Sæktu landsmótið „Guðsótti“

Ertu búinn að ráðgera að sækja landsmót votta Jehóva 1994 sem ber stefið „Guðsótti“? Þú hefur tvímælalaust gagn af því að vera viðstaddur alla þrjá dagana!

Viss tegund ótta getur grafið undan hugrekki og spillt von en í aðalræðunni á föstudagsmorgni verður guðsótti skilgreindur og hinum mörgu kostum hans lýst. Öll mótsdagskráin leggur áherslu á þessa kosti.

Síðdegis á föstudeginum verður fjallað um það hvernig guðsótti getur styrkt hjónaband og fjölskyldulíf, og eins hvernig hann getur hjálpað ungu fólki að vera staðfast í hollustu sinni við Guð. Síðdegisdagskránni lýkur með hlýlegri ræðu, „Hughreysting handa syrgjendum.“ Þú átt eftir að meta mikils þær gagnlegu upplýsingar sem gefnar verða í þeirri ræðu til að hjálpa þeim sem hafa misst ástvin í dauðann.

Á dagskrá laugardagsins verður sýnt hvernig guðsótti getur styrkt okkur í því að halda okkur fast við handleiðslu Jehóva í sambandi við söfnuðinn og boðunarstarf okkar. Í ræðunni „Lestu orð Guðs, Heilaga biblíu, daglega,“ fá mótsgestir gagnlegar tillögur um lestur og nám í Biblíunni. Dagskrá laugardagsins lýkur með ávarpi um hið áhugaverða stef: „Hinn ógurlegi dagur Jehóva er í nánd.“

Ræðan „Réttlátir munu rísa upp“ verður flutt á sunnudeginum. Í ræðunni á eftir, „Að komast lifandi gegnum þrenginguna miklu,“ verða skýringar á hinu stórkostlega loforði Jesú um þá sem munu aldrei að eilífu deyja. — Jóhannes 11:26.

Morgundagskrá sunnudagsins lýkur með umhugsunarverðu, 40 mínútna leikriti er nefnist Valkostirnir sem við stöndum frammi fyrir. rifja upp daga Jósúa og lýst verður óbifanlegum ásetningi hans að þjóna Jehóva. Eldprófinu á dögum Elía verður einnig lýst upp og dreginn lærdómur af báðum þessum atburðum til að hjálpa áheyrendum að sýna guðsótta nú á tímum. Opinberi fyrirlesturinn síðdegis, „Hvers vegna að óttast hinn sanna Guð núna?“ verður einn helsti dagskrárliður mótsins.

Gerðu ráðstafanir nú þegar til að vera viðstaddur alla þrjá dagana. Dagskráin hefst með tónlist kl. 10:20 á föstudeginum og lýkur um kl. 17:00. Á laugardeginum og sunnudeginum hefst dagskráin kl. 9:30 og lýkur um kl. 17:00 á laugardeginum og kl. 16:15 á sunnudeginum.

Landsmótið „GUÐSÓTTI“

5. – 7. ágúst 1994 í íþróttahúsinu Digranesi, Kópavogi

[Rétthafi myndar á blaðsíðu 32]

T. Rosenthal/SUPERSTOCK