Ætlar þú í sveitastarfið í sumar?

Margir eiga góðar minningar frá „sveitastarfinu“ á sumrin og jafnvel stundum á öðrum árstímum líka. Til þess að slíkt starf beri sem bestan árangur þarf að skipuleggja það og undirbúa vel. Hafa skal samband við einhvern öldung í starfsnefnd safnaðarins sem mun síðan veita allar nauðsynlegar upplýsingar og senda inn umsókn til Félagsins ef umbeðið svæði er utan marka þess heildarsvæðis sem söfnuðinum hefur verið úthlutað. Allir sem fara í slíka starfsferð ættu að sýna góðan samstarfsvilja og hlíta leiðbeiningum þess sem útnefndur hefur verið sem fyrirliði hópsins. Um klæðnað og snyrtimennsku í boðunarstarfinu gilda sömu meginreglur í dreifbýli eins og í þéttbýli.

Í stað þess að bjóða einkum bæklinga í sveitastarfinu ætti næstu mánuði að leggja áherslu á að bjóða bækurnar Þú getur lifað að eilífu í paradís á jörð, Lífið — varð það til við þróun eða sköpun og Biblíusögubókin mín. Ef þú átt ekki til nægar birgðir af þessum bókum ættir þú strax að leggja inn pöntun á þeim til þess að hafa það sem til þarf áður en lagt er af stað í sveitastarfið.

Að lokinni starfsferðinni ætti fyrirliði hópsins að afhenda starfshirðinum upplýsingar um útbreiðslu rita og áhugasama einstaklinga á svæðinu til þess að hægt sé að hafa samband við þá aftur eftir því sem aðstæður leyfa.