Gimong ti Serbisio iti Hulio
Lawas ti Hulio 6-12
10 min: Lokal nga anunsio ken maitutop a Dagiti Pakaammo manipud Ti Ministeriotayo iti Pagarian. Lawagan dagiti mapagsaritaan a puntos manipud kadagiti kaudian a magasina a mausar iti tay-ak ti serbisio iti ngudo ti lawas.
15 min: “Dayawen ti Namarsua iti Amin a Bambanag.” Saludsod ken sungbat. Parayrayen ti panangitukon iti Creation a libro bayat daytoy a bulan. Mausig dagiti nagduduma nga oportunidad a mangipaima iti daytoy a publikasion, ken nangruna a maparegta dagiti agtutubo a mangitugotda idiay pagadalanda. Adu a daras a ti basta panangipakita iti daytoy a libro ket umdasen a mangatrakar kadagiti kaadalan, maestro ken maestra. Makiddaw kadagiti timmabuno ti dadduma pay a singasing a mangipaima nga impormal iti daytoy a libro.
20 min: “Panangiyammo iti Creation a Libro.” Mausig ken maidemostra dagiti dadduma a singasing iti artikulo. Iti maysa a demostrasion maipakita no kasano a mausar ti diretso nga idudupag a mangirugi iti panagadal. Maipakita met no kasano a dadduma a benneg a nadakamat iti parapo 6 ket mausar nga epektibo iti tay-ak ti serbisio.
Kanta 225 ken pangserra a kararag.
Lawas ti Hulio 13-19
10 min: Dagiti anunsio. Maisagana a nasakbay iti dua a regular wenno auxiliary payunir nga agkomento iti introduksion a nasarakanda nga epektibo bayat a nagtrabahoda iti lokal a teritoria.
20 min: “Maaddaan Managsakripisio nga Espiritu!” Palawag iti artikulo ti Pebrero 1, 1992, Pagwanawanan, pinanid 25-8. Maigunamgunam a ti kaadda iti nasakripisio nga espiritu ket saan a no pagayatan laeng ngem maysa a Kristiano a kasapulan. Saantayo a malugi no isakripisio dagiti material a bambanag ken dagiti paglinglingayan nga aramid tapno maitiempo laeng nga umuna iti intereses ti Pagarian.
15 min: Makisarita ti maysa a panglakayen kadagiti mapagulidanan nga agtutubo. Malawagan dagiti kangrunaan a puntos manipud Saludsod iti Agtutubo a libro, kapitulo 17, “Isardengkon Aya ti Ageskuela?” Maipaganetget ti panagkasapulan dagiti nagannak a mangigiya iti annakda a mangpili ti kurso a makatulong kadakuada a gumun-od iti praktikal a kabaelan a bumadang kadakuada a mainaig iti masakbayanda iti organisasion ti Dios ken mangsurot iti intereses ti Pagarian. Masapul met dagiti nagannak ti pannangted iti ehemplo a manguna ti intereses iti Pagarian ken saanda a palubosan ti aniaman a banag a mangsinga iti gimong ken serbisio.
Kanta 61 ken pangserra a kararag.
Lawas ti Hulio 20-26
10 min: Dagiti anunsio. Madakamat iti lawag ti napalabas a bulan a report iti serbisio, a maidilig iti report ti Pilipinas idi Marso kas sagudayen daytoy Ti Ministeriotayo iti Pagarian. Maited ti report iti kuenta. Makomendaran ti kongregasion iti naaramidanna idiay tay-ak ti serbisio ken iti nabuslon a suportarna ti kongregasion iti pinansial.
20 min: “Makiramankayo Aya ti Impormal a Panangasaba iti Daytoy a Bulan?” Usayen ken idemostra dagiti puntos ti artikulo. Maipaganetget iti kinapudno a datayo ket Saksi ni Jehova iti amin a tiempo, gapuna nga isapultayo ti oportunidad a mangsaksi. Maisagana a nasakbay iti dua nga ababa a kapadasan iti impormal a panangasaba nga addaan ti naimbag a resulta wenno maysa iti kongregasion a nagbalin nga interesado ti kinapudno kas bunga iti impormal a panangasaba.
15 min: Palawag a naibatay iti artikulo, “Agimtuod Dagiti Agtutubo . . . Apay Nasken a Saetak ti Agadal idiay Eskuelaan?” iti Abril 8, 1992 a ruar ti Agriingkayo! Maigunamgunam iti daytoy a palawag a ti panagadal idiay eskuelaan ket saan laeng a tapno makagraduar wenno makaala iti nasayaat a grado ngem isaadna ti naimbag a pundasion iti masanguanan a biag ken maisuro ti naimbag a kababalin a tumulong kadatayo iti amin a tiempo a serbisio.
Kanta 154 ken pangserra a kararag.
Lawas ti Hul. 27–Ago. 2
5 min: Dagiti anunsio. Teokratiko a Damdamag. No makobrian dagiti paset, maidilig ti agdama a report iti impormasion dayta a sanga nga agpaay ti 1986 a tawen iti serbisio, kas masarakan iti report ti tawen iti serbisio idiay 1987 Yearbook.
20 min: “Panagpayunir—Maysa nga Ebkas ti Ayat.” Saludsod ken sungbat. Kalpasan a malawagan ti parapo 3 ken 4, masaludsodan dagiti tallo a regular payunir (wenno agibumbunannag a nag-auxiliary payunir a regular wenno sagpaminsan), agraman maysa nga agtutubo a nagregular payunir a dagus kalpasan iti panageskuelana, no adda. Saludsodan no kasanoda a naiyurnos dagiti bambanag tapno makapayunirda, no ania ti nangtignay kadakuada a mangaramid iti dayta, no ania a material a sakripisio ti inaramidda, ken no ania a bendision iti naawatda bayat a nagserbida kas regular payunir.
20 min: “Panagsubli nga Addaan Kalat a Mangirugi iti Panagadal ti Biblia.” Diskusion ken demostrasion. Maidemostra ti naisingasing a diskusion iti Biblia idiay parapo 3. Usaren dagiti parapo 10-12 idiay pinanid 238-9 iti Creation a libro kas basaran a mangirugi iti panagadal ti Biblia. Maigunamgunam ti importansia iti panangisaad ti pamuon iti damo a sarungkar babaen ti panagsaludsod a masungbatan inton maaramid iti sarungkar, tapno nalaklakanto a mairugi daytoy.
Kanta 135 ken pangserra a kararag.
Lawas ti Agosto 3-9
10 min: Dagiti anunsio. Maadda ti dua a demostrasion a mangipakita no kasano a maadda iti Nainkasuratan a diskusion no maipresenta dagiti broshur idiay tay-ak ti serbisio iti ngudo ti lawas. Maiyanunsio iti kongregasion no ania dagiti broshur a mabalin a maala ti lokal a mausar kas tukon iti Agosto ken Setiembre.
15 min: “Suno dagiti Apostol.” Kaduaan ti manangaywan iti serbisio ti maysa a payunir a sumarungkar iti maysa a tao a nagsaludsod: “Saan kadi a ti papa ket suno ni apostol Pedro?” Maibasar ti diskusion iti Panakirinnason a libro, panid 403 agingga iti umuna a subtema idiay panid 405.
20 min: Lokal a kasapulan. Mabalin a repasuen dagiti puntos a naidatag iti kallabes nga asamblea ti sirkito wenno espesial nga aldaw iti asamblea a programa a maiyaplikar a lokal. Wenno, maysa a makabael a panglakayen ti mangted iti palawag maipapan ti suheto, “Pananggutugot a Maibatay iti Ayat” a naibasar iti artikulo idiay Abril 15, 1992 a ruar Ti Pagwanawanan, pinanid 23-5.
Kanta 167 ken pangserra a kararag.