Sýndu kappsemi
1 Jesús vissi að tíminn, sem hann hafði á jörðinni til að fullna verk föður síns, var takmarkaður. (Jóh. 9:4) Þess vegna sinnti hann þjónustu sinni af kappsemi og þjálfaði lærisveinana til að gera slíkt hið sama. (Lúk. 4:42-44; 8:1; 10:2-4) Efnisleg þægindi skiptu hann minna máli. (Matt. 8:20) Þannig gat hann lokið því verki sem Jehóva hafði falið honum. — Jóh. 17:4.
2 Takmarkaður tími: Tíminn til að prédika fagnaðarerindið „um alla heimsbyggðina“ er takmarkaður. (Matt. 24:14) Spádómar Biblíunnar sýna að núna er mjög liðið á tíma endalokanna. Fljótlega munu þeir „sem þekkja ekki Guð, og . . . hlýða ekki fagnaðarerindinu um Drottin vorn Jesú . . . sæta hegningu, eilífri glötun“. (2. Þess. 1:6-9) Sá dómur mun koma mjög snögglega. (Lúk. 21:34, 35; 1. Þess. 5:2, 3) Fólk verður að vakna til vitundar um að það er í hættu statt. Það er ábyrgð okkar að hjálpa fólki að leita velþóknunar Jehóva á meðan enn er tími til. — Sef. 2:2, 3.
3 Gerum allt sem við getum: Þjónar Guðs láta boðunarstarfið ganga fyrir öðru þar sem þeir vita að „tíminn er orðinn stuttur“. (1. Kor. 7:29-31; Matt. 6:33) Sumir hafa hafnað viðskiptatækifærum eða fórnað öðrum persónulegum markmiðum til þess að geta tekið meiri þátt í boðunarstarfinu. (Mark. 10:29, 30) Aðrir hafa haldið áfram að vera „síauðugir í verki Drottins“ þrátt fyrir langvarandi prófraunir. (1. Kor. 15:58) Margir hafa prédikað fagnaðarerindið áratugum saman án þess að hvika. (Hebr. 10:23) Jehóva metur mikils allar þessar fórnir í þágu Guðsríkis. — Hebr. 6:10.
4 Ef við látum líf okkar snúast um tilbeiðsluna á Jehóva, þar á meðal prédikunarstarfið, hjálpar það okkur að hafa dag Jehóva ofarlega í huga. Það forðar okkur frá því að láta heim Satans trufla okkur og eflir ásetning okkar að ganga fram í heilagri breytni. (2. Pét. 3:11-14) Með því að sinna þjónustu okkar af kappsemi munum við verða hólpin og einnig þeir sem á okkur hlusta. — 1. Tím. 4:16.