Að bera vitni hús úr húsi
1. Hvaða spurning vaknar varðandi boðunarstarfið hús úr húsi og hvers vegna?
1 „Þeir sem hafa reynt margs konar leiðir til að breiða út sannleikann eru sammála um að prédikunarstarfið hús úr húsi með hjálp bókarinnar MILLENNIAL DAWN (Dögun þúsundáraríkisins) sé nú árangursríkasta leiðin til að prédika sannleikann.“ Í þessari yfirlýsingu, sem birtist í Zion’s Watch Tower (Varðturni Síonar), 1. júlí 1893, er bent á hvað boðunarstarfið hús úr húsi er mikils virði. Alls staðar í heiminum lítur fólk orðið á það sem sérstakt einkennismerki votta Jehóva. Er þessi aðferð enn í fullu gildi þó að sífellt erfiðara verði að hitta fólk heima í sumum löndum?
2. Hver er biblíulega forsendan fyrir boðunarstarfi hús úr húsi?
2 Biblíulegt og mikilvægt: Boðunarstarf hús úr húsi hefur biblíulega forsendu. Jesús sendi 70 lærisveina heim til fólks, tvo og tvo saman. (Lúk. 10:5-7) Í Biblíunni segir um lærisveinana stuttu eftir dauða Jesú: „Létu þeir eigi af að kenna dag hvern í helgidóminum og í heimahúsum og boða fagnaðarerindið um, að Jesús sé Kristur.“ (Post. 5:42) Páll postuli kenndi einnig af miklum krafti hús úr húsi. — Post. 20:20.
3. Nefndu nokkra kosti við að vitna hús úr húsi.
3 Að bera vitni hús úr húsi er enn þá mikilvæg leið til að breiða út fagnaðarerindið. Það gerir okkur kleift að ‚spyrjast fyrir um‘ verðuga á markvissan og skipulegan hátt. (Matt. 10:11) Flestir eru afslappaðir heima hjá sér. Þegar við tölum við þá augliti til auglitis — heyrum rödd þeirra, sjáum andlitssvipinn og hvernig umhorfs er hjá þeim fáum við tækifæri til að kynnast áhugamálum þeirra og því sem þeim er umhugað um. Þetta veitir okkur venjulega góð tækifæri til lengri samræðna en ella.
4. Hvernig getum við gert starfið hús úr húsi árangursríkara?
4 Lagaðu þig að aðstæðum: Páll postuli var tilbúinn að laga sig að aðstæðum „vegna fagnaðarerindisins“. (1. Kor. 9:23) Við getum ef til vill reynt að fara í prédikunarstarfið á þeim tíma þegar búast má við að sem flestir séu heima, svo sem síðla dags, um helgar eða á frídögum. Skrifið niður nöfn þeirra sem eru ekki heima og reynið aftur einhvern annan dag vikunnar eða á öðrum tíma dags.
5. Hvernig geta þeir sem eiga í erfiðleikum vegna heilsunnar tekið þátt í starfinu hús úr húsi?
5 Þeir sem eiga í erfiðleikum vegna heilsunnar geta jafnvel tekið þátt í prédikunarstarfinu hús úr húsi. Við gætum séð um að fara með þeim í hús þar sem aðgengi er gott og þeir gætu farið yfir á þægilegum hraða. Systir nokkur gat aðeins farið í eitt hús á hálftíma fresti vegna öndunarerfiðleika. En hún var samt ákaflega glöð og ánægð yfir að hafa verið með í hópnum.
6. Hvers vegna ættum við að láta starfið hús úr húsi vera reglubundinn þátt í boðunarstarfinu?
6 Enn er hægt að finna margt auðmjúkt fólk í starfinu hús úr húsi. Einu sinni þegar boðberi nokkur bankaði upp á var sagt: „Kom inn. Ég veit hver þú ert. Ég var að biðja Guð að senda einhvern til að hjálpa mér og þá heyrði ég barið að dyrum. Hann hefur heyrt bæn mína og sent þig.“ Árangurinn af þessari boðunaraðferð gefur til kynna að Jehóva blessar hana. (Matt. 11:19) Vertu ákveðinn í að láta starfið hús úr húsi vera reglubundinn þátt í boðunarstarfinu.