PANANGIRUGI ITI SARITAAN
LEKSION 2
Kinanatural
Prinsipio: “Anian a nagsayaat ti sao iti umiso a tiempo!”—Prov. 15:23.
Ti Inaramid ni Felipe
1. Buyaem ti VIDEO, wenno basaem ti Aramid 8:30, 31 sa sungbatam dagitoy a saludsod:
Kasano a rinugian ni Felipe ti saritaan?
Apay a maikunatayo a natural daytoy a pamay-an a pangirugi iti saritaan ken panangiranud iti baro a kinapudno iti eunuko?
Ania ti Masursurotayo ken Felipe?
2. No bay-antayo nga agtultuloy laeng ti saritaan, dakdakkel ti posibilidadna nga agbalin a komportable ti kaskasabaantayo ken dumngeg iti mensahetayo.
Tuladem ni Felipe
3. Agpaliiwka. Adu ti ipakita ti ekspresion ti rupa ken panagtigtignay ti kasaritam. Panagkunam, kasla kadi kayatna ti makisarita kenka? Mabalinmo nga iserrek ti maysa a topiko iti Biblia babaen ti panangisaludsodmo, “Ammoyo kadi a . . . ?” Saanmo a piliten a makisarita no saanna a kayat ti makisarita.
4. Dika agdardaras. Dimo koma panunoten a masapul a mangiserrekka a dagus iti maysa a kinapudno iti Biblia. Urayem ti umiso a gundaway a natural a maiserrekmo dayta. No dadduma, baka maaramidmo dayta iti sumarunonto pay laeng a panagsaritayo.
5. Ag-adjust-ka. Mabalin a bigla nga agbaliw ti taray ti saritaan. Isu a nakasaganaka latta koma a mangiranud iti maysa a topiko a makatulong iti kaskasabaam uray no saan a dayta ti insaganam.