Gimong a Mangtulong Kadatayo nga Agaramid Adalan
LAWAS TI SETIEMBRE 9-15
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Maisingasing ti maysa wenno dua a presentasion manipud magasina a maitutop iti lokal a teritoria, ken maparegta dagiti amin nga agibumbunannag a rummuarda iti tay-ak ti serbisio iti ngudo ti lawas. Maitugot ti Panakirinnason a libro iti Gimong ti Serbisio iti sumaruno a lawas.
20 min: “Dayawenyo iti Nagan ti Dios a Naan-anay.” Saludsod ken sungbat a diskusion. Maingudo babaen ti nasayaat iti pannakaisaganana a demostrasion a maipakita no kasano a mausar ti Topiko a Pagsasaritaan. Kalpasan a maiyammona ti bagina, ti agibumbunannag mabalinna a kunaen: “Makipaspasetak iti publiko a serbisio a tumulong kadagiti agtutubo a mangsaranget kadagiti problema a naipasango kadakuada iti daytoy a komunidad. Napadasyo kadin ti naisagmak a mangaramid iti maysa a banag ngem saanyo a kayat nga aramiden? Wenno nakaaramidkayon aya iti maysa a banag gapu ta ar-aramiden met dagiti dadduma ngem saanyo a bukod a pagayatan? Kasanoyo a masaranget iti parikut manipud kadagiti kapatadan?” Kalpasan a masungbatanna, maluktan ti libro iti kapitulo 9. Kalpasanna kunaen: “Pangaasim ta kitaem no ania ti kunana ditoy panid 77. [Basaen ti maitutop a parapo.] Makunam ngata a ti panagadal iti Biblia ket makatulong kadagiti agtutubo a mangparukma iti daytoy a problema? [Palubosan a sumungbat.] Siputam ti kunaen iti Biblia ditoy Salmo 119:9. [Basaen.] Daytoy a libro ipakitana kenka no kasano a ti Biblia ket makatulong iti agtutubo a mangsaranget kadagiti narikut a situasion. Kukuamon daytoy iti kontribusionmo a ₱24.00.”
15 min: “Pananglapped ti Isusubli ti Dakes a Kababalin.” Palawag a naibasar iti artikulo ti Abril 8, 1991 nga Agriingkayo!
Kanta 132 ken pangserra a kararag.
LAWAS TI SETIEMBRE 16-22
10 min: Lokal nga anunsio. Report iti kuenta. Mabasa iti subalit ken panangipateg ti Sosiedad iti naipatulod a donasion, ken makomendaran dagiti kakabsat iti suportada kadagiti kasapulan ti kongregasion. Maipaganetget ti pannakipaset iti serbisio ti tay-ak iti las-ud ti lawas bayat a maiyurnos iti grupo a panangasaba.
18 min: “Naimpusuankayo Koma iti Tay-ak ti Ministerio—Paset 2.” Saludsod ken sungbat a panangkobre iti artikulo. Maiyilustrar ti panangusar iti Panakirinnason a libro. Saan a kasapulan a paidemostra iti sabsabali dagiti nadakamat a puntos, ngem ipakita ti ispiker no kasano a saraken ken usaren dagiti material iti libro. Idemostra ti ababa iti pateg ti panaginsayo a sesion tapno nakasaganada a maipaay iti serbisio. No ipalubos ti tiempo, maawis iti maysa nga agibumbunannag a mangilawlawag no kasano a maaramidna daytoy.
17 min: Palawag iti “Maysa a Baro a Tawen iti Serbisio” babaen iti sekretario ti kongregasion. Maigunamgunam dagiti kalat a naisingasing nga agpaay iti baro a tawen. Maipakaammo met iti kongregasion ti report idi napan a tawen a serbisio, agraman ti bilang iti nabautisaran, panagrang-ay ti agibumbumnannag ken payunir, oras iti serbisio, kdp. Makomendaran ti naaramid a panagprogreso ken maitudo no ania pay iti masapul a maipaayan ti asikaso iti lokal bayat ti umay a tawen.
Kanta 48 ken pangserra a kararag.
LAWAS TI SETIEMBRE 23-29
10 min: Lokal nga anunsio. Teokratiko a Damdamag. Maiyawis met ti asikaso iti artikulo, “‘Managayat ti Wayawaya’ a Kombension ti Distrito.” Kas ipalubos ti tiempo, maisingasing dagiti artikulo kadagiti agdama a magasina a mabalin nga isuda ti maitutop unay a maiparang iti panagbalaybalay bayat ti lawas.
20 min: “Panangiparang ti Naimbag a Damag—Iti Masansan a Matrabaho a Teritoria.” Saludsod ken sungbat. Maiyaplikar iti lokal a kasasaad ti kongregasion.
15 min: No Kasano a Nagun-odko ti Kinapudno. Kapkapadasan. Saludsodan ti maysa a panglakayen dagiti dua wenno tallo nga indibidual. Maiturong iti no kasano a ti Sao iti Dios ken ti organisasion isuda iti nangtignay kadakuada a dimteng iti dedikasion ken bautismo. Maigunamgunam dagiti nagunggonada manipud iti kaaddada iti kinapudno.
Kanta 25 ken pangserra a kararag.
LAWAS TI SET. 30–OKT. 6
5 min: Lokal nga anunsio. Diskusion maipapan iti urnos ti kongregasion a maipaay iti tay-ak ti serbisio ken no ania iti maaramid a pammaregta ken tulong kadagiti payunir. Maited ti naiduma nga asikaso kadagidiay agdadamo a simrek iti payunir a serbisio manipud Setiembre 1. Maipaganetget ti pannakipaset iti serbisio ti tay-ak iti ngudo ti lawas.
10 min: Panangitukon iti Suskripsion nga Agriingkayo! iti Oktubre. Maipaay iti kampania ti suskripsion usarentayo daytoy baro a Topiko a Pagsasaritaan, “Pannakailasat Manipud iti Riribok ti Lubong.” Dagiti kasuratan isuda dagitoy Lucas 21:10, 11, 26 (padto ti Biblia a natungpalen), ken Lucas 21:28, 31 (a ti Pagarian iti Dios ket iyegnanton ti pannakailasat). Malawagan dagiti kasuratan iti Topiko a kadua dagiti timmabuno ken maadda ti ababa a demostrasion a mangipakita no kasano a mausar daytoy a mainaig iti Oktubre 8 nga Agriingkayo! bayat a maitukon ti suskripsion. Mapalagipan dagiti amin a mangalada ti abasto a resibo iti suskripsion tapno nakasaganada a maipaay iti kampania.
15 min: “Urnos iti Panagadal ti Libro iti Kongregasion—Paset 2.” Saludsod ken sungbat a panangwanas iti artikulo babaen ti maysa nga epektibo a konduktor iti panagadal.
15 min: Lokal a kasapulan, wenno mabalin a mausar daydiay impormasion kadagiti artikulo iti Hunio 8, 1991 nga Agriingkayo! kas basaran iti makapabileg ken impormatibo a palawag iti suheto maipapan ti tsismis.
Kanta 16 ken pangserra a kararag.