Ania ti Sawek a Pangtukay iti Mainayon nga Interes?
1 Maysa a kangrunaan a panggep iti panangikasabatayo ti naimbag damag isut’ panagaramid iti disipulo, saan laeng a mapaimaanda ti pagbasaan. Gapuna, kalpasan a nakasaraktayo ti interes, masapul a kultibaren iti bukel a naimula tapno tulongan ni Jehova dagitoy a dumakkel iti naespirituan. (1 Cor. 3:6) Ania ti sawenyo kas pangsaruno iti damo a panangiparangyo kas naiwayat iti ngato? Adda ditoy ti sumagmamano a maisingasing.
2 Panangkultibar iti Nasarakan nga Interes: “Idi nagsaotayo ti apagbiit iti napalabas, kupadokayo unay, ngem kaskasdi a naiyebkasyo ti pannakaseknanyo maipapan iti masakbayan. No malagipyo, nabasatayo ti Apocalipsis 1:3 a ‘ti natudingan a tiempo ket asidegen.’ Adda direkta a kaeskanna dayta iti masanguantayo amin. Timudenyo no kasano ti panangsungbat ni Jesus kadagiti disipulona maipapan no kaano iti iyaay ti panungpalan, ditoy Lucas 21:10, 11, 31. Interesadokayo kadi a mangadal pay iti ad-adu maipapan kadagiti matungtungpalen a padto ti Biblia? Ti magasina a Pagwanawanan isut’ mangted kadagiti report maipapan dagiti natungpalen a padto iti Biblia ken tulongannatayo a nasapa a makaammo iti paspasamak ditoy lubong.”
3 Panangusar ti Sabali a Publikasion a Pangrugi iti Panagadal ti Biblia: “Maragsakanak a nakadanon kadakayo ita nga aldaw. Iti napalabas a panagsaotayo, binasatayo ti kari iti Biblia ditoy Apocalipsis 1:3. [Basaen manen.] Siputanyo a ti nasao a ragsak ket saan a dumteng nga automatiko. Adda dua a bambanag a kasapulan: Masapul a basaen no ania iti kunaen ti Biblia ken masapul nga alagaden dayta, no ania ti naisurat. Daytoy broshur nga ‘Adtoy! Aramidek Dagiti Amin a Bambanag a Baro’ isut’ mangaramid a nalaklaka ti panagbasam iti naibatik a literatura agsipud ta ilawlawagna no aniada dagiti kasapulan ti Dios. Iti panid 30 adda listaan dagiti 12 a saludsod dagiti tattao. Ania kadagitoy ti kayatyo a masungbatan?” Kalpasan a sumungbat iti bumalay, iturongyon idiay lugar ti broshur nga ayan iti sungbat ken mairugin ti panagadal.
4 Usarenyo Dagiti Ilustrasion a Pangtukay ti Interes: Ti magasina a Pagwanawanan ket naglaon iti adu nga ilustrasion. Dagitoy ti mabalin a mailawlawag a pangriing iti interes. Sakbay a sumarungkarkayo, naimbag a banag no ukagenyo pay dagiti kaudian a magasina ken kitaenyo dagiti ilustrasion a mabalinyo nga usaren a pangtukay ti mainayon nga interes iti panagadal ti Biblia. No maikeddengyo a maiyammo ti maysa a libro wenno broshur, iti kasta usarenyo dagiti ilustrasion sadiay a pangpainteres, a patanoren dagiti saludsod a masungbatan iti sumaruno a tiempo. Dagiti ilustrasion kadagiti mismo nga abbong ti mabalin a madakamat, agraman iti ladawan ti Paraiso a daga.
5 Kadagiti panagsarungkar, masapul ti panangibangon idiay nalpasen a naipasdek a pundasion idi damo a sarungkar. Ti naannad nga asikaso iti daytoy a benneg ti ministeriotayo isut’ mangyeg iti nabaknang a bendision ni Jehova kadatayo ken kadagidiay a dumngeg kadatayo.—1 Tim. 4:16.