ZEFATA

Maysa a ginget iti asideg ti Maresah a sadiay a tinulongan ni Jehova dagiti puersa ni Ari Asa ti Juda tapno maparmekda dagiti buyot ni Zera nga Etiope (967 K.K.P.). (2Cr 14:9-12) Nalawag a ti Zefata ket maysa kadagiti ginget iti amianan ti Maresah. Ti Griego a Septuagint ket naipatarus kas “iti ginget iti amianan ti Maresa” (Bagster), ngem “Zefata” ti agparang iti Hebreo a Masoretiko a teksto.