Gimong a Mangtulong Kadatayo nga Agaramid Adalan
LAWAS TI AGOSTO 12-18
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Mailawlawag dagiti artikulo ti agdama a magasina a mabalin a mausar iti panagmagasina iti sumaruno a lawas.
18 min: “Naanus ken Naan-anaykayo Koma iti Ministerio.” Saludsod ken sungbat a panangkobre iti artikulo. Maigunamgunam ti panaganus, nangruna iti teritoria a kanayon a mawanas. Kalpasan a malawlawagan ti parapo 6, paidemostra iti maysa nga agibumbunannag no kasano a mausar iti Topiko a Pagsasaritaan no itukon iti “Adtoy!” a broshur.
17 min: “Urnos iti Panagadal ti Libro iti Kongregasion—Paset 1.” Diskusion babaen iti nasanay a panglakayen a kadua ti maysa wenno dua a panglakayen wenno ministerial nga adipen a konduktor iti Panagadal ti Libro. Maipangruna a maipaganetget iti dua wenno tallo a bambanag a kasapulan iti lokal a kongregasion, kas iti panagkomento iti bukod a sasao ken aramiden ti praktikal nga aplikasion iti maadal a material.
Kanta 132 ken pangserra a kararag.
LAWAS TI AGOSTO 19-25
10 min: Lokal nga anunsio. Report iti kuenta. Teokratiko a Damdamag.
15 min: “Naimpusuankayo Koma iti Tay-ak ti Ministerio—Paset 1.” Saludsod ken sungbat a diskusion babaen iti manangaywan ti serbisio. Maituding a nasakbay dagiti napili a panulbek a kasuratan a mabasa, ken maaramid iti lokal nga aplikasion. Patanoren ti interes kadagiti lima-a-paset iti serye.
20 min: Amin-a-Tiempo a Serbisio—Maysa a Nadaeg a Gundaway a Makipagna iti Dios. (Mik. 6:8) Maysa a makabael a panglakayen wenno ministerial nga adipen, a no mabalin ket payunir, ti mangted iti nabara, makaparegta a palawag. (Kitaenyo iti Mayo 15, 1989 a Pagwanawanan, pinanid 21-3.) Maiwayat dagiti praktikal a singasing a tumulong kadagiti agibumbunannag nga agpanunot a serioso maipapan iti itatapog iti amin-a-tiempo a trabaho. Mainterbio dagiti dua wenno tallo a payunir, a maibinsabinsa dagiti gunggona iti amin-a-tiempo a serbisio. Ti baro a tawen iti serbisio ti nasayaat a tiempo a panangrugi. Dagidiay a mangrugi iti Setiembre 1 ti mabalin a maikari a mapan iti Pioneer Service School inton 1992.
Kanta 204 ken pangserra a kararag.
LAWAS TI AGO. 26–SET. 1
5 min: Lokal nga anunsio. Kasta met a maited dagiti mapagsaritaan a puntos manipud Agsaludsod ti Agtutubo a libro, isu a mausar a kas tukontayo iti Setiembre.
15 min: “Panangiparang ti Naimbag a Damag—A Buyogen iti Pannakaawat.” Saludsod ken sungbat a panangkobre. Maidemostra dagiti puntos idiay parapo 5. Ipakita ti maysa a nalaing nga agibumbunannag no kasano a makilangen iti mannakisubang a bumalay babaen ti nataktika a panagsaludsod ken panangipakita no ania iti makuna ti Biblia. Masapul a mainsayo a naimbag ti demostrasion.
25 min: “Panagmula ken Panagsibug—Dagiti Addang iti Panagaramid ti Adalan.” Palawag iti parapo 1-9 ti insert, a sarunuen iti saludsod ken sungbat a diskusion iti parapo 10-14.
Kanta 67 ken pangserra a kararag.
LAWAS TI SETIEMBRE 2-8
5 min: Lokal nga anunsio.
20 min: “Panangtungpal iti Ministeriotayo ti Pagarian iti Tay-ak.” Saludsod ken sungbat a panangusig iti artikulo. Mailadawan no kasano a dagiti puntos iti parapo 2-6 ket mausar a praktikal iti karbenganda. No matingiting ti parapo 5, paidemostra no kasano a ti marigatan a mangirugi iti panagadal ti Biblia ket umasideg nga agpatulong iti manangaywan ti serbisio. Usaren ti manangaywan iti serbisio ti Index a pangtulong iti agibumbunannag.
20 min: “Panagmula ken Panagsibug—Dagiti Addang iti Panagaramid ti Adalan.” Palawag a makipaset dagiti dumdumngeg iti parapo 15-20 ti insert. Idiay parapo 16 maadda ti nainsayo a naimbag a demostrasion maipapan iti panangipasdek ti panagadal a mausar iti maysa a tract wenno broshur. Maigunamgunam ti importansia iti kaadda ti tunggal agibumbunannag iti panagadal ti Biblia tapno makiramanda iti panagaramid ti adalan. Aramidenyo daytoy a kas kalat iti 1992 a tawen ti serbisio.
Kanta 42 ken pangserra a kararag.