Getur friðargæsla skapað friðsaman heim?

Stríð og vopnuð átök geisa stöðugt víða um heim. Þar af leiðandi standa Sameinuðu þjóðirnar og önnur samtök fyrir friðargæslua sem felur meðal annars í sér viðveru á átakasvæðum. Þannig vonast þau til að stuðla að stöðugleika á þessum svæðum. „Friðargæslusveitir Sameinuðu þjóðanna eru lífæðin í því hlutverki okkar að skapa friðsælli heim,“ segir António Guterres, aðalframkvæmdastjóri Sameinuðu þjóðanna.

Friðargæsla hefur skilað nokkrum árangri í gegnum árin. Hún hefur til dæmis verndað óbreytta borgara, flutt flóttamenn til síns heima, staðið fyrir mannúðaraðstoð og byggt upp skaddaða innviði. En friðargæslusveitir mæta ýmis konar hindrunum sem setja þeim takmörk. Eigum við einhvern tíma eftir að sjá varanlegar lausnir sem færa okkur í raun friðsælan heim? Hverju svarar Biblían?

Vandi friðargæslu og lausn Biblíunnar

Vandinn: Skortur á samvinnu. Það er ekki alltaf auðvelt að fá hjálparsveitir til að vinna saman hvort sem þær eru hernaðarlegar eða borgaralegar. Þær eru oft frá mismunandi löndum og eiga stundum erfitt með að starfa saman vegna þess að þær skilja ekki hver aðra eða hafa ólíka hagsmuni.

Lausn Biblíunnar: „Guð himinsins [mun] stofnsetja ríki … Það molar öll þessi ríki [stjórnir manna] og gerir þau að engu en það eitt mun standa að eilífu.“ – Daníel 2:44.

Vandinn: Takmörkuð úrræði og geta. Friðargæslur hafa ekki alltaf nægan mannafla, fjármagn eða önnur úrræði og það setur þeim skorður. Friðargæsluliðar starfa auk þess í stöðugt flóknara og hættulegra umhverfi.

Lausn Biblíunnar: „Guð Drottins okkar Jesú Krists … lét [Jesú] setjast sér til hægri handar á himnum, langtum ofar sérhverri stjórn, valdi [og] mætti.“ – Efesusbréfið 1:17, 20, 21.

Almáttugur Guð, Jehóva,b hefur gefið Jesú, skipuðum konungi Guðsríkis, ótakmörkuð úrræði. (Daníel 7:13, 14c) Guð hefur gefið Jesú gríðarlegt vald, þekkingu, visku og dómgreind, sem nær langt út fyrir það sem stjórnir og stofnanir manna búa yfir. (Jesaja 11:2) Jesús ræður auk þess yfir miklum her engla. (Opinberunarbókin 19:14) Engar aðstæður eru honum ofviða.

Vandinn: lagaleg höft. Stundum binda óskýrar tilskipanir hendur friðargæslusveita. Slíkar tilskipanir geta komið í veg fyrir að þær geti veitt þá vernd sem þeim er ætlað að veita eða að þær geti unnið ætlunarverk sitt.

Lausn Biblíunnar: „[Jesú] hefur verið gefið allt vald á himni og jörð.“ – Matteus 28:18.

Guð hefur gefið Jesú umboð sitt til að koma á friði um allan heim og hann hefur því óskorað vald til þess. (Jóhannes 5:22) Jesús verður aldrei ósanngjarn og hann verður aldrei spilltur. (Jesaja 11:3–5) Það er ekki að ástæðulausu að Biblían kallar Jesú ‚friðarhöfðingja‘ og segir að ríki hans verði „grundvallað og eflt með réttvísi og réttlæti“. – Jesaja 9:6, 7.

Guðsríki – afl sem byggir upp sannan frið

Friðargæslusveitir geta í besta falli komið á ákveðnum stöðugleika og ef til vill bundið enda á staðbundin átök. En þær geta ekki fjarlægt það sem veldur ofbeldi – hatrið sem kraumar í hjörtum svo margra.

„Aðalvandinn er sá að það er enginn friður til að gæta.“ Dennis Jett, fyrrum sendiherra Bandaríkjanna.

Á hinn bóginn er Guðsríki afl sem byggir upp sannan frið vegna þess að það hjálpar fólki að uppræta hatur úr hjörtum sínum. Veittu því athygli hvernig Jesús kenndi fylgjendum sínum í orði og verki að byggja upp frið og sýna öðrum kærleika:

Jesús sagði líka að þegnar Guðsríkis myndu þekkjast á því að þeir elskuðu hver annan. Biblían gerir okkur ljóst að Guðsríki mun ekki umbera þá sem hata aðra:

Jehóva Guð, sem skapaði mannkynið, veit hver er besta og jafnframt eina leiðin til á koma á friði um allan heim. Ríki hans mun takast það sem mönnum hefur ekki tekist, þar með talið friðarsveitum.