Gimong ti Serbisio iti Enero
Lawas ti Enero 5-11
8 min: Dagiti lokal a pakaammo. Dagiti napili a Pakaammo iti Ministeriotayo iti Pagarian.
17 min: “Tagiragsakenyo ti Mangted iti Naan-anay a Panangsaksi.” Artikulo a pagsasaritaan ti tallaong. Itampok dagiti kasapulan iti epektibo a presentasion: (1) Mangipaay iti nainggayyeman a kablaaw, (2) komentuan wenno mangpataud iti saludsod maipapan iti tema a paginteresanda iti agdama, (3) mangdakamat iti maitutop a teksto iti Kasuratan, ken (4) iturong ti interes iti ituktukon a publikasion. Paidemostra iti makabael nga agibumbunannag ti naisingasing a presentasion iti panangirugi ken panagsarungkar.
20 min: Agsagana Itan a Mangitandudo iti Linteg ti Dios Mainaig iti Dara. Isalaysay ti kualipikado a panglakayen ti kinapateg ti panangsurat iti Advance Medical Directive/Release card. Ti naipaltiing a sasao iti Salmo 19:7 ipakitana a ti Aramid 15:28, 29 ket ebkas ti awan pagkuranganna a linteg ti Dios mainaig iti dara. Ikagumaan dagiti nasungdo a managdaydayaw nga itandudo dayta a linteg. Ipakaammo daytoy a dokumento ti determinasionyo a mangaramid iti dayta ken isu ti agsao para kadakayo no saanyon a kabaelan ti agsao. (Idiligyo ti Proverbio 22:3.) Ti baro a card ipabigbigna ti agdama a deklarasionyo nga agkedkedkayo nga agpayalison iti dara. Kalpasan daytoy a gimong, dagiti nabautisaran a Saksi nga agtarigagay a maaddaan iti baro a card ti maikkan iti maysa, ket dagidiay addaan kadagiti di nabautisaran nga annak a minor de edad umawatda iti Identity Card nga agpaay iti kada ubing. Saan a masuratan itatta dagitoy a card. Masuratan dagitoy a siaannad idiay pagtaengan ngem SAAN a mapirmaan. Ti panangpirma, panangsaksi, ken panangpetsa kadagiti amin a card ket maaramidto kalpasan ti sumaganad a Panagadal iti Libro ti Kongregasion, iti panangiwanwan ti konduktor ti panagadal iti libro. Daytoy ti mangipasigurado a matulongan amin a kagrupona nga agkalikagum a mangannurot iti daytoy a medikal a direktiba. Dagidiay agpirma a saksi rumbeng a makitada a mismo ti panangpirma ti makin-card iti dayta a dokumento. Asinoman nga awan iti dayta a gundaway ken kayatna ti maaddaan iti card a masuratan ken mapirmaan ket tulongan dagiti konduktor/panglakayen iti sumaganad a Gimong ti Serbisio agingga a makompleto a siuumiso ti card dagiti amin a nabautisaran nga agibumbunannag. (Repasuen ti surat a Nobiembre 1, 1991.) Babaen ti panangtuladda kadagiti sasao iti daytoy a card maitunos iti mismo a kasasaad ken pammatida, mabalin a mangisurat dagiti di nabautisaran nga agibumbunannag iti bukodda a direktiba nga usarenda a mismo ken dagiti annakda.
Kanta 142 ken pangserra a kararag.
Lawas ti Enero 12-18
10 min: Dagiti lokal a pakaammo. Report ti kuenta. Repasuen ti “Baro a Programa iti Aldaw ti Espesial nga Asamblea.”
15 min: “Usarenyo a Naimbag Dagiti Handbill.” Pagsasaritaan ti tallaong. Iraman ti kapadasan iti Disiembre 1, 1996 a Pagwanawanan, panid 13, parapo 15.
20 min: “Ipaay ni Jehova ti Pannakabalin a Nalablabes Ngem ti Gagangay.” Saludsod ken sungbat. (Kitaenyo ti w90-IL 7/15 19, parapo 15-16.) Mangyurnos iti sumagmamano a mangisalaysay kadagiti makaparegta a kapadasan a mangipakita no kasano a pinabileg ida ni Jehova.
Kanta 81 ken pangserra a kararag.
Lawas ti Enero 19-25
10 min: Dagiti lokal a pakaammo.
15 min: Lokal a kasapulan.
20 min: Panagadal ti Pamilia a Mangyeg iti Rag-o. Pagsaritaan ti agassawa dagiti naespirituan a kasapulan ti pamiliada. Yantangay maseknanda kadagiti nailubongan nga impluensia a mangapektar kadagiti annakda iti di nasayaat a wagas, mariknada a kasapulan a pabilgenda ti espiritualidad dagiti annakda ngem bigbigenda a manmano ken masansan a di epektibo ti panagadalda a sangapamiliaan. Repasuenda a sangsangkamaysa dagiti singasing no kasano ti mangikondukta iti nabagas a panagadal ti pamilia nga adda iti Agosto 1, 1997, a Pagwanawanan, panid 26-9. Agpadada a determinado a mangsaluad iti espiritualidad dagiti annakda.
Kanta 146 ken pangserra a kararag.
Lawas ti Ene. 26–Peb. 1
12 min: Dagiti lokal a pakaammo. Repasuen ti literatura a tukon iti Pebrero: Mangdakamat iti maysa wenno dua a punto iti libro a Life—How Did It Get Here? a makatulong iti panangitukon iti dayta.
15 min: “Ipakita ti Panagraem iti Lugar a Pagdaydayawan ken Jehova.” Saludsod ken sungbat. Imatonan ti panglakayen, a siaasi nga iyaplikarna dayta iti lokal a kasasaad.
18 min: Panangireport Kadagiti Naaramidantayo iti Sangalubongan a Panangasaba. (Maibasar iti libro a Ti Ministeriotayo, panid 100-2, 106-10.) Palawag ken panagsarita nga imatonan ti sekretario. Kalpasan a maipakitana ti Nainkasuratan a pagwadan iti regular a panangireport iti trabahotayo, awisenna ti dua a ministerial nga adipen tapno repasuenda ti subtitulo nga “Apay Agreporttayo ti Serbisiotayo iti Tay-ak.” Kalpasanna ipaganetget ti sekretario ti kinapateg ti nasakbay a panangted kadagiti umiso a report. Dakamatenna dagiti makagapu no apay a makagunggona ti mangipasdek kadagiti personal a kalat, nga ingudona babaen iti makaparegta a komento maipapan kadagiti bendision a magun-odan dagidiay makiraman a naan-anay iti trabaho a panangasaba.
Kanta 189 ken pangserra a kararag.