Pagtuladan a Presentasion

Panangirugi iti Panangyadal iti Biblia iti Umuna a Sabado iti Oktubre

“Sigurado nga umanamongkayo a nakaab-ababa ti biag. Iti panagkunayo, dumtengto ngata ti aldaw nga awanton ti sakit ken umatiddogto ti biagtayo? [Palubosanyo a sumungbat.] Panunotenyo ti kunaen daytoy.” Itedyo iti bumalay ti Oktubre 1 a Pagwanawanan, sa usigenyo ti material iti babaen ti umuna a subtitulo iti panid 16 ken ti naisitar a teksto. Ipaimayo dagiti magasin, sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Oktubre 1

“Adu ita ti maburburiboran gapu iti kinakaro ti korapsion iti negosio ken iti gobierno. Iti panagkunayo, masolusionan pay ngata daytoy a problema? [Palubosanyo a sumungbat.] Kitaenyo no anianto ti aramiden ni Jesus kadagiti biktima ti korapsion. [Basaenyo ti Salmo 72:12-14.] Ipakita daytoy a magasin no kasano nga agpatingga ti korapsion.”

Agriingkayo! Oktubre

“Kayat ti adu a nagannak a mangala dagiti annakda iti nangato nga edukasion. Iti panagkunayo, dagiti kadi agtutubo a makagraduar ita ket nakasaganan a mangsango kadagiti karit iti biag? [Palubosanyo a sumungbat.] Kitaenyo ti kuna ti Biblia maipapan iti kinapateg ti pananggun-od iti pannakaammo ken sirib. [Basaenyo ti Eclesiastes 7:12.] Mangted daytoy a magasin iti lima a praktikal a singasing a makatulong kadagiti annak nga agballigi iti eskuelaan.”