabutbutengda a nagkikinnita, ket imbagada ken Baruk: “Masapul nga ibagami iti ari amin dagitoy a sasao.” 17 Ket insaludsodda ken Baruk: “Pangngaasim ta ibagam kadakami no kasanom nga insurat amin dagitoy a sasao. Indiktarna kadi?” 18 Insungbat kadakuada ni Baruk: “Indiktarna kaniak amin dagitoy a sasao, ket insuratko iti daytoy a lukot.”* 19 Imbaga dagiti prinsipe ken Baruk: “Mapankay aglemmeng, sika ken ni Jeremias, ket diyo ibagbaga ti ayanyo.”+
20 Kalpasanna, napanda iti ari, iti paraangan, ken inkabilda ti lukot iti kuarto ni Elisama a sekretario, ket imbagada iti ari ti amin a nangngegda.
21 Impaala ti ari ken Jehudi+ ti lukot ket innalana dayta iti kuarto ni Elisama a sekretario. Kalpasanna, binasa dayta ni Jehudi a dengdenggen ti ari ken ti amin a prinsipe a nakatakder iti abay ti ari. 22 Adda idi ti ari iti balayna a pangpalpalabsanna iti tiempo ti lam-ek, iti maikasiam a bulan* ket nakatugaw iti sango ti paginuduan. 23 Kada mabasa ni Jehudi ti tallo wenno uppat a binatog ti panid, pigisen dayta ti ari babaen ti kutsilio ti sekretario sana ipuruak iti apuy ti paginuduan agingga a naipuruak ti intero a lukot iti apuy ti paginuduan. 24 Saanda a nagbuteng; ket uray nangngeg ti ari ken ti amin nga adipenna dagitoy a sasao, saanda met a pinisang dagiti badoda. 25 Uray impakpakaasi da Elnatan,+ Delaias,+ ken Gemarias+ iti ari a dina puoran ti lukot, saanna ida nga impangag. 26 Imbilin met ti ari kada Jerameel nga anak ti ari, ni Seraias nga anak ni Azriel, ni Selemias nga anak ni Abdeel, a tiliwenda ni Baruk a sekretario ken ni propeta Jeremias, ngem inlemmeng ida ni Jehova.+
27 Kalpasan a pinuoran ti ari ti lukot a nakaisuratan ti indiktar ni Jeremias ken Baruk,+ kinuna manen ni Jehova ken Jeremias: 28 “Mangalaka iti sabali pay a lukot ket isuratmo amin a naisurat iti umuna a lukot a pinuoran ni Ari Jehoiakim ti Juda.+ 29 Ket masapul nga ibagam ken Ari Jehoiakim ti Juda, ‘Daytoy ti imbaga ni Jehova: “Pinuoram daytoy a lukot ket imbagam, ‘Apay nga insuratmo iti dayta: “Sigurado nga umay ti ari ti Babilonia ket dadaelenna daytoy a lugar ket pukawenna ti amin a tattao ken animal”?’+ 30 Daytoy ngarud ti imbaga ni Jehova maibusor ken Ari Jehoiakim ti Juda, ‘Awanto ti anakna nga agtugaw iti trono ni David,+ ken mabaybay-anto ti bangkayna a mabilag iti aldaw ken malamiisan iti rabii.+ 31 Singirekto isuna ken dagiti kaputotanna* ken dagiti adipenna gapu iti kamalida, ket iyegko kadakuada ken kadagiti agnanaed iti Jerusalem ken kadagiti tattao ti Juda ti amin a didigra nga imbagak maibusor kadakuada,+ ngem dida nangipangag.’”’”+
32 Nangala ngarud ni Jeremias iti sabali pay a lukot ket intedna iti sekretario+ a ni Baruk nga anak ni Nerias. Indiktar ni Jeremias ti amin nga insuratna idi iti lukot* a pinuoran ni Ari Jehoiakim ti Juda.+ Ket adu pay ti kasta a sasao a nainayon.
37 Ket pinagari ni Ari Nabucodonosor* ti Babilonia ni Ari Zedekias+ nga anak ni Josias iti daga ti Juda.+ Sinukatanna ni Conias*+ nga anak ni Jehoiakim. 2 Ngem saan nga impangag ni Zedekias ken dagiti adipenna ken dagiti umili iti daga ti imbaga ni Jehova babaen ken propeta Jeremias.
3 Imbaon ni Ari Zedekias da Jehucal+ nga anak ni Selemias ken ni Sofonias+ nga anak ni Maasias a padi a mapan ken propeta Jeremias tapno ibagada: “Pangngaasim ta ikararagannakami ken Jehova a Diostayo.” 4 Nawaya pay la idi ni Jeremias a makipulapol kadagiti umili ta saanda pay nga imbalud.+ 5 Iti dayta a tiempo, palpalawlawan dagiti Caldeo ti Jerusalem+ ngem immatrasda idi nadamagda nga um-umayen ti armada ni Faraon manipud Egipto.+ 6 Ket kinuna ni Jehova ken propeta Jeremias: 7 “Daytoy ti kuna ni Jehova a Dios ti Israel, ‘Daytoy ti masapul nga ibagayo iti ari ti Juda, a nangibaon kadakayo nga agsaludsod kaniak: “Kitaenyo! Ti armada ni Faraon nga um-umay tumulong kadakayo ket masapul nga agsublinto iti pagilianna nga Egipto.+ 8 Ket agsublinto dagiti Caldeo ket gubatenda daytoy a siudad sada sakupen ken puoran.”+ 9 Daytoy ti imbaga ni Jehova, “Diyo allilawen ti bagiyo,* a kunayo, ‘Sigurado a saandatayo a sakupen dagiti Caldeo,’ ta saandanto a pumanaw. 10 Uray no maabakyo ti intero nga armada dagiti Caldeo a makilablaban kadakayo ken dagiti laengen nasugatan a tattaoda ti nabati, rummuardanto latta manipud kadagiti toldada ket puoranda daytoy a siudad.”’”+
11 Idi immatras ti armada dagiti Caldeo manipud iti Jerusalem gapu iti armada ni Faraon,+ 12 inkagumaan ni Jeremias ti pimmanaw idiay Jerusalem ket napan iti daga ti Benjamin+ tapno alaenna kadagiti kailianna ti bingayna sadiay. 13 Ngem idi nakadanon ni propeta Jeremias iti Ruangan ti Benjamin, isu ket tiniliw ti hepe dagiti guardia nga agnagan iti Irias nga anak ni Selemias nga anak ni Hananias sana imbaga: “Kumapkapponka kadagiti Caldeo!” 14 Ngem kinuna ni Jeremias: “Saan nga agpayso dayta! Saanak a kumapkappon kadagiti Caldeo.” Ngem saan nga impangag ni Irias isu a tiniliwna ni Jeremias ket impanna kadagiti prinsipe. 15 Nakapungtot dagiti prinsipe ken Jeremias,+ ket kinabkabilda ken imbaludda*+ iti balay ni Jehonatan a sekretario, a naaramid a pagbaludan. 16 Inkabilda ni Jeremias iti maysa kadagiti bartolina* ket nagtalinaed sadiay iti adu nga aldaw.
17 Kalpasanna, pinaayaban ni Ari Zedekias, ket idi addan iti balay* ti ari, insekreto ti ari+ nga insaludsod kenkuana: “Adda kadi mensahe ni Jehova?” Insungbat ni Jeremias: “Adda!” sana innayon: “Mayawatkanto iti ari ti Babilonia!”+
18 Imbaga pay ni Jeremias ken Ari Zedekias: “Ania aya ti basolko kenka ken kadagiti adipenmo ken kadagitoy a tattao ta impaibaludnak? 19 Ayanna ngay itan dagiti propetayo a nangipadto kadakayo, ‘Saanto nga umay ti ari ti Babilonia a manggubat kadakayo ken iti daytoy a lugar’?+ 20 Ita, pangngaasim O apo ari ta ipangagnak. Pangngaasim ta ipangagmo ti panagpakaasik. Dinak pagsublien iti balay ti sekretario a ni Jehonatan,+ tapno saanak a matay sadiay.”+ 21 Isu nga imbilin ni Ari Zedekias a maibalud ni Jeremias idiay Paraangan ti Guardia,+ ket inaldaw a naikkan iti nagtimbukel a tinapay manipud iti kalsada dagiti panadero,+ agingga a naibus ti amin a tinapay iti siudad.+ Ket nagtalinaed ni Jeremias iti Paraangan ti Guardia.
38 Nangngeg da Sefatias nga anak ni Mattan, Gedalias nga anak ni Pasur, Jucal+ nga anak ni Selemias, ken Pasur+ nga anak ni Malkias ti imbaga ni Jeremias iti amin nga umili: 2 “Daytoy ti imbaga ni Jehova, ‘Daydiay saan a pumanaw iti daytoy a siudad ket matayto iti espada, nakaro a bisin, ken makapapatay a sakit.+ Ngem daydiay sumuko* kadagiti Caldeo ket agtultuloyto a sibibiag ken maisalakanna ti biagna* ket agtalinaed a sibibiag.’+ 3 Daytoy ti imbaga ni Jehova, ‘Sigurado a maitedto daytoy a siudad iti armada ti ari ti Babilonia, ket sakupennanto dayta.’”+
4 Imbaga dagiti prinsipe iti ari: “Pangngaasim ta ipapataymo daytoy a tao,+ ta gapu kadagita nga ibagbagana, pakpakapuyenna ti pakinakem* dagiti soldado a nabati iti daytoy a siudad, agraman ti amin nga umili. Ta kayat daytoy a tao a madidigra dagitoy a tattao imbes a maaddaanda iti talna.” 5 Insungbat ni Ari Zedekias: “Sige! Aramidenyo kenkuana ti kayatyo, ta awan ti maaramidan ti ari a mangpasardeng kadakayo.”
6 Innalada ngarud ni Jeremias ket impisokda iti pagurnongan iti danum ni Malkias nga anak ti ari, nga adda iti Paraangan ti Guardia.+ Nagusarda iti tali a nangibaba ken Jeremias. Awan danum iti dayta a pagurnongan, pitak laeng isu nga in-inut a nailumlom ni Jeremias iti pitak.
7 Nadamag ni Ebed-melec+ nga Etiope, maysa a lalaki a eunuko* iti balay* ti ari, nga impisokda ni Jeremias iti pagurnongan iti danum. Agtugtugaw idi ti ari iti Ruangan ti Benjamin,+ 8 isu a rimmuar ni Ebed-melec iti balay* ti ari ket imbagana iti ari: 9 “O apo ari, nagdakes ti inaramid dagitoy a lallaki ken propeta Jeremias! Impisokda iti pagurnongan iti danum, isu a matayto la ketdi idiay gapu iti nakaro a bisin, ta naibusen ti tinapay iti siudad.”+
10 Imbilin ngarud ti ari ken Ebed-melec nga Etiope: “Mangikuyogka iti 30 a lallaki nga adda ditoy, ket aonenyo ni propeta Jeremias iti pagurnongan iti danum sakbay a matay.” 11 Isu nga inkuyog ni Ebed-melec dagiti lallaki ket napanda iti sirok ti pagidulinan iti gameng iti uneg ti balay* ti ari.+ Nangalada sadiay kadagiti rutrot a rigis ken rutrot a pedaso ti lupot. Impababada dagita ken Jeremias iti pagurnongan iti danum babaen kadagiti tali. 12 Kalpasanna, imbaga ni Ebed-melec nga Etiope ken Jeremias: “Pangngaasim ta ikabilmo dagiti rigis ken pedaso ti lupot iti nagbaetan dagiti kilikilim ken dagiti tali.” Kasta ti inaramid ni Jeremias. 13 Inaonda ni Jeremias babaen kadagiti tali ken ginuyodda nga inruar iti pagurnongan iti danum. Nagtalinaed ni Jeremias iti Paraangan ti Guardia.+
14 Pinaayaban ni Ari Zedekias ni propeta Jeremias idiay maikatlo a pagserkan, nga adda iti balay ni Jehova, ket imbaga ti ari ken Jeremias: “Adda man saludsodek. Saanka nga agilimed kaniak.” 15 Imbaga ngarud ni Jeremias ken Zedekias: “No ibagak kenka, sigurado nga ipapataynak. Ket no bagbagaanka, dinak met la ipangag.” 16 Isu a sililimed nga insapata ni Ari Zedekias ken Jeremias: “Isapatak iti nagan ti sibibiag a Dios a ni Jehova, a nangted iti daytoy biagtayo,* saanka a patayen, ket saanka nga ited kadagitoy agpanggep a mangala iti biagmo.”*
17 Imbaga ni Jeremias ken Zedekias: “Daytoy ti imbaga ni Jehova a Dios dagiti armada, ti Dios ti Israel, ‘No sumukoka* kadagiti prinsipe ti ari ti Babilonia, maisalakan ti biagmo,* ken saanto a mapuoran daytoy a siudad, ket maisalakanka agraman ti sangakabbalayam.+ 18 Ngem no saanka a sumuko* kadagiti prinsipe ti ari ti Babilonia, maitedto daytoy a siudad kadagiti Caldeo, ket puorandanto dayta,+ ket saanmonto ida a malibasan.’”+
19 Imbaga ni Ari Zedekias ken Jeremias: “Mabutengak kadagiti Judio a kimmapponen kadagiti Caldeo, di la ket ta parigatendak no maitedak kadakuada.” 20 Ngem kinuna ni Jeremias: “Saankanto a maited kadakuada. Pangngaasim ta agtulnogka iti ibagbagak kenka nga imbilin ni Jehova, tapno nasayaat ti pagbanagam ken agtultuloyka a sibibiag. 21 Ngem no dimo kayat ti sumuko,* daytoy ti impakaammo kaniak ni Jehova: 22 Kitaem! Amin a babbai a nabati iti balay* ti ari ti Juda ket naipan kadagiti prinsipe ti ari ti Babilonia,+ ket ibagbagada,
Inlumlomda ti sakam iti pitak.
Ita, immatras ken pimmanawdan.’
23 Ket ipanda ti amin nga assawam ken annakmo kadagiti Caldeo, ket saanmonto ida a malibasan. Tiliwennakanto ti ari ti Babilonia,+ ket gapu kenka, mapuoranto daytoy a siudad.”+
24 Imbaga ni Zedekias ken Jeremias: “Dimo ibagbaga iti asinoman dagitoy a banag tapno saanka a matay. 25 Ket no madamag dagiti prinsipe a nakisaritaak kenka ket umayda kenka sada ibaga, ‘Pangngaasim ta ibagam kadakami. Saanka nga agilimed kadakami, ket saandakanto a papatayen.+ Ania ti imbaga kenka ti ari?’ 26 masapul nga ibagam kadakuada, ‘Kiniddawko iti ari a saannak a pagsublien iti balay ni Jehonatan tapno idiay ti pakatayak.’”+
27 Idi agangay, napan ti amin a prinsipe ken Jeremias ket sinaludsodanda. Imbagana kadakuada ti amin nga imbilin ti ari nga ibagana. Isu nga awanen ti naibagada kenkuana, ta awan ti nakangngeg iti nagsaritaanda iti ari. 28 Agingga iti aldaw ti pannakasakup ti Jerusalem, nagtalinaed ni Jeremias iti Paraangan ti Guardia;+ adda latta sadiay idi nasakup ti Jerusalem.+
39 Idi maikasiam a tawen ti panagturay ni Ari Zedekias ti Juda, iti maika-10 a bulan, napan idiay Jerusalem ni Ari Nabucodonosor* ti Babilonia ken ti intero nga armadana ket pinalawlawanda dayta.+
2 Idi maika-11 a tawen ti panagturay ni Zedekias, iti maikasiam nga aldaw ti maikapat a bulan, sinerrekda ti pader ti siudad.+ 3 Ket simrek ti amin a prinsipe ti ari ti Babilonia a da Nergal-sarezer a Samgar, Nebo-sarsekim a Rabsaris,* Nergal-sarezer a Rabmag* ken ti amin a dadduma pay a prinsipe ti ari ti Babilonia ket nagtugawda iti Makintengnga a Ruangan.+
4 Idi nakita ida ni Ari Zedekias ti Juda ken ti amin a soldado, nagtatarayda a naglibas+ iti siudad iti rabii. Dimmalanda iti hardin ti ari a napan iti ruangan nga adda iti nagbaetan ti dua a pader, ket nagturongda idiay Araba.+ 5 Ngem kinamat ida ti armada dagiti Caldeo, ket nakamakamda ni Zedekias kadagiti desierto a tanap ti Jerico.+ Tiniliwda ket inyegda ken Ari Nabucodonosor* ti Babilonia idiay Ribla+ iti daga ti Hamat.+ Idiay a sinentensiaanna ni Zedekias. 6 Impapatay ti ari ti Babilonia dagiti annak a lallaki ni Zedekias iti imatangna idiay Ribla, ket impapatay ti ari ti Babilonia ti amin a natatan-ok iti Juda.+ 7 Kalpasanna, binulsekna ni Zedekias sa pinosasanna kadagiti gambang a grilios tapno ipanna idiay Babilonia.+
8 Pinuoran dagiti Caldeo ti balay* ti ari ken balbalay dagiti umili,+ ken rinebbada dagiti pader ti Jerusalem.+ 9 Impanaw ni Nabuzaradan+ a panguluen dagiti guardia ti nabati a tattao iti siudad, dagiti kimmappon kenkuana, ken ti asinoman a nabati. Impanna ida idiay Babilonia.
10 Ngem ni Nabuzaradan a panguluen dagiti guardia imbatina idiay Juda ti dadduma a kapanglawan a tattao, dagiti awanan a pulos iti sanikua. Iti dayta nga aldaw, inikkanna met ida iti kaubasan ken talon nga asikasuenda.*+
11 Dagitoy ti imbilin ni Ari Nabucodonosor* ti Babilonia ken ni Nabuzaradan a panguluen dagiti guardia maipapan ken Jeremias: 12 “Alaem ken aywanam; dimo an-anuen, ken itedmo amin a dawatenna.”+
13 Adda dagiti imbaon da Nabuzaradan a panguluen dagiti guardia, Nabusazban a Rabsaris,* Nergal-sarezer a Rabmag* ken ti amin a kangrunaan a lallaki ti ari ti Babilonia 14 a mangiruar ken Jeremias iti Paraangan ti Guardia.+ Intedda ken Gedalias+ nga anak ni Ahikam+ nga anak ni Safan.+ Naipan ngarud ni Jeremias iti balay ni Gedalias ket nakipagnaed kadagiti tattao.
15 Kinuna ni Jehova ken Jeremias bayat a nakabalud idiay Paraangan ti Guardia:+ 16 “Inka ibaga ken Ebed-melec+ nga Etiope, ‘Daytoy ti imbaga ni Jehova a panguluen dagiti armada, ti Dios ti Israel: “Tungpalek ti imbagak a madidigra daytoy a siudad imbes a nasayaat ti lak-amenna, ket iti dayta nga aldaw makitamto a mapasamak dayta.”’
17 “‘Ngem isalakankanto iti dayta nga aldaw,’ kuna ni Jehova, ‘ket saankanto a maited kadagiti kabutbutengmo a tattao.’
18 “‘Ta siguraduek a makalibaska ken saankanto a matay iti espada. Maisalakanmonto ti biagmo*+ ta nagtalekka kaniak,’+ kuna ni Jehova.”
40 Adda mensahe ni Jehova ken Jeremias kalpasan a winayawayaan ni Nabuzaradan+ a panguluen dagiti guardia idiay Rama.+ Nakaposas ni Jeremias idi impanda kenkuana, ken kaduana ti amin a maipanaw idiay Jerusalem ken Juda a maipan idiay Babilonia. 2 Kalpasanna, ni Jeremias ket inyadayo ti panguluen dagiti guardia sa imbagana kenkuana: “Impakpakauna ni Jehova a Diosmo daytoy a didigra maibusor iti daytoy a lugar, 3 ken tinungpal dayta ni Jehova kas iti imbagana, gapu ta dakayo a tattao ket nagbasol ken Jehova ken saankayo a nagtulnog kenkuana. Isu a napasamak daytoy kadakayo.+ 4 Ita, ikkatekon dagiti posasmo. No iti panagkunam ket pagsayaatam ti sumurot kaniak idiay Babilonia, umayka, ket aywanankanto. Ngem no dimo kayat ti sumurot kaniak idiay Babilonia, saanka nga umay. Kitaem! Adda iti sangom ti intero a daga. Mapanka iti kayatmo a papanan.”+
5 Saan a makapagdesision ni Jeremias isu nga imbaga ni Nabuzaradan: “Agsublika ken Gedalias+ nga anak ni Ahikam+ nga anak ni Safan,+ a dinutokan ti ari ti Babilonia a mangituray kadagiti siudad ti Juda. Makipagyanka kenkuana a kadua dagiti umili; wenno mapanka iti kayatmo a papanan.”
Kalpasanna, inikkan ti panguluen dagiti guardia iti makan ken regalo sana pinalubosan. 6 Isu a napan ni Jeremias ken Gedalias nga anak ni Ahikam idiay Mizpa.+ Nakipagyan kenkuana a kadua dagiti umili a nabati iti daga.
7 Amin a pangulo ti armada ket adda iti tay-ak a kadua dagiti soldadoda. Idi agangay, nadamagda a ni Gedalias nga anak ni Ahikam ti dinutokan ti ari ti Babilonia a mangituray kadagiti lallaki, babbai, ken annak dagiti napanglaw iti daga a saan a naipan idiay Babilonia.+ 8 Isu a napan ken Gedalias idiay Mizpa+ da Ismael+ nga anak ni Netanias, Johanan+ ken ni Jonatan nga annak ni Karea, Seraias nga anak ni Tanhumet, dagiti annak ni Efai a Netofatita, ken ni Jezanias+ nga anak ti Maacatita, agraman dagiti soldadoda. 9 Insapata ni Gedalias nga anak ni Ahikam nga anak ni Safan kadakuada ken kadagiti soldadoda: “Dikay agbuteng nga agpaadipen kadagiti Caldeo. Agnaedkayo iti daga ken agserbikayo iti ari ti Babilonia, ket nasayaatto ti pagbanaganyo.+ 10 Agyanakto idiay Mizpa kas pannakabagiyo* kadagiti Caldeo nga umay kadatayo. Ngem masapul nga agurnongkayo iti arak, prutas ti kalgaw, ken lana. Ikabilyo dagita kadagiti pagkargaan ket agyankayo kadagiti siudad a sinakupyo.”+
11 Nadamag met ti amin a Judio idiay Moab, Ammon, ken Edom ken iti amin a dadduma pay a nasion, nga adda dagiti pinalubosan ti ari ti Babilonia nga agbati idiay Juda ken dinutokanna a mangituray kadakuada ni Gedalias nga anak ni Ahikam nga anak ni Safan. 12 Isu a nagsubli idiay Juda ti amin a Judio manipud iti amin a lugar a nakaiwarawaraanda, ket napanda ken Gedalias idiay Mizpa. Nagurnongda iti nakaad-adu nga arak ken prutas ti kalgaw.
13 Ni Johanan nga anak ni Karea ken ti amin a pangulo ti armada nga adda iti tay-ak ket napan ken Gedalias idiay Mizpa. 14 Imbagada kenkuana: “Saanmo kadi nga ammo nga imbaon ni Baalis nga ari dagiti Ammonita+ ni Ismael nga anak ni Netanias tapno patayennaka?”+ Ngem saan ida a pinati ni Gedalias nga anak ni Ahikam.
15 Imbaga ni Johanan nga anak ni Karea ken ni Gedalias idiay Mizpa idi duduada: “Palubosannak a mapan mangpatay ken ni Ismael nga anak ni Netanias, ket awanto ti makaammo. Apay koma a patayennaka, ken apay koma a mawarawara ti amin a tattao ti Juda ken matay dagiti nabati iti Juda?” 16 Ngem imbaga ni Gedalias+ nga anak ni Ahikam ken ni Johanan nga anak ni Karea: “Saanmo nga aramiden dayta, ta saan nga agpayso ti ibagbagam maipapan ken Ismael.”
41 Iti maikapito a bulan, ni Ismael+ nga anak ni Netanias nga anak ni Elisama, a kaputotan ti ari* ken maysa kadagiti kangrunaan a soldado ti ari, ket napan ken Gedalias nga anak ni Ahikam idiay Mizpa.+ Kaduana ti 10 a lallaki. Bayat nga agkakaduada a mangmangan idiay Mizpa, 2 timmakder ni Ismael nga anak ni Netanias ken ti 10 a lallaki a kaduana ket pinatayda ni Gedalias nga anak ni Ahikam nga anak ni Safan. Pinatayna iti espada daydiay dinutokan ti ari ti Babilonia a mangituray iti daga. 3 Pinatay met ni Ismael ti amin a Judio a kadua ni Gedalias idiay Mizpa, ken uray dagiti Caldeo a soldado nga adda sadiay.
4 Iti maikadua nga aldaw kalpasan a napapatay ni Gedalias, ken awan pay ti makaammo iti dayta, 5 immay ti 80 a lallaki a naggapu idiay Sikem,+ Shilo,+ ken Samaria.+ Nakiskisan ti barbasda, napisang dagiti badoda, sinugatsugatda ti bagida,+ ken nagitugotda iti bukbukel ken olibano+ nga idatonda iti balay ni Jehova. 6 Isu a pimmanaw ni Ismael nga anak ni Netanias idiay Mizpa tapno sabtenna ida ket agsangsangit a magmagna. Imbagana idi nagsasabatda: “Umayyo kitaen ni Gedalias nga anak ni Ahikam.” 7 Ngem idi nakadanonda iti siudad, pinatay ida ni Ismael nga anak ni Netanias ken dagiti tattaona, sa intapuakna ida iti pagurnongan iti danum.
8 Ngem imbaga ti 10 kadakuada ken Ismael: “Saannakami a patayen, ta adu a trigo, sebada, lana, ken diro ti inlemmengmi iti talon.” Isu a saanna ida a pinatay a karaman dagiti kakabsatda. 9 Intapuak ni Ismael iti dakkel a pagurnongan iti danum ti amin a bangkay dagiti pinatayna. Ni Ari Asa ti nangaramid iti dayta a pagurnongan gapu ken Baasa nga ari ti Israel.+ Pinunno dayta ni Ismael nga anak ni Netanias kadagiti pinatayna.
10 Impanaw ni Ismael ti amin a nabati a tattao idiay Mizpa,+ agraman dagiti annak a babbai ti ari ken amin nga umili a nabati idiay Mizpa, nga impaaywan ni Nabuzaradan a panguluen dagiti guardia ken ni Gedalias+ nga anak ni Ahikam. Impanaw ida ni Ismael nga anak ni Netanias ket napanda iti ayan dagiti Ammonita.+
11 Nadamag ni Johanan+ nga anak ni Karea ken ti amin a kaduana a pangulo ti armada ti amin a dakes nga inaramid ni Ismael nga anak ni Netanias, 12 isu nga inkuyogda ti amin a lallaki tapno kamatenda ni Ismael nga anak ni Netanias. Ket nasarakanda iti igid ti dakkel a dandanum* ti Gibeon.
13 Naragsakan ti amin a tattao nga impanaw ni Ismael idi nakitada ni Johanan nga anak ni Karea ken ti amin a pangulo ti armada a kaduana. 14 Amin a tattao nga impanaw ni Ismael idiay Mizpa+ ket napan kimmuyog ken Johanan nga anak ni Karea. 15 Ngem ni Ismael nga anak ni Netanias ken ti walo kadagiti tattaona nalibasanda ni Johanan sa napanda kadagiti Ammonita.
16 Inkuyog ni Johanan nga anak ni Karea ken ti amin a pangulo ti armada ti nabati a tattao a taga-Mizpa, dagidiay insalakanda ken Ismael nga anak ni Netanias kalpasan a pinatayna ni Gedalias+ nga anak ni Ahikam. Manipud idiay Gibeon, insublida dagiti lallaki, soldado, babbai, ubbing, ken dagiti opisial ti palasio. 17 Ket dimmagasda iti pagdagusan iti Kimham nga asideg ti Betlehem,+ ta panggepda ti mapan idiay Egipto+ 18 gapu ta mabutengda kadagiti Caldeo. Pinatay ngamin ni Ismael nga anak ni Netanias ni Gedalias nga anak ni Ahikam, a dinutokan ti ari ti Babilonia a mangituray iti daga.+
42 Amin a pangulo ti armada ken da Johanan+ nga anak ni Karea, Jezanias nga anak ni Osaias, ken amin nga umili, nanumo man wenno natan-ok ket immasideg 2 ken propeta Jeremias sada imbaga: “Pangngaasim ta denggem ti panagpakaasimi, ket ikararagannakami ken Jehova a Diosmo, agraman dagitoy amin a nabati,+ ta manmanodan kas iti makitam. 3 Ibaga koma kadakami ni Jehova a Diosmo ti dalan a rumbeng a pagnaanmi ken rumbeng nga aramidenmi.”
4 Insungbat ni propeta Jeremias: “Nangngegkayo, ket agkarkararagak ken Jehova a Diosyo kas iti kiniddawyo. Ibagakto kadakayo ti amin nga isungbat ni Jehova. Awanto ti ilimedko.”
5 Insungbatda ken Jeremias: “Agbalin koma ni Jehova a pudno ken matalek a saksi kontra kadakami no saanmi nga aramiden ti amin nga imbaga ni Jehova a Diosmo nga aramidenmi. 6 Naimbag man wenno dakes, agtulnogkami iti ibaga ni Jehova a Diosmi, a pangibabaonanmi kenka tapno nasayaat ti pagbanaganmi gapu ta agtultulnogkami iti ibagbaga ni Jehova a Diosmi.”
7 Kalpasan ti 10 nga aldaw, adda imbaga ni Jehova ken Jeremias. 8 Isu nga inayabanna ni Johanan nga anak ni Karea ken ti amin a pangulo ti armada a kaduana ken ti amin nga umili, nanumo man wenno natan-ok.+ 9 Imbagana kadakuada: “Daytoy ti kuna ni Jehova a Dios ti Israel, a nangibaonanyo kaniak a pangibagaak iti dawatyo: 10 ‘No talaga nga agtalinaedkayo iti daytoy a lugar, ibangonkayo ket saankayo a rebbaen, ket imulakayo ken saankayo a paruten, ta pagladingitak ti didigra nga inyegko kadakayo.+ 11 Saankayo nga agbuteng iti ari ti Babilonia a pagbutbutnganyo.’+
“‘Saankayo nga agbuteng kenkuana,’ kuna ni Jehova, ‘ta addaak kadakayo, tapno isalakan ken alawenkayo iti imana. 12 Kaasiankayto,+ ket kaasiannakayto ken isublinakayo iti dagayo.
13 “‘Ngem no ibagayo: “Saan; saankaminto nga agtalinaed iti daytoy a lugar!” ken agsukirkayo ken Jehova a Diosyo, 14 ken kunayo: “Saan, mapankami ketdi idiay Egipto,+ ta awan ti gubat a makitami idiay wenno awan ti mangngegmi a tangguyob wenno saankami nga agbisin; idiay ti pagyananmi,” 15 denggenyo ngarud ti kuna ni Jehova, dakayo a nabati iti Juda. Daytoy ti imbaga ni Jehova a panguluen dagiti armada, ti Dios ti Israel: “No ipapilityo ti mapan agyan* idiay Egipto, 16 makamakamnakayto idiay Egipto ti espada a kabutbutengyo, ken surotennakayto idiay Egipto ti nakaro a bisin a kabutbutengyo, ket mataykayto sadiay.+ 17 Amin a mangipapilit a mapan agyan idiay Egipto ket matayto iti espada, nakaro a bisin, ken makapapatay a sakit. Awanto ti makalasat wenno makalisi iti didigra nga iyegko kadakuada.”’
18 “Ta daytoy ti imbaga ni Jehova a panguluen dagiti armada, ti Dios ti Israel: ‘No kasano a naibuyat ti unget ken pungtotko kadagiti agnanaed iti Jerusalem,+ maibuyatto met kadakayo ti pungtotko no mapankayo idiay Egipto. Agbalinkayto a lunod, nakabutbuteng, malalais, ken mauy-uyaw,+ ken diyonton makita manen daytoy a lugar.’
19 “Nagsao ni Jehova maibusor kadakayo a nabati iti Juda. Dikay mapan idiay Egipto. Laglagipenyo a pinakdaarankayo ita nga aldaw 20 a ti biagyo* ti kasukat ti kamaliyo. Ta imbaondak ken Jehova a Diosyo, nga ibagbagayo, ‘Ikararagannakami ken Jehova a Diosmi, ken ibagam ti amin nga imbaga ni Jehova a Diosmi, ket aramidenminto dayta.’+ 21 Ket ita, imbagakon kadakayo, ngem saankayto nga agtulnog iti ibaga ni Jehova a Diosyo wenno saanyo nga aramiden ti aniaman nga impaibagana kaniak kadakayo.+ 22 Gapuna, ammuenyo a sigurado a mataykayonto iti espada, nakaro a bisin, ken makapapatay a sakit iti lugar a kayatyo a papanan ken pagyanan.”+
43 Idi naibagan ni Jeremias iti amin nga umili ti amin nga impakaammo ni Jehova a Diosda, ti tunggal sao nga impaibaga ni Jehova kenkuana nga ibagana kadakuada, 2 ni Azarias nga anak ni Osaias, Johanan+ nga anak ni Karea, ken ti amin a natangsit a lallaki kinunada ken Jeremias: “Saan nga agpayso ti ibagbagam! Saannaka nga imbaon ni Jehova a Diosmi a mangibaga kadakami: ‘Saankayo a mapan agyan idiay Egipto.’ 3 Ngem sugsugsogannaka ni Baruk+ nga anak ni Nerias a bumusor kadakami ta kayatnakami a maited kadagiti Caldeo, tapno mapapataykami wenno maipankami idiay Babilonia.”+
4 Isu a ni Johanan nga anak ni Karea, ti amin a pangulo ti armada, ken ti amin nga umili ket simmukir iti bilin ni Jehova nga agtalinaedda iti Juda. 5 Ti amin a nabati iti Juda a naggapu iti amin a nasion a nakaiwarawaraanda tapno agyanda iti Juda ket innala ketdi ni Johanan nga anak ni Karea ken ti amin a pangulo ti armada.+ 6 Innalada dagiti lallaki, babbai, ubbing, annak a babbai ti ari, ken amin* nga impaaywan ni Nabuzaradan+ a panguluen dagiti guardia ken ni Gedalias+ nga anak ni Ahikam+ nga anak ni Safan,+ agraman ni propeta Jeremias ken ni Baruk nga anak ni Nerias. 7 Ket napanda idiay Egipto ken nakadanonda idiay Tapanhes,+ ta saanda a nagtulnog ken Jehova.
8 Kalpasanna, kinuna ni Jehova ken Jeremias idiay Tapanhes: 9 “Mangalaka iti dadakkel a bato ket ilemmengmo dagita iti ladrilio a beranda iti pagserkan ti balay ni Faraon idiay Tapanhes sa gaburam iti namasa a semento iti sango dagiti lallaki a Judio. 10 Ibagam kadakuada, ‘Daytoy ti imbaga ni Jehova a panguluen dagiti armada, ti Dios ti Israel: “Ibaonko ti adipenko+ a ni Nabucodonosor* nga ari ti Babilonia ket ikabilko ti tronona iti mismo a rabaw dagiti bato nga impailemmengko, ket isaknapna ti nadayag a toldana kadagita.+ 11 Umaynanto rauten ti Egipto.+ Patayennanto iti makapapatay a sakit dagiti nairanta a matay iti makapapatay a sakit, ipanawnanto dagiti nairanta a maipanaw, ken patayennanto iti espada dagidiay nairanta a matay iti espada.+ 12 Puorakto ti balbalay* dagiti didiosen iti Egipto ken puorannanto dagita.+ Ipanawnanto met dagita a didiosen. No kasano a laklakaen ti pastor nga isuot ti badona, laklakaennanto met a sakupen ti Egipto, ket pumanaw sadiay a sitatalna.* 13 Ket rumekrumekennanto dagiti adigi ti Bet-semes,* nga adda idiay Egipto, ket puorannanto ti balbalay* dagiti dios ti Egipto.”’”
44 Daytoy ti mensahe a naited ken Jeremias para iti amin a Judio nga aggigian idiay Egipto,+ kadagidiay aggigian idiay Migdol,+ Tapanhes,+ Nof,*+ ken daga ti Patros:+ 2 “Daytoy ti imbaga ni Jehova a panguluen dagiti armada, ti Dios ti Israel, ‘Nakitayo ti amin a didigra nga inyegko iti Jerusalem+ ken iti amin a siudad iti Juda. Ita, rebrebba dagitan ken awanen ti agnanaed.+ 3 Gapu dayta kadagiti dakes nga inaramidda tapno rurodendak. Nagdaton+ ken nagserbida kadagiti sabali a dios a dida am-ammo, a saanyo nga am-ammo ken saan nga am-ammo dagidi ammayo.+ 4 Maulit-ulit nga imbaonko kadakayo* ti amin nga adipenko a propeta tapno ibagada: “Pangngaasiyo ta diyo aramiden daytoy makarimon a banag a kagurak.”+ 5 Ngem saanda a dimngeg wenno nangipangag tapno isardengda ti dakes nga aramidda a panagdaton kadagiti sabali a dios.+ 6 Isu a naibuyat ti pungtot ken ungetko a nangpuor kadagiti siudad iti Juda ken kadagiti kalsada iti Jerusalem. Nadadael ken nalangalang dagita kas iti kasasaadda ita.’+
7 “Ita, daytoy ti imbaga ni Jehova a Dios dagiti armada, ti Dios ti Israel, ‘Apay a mangar-aramidkayo iti pakadidigraanyo, a pakatayan ti tunggal lalaki, babai, ubing, ken maladaga iti Juda, ket awan mabati kadakayo? 8 Apay a pagpungtotendak kadagiti ar-aramidenyo a panagdaton kadagiti sabali a dios iti Egipto a nagyananyo idi? Mataykayto ket ilunod ken um-umsiendakayto ti amin a nasion iti daga.+ 9 Nalipatanyo kadin dagiti dakes nga inaramid dagidi ammayo ken dagiti dakes nga inaramid ti ar-ari ti Juda+ ken dagiti dakes nga inaramid dagiti assawada,+ agraman dagiti dakes nga inaramidyo ken dagiti dakes nga inaramid dagiti assawayo+ idiay Juda ken kadagiti kalsada ti Jerusalem? 10 Agingga ita nga aldaw, saanda a nagpakumbaba,* saanda a nagbuteng kaniak,+ ken saanda a sinurot ti bilin ken dagiti lintegko kadakayo ken kadagidi ammayo.’+
11 “Isu nga imbaga ni Jehova a panguluen dagiti armada, ti Dios ti Israel, ‘Inkeddengkon a didigraenkayo tapno madadael ti intero a Juda. 12 Alaekto dagiti nabati iti Juda a desidido a mapan agyan idiay Egipto, ket mataydanto amin idiay Egipto.+ Mataydanto iti espada ken nakaro a bisin: nanumo man wenno natan-ok, mataydanto iti espada ken nakaro a bisin. Agbalindanto a lunod, nakabutbuteng, malalais, ken mauy-uyaw.+ 13 Dusaekto dagidiay agnanaed idiay Egipto, kas iti panangdusak iti Jerusalem iti espada, nakaro a bisin, ken makapapatay a sakit.+ 14 Dagiti nabati iti Juda a napan nagyan idiay Egipto ket saanto a makalasat wenno maisalakan tapno agsubli idiay Juda. Kailiwdanto ti agsubli ken agyan sadiay, ngem didanto agsubli, malaksid iti sumagmamano a nakatalaw.’”
15 Amin a lallaki a makaammo nga agidatdaton dagiti assawada kadagiti sabali a dios ken amin nga assawa a babbai a nakatakder sadiay, kas dakkel a grupo, ken amin a tattao nga aggigian idiay Egipto,+ idiay Patros,+ insungbatda ken Jeremias: 16 “Saanmi nga ipangag ti imbagam kadakami iti nagan ni Jehova. 17 Aramidenmi ketdi ti amin nga imbagami, nga agdatonkami iti Reyna ti Langit* ken mangibukbokkami kenkuana iti daton nga inumen,+ kas iti inaramidmi ken dagidi ammami, ar-arimi, ken piprinsipemi kadagiti siudad iti Juda ken kadagiti kalsada iti Jerusalem, idi mapmapnekkami iti tinapay ken nabaknangkami, idi awan a pulos ti nakitami a didigra. 18 Manipud idi insardengmi ti agdaton iti Reyna ti Langit* ken mangibukbok kenkuana iti daton nga inumen, agkurkurangkamin iti amin a kasapulanmi ken matmataykamin iti espada ken nakaro a bisin.”
19 Imbaga met dagiti babbai: “Idi agidatdatonkami iti Reyna ti Langit* ken mangibukbukbokkami kenkuana iti daton nga inumen, saan aya nga immanamong dagiti assawami iti panangaramidmi kadagiti idatonmi a tinapay a kas iti sukog ti ladawanna ken ti panangibukbokmi kenkuana iti daton nga inumen?”
20 Imbaga ni Jeremias iti amin a tattao, kadagiti lallaki ken assawada ken iti amin nga umili a nakisarita kenkuana: 21 “Ammo ni Jehova ken dina malipatan dagiti indatonyo ken indaton dagidi ammayo, ar-ariyo, piprinsipeyo, ken dagiti umili kadagiti siudad iti Juda ken kadagiti kalsada iti Jerusalem!+ 22 Kamaudiananna, saanen a naanusan ni Jehova dagiti dakes nga aramidyo ken dagiti makaparurod nga inaramidyo, isu a ti dagayo ket nagbalin a langalang, nakabutbuteng ken lunod, nga awanan iti agnanaed a kas ita.+ 23 Nagidatdatonkayo ngamin ken nagbasolkayo ken Jehova ta saankayo a nagtulnog ken Jehova, ken diyo sinurot dagiti linteg, bilin, ken pammalagipna, isu a napasamak kadakayo daytoy a didigra a kas ita.”+
24 Intuloy nga imbaga ni Jeremias iti amin nga umili ken babbai: “Denggenyo ti kinuna ni Jehova, dakayo amin a taga-Juda nga adda iti Egipto. 25 Daytoy ti imbaga ni Jehova a panguluen dagiti armada, ti Dios ti Israel, ‘Inaramidyo ken dagiti assawayo dagiti mismo nga imbagayo, ta kinunayo: “Sigurado a tungpalenmi dagiti karimi nga agdatonkami iti Reyna ti Langit* ken mangibukbokkami kenkuana iti daton nga inumen.”+ Dakayo a babbai, sigurado a tungpalen ken aramidenyo dagiti kariyo.’
26 “Denggenyo ngarud ti imbaga ni Jehova, dakayo amin a taga-Juda nga aggigian idiay Egipto, ‘“Isapatak iti naindaklan a naganko,” kuna ni Jehova, “a ti naganko ket saanton nga usaren ti asinoman a tao ti Juda+ iti intero nga Egipto a kunana, ‘Isapatak iti nagan ti sibibiag a Kangatuan* nga Apo Jehova!’+ 27 Bantayak ida tapno maiyeg ti didigra ken saan a ti nasayaat a banag;+ matayto iti espada ken nakaro a bisin ti amin a lallaki ti Juda nga adda idiay Egipto, agingga nga awanen ti mabati kadakuada.+ 28 Manmanonto laeng ti makalisi iti espada ken agsubli iti Juda manipud idiay Egipto.+ Maammuanto ti amin a nabati iti Juda a napan nagyan idiay Egipto no makinsao ti pimmudno, ti imbagak wenno ti imbagada!”’”
29 “‘Ket daytoy ti pagilasinan kadakayo,’ kuna ni Jehova, ‘a dusaenkayo iti daytoy a lugar, tapno maammuanyo a talaga a pumayso dagiti imbagak a didigra a mapasamak kadakayo. 30 Daytoy ti imbaga ni Jehova: “Itedko ni Faraon Hofra nga ari ti Egipto kadagiti kabusorna ken kadagidiay mayat a mangala iti biagna,* kas iti panangtedko ken Ari Zedekias ti Juda iti kabusorna ken mayat a mangala iti biagna* a ni Ari Nabucodonosor* ti Babilonia.”’”+
45 Idi maikapat a tawen ti anak ni Josias a ni Jehoiakim+ nga ari ti Juda, daytoy ti imbaga ni propeta Jeremias ken Baruk+ nga anak ni Nerias idi insuratna iti libro dagitoy a sasao nga indiktar ni Jeremias:+
2 “Daytoy ti kuna ni Jehova a Dios ti Israel maipapan kenka, Baruk, 3 ‘Imbagam: “Kaasiak met ta ti rigatko ket ninayonan ni Jehova iti ladingit! Nabannogakon a malidlidayan, ket awan ti nasarakak a paginanaak.”’
4 “Masapul nga ibagam kenkuana, ‘Daytoy ti kuna ni Jehova: “Kitaem! Rebbaek ti binangonko, ket parutek ti immulak—ti intero a pagilian.+ 5 Ngem agsapsapulka* iti naindaklan a bambanag para iti bagim. Isardengmo ti agsapul kadagita.”’
“‘Ta dandanin ti panangdidigrak iti amin a lasag,’*+ kuna ni Jehova, ‘ket isalakankonto ti biagmo* iti sadinoman a papanam.’”+
46 Daytoy ti kinuna ni Jehova ken propeta Jeremias maipapan kadagiti nasion:+ 2 Para iti Egipto,+ maipapan iti armada ni Faraon Neco+ nga ari ti Egipto, nga adda iti igid ti karayan Eufrates ken inabak ni Ari Nabucodonosor* ti Babilonia idiay Carkemis, idi maikapat a tawen ti panagturay ti anak ni Josias a ni Jehoiakim+ nga ari ti Juda:
4 Dakayo a kumakabalio, isaganayo dagiti kabalio ket agsakaykayo.
Agtakderkayo ken isuotyo dagiti helmetyo.
Pasilengenyo dagiti gayang ken isuotyo ti kabalyo.
5 ‘Apay a makitkitak ida a mabutbuteng?
Umat-atrasda, maab-abak dagiti soldadoda.
Nagtatarayda gapu iti butengda, saan a timmaltaliaw dagiti soldadoda.
Nakabutbuteng ti aglawlaw,’ kuna ni Jehova.
6 ‘Saan a makalibas dagiti nasiglat, ken saan a makatalaw dagiti soldado.
Iti amianan, idiay igid ti Karayan Eufrates,
Naitibkol ken natumbada.’+
7 Asino daytoy um-umay a kas iti Karayan Nilo,
Kas kadagiti karayan a napegges dagiti danumda?
8 Um-umay ti Egipto kas iti Karayan Nilo,+
Kas kadagiti karayan a napegges dagiti danumda.
Ket ibagana, ‘Mapanko layusen ti daga.
Dadaelek ti siudad ken dagiti umilina.’
9 Umabantekayo, dakayo a kabalio!
Partakanyo ti tumaray, dakayo a karuahe!
Umabante koma dagiti soldado,
Da Cus ken Put a mangig-iggem iti kalasag,+
Ken dagiti Ludim+ a mangig-iggem ken mangisagsagana* iti pana.+
10 “Dayta ti aldaw ti Kangatuan* nga Apo, ni Jehova a panguluen dagiti armada. Dayta ti aldaw a panangbalesna kadagiti kabusorna. Ket mangpapatayto ti espada ken mapnekto dayta ken mabsogto iti darada, ta ti Kangatuan nga Apo, ni Jehova a panguluen dagiti armada, ket agidaton* iti daga ti amianan idiay igid ti Karayan Eufrates.+
Awan serserbi ti adu a pamuspusam,
Ta awan ti makaagas kenka.+
Ta agdidinnungpar dagiti soldado,
Ken agpapadada a matumba.”
13 Daytoy ti kinuna ni Jehova ken propeta Jeremias maipapan iti iyuumay ni Ari Nabucodonosor* ti Babilonia tapno rautenna ti Egipto:+
14 “Ipakaammom idiay Egipto, iwaragawagmo idiay Migdol.+
Iwaragawagmo idiay Nof* ken Tapanhes.+
Ibagam, ‘Agtakderkayo ken agsaganakayo,
Ta adda espada a mangpapatay iti amin nga adda iti aglawlawyo.
15 Apay a natuang dagiti nabileg a lallakiyo?
Saanda ngamin a nagtalinaed iti pagtaktakderanda,
Ta intumba ida ni Jehova.
16 Nakaad-adu dagiti maitibtibkol ken matumtumba.
Ibagbagada iti maysa ken maysa:
“Tumakderkayo! Agsublitayo kadagiti kailiantayo ken iti daga a nakayanakantayo
Gapu iti naranggas nga espada.”’
17 Impakaammoda sadiay,
‘Napangas ni Faraon nga ari ti Egipto ngem awan serserbi ti ar-aramidenna,
18 ‘Ikarik,’ kuna ti Ari ken sibibiag a Dios a ti naganna ket Jehova a panguluen dagiti armada,
‘Isu* ket umay a kas iti Tabor+ iti kabambantayan
Ken kas iti Carmelo+ iti igid ti baybay.
19 Isaganam ti bagahem a pumanaw,
O babai nga aggigian iti Egipto.
20 Ti Egipto ket kas iti napintas a kabaian a baka.
Ngem addanto dagiti mangkagat kenkuana a sepsep manipud amianan.
21 Uray no dagiti tinangdananda a soldado ket kasda la kadagiti nalukmeg a baka,
Immatrasda met ken nagtatarayda a pimmanaw.
Saanda a nagtalinaed iti pagtaktakderanda,+
Ta dimtengen ti aldaw ti pannakadidigrada,
Ti tiempo ti pannakasingirda.’
22 ‘Kas iti aguy-uyas nga uleg ti karasakasna,
Ta nakaiggemda kadagiti wasay a mangraut kenkuana,
Kas kadagiti lallaki nga agpukpukan iti kayo.*
23 Kalbuendanto ti bakirna,’ kuna ni Jehova, ‘uray no kasla saan a maasak dayta.
Ta ad-aduda ngem kadagiti saan a mabilang a dudon.
24 Ta maibabainto ti anak a babai ti Egipto.
Mayawatto kadagiti tattao iti amianan.’+
25 “Imbaga ni Jehova a panguluen dagiti armada, ti Dios ti Israel: ‘Dusaekon ni Amon+ iti siudad ti No,*+ ni Faraon, ti Egipto, dagiti diosna,+ ken dagiti arina; wen, ni Faraon ken amin nga agtaltalek kenkuana.’+
26 “‘Ket itedkonto ida kadagiti mayat a mangala iti biagda,* ken ni Ari Nabucodonosor* ti Babilonia+ ken kadagiti adipenna. Ngem kalpasanna, mapagnaedanto manen a kas idi un-unana,’ kuna ni Jehova.+
Agsublinto ni Jacob a kalmado ken di maan-ano,
Ta awanto ti pagbutnganda.+
28 Isu a saanka a mabuteng, adipenko a Jacob,’ kuna ni Jehova, ‘ta addaak kenka.
47 Kinuna ni Jehova ken propeta Jeremias maipapan kadagiti Filisteo,+ sakbay a sinakup ni Faraon ti Gaza. 2 Imbaga ni Jehova:
“Kitaenyo! Um-umay ti danum nga aggapu iti amianan.
Napigsa ti ayusda a manglayus.
Layusenda ti pagilian ken ti amin nga adda iti dayta,
Ti siudad ken dagiti umilina.
Agikkisto dagiti tattao,
Ken aganug-ogto ti amin nga umili.
3 Gapu iti dalagudog dagiti kabaliona,
Ken ti karadakad dagiti karuahena a pakigubat,
Ken ti ranetret dagiti pilidna,
Saan pay ketdin a taliawen dagiti amma ti annakda,
Gapu ta agkakapuyen dagiti imada,
Nadadaelen ti Askelon.+
Kasanonto kabayag a dika agulimek?
Agsublika iti kalubanmo.
Aginanaka ken agulimekka.
7 Kasano koma nga agulimek
Ket binilin ni Jehova?
Mapanna rauten ti Askelon ken dagiti adda iti igid ti baybay,+
Dayta ti nangibaonanna kenkuana.”
48 Para iti Moab,+ daytoy ti imbaga ni Jehova a panguluen dagiti armada, ti Dios ti Israel:
“Kaasi pay ti Nebo,+ ta nadadaelen!
Naibabain ken nasakupen ti Kiriataim.+
Naibabain ken nadadaelen ti natalged a pagkamangan.+
2 Saandan nga idaydayaw ti Moab.
Implanoda idiay Hesbon+ ti pannakadadaelna:
‘Umaykayo, pagpatinggaentayo isuna a kas nasion.’
Uray sika, O Madmen, masapul nga agulimekka,
Ta kamkamatennaka ti espada.
4 Nadadaelen ti Moab.
Agsasangit dagiti ubbingna.
5 Agsangsangitda a sumangsang-at idiay Luhit.
Bayat a sumalsalogda manipud Horonaim, mangmangngegda dagiti sangit gapu iti didigra.+
6 Agtalawkayo; isalakanyo ti biagyo!*
Agbalinkayo a kas iti kayo a parwa iti let-ang.
7 Gapu ta nagtalekka kadagiti aramidmo ken sanikuam,
Matiliwkanto met.
Ken maipanawto ni Kemos,+
Agraman dagiti papadi ken prinsipena.
9 Mangikabilkayo iti marka para iti Moab,
Ta bayat a marmarba, agtalawto dagiti umilina,
Agbalinto a nakabutbuteng dagiti siudadna,
Ket awanton ti agnaed kadagita.+
10 Mailunod daydiay saan a mangitungpal iti mision ni Jehova!
Mailunod ti saan a mangusar iti espadana iti panangpapatay!
11 Kanayon a natalna ti kasasaad dagiti Moabita manipud kinaagtutuboda,
Kaslada iti arak a nagarinsaed a di nakutkuti.
Saanda a nayakar-akar iti nadumaduma a pagkargaan,
Ken saanda pay a naipampanaw.
Isu a saan a nagbalbaliw ti ramanda,
Ken uray ti kinasangerda.
12 “‘Isu a kitaenyo! um-umayen dagiti aldaw,’ kuna ni Jehova, ‘inton mangibaonak kadagiti mangipakbo kadakuada. Ibukbokdanto ida agingga a maibus ti linaonda, ket burakendanto dagiti dadakkel a burnay a nagyananda. 13 Ibainto dagiti Moabita ni Kemos, kas iti panangibain ti sangakabbalayan ti Israel iti Bethel a pagtaltalkanda idi.+
14 Nagturedkayo la ketdin a mangibaga: “Nabibilegkami a soldado a nakasagana a makigubat”?’+
15 ‘Nadadaelen ti Moab,
Nasakupen dagiti siudadna,+
Napapatayen dagiti kalaingan nga agtutuboda a lallaki,’+
Kuna ti Ari a ti naganna ket Jehova a panguluen dagiti armada.+
17 Masapul a makisimpatia kadakuada ti amin nga adda iti aglawlawda,
Amin a makaammo iti naganda.
Ibagayo, ‘Natukkolen ti nalagda a baston, ti napintas a sarukod!’
18 Bumabaka iti nadayag a saadmo,
Ken agtugawka a mawaw,* O babai nga agnanaed iti Dibon,+
Ta umay kenka ti mangdadael iti Moab,
Ket rebbaenna dagiti napaderan a siudadmo.+
19 Sika nga agnanaed iti Aroer,+ agtakderka iti igid ti dalan ken agsiputka.
Isaludsodmo iti lalaki nga agtaltalaw ken iti babai nga agliblibas, ‘Ania ti napasamak?’
20 Naibabain ken nadadaelen ti Moab.
Dung-awan ken sangitanyo.
Ipakaammoyo idiay Arnon+ a nadadaelen ti Moab.
21 “Dimtengen ti pannakaukom ti kapatagan,*+ maibusor iti Holon, Jahaz,+ ken Mefaat;+ 22 maibusor iti Dibon,+ Nebo,+ ken Bet-diblataim; 23 maibusor iti Kiriataim,+ Bet-gamul, ken Bet-meon;+ 24 maibusor iti Keriot+ ken Bozra; ken maibusor iti amin nga adayo ken asideg a siudad iti Moab.
26 ‘Bartekenyo,+ ta intan-okna ti bagina maibusor ken Jehova.+
Agtulidtulid ti Moab iti saruana,
Ken agbalin a mauy-uyaw.
27 Saan aya nga inuy-uyawmo idi ti Israel?+
Nasarakam kadi a kadua dagiti mannanakaw,
Tapno agwingiwingka ken agsaoka maikontra kenkuana?
28 Dakayo nga agnanaed iti Moab, panawanyon dagiti siudad ket agyankayo iti dakkel a bato,
Agbalinkayo a kas kadagiti kalapati nga agum-umok iti derraas.’”
29 “Nadamagmi ti maipapan iti kinapannakkel ti Moab—nakapangpangas—
Maipapan ti kinapangato, kinapannakkel, kinapangas, ken kinatangsit ti pusona.”+
30 “‘Ammok a managpungpungtot,’ kuna ni Jehova,
‘Ngem awanto ti serserbi ti kinalastogna.
Awanto ti maaramidda.
31 Isu a dung-awakto ti Moab,
Sangitakto ti intero a Moab
Ken aganug-ogakto gapu kadagiti tattao ti Kir-heres.+
Bimmallasiw iti baybay dagiti rumangrangpaya a saringitmo.
Nakadanonda iti baybay agingga iti Jazer.
Pinerdin ti mangdadael+
Dagiti binurasmo nga ubas ken prutas ti kalgaw.
Pinasardengko ti panagayus ti arak iti pagpespesan iti ubas.
Awanton dagiti maragragsakan a mangpespes iti ubas.
Sabalinton dagiti mangngeg a panagpupukkaw.’”+
34 “‘Adda ikkis idiay Hesbon+ a mangngeg idiay Eleale.+
Mangngeg idiay Jahaz+ ti napigsa a timekda,
Manipud Zoar agingga idiay Horonaim,+ agingga idiay Eglat-selisiya.
Agmaganto uray ti danum ti Nimrim.+
35 Pukawekto idiay Moab,’ kuna ni Jehova,
‘Daydiay agidatdaton iti nangato a disso
Ken daydiay agdatdaton iti diosna.
36 Isu a kasla plauta* nga agladingit* ti pusok para iti Moab,+
Ken kas iti plauta* nga agladingit* ti pusok para kadagiti tattao ti Kir-heres.
Ta mapukawto ti inurnongna a kinabaknangna.
Ta binurakko ti Moab
A kas iti naibasuran a burnay,’ kuna ni Jehova.
39 ‘Anian a butengna! Agdung-awkayo!
Timmallikud ti Moab gapu iti bainna!
Ti Moab ket mauy-uyawen,
Banag a nakabutbuteng iti amin nga adda iti aglawlawna.’”
40 “Ta daytoy ti imbaga ni Jehova:
41 Masakupto dagiti ili,
Ken uray dagiti napaderan a siudadna.
Iti dayta nga aldaw, ti puso dagiti soldado ti Moab
Ket kaslanto iti puso ti babai nga agan-anak.’”
43 Adda iti sanguanam ti buteng, abut, ken silo,
O agnanaed iti Moab,’ kuna ni Jehova.
44 ‘Matnagto iti abut ti asinoman nga aglibas gapu iti pagbutbutngan,
Ket masiluan ti asinoman a makaruar iti abut.’
‘Ta iyegko iti Moab ti tawen ti pannakadusada,’ kuna ni Jehova.
45 ‘Iti anniniwan ti Hesbon, awanto ti gaway dagidiay agliblibas.
Ta addanto apuy a rummuar iti Hesbon
Ken gil-ayab iti tengnga ti Sihon.+
Puorannanto ti muging ti Moab
Ken ti bangabanga ti annak ti riribuk.’+
46 ‘Kaasika, O Moab!
Natayen dagiti tattao ni Kemos.+
Ta naipanawen dagiti annakmo a lallaki,
Ken dagiti annakmo a babbai.+
47 Ngem iti maudi a paset dagiti aldaw, urnongekto dagiti naipanaw iti Moab,’ kuna ni Jehova.
‘Ditoy ti pagpatinggaan ti pannakaukom ti Moab.’”+
49 Daytoy ti imbaga ni Jehova para kadagiti Ammonita,+
“Awanan aya ti Israel iti annak?
Awanan aya iti agtawid?
Apay a tinagikua ni Malcam+ ti Gad?+
Ket apay nga aggigian dagiti tattaona kadagiti siudad ti Israel?”
2 “‘Isu a kitaenyo! um-umayen dagiti aldaw,’ kuna ni Jehova,
‘Inton ipangngegko ti uni a mangpakdaar nga adda gubat* maibusor iti Rabba+ a siudad dagiti Ammonita.+
Agbalinto a langalang a bunton,
Ket mauramto dagiti ili iti aglawlawna.’
‘Ket maalanto ti Israel dagiti daga a naagaw kenkuana,’+ kuna ni Jehova.
3 ‘Agdung-awka, O Hesbon, ta nadadaelen ti Ai!
Agikkiskayo, dakayo nga ili iti aglawlaw ti Rabba.
Mangisuotkayo iti nakersang a lupot.
Agdung-aw ken agsursorkayo kadagiti kulongan a naaramid iti bato,*
Ta maipanaw ni Malcam,
Agraman dagiti papadi ken prinsipena.+
4 O anak a babai a di matalek,
Apay a pagpangasmo dagiti tanap,* ti nadam-eg* a tanapmo,
Sika nga agtaltalek kadagiti kinabaknangmo
Ken mangibagbaga: “Asino ti umayto a bumusor kaniak?”’”
5 “‘Adda nakabutbuteng nga iyegko kenka,’ kuna ti Kangatuan* nga Apo Jehova a panguluen dagiti armada,
‘Nga aggapu iti amin nga adda iti aglawlawmo.
Maiwarawarakayto iti amin a direksion,
Ket awanto ti mangurnong kadagidiay agliblibas.’”
6 “‘Ngem kalpasanna, urnongekto dagiti naipanaw kadagiti Ammonita,’ kuna ni Jehova.”
7 Daytoy ti imbaga ni Jehova a panguluen dagiti armada para iti Edom:
“Awan kadin ti asinoman a masirib idiay Teman?+
Awan kadin ti nasayaat a balakad manipud kadagiti mannakaawat?
Nalungtot kadin ti kinasiribda?
8 Agtalawkayo, umatraskayo!
Mapankayo agyan iti kaadalman, dakayo nga agnanaed iti Dedan!+
Ta didigraek ni Esau
Inton tiempon ti panangdusak kenkuana.
9 No immay kenka dagiti agburburas iti ubas,
Saan aya nga adda latta ibatida?
No umay dagiti mannanakaw iti rabii,
Sigurado a dagiti laeng kayatda ti dadaelenda.+
10 Ngem labusakto ni Esau.
Lukatakto dagiti paglemmenganna,
Tapno saan a makalemmeng.
11 Ibatim kaniak dagiti annakmo nga awanan ama.
Ket pagtalinaedekto ida a sibibiag,
Agtalekto kaniak dagiti balom.”
12 Ta daytoy ti imbaga ni Jehova: “Kitaem! No masapul nga uminum iti kopa dagidiay saan a nasentensiaan nga uminum iti dayta, sikanto la ketdin? Sigurado a madusaka, ta masapul nga uminumka iti dayta.”+
13 “Ta siak ti nagsapata,” kuna ni Jehova, “a madadael ken agbalin a nakabutbuteng, maum-umsi,+ ken mailunlunod ti Bozra; ket permanententon a madadael ti amin a siudadna.”+
14 Adda damag a nangngegko manipud ken Jehova,
Adda mensahero a naibaon a mangibaga kadagiti nasion:
“Aguummongkayo a mangraut kenkuana;
Agsaganakayo a makigubat.”+
16 Inallilawnaka ti panagpigerger a pinataudmo
Ken ti kinatangsit ti pusom,
Sika nga agnanaed ken agkamkamang iti dakkel a bato,
Nga aggigian iti kangatuan a turod.
Nupay aramidem ti umokmo iti nangato a kas iti agila,
Ipababakanto,” kuna ni Jehova.
17 “Ket masapul nga agbalin a nakabutbuteng ti Edom.+ Mabuteng ken agwingiwingto ti tunggal maysa a lumabas a makakita iti dayta gapu iti amin a pannakadidigrana. 18 Kas iti pannakadadael ti Sodoma ken Gomorra ken dagiti kaarrubada nga ili,”+ kuna ni Jehova, “awanto ti tao nga agyan ken agtalinaed sadiay.+
19 “Kitaenyo! Kas iti leon a rummuar iti kasamekan+ iti igid ti Jordan, addanto mangraut kadagiti natalged a pagpastoran. Ngem apagbiit laeng ta papanawekto manipud kenkuana. Ket dutokakto a mangituray kenkuana daydiay pinilik. Ta asino ti kas kaniak, ken asino ti mangkarit kaniak? Adda aya pastor a makapagtakder iti sanguanak?+ 20 Denggenyo ngarud ti desision* ni Jehova maibusor iti Edom ken ti pampanunotenna maibusor kadagiti agnanaed idiay Teman:+
Sigurado a maiguyodguyodto dagiti babassit a karnero iti arban.
Pagbalinennanto a langalang ti lugarda gapu kadakuada.+
21 Nagginggined gapu iti kinapigsa ti pannakarbana.
Adda panagikkis!
Mangngeg agingga idiay Nalabaga a Baybay.+
22 Kitaenyo! Kaslanto iti agila nga agampayag ken agsuek,+
Ket iyukradnanto dagiti payakna iti ngatuen ti Bozra.+
Iti dayta nga aldaw, ti puso dagiti mannakigubat iti Edom
Ket agbalinto a kas iti puso ti babai nga agan-anak.”
“Naibabain ti Hamat+ ken Arpad,
Ta nakangngegda iti dakes a damag.
Kimmapsutda gapu iti butengda.
Kaslada iti nadawel a baybay a saan a mapagkalma.
24 Napukawen ti tured ti Damasco.
Agtalaw koman ngem matartaranta.
Marigrigatan ken agpapaut-ot
A kas iti babai nga agan-anak.
25 Apay a saan a nabaybay-an ti maidaydayaw a siudad,
Ti naragsak nga ili?
26 Ta matayto iti plasana dagiti umilina nga agtutubo a lallaki,
Ken mapapatay ti amin a soldadona iti dayta nga aldaw,” kuna ni Jehova a panguluen dagiti armada.
28 Para iti Kedar+ ken kadagiti pagarian ti Hazor, a dinadael ni Ari Nabucodonosor* ti Babilonia, kastoy ti imbaga ni Jehova:
“Tumakderkayo, mapankayo idiay Kedar,
Ket dadaelenyo dagiti annak ti Daya.
29 Maalanto dagiti tolda ken arbanda,
Dagiti tela ti toldada ken amin a sanikuada.
Maipanawto dagiti kamelioda,
Ket ipukkawdanto kadakuada, ‘Nakabutbuteng ti aglawlaw!’”
30 “Agtalawkayo, mapankayo iti adayo!
Dakayo nga umili ti Hazor, mapankayo agyan iti kaadalman,” kuna ni Jehova.
“Ta dakes ti plano ken panggep kadakayo
Ni Ari Nabucodonosor* ti Babilonia.”
31 “Tumakderkayo, rautenyo ti natalna a nasion
Nga agnanaed a sitatalged!” kuna ni Jehova.
“Awan ridaw ken trangkana; ken naiputputong dagiti umilina.
32 Maalanto dagiti kamelioda,
Ken ti adu a tarakenda.
Iwarawarakto ida iti amin a direksion,
Dagidiay naputdan ti buok ti pispisda;+
Ket aggapu iti amin a direksion ti didigra nga iyegko kadakuada,” kuna ni Jehova.
33 “Ket agbalinto ti Hazor nga apon dagiti chakal,
Agnanayon a langalang.
Awanto ti agyan sadiay,
Ket awanto ti tao nga agtalinaed sadiay.”
34 Daytoy ti kinuna ni Jehova ken propeta Jeremias maipapan iti Elam+ idi rugrugi ti panagturay ni Ari Zedekias+ ti Juda: 35 “Daytoy ti imbaga ni Jehova a panguluen dagiti armada, ‘Tukkolek ti pana ti Elam,+ ti paggapuan* ti pigsada. 36 Iyegkonto iti Elam ti uppat nga angin manipud iti uppat a suli ti langit, ket iwarawarakto ida kadagita nga angin. Maiwarawaranto iti amin a nasion dagiti tattao iti Elam.’”
37 “Pakapuyekto ti pakinakem dagiti Elamita iti sango dagiti kalabanda ken dagidiay mayat a mangala iti biagda;* ken iyegkonto kadakuada ti didigra, ti nakaro a pungtotko,” kuna ni Jehova. “Ket ibaonkonto ti espada a mangkamat kadakuada agingga a mapapatayko amin ida.”
38 “Ket ikabilkonto ti tronok idiay Elam,+ ket idiaykonto a dadaelen ti ari ken dagiti prinsipe,” kuna ni Jehova.
39 “Ngem iti maudi a paset dagiti aldaw, urnongekto dagiti naipanaw manipud Elam,” kuna ni Jehova.
50 Daytoy ti kinuna ni Jehova ken propeta Jeremias maipapan iti Babilonia,+ maipapan iti nasion dagiti Caldeo:
2 “Ibagayo dayta kadagiti nasion ken ipakaammoyo dayta.
Mangipatakderkayo iti senial* ken ipakaammoyo dayta.
Saankayo a mangilemmeng iti aniaman!
Ibagayo, ‘Nasakupen ti Babilonia.+
Naibabainen ni Bel.+
Mabutbutengen ni Merodak.
Naibabainen dagiti imahenna.
Mabutbutengen dagiti makarimon nga idolona.’*
3 Ta adda nasion manipud iti amianan a nangraut kenkuana.+
Dayta ti mamagbalin kenkuana a nakabutbuteng a nasion;
Awanen ti agnanaed kenkuana.
Nagtalawen dagiti tattao ken animal.
Pimmanawdan.”
4 “Kadagita nga aldaw ken iti dayta a tiempo,” kuna ni Jehova, “aguummongto dagiti tattao ti Israel ken Juda.+ Agsangitdanto a magmagna+ ken agkakaduada a mangbirok ken Jehova a Diosda.+ 5 Damagendanto ti dalan a mapan idiay Sion, ket surotenda dayta a direksion,+ nga ibagbagada, ‘Umaykayo ket agkakaduatayo a mangaramid iti agnanayon ken di malipatan a tulag ken Jehova.’+ 6 Dagiti tattaok ket kaslanto iti napukaw nga arban dagiti karnero.+ Inyaw-awan ida dagiti mismo a pastorda.+ Inturongda ida nga agalla-alla iti kabambantayan ken katurturodan. Nalipatandan ti lugar a paginanaanda. 7 Inalun-on ida ti amin a nakakita kadakuada,+ ket imbaga dagiti kabusorda, ‘Saan a dakes ti inaramidmi ta nagbasolda ken Jehova, maibusor ken Jehova a pagnaedan ti kinalinteg ken namnama dagidi ammada.’”
8 “Panawanyo ti Babilonia,
Rummuarkayo iti nasion dagiti Caldeo,+
Ket agbalinkayo a kas kadagiti animal a sursuroten ti arban.
9 Ta mangibaonak iti mapan rumaut iti Babilonia
Maysa a grupo dagiti dadakkel a nasion manipud iti amianan,+
Dumarupda a makigubat kenkuana;
Manipud iti amianan, sakupendanto ti Babilonia.
Mapnekto iti kasta unay dagidiay mangal-ala kadagiti sanikuana,”+ kuna ni Jehova.
Kaskay la iti kabaian a baka a naglagtolagto iti karuotan,
Ken naggargaraigikayo a kas kadagiti kalakian a kabalio.
Napaay ti mismo a nangyanak kadakayo.
Kitaenyo! Isu ti kabassitan kadagiti nasion,
Let-ang nga awanan danum ken desierto.+
13 Awanton ti agnaed kenkuana gapu iti kasta unay a pungtot ni Jehova;+
Interamente a malangalangto.+
Mabutengto ti asinoman a lumabas iti Babilonia
15 Agriawkayo a dumarup iti aglawlawna.
Isu ket simmukon.*
Agibaleskayo kenkuana.
Aramidenyo kenkuana ti kas iti inaramidna.+
Gapu iti naulpit nga espada, agsublinto ti tunggal maysa kadagiti kailianna,
Agsublinto ti tunggal maysa iti pagilianna.+
17 “Dagiti tattao iti Israel ket nawarawara a karnero.+ Pinagsisina ida dagiti leon.+ Umuna, inalun-on ida ti ari ti Asiria;+ sa dagiti tulangda ket nginutngot ni Ari Nabucodonosor* ti Babilonia.+ 18 Isu a daytoy ti imbaga ni Jehova a panguluen dagiti armada, ti Dios ti Israel: ‘Dusaek ti ari ti Babilonia ken ti nasionna kas iti panangdusak iti ari ti Asiria.+ 19 Ket isublikto ti Israel iti pagpastoranna,+ ken agarabto idiay Carmelo ken Basan,+ ket agpennekto iti kabambantayan ti Efraim+ ken Gilead.’”+
20 “Kadagita nga aldaw ken iti dayta a tiempo,” kuna ni Jehova,
“Mapaneknekanto nga
Awan basol ti Israel
Ken uray ti Juda,
Ta pakawanekto dagiti imbatik a sibibiag.”+
21 “Rautem ti Merataim ken dagiti agnanaed idiay Pekod.+
Bay-am a mapapatay ken madadaelda amin,” kuna ni Jehova,
“Aramidem ti amin nga imbilinko kenka.
22 Ti uni ti gubat ket mangngeg iti pagilian,
Maysa a dakkel a didigra.
23 Natukkol ken naperdin ti pagpanday a martilio a mangrumrumek kadagiti nasion iti intero a daga!+
Ti Babilonia ket nakabutbutengen kadagiti nasion.+
24 Siniluanka ket natiliwka, O Babilonia,
Ngem saanmo nga ammo dayta.
Nabirokan ken natiliwka,+
Ta binusormo ni Jehova.
Ta adda aramiden ti Kangatuan* nga Apo, ni Jehova a panguluen dagiti armada
Iti nasion dagiti Caldeo.
26 Dakayo a naggapu kadagiti adayo a lugar, serkenyo.+
Luktanyo dagiti bodegana.+
Buntonenyo kas iti naurnong a bukbukel.
Dadaelenyo nga interamente.+
Awan koma ti mabati kenkuana.
Kaasida ta dimtengen ti aldawda,
Ti tiempo ti pannakasingirda!
28 Mangngeg ti ikkis dagiti agtatalaw,
Dagidiay agliblibas manipud iti Babilonia,
Tapno ipakaammoda idiay Sion ti panagibales ni Jehova a Diostayo,
Ti panagibales para iti templona.+
Agkampokayo iti aglawlawna; diyo ipalubos nga adda makatalaw.
Supapakanyo sigun iti inaramidna.+
Aramidenyo kenkuana ti kas iti inaramidna.+
Ta timmangsit maibusor ken Jehova,
Maibusor iti Nasantuan a Dios ti Israel.+
30 Isu a mapapatayto dagiti agtutubo a lallakina kadagiti plasana,+
Ket matayto* amin a soldadona iti dayta nga aldaw,” kuna ni Jehova.
31 “Kitaem! Dusaenka,+ sika a nasukir,”+ kuna ti Kangatuan nga Apo Jehova a panguluen dagiti armada,
“Ta masapul a dumtengen ti aldawmo, ti tiempo a singirenka.
Puorakto dagiti siudadmo,
Ket mauramto ti amin nga adda ti aglawlawmo.”
33 Daytoy ti imbaga ni Jehova a panguluen dagiti armada:
“Mairurrurumen dagiti tattao iti Israel ken Juda,
Saan ida a wayawayaan+
Ti amin a nangipanaw kadakuada.+
34 Ngem napigsa ti Manangsaka kadakuada.+
Jehova a panguluen dagiti armada ti naganna.+
Sigurado nga asikasuennanto ti kasoda,+
Tapno mapaginanana ti pagilian+
Ken mariribukna dagiti agnanaed iti Babilonia.”+
35 “Adda espada maibusor kadagiti Caldeo,” kuna ni Jehova,
“Maibusor kadagiti agnanaed iti Babilonia, piprinsipena, ken masirib a tattaona.+
36 Adda espada maibusor kadagiti agsasao iti awan kaes-eskanna,* ket agaramiddanto iti minamaag.
Adda espada maibusor kadagiti soldadona, ket mapabutngandanto.+
37 Adda espada maibusor kadagiti kabalioda ken karuaheda a pakigubat,
Ken maibusor iti amin a nagduduma a tattaona,
Ket agbalindanto a kas kadagiti babbai.+
Adda espada maibusor kadagiti gamengna, ket maalanto dagita.+
38 Madaddadaelen ti dandanumna, ket maatianandanto.+
Ta dayta ti nasion nga ayan dagiti kinitikitan nga imahen,+
Ket gapu kadagiti nakabutbuteng a sirmatada, binabagtit ti ar-aramidenda.
39 Agkakaduanto ngarud nga agnaed sadiay dagiti agnanaed iti desierto ken dagiti agtagtaguob nga animal,
Agraman dagiti abestrus.+
Awanton a pulos ti agyan sadiay,
Saanton a mapagnaedan iti amin a henerasion.”+
40 “Kas iti panangdadael ti Dios iti Sodoma ken Gomorra+ ken kadagiti kaarrubada nga ili,”+ kuna ni Jehova, “awanto ti agyan ken agtalinaed sadiay.+
41 Kitaenyo! Um-umay dagiti tattao manipud iti amianan;
Addanto dakkel a nasion ken natatan-ok nga ar-ari+
Nga aggapu kadagiti kaadaywan a paset ti daga.+
42 Nakaiggemda kadagiti pana ken pika.+
Naulpitda ket saandanto a mangipakita iti asi.+
Kaslanto iti nadawel a baybay ti unida,+
Bayat a nakasakayda kadagiti kabalioda.
Agkaykaysada a manggubat kenka, O anak a babai ti Babilonia.+
Napalalo ti butengna,
Mariknana ti ut-ot a kas iti babai nga agan-anak.
44 “Kitaenyo! Kas iti leon a rummuar iti kasamekan iti igid ti Jordan, addanto mangraut kadagiti natalged a pagpastoran. Ngem apagbiit laeng ta papanawekto ida manipud kenkuana. Ket dutokakto a mangituray kenkuana daydiay pinilik.+ Ta asino ti kas kaniak, ken asino ti mangkarit kaniak? Adda aya pastor a makapagtakder iti sanguanak?+ 45 Denggenyo ngarud ti desision* ni Jehova maibusor iti Babilonia+ ken ti pampanunotenna maibusor iti nasion dagiti Caldeo:
Sigurado a maiguyodguyodto dagiti babassit a karnero iti arban.
Pagbalinennanto a langalang ti lugarda gapu kadakuada.+
51 Daytoy ti imbaga ni Jehova:
2 Mangibaonak kadagiti parataep a mapan idiay Babilonia,
Ket itaepdanto ken awanto ti ibatida iti dagana;
Darupendanto ti amin a sikiganna inton aldaw ti didigra.+
3 Saan koma nga isagana* ti pumapana ti baina.
Ket awan koma ti tumakder a nakasuot ti nagsasaip a kabalna.
Diyo kaasian dagiti umilina nga agtutubo a lallaki.+
Papatayenyo ti intero nga armadana.
5 Ta ti Israel ken Juda ket saan a pinanawan* ti Diosda a ni Jehova a panguluen dagiti armada.+
Ngem ti nasionda* ket napno iti basol iti imatang ti Nasantuan a Dios ti Israel.
Saankayo koma a matay gapu iti kamalina.
Ta tiempon ti panagibales ni Jehova.
Singsingirennan gapu kadagiti inaramidna.+
7 Ti Babilonia ket kas iti balitok a kopa iti ima ni Jehova;
Binartekna ti intero a daga.
8 Pagammuan ta naabaken ti Babilonia ket nadadaelen.+
Sangitanyo!+
Iyalaanyo iti balsamo para iti ut-otna; bareng no umimbag.”
9 “Pinadasmi a paimbagen ti Babilonia, ngem saan nga immimbag.
Panawanyon ket agawidtayon kadagiti pagiliantayo.+
Ta dimmanonen idiay langit ti pannakaukomna;
Kas iti kangato dagiti ulep.+
10 Hustisia ti impakat ni Jehova kadatayo.+
Umaykayo ket ipakaammotayo iti Sion ti aramid ni Jehova a Diostayo.”+
11 “Pasilengenyo dagiti pana;+ alaenyo dagiti nagtimbukel a kalasag.*
Tinignay ni Jehova ti ar-ari dagiti Medo,+
Gapu ta panggepna a dadaelen ti Babilonia.
Ta panagibales dayta ni Jehova, ti panagibales para iti templona.
12 Mangipatakderkayo iti senial*+ kadagiti pader ti Babilonia.
Nayonanyo dagiti guardia, mangipuestokayo kadagiti parabantay.
Pagsaganaenyo dagidiay agtambang.
Ta nangaramid ni Jehova iti estratehia,
Ken tungpalenna ti inkarina maibusor kadagiti umili ti Babilonia.”+
13 “O babai nga agnanaed iti adu a dandanum,+
Nga aduan iti kinabaknang,+
Dimtengen ti kanibusanam, ti panagpatingga* ti panagganansiam.+
14 Inkari a mismo ni Jehova a panguluen dagiti armada,
‘Punnuenkanto iti tattao, a kas iti kaadu dagiti dudon,
Ket iriawdanto ti panagballigida kenka.’+
15 Isu ti Nangaramid iti daga babaen ti pannakabalinna,
Daydiay nangaramid iti nabunga a daga babaen ti siribna,+
Ken daydiay nangyunnat iti langit babaen ti pannakaawatna.+
16 No ipangngegna ti timekna,
Makibur dagiti danum iti langit,
Ket ipangatona dagiti ulep* manipud kadagiti ungto ti daga.
17 Tunggal tao ket agtigtignay nga awan nakemna ken awan ammona.
Maibabainto ti tunggal latero gapu iti kinitikitan nga imahen;+
Ta saan a pudno ti inaramidna a metal nga imahen,*
18 Awan serserbi+ dagita ken banag a mauy-uyaw.
Inton aldaw ti pannakasingirda, madadaeldanto.
19 Ti Bingay ni Jacob ket saan a kas kadagita,
Ta isu Daydiay nangaramid iti amin,
Isu pay ketdi ti sarukod ti tawidna.+
Jehova a panguluen dagiti armada ti naganna.”+
20 “Maysaka kaniak a pang-or a pakigubat, armas a mausar iti gerra,
Ta sika ti pangmasok kadagiti nasion.
Usarenka a pangdadael kadagiti pagarian.
21 Usarenka a pangmaso iti kabalio ken iti nakasakay iti dayta.
Usarenka a pangmaso iti karuahe a pakigubat ken iti nakasakay iti dayta.
22 Usarenka a pangmaso iti lalaki ken babai.
Usarenka a pangmaso iti lakay ken ubing.
Usarenka a pangmaso iti agtutubo a lalaki ken babai.
23 Usarenka a pangmaso iti pastor ken iti arbanna.
Usarenka a pangmaso iti mannalon ken kadagiti animal a pagaradona.
Usarenka a pangmaso kadagiti gobernador ken opisial.
24 Balsekto ti Babilonia ken ti amin nga agnanaed iti Caldea
Gapu iti amin a nakitayo a dakes nga inaramidda iti Sion,”+ kuna ni Jehova.
25 “Bumusorak kenka,+ O makadadael a bantay,” kuna ni Jehova,
“Sika a mangdaddadael iti intero a daga.+
Usarekto ti pannakabalinko maibusor kenka ken itulidtulidka kadagiti dadakkel a bato
Ken pagbalinenka a napuoran a bantay.”
26 “Dagiti tattao ket saanto a mangala kenka iti bato a pasuli wenno bato a pundasion,
Ta agnanayonkanto a langalang,”+ kuna ni Jehova.
27 “Mangipatakderka iti senial* iti daga.+
Mangpuyotka iti tangguyob kadagiti nasion.
Mangdutokka* kadagiti nasion a bumusor kenkuana.
Paayabam dagiti pagarian ti Ararat,+ Minni, ken Askenaz+ a bumusor kenkuana.
Mangdutokka iti opisial ti armada a bumusor kenkuana.
Pasang-atem dagiti kabalio a kas kadagiti dumarup a dudon.
28 Mangdutokka* kadagiti nasion a bumusor kenkuana,
Dagiti ari ti Media,+ dagiti gobernadorna ken amin nga opisialna
Ken amin a lugar nga iturturayanda.
29 Agginggined ken magunggon ti daga,
Ta matungpal ti pampanunoten ni Jehova maibusor iti Babilonia
Tapno ti Babilonia ket agbalin a pagbutbutngan ken awan ti agnaed iti dayta.+
30 Nagsardengen a makigubat dagiti soldado ti Babilonia.
Agtugtugawdan kadagiti pagkamanganda.
Awanen ti pigsada.+
Nagbalindan a kas kadagiti babbai.+
Napuoranen ti balbalayna.
Natukkolen dagiti trangkana.+
31 Agsisinnabat dagiti paraitulod iti surat,
Ken uray dagiti mensahero,
Tapno ipadamagda iti ari ti Babilonia a nasakupen ti intero a siudadna,+
32 Naserraanen dagiti pagballasiwan,+
Napuoranen dagiti papiro a bangka,
Ken napalalon ti buteng dagiti soldado.”
33 Ta daytoy ti imbaga ni Jehova a panguluen dagiti armada, ti Dios ti Israel:
“Ti anak a babai ti Babilonia ket kas iti pagirikan.
Tiempon tapno mabaddebaddekan.
Asidegen a magapas.”
Indissonak a kas iti awan nagyanna a pagkargaan.
Kas iti dakkel nga uleg a nangalun-on kaniak;+
Pinunnona ti tianna kadagiti agkakapintas a sanikuak.
Inyanudnak.*
35 ‘Maisingir koma iti Babilonia ti kinaranggas a naaramid kaniak ken iti bagik!’ kuna ti agnanaed iti Sion.+
‘Ken maisingir koma ti darak kadagiti agnanaed iti Caldea!’ kuna ti Jerusalem.”
36 Daytoy ngarud ti imbaga ni Jehova:
Paatianakto ti baybayna ken dagiti bubonna.+
37 Ket agbalinto ti Babilonia a bunton ti batbato,+
Pagaponan dagiti chakal,+
Pagbutbutngan ken mauy-uyaw
Ken awanto ti agnaed kenkuana.+
38 Agngerngerdanto amin a kas kadagiti bumaro a leon.*
Agugadanto a kas kadagiti urbon a leon.”
39 “Inton ganadoda unay, isaganaakto ida iti padaya ken bartekekto ida,
Tapno agragragsakda;+
Maturogdanto iti agnanayon,
Ket saandan nga agriing,”+ kuna ni Jehova.
40 “Isalogkonto ida iti pagpartian a kas kadagiti kordero,
Kas kadagiti kalakian a karnero ken kalding.”
Ti Babilonia ket pagbutbutnganen dagiti nasion!
42 Immadalem ti baybay ket dimmanon idiay Babilonia.
Ti nakaad-adu a dalluyon ti nanglapunos kenkuana.
43 Nakabutbutengen dagiti siudadna, awan danumdan ken nagbalindan a desierto.
Lugar a saan a pagnaedan ken saan a lasaten ti asinoman a tao.+
Saanton nga araken dagiti nasion,
Ken marbanto ti pader ti Babilonia.+
45 Rummuarkayo kenkuana, O tattaok!+
Isalakanyo ti biagyo+ iti sumsumged nga unget ni Jehova!+
46 Saankayo a makigtot wenno agbuteng kadagiti madamagyo.
Iti kada tawen,
Adda latta dagiti maipadamag,
Maipapan iti kinaranggas iti nasion ken panaglalaban dagiti agtuturay.
47 Isu a kitaenyo! dumtengen dagiti aldaw
Inton dadaelek dagiti kinitikitan nga imahen ti Babilonia.
Maibabainto ti intero a nasionna,
Ket maidasay sadiay ti amin a napapatay a tattaona.+
48 Ti langit, ti daga, ken ti amin nga adda kadakuada
Ket agriawto a siraragsak gapu iti Babilonia,+
Ta umayto dagiti taga-amianan a mangdadael kenkuana,”+ kuna ni Jehova.
49 “Saan laeng a dagiti Israelita ti napapatay idiay Babilonia+
No di ket uray dagiti tattao a naggapu iti amin a suli ti daga.
50 Dakayo a nakalisi iti espada, itultuloyyo ti agtaray, dikay sumardeng!+
Laglagipenyo ni Jehova manipud iti adayo.
Ken panunotenyo koma ti Jerusalem.”+
51 “Naibabainkami, ta nangngegmi dagiti pananginsulto.
Awanen ti maisangomi a rupami gapu iti pannakaibabainmi,
Ta rinaut dagiti ganggannaet* dagiti nasantuan a disso iti balay ni Jehova.”+
52 “Isu a kitaenyo! dumtengen dagiti aldaw,” kuna ni Jehova,
“Inton dadaelek dagiti kinitikitan nga imahen ti Babilonia,
Ket agasugto dagiti nasugatan iti intero a nasionna.”+
53 “Uray no umuli idiay langit ti Babilonia,+
Uray no patibkerenna dagiti nagngangato a baluartena,
Mangibaonakto kadagiti mangdadael kenkuana,”+ kuna ni Jehova.
54 “Denggem! Adda panagsasangit idiay Babilonia,+
Ti uni ti dakkel a didigra iti daga dagiti Caldeo,+
55 Ta daddadaelen ni Jehova ti Babilonia,
Pagulimekenna ti napigsa a timekna,
Ket agdaranudor dagiti dalluyonda a kas iti adu a danum.
Mangngegto ti unida.
56 Ta mapanto idiay Babilonia ti mangdadael;+
Matiliwto dagiti soldadona,+
Matukkolto dagiti panada,
Ta ni Jehova ket Dios ti panangdusa.+
Sigurado nga agibales.+
57 Bartekekto dagiti prinsipena ken dagiti masirib a tattaona,+
Dagiti gobernador, opisial, ken soldadona,
Maturogdanto iti agnanayon
Ken saandan nga agriing,”+ kuna ti Ari a ti naganna ket Jehova a panguluen dagiti armada.
58 Daytoy ti imbaga ni Jehova a panguluen dagiti armada:
“Uray no akaba ti pader ti Babilonia, interamente a marpuogto,+
Ken uray nangato dagiti ruanganna, mapuoranto.
Awanto ti pagbanagan ti nagbambannogan dagiti tattao;
Agpakarigatto dagiti nasion tapno laeng masungrodanda ti apuy.”+
59 Daytoy ti imbilin ni propeta Jeremias ken ni Seraias nga anak ni Nerias,+ nga anak ni Masias idi napan idiay Babilonia a kaduana ni Ari Zedekias ti Juda idi maikapat a tawen ti panagturayna; ni Seraias ti agay-aywan idi kadagiti kuartel ti ari. 60 Insurat ni Jeremias iti maysa a libro ti amin a didigra a mapasamak iti Babilonia. Naisurat dagitoy a sasao maibusor iti Babilonia. 61 Imbaga pay ni Jeremias ken Seraias: “Inton makadanonka ken makitam ti Babilonia, masapul nga ibasam iti napigsa amin dagitoy a sasao. 62 Ket ibagam, ‘O Jehova, imbagam maibusor iti daytoy a lugar a madadaelto ken awanto ti mabati a tao wenno animal, ken agnanayon a malangalang.’+ 63 Inton nabasamon daytoy a libro, galutam iti bato sa ipuruakmo iti tengnga ti Eufrates. 64 Ket ibagam, ‘Kastoy a lumned ti Babilonia ket saanton a makalung-aw+ gapu iti didigra nga iyegko kenkuana; ket mabannogto dagiti tattaona.’”+
Ditoy a nagpatingga dagiti sasao ni Jeremias.
52 Agtawen ni Zedekias+ iti 21 idi nagbalin nga ari, ket nagturay iti 11 a tawen idiay Jerusalem. Ti nanangna ket ni Hamutal+ nga anak ni Jeremias a taga-Libna. 2 Inar-aramidna ti dakes iti imatang ni Jehova, kas iti amin nga inaramid ni Jehoiakim.+ 3 Napasamak dagita iti Jerusalem ken Juda gapu iti pungtot ni Jehova, agingga a pinapanawna ida iti imatangna.+ Kalpasanna, nagrebelde ni Zedekias iti ari ti Babilonia.+ 4 Iti maikasiam a tawen ti panagturay ni Zedekias, iti maika-10 nga aldaw ti maika-10 a bulan, napan ni Ari Nabucodonosor* ti Babilonia ken ti intero nga armadana iti Jerusalem tapno rautenda dayta. Nagkampo ken nangaramidda iti pader iti aglikmut ti Jerusalem.+ 5 Ket napalawlawan ti siudad agingga iti maika-11 a tawen ti panagturay ni Ari Zedekias.
6 Iti maikasiam nga aldaw ti maikapat a bulan,+ nakaro ti bisin iti siudad, ket awan ti makan dagiti umili.+ 7 Kamaudiananna, naabutan ti pader ti siudad. Ket iti rabii, naglibas iti siudad ti amin a soldado. Dimmalanda iti nagbaetan ti dua a pader nga asideg iti hardin ti ari, bayat a pinalawlawan dagiti Caldeo ti siudad; ket nagturongda idiay Araba.+ 8 Ngem kimmamat ti armada dagiti Caldeo, ket nakamatanda ni Zedekias+ idiay tanap ti Jerico, isu a nawarawara ti amin a soldadona. 9 Tiniliwda ti ari sa impanda iti ari ti Babilonia idiay Ribla iti daga ti Hamat, ket sinentensiaanda. 10 Pinapatay ti ari ti Babilonia dagiti annak a lallaki ni Zedekias iti imatangna, ken pinapatayna met idiay Ribla ti amin a prinsipe ti Juda. 11 Kalpasanna, binulsek ti ari ti Babilonia ni Zedekias,+ pinosasanna iti gambang, impanna idiay Babilonia, ken pinagtalinaedna iti pagbaludan agingga a natay.
12 Iti maika-10 nga aldaw ti maikalima a bulan, iti maika-19 a tawen ti panagturay ni Nabucodonosor* nga ari ti Babilonia, napan idiay Jerusalem ni Nabuzaradan a panguluen dagiti guardia ken katulongan ti ari ti Babilonia.+ 13 Pinuoranna ti balay ni Jehova,+ ti balay* ti ari, ken amin a balay iti Jerusalem. Pinuoranna met ti amin a dadakkel a balbalay. 14 Dagiti pader ti Jerusalem ket rinebba ti intero nga armada dagiti Caldeo, a kadua ti panguluen dagiti guardia.+
15 Impanaw ni Nabuzaradan a panguluen dagiti guardia ti sumagmamano a nanumo a tattao ken amin nga umili a nabati iti siudad. Innalana met dagiti nakikapponen iti ari ti Babilonia, agraman ti amin a nabati nga eksperto a trabahador.+ 16 Ngem imbati ni Nabuzaradan a panguluen dagiti guardia ti dadduma a kapanglawan nga umili ket pinilitna ida nga agtrabaho kadagiti kaubasan.+
17 Dinadael dagiti Caldeo dagiti gambang nga adigi+ ti balay ni Jehova ken dagiti kareton+ ken ti gambang a Baybay+ nga adda iti balay ni Jehova, sa impanda ti amin a gambang idiay Babilonia.+ 18 Innalada pay dagiti lata, pala, pagiddep iti apuy, malukong,+ kopa,+ ken amin a gambang nga alikamen a maus-usar iti panagserbi iti templo. 19 Innala ti panguluen dagiti guardia dagiti palanggana,+ pagikkan iti beggang, malukong, lata, kandelero,+ kopa, ken malukong a naaramid iti puro a balitok ken pirak.+ 20 Ti gambang iti dua nga adigi, iti Baybay, iti 12 a gambang a baka+ iti sirok ti Baybay, ken kadagiti kareton nga inaramid ni Ari Solomon para iti balay ni Jehova ket saanen a natimbang gapu iti kaaduna.
21 Ti tunggal adigi ket 18 a kasiko* ti kangatona, 12 a kasiko ti sirkumperensiana,*+ uppat a ramayan* ti kapuskolna, ken awan nagyan ti unegna. 22 Gambang ti pannakaulo dagiti adigi; lima a kasiko ti kangato ti maysa a pannakaulo;+ ken naaramid iti gambang ti nalaga a dekorasion ken dagiti sinanprutas a granada iti aglikmut dagiti pannakaulo. Kasta met laeng ti itsura ti maikadua nga adigi ken dagiti sinanprutas a granada. 23 Adda 96 a sinanprutas a granada iti sikiganda; 100 amin a sinanprutas a granada iti aglikmut ti nalaga a dekorasion.+
24 Impanaw met ti panguluen dagiti guardia ni Seraias+ a nangato a padi, ni Sofonias+ a maikadua a padi, ken ti tallo a parabantay iti ruangan.+ 25 Nangala manipud iti siudad iti maysa nga opisial iti korte a mangidaulo kadagiti soldado ken pito a nasinged a kakadua ti ari a nasarakan iti siudad. Innalana pay ti sekretario ti pangulo ti armada, daydiay mangum-ummong kadagiti umili iti daga, ken ti 60 a lallaki manipud kadagiti ordinario nga umili nga adda pay laeng iti siudad. 26 Impanaw ida ni Nabuzaradan a panguluen dagiti guardia ket impanna ida iti ari ti Babilonia idiay Ribla. 27 Pinatay ida ti ari ti Babilonia idiay Ribla+ iti daga ti Hamat. Iti kasta, naipanaw ti Juda manipud iti dagada.+
28 Dagitoy ti tattao nga impanaw ni Nabucodonosor:* iti maikapito a tawen, 3,023 a Judio.+
29 Iti maika-18 a tawen ti panagturay ni Nabucodonosor,*+ 832 a tattao* ti naala idiay Jerusalem.
30 Iti maika-23 a tawen ti panagturay ni Nabucodonosor,* impanaw ni Nabuzaradan a panguluen dagiti guardia ti 745 a Judio.+
Ti amin a naipanaw ket 4,600 a tattao.*
31 Idi maika-37 a tawen a pannakaipanaw ni Ari Jehoiakin+ ti Juda, iti maika-25 nga aldaw ti maika-12 a bulan, nagbalin ni Evil-merodak nga ari ti Babilonia ket winayawayaanna* ni Ari Jehoiakin ti Juda, ket inruarna iti pagbaludan.+ 32 Nasayaat ti panangtratona ken Jehoiakin ken inikkanna iti saad a nangatngato ngem iti dadduma nga ari a kaduana idiay Babilonia. 33 Gapuna, inikkat ni Jehoiakin ti badona kas balud, ket kanayon a nakipangan iti ari bayat a sibibiag. 34 Inaldaw a naikkan iti taraon manipud iti ari ti Babilonia, bayat a sibibiag, agingga iti ipapatayna.
Mabalin a kaipapananna, “Mangitan-ok ni Jehova.”
Wenno “Pinilikan.”
Lit., “sakbay a rimmuarka iti aanakan.”
Wenno “inlasinkan.”
Wenno “Soberano.”
Wenno “a barito.”
Lit., “daydiay agririing.”
Lit., “Marubrubroban,” a mangipakita a mapuypuyotan ti apuy iti sirokna.
Wenno “nalawa ti ngarabna a kaldero.”
Lit., “a bariksam ti patongmo.”
Wenno “saandanto nga agballigi maibusor kenka.”
Wenno “napudno nga ayatmo.”
Wenno “isla.”
Wenno “nagkungkongda,” nalabit iti dakkel a bato.
Wenno “burboran a bumaro a leon.”
Wenno “Memfis.”
Lit., “Kankanen dagiti umili ti Nof ken Tapanes ti kuppokuppom.”
Kayatna a sawen, maysa a sanga ti Karayan Nilo.
Kayatna a sawen, ti Eufrates.
Wenno “Soberano.”
Wenno “alkali.”
Wenno “sabon.”
Wenno “panagtarigagay ti kararuana.”
Lit., “iti bulanna.”
Wenno “ganggannaet a dios.”
Wenno “arkosna.”
Wenno “barikesna a pangkasar.”
Wenno “kararua.”
Lit., “Arabiano.”
Lit., “ti mugingmo.”
Lit., “pagdissuen ti rupak.”
Lit., “dagiti dalanmo.”
Wenno “ganggannaet a dios.”
Wenno mabalin nga, “asawa kadakayo.”
Lit., “pusok.”
Lit., “kadagiti armada dagiti nasion.”
Lit., “iti kaduana.”
Wenno “ti nakababain a dios.”
Lit., “Agpakugitkayo ken Jehova ken ikkatenyo ti makinruar a kudil ti pusoyo.”
Wenno “pagilasinan a poste.”
Wenno “Banugbogenyo dagiti barukongyo.”
Lit., “puso.”
Lit., “puso.”
Wenno “Soberano.”
Maysa a personipikasion, nalabit mangyebkas iti asi wenno simpatia.
Kayatna a sawen, dagiti parabantay iti siudad tapno maammuan no kaano ti iraraut.
Lit., “Bagisko.”
Lit., “dagiti diding ti pusok.”
Wenno mabalin a, “ti panagpupukkaw dagiti makigubat.”
Wenno “pagilasinan a poste.”
Wenno “Masiribda.”
Wenno “babaen ti kolorete.”
Wenno “biroken ti kararuam.”
Lit., “saanda a kimmapsut.”
Lit., “bedbed.”
Wenno mabalin nga, “Awan isuna.”
Kayatna a sawen, sao ti Dios.
Lit., “dakayo a maag a tattao nga awanan puso.”
Lit., “Pagbalinenyo a nasantuan ti.”
Wenno “presko.”
Lit., “Saan a nakugit dagiti lapayagda.”
Lit., “dagiti aduanen iti al-aldaw.”
Wenno “Parparawpaw.”
Wenno “bullo.”
Wenno “instruksionko.”
Lit., “Mariknami ti ut-ot ti panagpasikal.”
Kayatna a sawen, ni Jeremias.
Lit., “Dagitoy,” a tumukoy iti amin a pasdek iti pasilidad ti templo.
Wenno “awanan ama nga ubbing.”
Wenno “manipud iti awan inggana agingga iti awan inggana.”
Wenno “agpaasuk iti daton.”
Lit., “nasapaak a bimmangon ken nagsao.”
Ti titulo ti maysa a diosa a nagdaydayawan dagiti apostata nga Israelita; mabalin a diosa ti kinabunga.
Wenno “rurrurodenda; pagpungpungtotenda.”
Wenno “Soberano.”
Wenno “balakad.”
Lit., “inaldaw a nasapaak a bimmangon ken imbaonko.”
Lit., “Pinatangkenda ti teltelda.”
Lit., “nagessaten iti ngiwatda.”
Wenno “naidedikar.”
Wenno “agkantaka iti naladingit.”
Kitaem ti Glosario, “Gehenna.”
Wenno “saan a pulos a simrek iti pusok.”
Kitaem ti Glosario, “Gehenna.”
Wenno “dagiti naituding a tiempona.”
Wenno mabalin a, “tipor.”
Wenno “iyaakarda.”
Wenno “sekretario.”
Wenno “Parparawpaw.”
Wenno “bullo.”
Wenno “makapabang-ar a sapsapo.”
Wenno “doktor.”
Wenno “agkantaakto iti naladingit.”
Wenno “instruksionko.”
Wenno “kantaandakami iti naladingit a kanta.”
Wenno “kanta ti panagladingit.”
Lit., “saan a nakugit ti puso.”
Wenno “kimmawit a pandarasna.”
Ti ber. 11 ket orihinal a naisurat iti Aramaiko.
Wenno “alingasaw.”
Wenno mabalin nga, “aribengbeng.”
Wenno “sinukog nga estatua.”
Lit., “espirituda.”
Wenno “Ipallatibongko.”
Wenno “pannakabullok!”
Nalabit naibaga ken Jeremias.
Wenno “Sapay koma.”
Lit., “masapaak a bumangon ken bagbagaak ida.”
Wenno “daton a mangpataud iti asuk.”
Wenno “nakababain a dios.”
Kayatna a sawen, ni Jeremias.
Kayatna a sawen, dagiti maidaton iti templo.
Wenno “kaunggan nga emosion.” Lit., “dagiti bato.”
Wenno “mangbirbirok iti kararuam.”
Wenno “kaunggan nga emosionda.” Lit., “kadagiti batoda.”
Wenno mabalin nga, “Agladladingiten.”
Lit., “iti asinoman a lasag.”
Wenno “Napalikmutan.”
Wenno “Etiope.”
Wenno “nakababain.”
Wenno “dagiti babassit kadakuada.”
Wenno “pagurnongan iti danum.”
Wenno “Soberano.”
Wenno mabalin nga, “uppat a kita ti panangukom.” Lit., “uppat a pamilia.”
Wenno mabalin a, “Kanayon nga immatraskayo.”
Wenno “maladladingitan kenka.”
Wenno mabalin a, “Nabainan dayta ken nakarikna iti pannakaibabain.”
Lit., “Saannak nga ipanaw.”
Wenno “mensahe ti nakaro a pungtot.”
Wenno “kas iti bukodko a ngiwat.”
Wenno “saandakanto a maabak.”
Dagiti kaugalian ti panagladingit dagiti pagano a nalabit a sursuroten idi ti apostata nga Israel.
Lit., “ti amin a daldalanda.”
Lit., “kadagiti bangkay.”
Kitaem ti Glosario.
Wenno mabalin a, “Ta kas iti apuy a pinasgedam ti ungetko.”
Wenno “napigsa a lalaki.”
Lit., “pagbalinenna ti lasag a takiagna.”
Wenno “napigsa a lalaki.”
Wenno “ket nagulgulib.”
Wenno mabalin a, “saan a maagasan.”
Wenno “kaunggan nga emosion.” Lit., “dagiti bato.”
Wenno “ngem saan a buyogen ti kinahustisia.”
Lit., “kaniak,” a nalabit tumukoy ken Jehova.
Wenno “dadaelem ida iti mamindua.”
Lit., “Pinatangkenda ti teltelda.”
Wenno “iti abagatan.”
Lit., “kas iti agparang nga umiso kadagiti mata ti agdamdamili nga aramiden.”
Wenno “ibabawikto ti.”
Wenno “ibabawikto ti.”
Lit., “Mangaramidak.”
Wenno “daton a mangpataud iti asuk.”
Wenno “saan a nagaburan.”
Lit., “banag a masagawisiwan.”
Wenno “instruksion.”
Lit., “saktantayo babaen ti dila.”
Wenno “kararuak.”
Wenno “Ruangan ti Agdamdamili.”
Lit., “mabibinegto ti lapayag.”
Wenno “saan a pulos a simrek iti pusok.”
Wenno “mangbirbirok iti kararuada.”
Lit., “banag a masagawisiwan.”
Wenno “mangbirbirok iti kararuada.”
Lit., “a pinatangken ti teltelda tapno saanda.”
Wenno “kaunggan nga emosion.” Lit., “dagiti bato.”
Wenno “ti kararua ti napanglaw.”
Lit., “Nabucodorosor,” sabali pay nga ispelingna.
Wenno “Baliktadekto.”
Wenno “ida.”
Lit., “nakaunnat.”
Lit., “Nabucodorosor,” sabali pay nga ispelingna.
Wenno “mangbirbirok iti kararuada.”
Wenno “mailisi ti biagna (kararuana).”
Wenno “kapatagan.”
Wenno “palasio.”
Wenno “asinoman nga ulila.”
Lit., “mangsantipikarakto.”
Naawagan met iti Jehoahaz.
Wenno “nalabaga.”
Lit., “Mariknam ti ut-ot ti panagpasikal.”
Naawagan met iti Jehoiakin ken Jeconias.
Wenno “mangbirbirok iti kararuam.”
Lit., “Nabucodorosor,” sabali pay nga ispelingna.
Wenno “iti daga a tartarigagayan unay ti kararuada a pagsublian.”
Wenno “lugar.”
Lit., “nga al-aldawna.”
Wenno “nga agtawid.”
Wenno “Nagbalin nga apostata.”
Lit., “Papigsaenda dagiti ima.”
Wenno “Ulbod dagiti ipampanamnamada kadakayo.”
Lit., “Nabucodorosor,” sabali pay nga ispelingna.
Naawagan met iti Jehoiakin ken Conias.
Wenno mabalin nga, “agibangbangon iti baluarte.”
Lit., “Nabucodorosor,” sabali pay nga ispelingna.
Lit., “nasapaak a bimmangon ken nagsao.”
Lit., “nasapa a bimmangon ken imbaon.”
Lit., “Nabucodorosor,” sabali pay nga ispelingna.
Lit., “banag a masagawisiwan.”
Wenno “dusaekto.”
Agparang a maysa daytoy a nalimed ti kaipapananna a nagan a tumukoy iti Babel (Babilonia).
Lit., “amin a lasag.”
Wenno “burboran a bumaro a leon.”
Wenno “kadagiti.”
Wenno “agruknoy.”
Wenno “ibabawikto ti.”
Wenno “instruksion.”
Lit., “a nasapaak a bimmangon ken imbaonko.”
Wenno “palasio.”
Wenno “ibabawinanto ti.”
Wenno “nagsaadan ti templo.”
Wenno “kas kadagiti kakaykaywan a turod.”
Wenno “inkagumaanna a paluknengen ti rupa ni Jehova.”
Wenno “babawyenna ti.”
Lit., “nakaunnat.”
Lit., “daydiay umiso kadagiti matak.”
Lit., “saan a mangikabil iti tengngedna iti sangol ti ari ti Babilonia.”
Lit., “paginanaekto.”
Wenno “palasio.”
Kayatna a sawen, ti gambang a Baybay iti templo.
Wenno “palasio.”
Lit., “tawtawen ti al-aldaw.”
Wenno “Sapay koma!”
Wenno “agibangbangon iti baluarte.”
Wenno mabalin a, “nabtaken.”
Lit., “banag a masagawisiwan.”
Lit., “a nasapaak a bimmangon ken nagbaon.”
Lit., “Nabucodorosor,” sabali pay nga ispelingna.
Wenno “landok iti tengnged.”
Wenno “dagiti lomona.”
Lit., “Naindaklan.”
Lit., “reppet.”
Wenno “ganggannaet.”
Wenno “kadakuada.”
Wenno “Ilintegkanto.”
Wenno mabalin a, “Padayawakto ida.”
Lit., “nangipaay iti pusona kas tani.”
Wenno “intultuloyko nga impakita kenka ti napudno nga ayat.”
Wenno “makipagsalaka kadagidiay agkatkatawa.”
Karayan a maaddaan laeng iti danum no panagtutudo.
Wenno “ispalennanto.”
Wenno “nasayaat a bambanag manipud ken.”
Wenno “ti kararua dagiti papadi.”
Lit., “nataba.”
Lit., “bagisko.”
Lit., “nagbalin a namudel.”
Wenno mabalin nga, “asawada.”
Wenno “kapatagan.”
Wenno “nataba a dapo,” kayatna a sawen, dapo a nabasa iti taba dagiti daton.
Lit., “Nabucodorosor,” sabali pay nga ispelingna.
Wenno “palasio.”
Kayatna a sawen, kabsat ni tatangmo.
Wenno “anak ni angkelko.”
Ti 1 siklo ket 11.4 g. Kitaem ti App. B14.
Wenno “Soberano.”
Lit., “nakaunnat.”
Lit., “iti barukong ti.”
Wenno “Naindaklanka no maipapan kadagiti panggepmo.”
Lit., “amin a lasag.”
Lit., “Nabucodorosor,” sabali pay nga ispelingna.
Lit., “nasapaak a bimmangon ken nangisuro.”
Kitaem ti Glosario, “Gehenna.”
Wenno “saan a pulos a simrek iti pusok.”
Kitaem ti Glosario.
Wenno “nasayaat a bambanag.”
Wenno “nga agtawid.”
Lit., “bin-i.”
Lit., “bin-i.”
Lit., “bin-i.”
Lit., “bin-i.”
Lit., “Nabucodorosor,” sabali pay nga ispelingna.
Lit., “ita.”
Wenno “kararuada.”
Wenno “siled.”
Lit., “Jonadab,” ti napaababa a porma ti Jehonadab.
Lit., “Jonadab,” ti napaababa a porma ti Jehonadab.
Lit., “Nabucodorosor,” sabali pay nga ispelingna.
Lit., “nasapaak a bimmangon ken nagsao.”
Lit., “Nasapaak a bimmangon ken imbaonko.”
Lit., “Jonadab,” ti napaababa a porma ti Jehonadab.
Lit., “lukot ti libro.”
Lit., “lukot ti libro.”
Wenno “libro.”
Wenno “libro.”
Wenno “siled a panganan.”
Wenno “eskriba.”
Wenno “libro.”
Wenno “palasio.”
Wenno “nga opisial ti palasio.”
Wenno “libro.”
Wenno “libro.”
Ti maudi a kagudua ti Nobiembre ken ti umuna a kagudua ti Disiembre. Kitaem ti App. B15.
Lit., “bin-ina.”
Wenno “libro.”
Lit., “Nabucodorosor,” sabali pay nga ispelingna.
Naawagan met iti Jehoiakin ken Jeconias.
Wenno “kararuayo.”
Lit., “inkabilda iti balay dagiti grilios.”
Lit., “balay nga addaan iti pagurnongan iti danum ken kadagiti immarko a siled.”
Wenno “palasio.”
Lit., “rummuar.”
Wenno “mailisi ti biagna (kararuana).”
Lit., “im-ima.”
Wenno “nga opisial ti palasio.”
Wenno “palasio.”
Wenno “palasio.”
Wenno “palasio.”
Wenno “nangaramid iti daytoy kararuatayo.”
Wenno “mangbirbirok iti kararuam.”
Lit., “rummuarka.”
Wenno “agtultuloy nga agbiag ti kararuam.”
Lit., “rummuar.”
Lit., “rummuar.”
Wenno “palasio.”
Lit., “dagiti lallaki a sikakappia kenka.”
Lit., “Nabucodorosor,” sabali pay nga ispelingna.
Wenno sigun iti sabali a pannakabingay ti sasao iti Hebreo a teksto, “Nergal-sarezer, Samgar-nebo, Sarsekim, Rabsaris.”
Wenno “a panguluen a salamangkero (astrologo).”
Lit., “Nabucodorosor,” sabali pay nga ispelingna.
Wenno “palasio.”
Wenno mabalin nga, “inkapilitan a trabahuenda.”
Lit., “Nabucodorosor,” sabali pay nga ispelingna.
Wenno “a panguluen nga opisial ti palasio.”
Wenno “a panguluen a salamangkero (astrologo).”
Wenno “Mailisinto ti biagmo (kararuam).”
Lit., “agtakder iti sanguanan.”
Lit., “amin a bin-i ti pagarian.”
Wenno mabalin a, “dakkel a pagurnongan iti danum.”
Wenno “apagbiit nga agyan.”
Wenno “kararuayo.”
Wenno “amin a kararua.”
Lit., “Nabucodorosor,” sabali pay nga ispelingna.
Wenno “dagiti templo.”
Wenno “di maan-ano.”
Wenno “Balay (Templo) ti Init,” kayatna a sawen, ti Heliopolis.
Wenno “dagiti templo.”
Wenno “Memfis.”
Lit., “Nasapaak a bimmangon ken imbaonko.”
Wenno “nakarikna iti pannakailupitlupit.”
Ti titulo ti maysa a diosa a nagdaydayawan dagiti apostata nga Israelita; mabalin a diosa ti kinabunga.
Ti titulo ti maysa a diosa a nagdaydayawan dagiti apostata nga Israelita; mabalin a diosa ti kinabunga.
Ti titulo ti maysa a diosa a nagdaydayawan dagiti apostata nga Israelita; mabalin a diosa ti kinabunga.
Ti titulo ti maysa a diosa a nagdaydayawan dagiti apostata nga Israelita; mabalin a diosa ti kinabunga.
Wenno “Soberano.”
Wenno “mangbirbirok iti kararuana.”
Wenno “mangbirbirok iti kararuana.”
Lit., “Nabucodorosor,” sabali pay nga ispelingna.
Wenno “mangin-inanamaka.”
Wenno “tattao.”
Wenno “ilisikto ti biagmo (kararuam).”
Lit., “Nabucodorosor,” sabali pay nga ispelingna.
Bassit a kalasag a masansan nga awiten dagiti pumapana.
Lit., “mangpilpilko babaen ti saka.”
Wenno “Soberano.”
Wenno “mangpatay.”
Lit., “Nabucodorosor,” sabali pay nga ispelingna.
Wenno “Memfis.”
Lit., “naituding a tiempo.”
Kayatna a sawen, ti mangsakup manipud iti Egipto.
Wenno “Memfis.”
Wenno mabalin a, “Mabaybay-anto.”
Wenno “agur-urnong kadagiti pedaso a kayo.”
Kayatna a sawen, ti Tebes.
Wenno “mangbirbirok iti kararuada.”
Lit., “Nabucodorosor,” sabali pay nga ispelingna.
Lit., “bin-im.”
Wenno “Ilintegkanto.”
Kayatna a sawen, ti Creta.
Kayatna a sawen, agpakalboda gapu iti ladingit ken pannakaibabain.
Wenno “kapatagan.”
Wenno “dagiti kararuayo.”
Wenno “kapatagan.”
Wenno “patag a tuktok ti bantay.”
Wenno mabalin nga, “iti natikag a daga.”
Wenno “patag a tuktok ti bantay.”
Lit., “sara.”
Kayatna a sawen, plauta a pagtokar no adda natay.
Wenno “a naariwawanto.”
Kayatna a sawen, plauta a pagtokar no adda natay.
Wenno “a naariwawanto.”
Wenno mabalin a, “ti panagpupukkaw dagiti makigubat.”
Wenno “kulongan dagiti karnero.”
Wenno “kapatagan.”
Lit., “agay-ayus.”
Wenno “Soberano.”
Wenno “balakad.”
Lit., “Nabucodorosor,” sabali pay nga ispelingna.
Lit., “Nabucodorosor,” sabali pay nga ispelingna.
Lit., “pangrugian.”
Wenno “mangbirbirok iti kararuada.”
Wenno “pagilasinan a poste.”
Ti naaramat a Hebreo a sao ket mabalin a mainaig iti sao a naipatarus a “takki” ken nausar kas pangumsi.
Lit., “sagawisiwandanto.”
Wenno “mangibibiat iti pana.”
Lit., “intednan ti imana.”
Lit., “Nabucodorosor,” sabali pay nga ispelingna.
Wenno “Soberano.”
Wenno “mangibibiat iti pana.”
Lit., “mapagulimekto.”
Wenno “ulbod a propeta.”
Wenno “balakad.”
Agparang a maysa daytoy a nalimed ti kaipapananna a nagan a tumukoy iti Caldea.
Lit., “pilkuen babaen ti saka.”
Wenno “matumbada.”
Lit., “saan a nabalo.”
Kayatna a sawen, ti nasion dagiti Caldeo.
Wenno “kararuayo.”
Wenno mabalin a, “punnuenyo dagiti pagkargaan iti pana.”
Wenno “pagilasinan a poste.”
Lit., “rukod.”
Wenno “alingasaw.”
Wenno mabalin a, “Mangaramid iti aribengbeng.”
Wenno “sinukog nga estatua.”
Lit., “espirituda.”
Wenno “pagilasinan a poste.”
Lit., “Pagbalinen a nasantuan.”
Lit., “Pagbalinen a nasantuan.”
Lit., “Nabucodorosor,” sabali pay nga ispelingna.
Wenno “Binalnawannak.”
Wenno “burboran a bumaro a leon.”
Agparang a maysa daytoy a nalimed ti kaipapananna a nagan a tumukoy iti Babel (Babilonia).
Wenno “estranghero.”
Lit., “Nabucodorosor,” sabali pay nga ispelingna.
Lit., “Nabucodorosor,” sabali pay nga ispelingna.
Wenno “palasio.”
Ti 1 kasiko ket 44.5 cm. Kitaem ti App. B14.
Lit., “12 a kasiko ti kaatiddog ti tali a manglikmut iti dayta.”
Ti 1 ramayan ket 1.85 cm. Kitaem ti App. B14.
Lit., “Nabucodorosor,” sabali pay nga ispelingna.
Lit., “Nabucodorosor,” sabali pay nga ispelingna.
Wenno “kararua.”
Lit., “Nabucodorosor,” sabali pay nga ispelingna.
Wenno “kararua.”
Lit., “intal-ona ti ulo.”