Fræðsla handa boðberum fagnaðarerindisins
1 Árið 1938 var bryddað upp á þeirri nýjung að bjóða hópum safnaða að sækja svæðismót. Markmiðinu með þessum mótum var lýst í ritinu Informant (sem nú heitir Ríkisþjónusta okkar) í janúar 1939. Þar sagði: „Þessi mót eru þáttur í því að leiðbeina okkur um hvernig eigi að inna af hendi þjónustuna við ríki Guðs. Fræðslan, sem er veitt þar, er nauðsynleg fyrir alla til að skila vel af hendi því verki sem okkur er falið.“ Árið 1938 voru boðberar Guðsríkis 58.000 talsins en árið 2009 voru þeir orðnir rúmlega 7.000.000. Þegar á það er litið hve boðberum hefur fjölgað á þessu tímabili er ljóst að svæðismótin hafa þjónað því markmiði sínu að hjálpa boðberum að „skila vel af hendi því verki sem okkur er falið“.
2 Stefið fyrir næsta ár: Við hlökkum til að hlýða á dagskrá svæðismótsins fyrir þjónustuárið 2011 og þá hvatningu sem við eigum í vændum. Stefið er: „Þér eruð ekki af heiminum“ og er sótt í Jóhannes 15:19. Lítum á dæmi um dagskrárliði sem boðberar fagnaðarerindisins eiga örugglega eftir að hafa gagn af. Á laugardegi heyrum við ræðuna: „Það er okkur til verndar að þjóna í fullu starfi — hvernig?“ Einnig verður flutt ræðusyrpa í þrem hlutum sem nefnist: „Láttu ekki mengast af . . . ,dýrinu‘“, „skækjunni miklu“ eða „kaupmönnum jarðar“. Á sunnudegi verður á dagskrá ræðusyrpa sem kallast: „Elskaðu Jehóva, ekki heiminn.“ Einnig má nefna ræðurnar: „Höldum áfram að vera,sem gestir og útlendingar‘“ og „Vertu hughraustur. Þú getur sigrað heiminn.“
3 Systir, sem var farin að starfa minna en áður, skrifaði eftir að hafa verið á svæðismóti að efni mótsins hefði fengið hana til að endurmeta stöðu sína og einsetja sér að „fara út í starfið og hætta að finna upp afsakanir“. Svæðismótið á næsta þjónustuári á eflaust eftir að hjálpa okkur öllum að elska Jehóva en ekki heiminn. (1. Jóh. 2:15-17) Gerðu ráðstafanir til að vera örugglega viðstaddur mótið og njóta góðs af þessari kærleiksríku ráðstöfun.
[Spurningar]
1. Upp á hvaða nýjung var bryddað árið 1938 og hvert var markmiðið með henni?
2. Um hvað verður fjallað á svæðismótinu á næsta þjónustuári?
3. Hvaða gagn getum við haft af því að vera viðstödd næsta svæðismót?