Spurningakassinn

◼ Hvaða upplýsingar ættu að koma fram í samansöfnun fyrir boðunarstarfið?

Samansafnanir fyrir boðunarstarfið ættu að beina athygli okkar að starfinu sem við erum að fara að framkvæma. Stjórnandinn ætti því að vera vel undirbúinn, uppörvandi og tilbúinn að ræða um eitthvað ákveðið atriði sem hægt er að nota með góðum árangri. Ef dagstextinn fjallar um boðunarstarfið má lesa hann og ræða stuttlega. Samansöfnunin ætti hins vegar aðallega að snúast um verkið sem framundan er. Hún ætti að búa þá sem eru að fara í boðunarstarfið þann daginn undir að gera því góð skil. — 2. Tím. 4:5.

Hægt er að nota tillögur úr Ríkisþjónustu okkar til að minna alla á tilboð mánaðarins og hvernig hægt er að bjóða það. Á blaðastarfsdögum má sviðsetja kynningu úr dálknum „Hvað geturðu sagt um blöðin.“ Í öðrum boðunarherferðum er hægt að nota Biblíusamræðubæklinginn til að benda á eina eða tvær kynningar sem henta starfssvæðinu. Það mætti sviðsetja eða ræða sérstaklega um ákveðna þætti starfsins, eins og hvernig hægt er að nota Biblíuna í kynningarorðum, bregðast við samræðutálmum, bjóða biblíunámskeið eða fylgja eftir áhuga.

Samansöfnun fyrir boðunarstarf ætti ekki að vera lengur en í 10 til 15 mínútur og þá ætti að vera búið að skipuleggja hópa, úthluta starfssvæðum og fara með bæn. Þegar samansöfnun er lokið ættu allir að vita hvert þeir eru að fara og með hverjum og þeir ættu að fara fljótlega út á svæðið. Í ljósi þess hve samansöfnunin er stutt er mikilvægt að allir mæti stundvíslega. Þegar samansöfnun er strax á eftir samkomu, eins og Varðturnsnáminu, ætti hún að vera styttri. Þá þarf ekki að fara yfir dagstextann því að búið er að fara yfir biblíulegt efni.

Hæfir, skírðir bræður eiga að stjórna samansöfnunum og það ætti að vera búið að ákveða fyrir fram hver á að stjórna. Öldungarnir ættu að ákveða hvaða skírðar systur geti stjórnað samansöfnunum ef enginn bróðir hefur tök á að mæta. Systirin ætti að sitja, hafa höfuðfat og koma af stað stuttri umræðu um dagstextann eða eitthvað annað sem tengist boðunarstarfinu.

Samansafnanir fyrir boðunarstarfið eru kjörinn vettvangur fyrir okkur til að fá hvatningu og búa okkur undir boðunarstarfið. Því betur sem stjórnandinn er undirbúinn, þeim mun meira gagn munu allir hafa af því að mæta.