Jesús rekur sölumennina út úr musterinu

Jesús fór til Jerúsalem um vorið árið 30. Margir voru komnir til borgarinnar til að halda páska. Að færa dýrafórnir í musterinu var hluti af hátíðinni. Sumir komu með dýrin með sér en aðrir keyptu þau í Jerúsalem.

Þegar Jesús fór í musterið sá hann fólk vera að selja dýr þar. Það var að græða peninga í húsinu þar sem átti að tilbiðja Jehóva! Hvað gerði Jesús þá? Hann bjó til svipu úr reipum og rak kindurnar og nautgripina út úr musterinu. Hann hrinti um koll borðum mannanna sem voru að skipta peningum og peningarnir fóru út um allt. Jesús sagði við þá sem voru að selja dúfur: ‚Burt með þetta! Ekki nota hús föður míns sem sölumarkað!‘

Fólkið í musterinu var mjög hissa yfir því sem Jesús gerði. Lærisveinar hans mundu eftir spádómi um Messías: ‚Ég verð með brennandi kærleika til húss Jehóva.‘

Jesús rak sölumenn aftur út úr musterinu árið 33. Hann leyfði engum að sýna húsi föður síns óvirðingu.