Hlustið og lærið
1. Af hverju gætum við þurft að leggja okkur vel fram um að hlusta og læra á umdæmismótinu?
1 Það líður senn að umdæmismótinu 2013. Mikil vinna hefur verið lögð í að undirbúa efni sem miðar að þörfum safnaðanna út um allan heim. Ertu búinn að gera ráðstafanir til að geta verið viðstaddur alla þrjá mótsdagana? Á stórum mótum getur verið margt sem truflar einbeitinguna svo að við þurfum leggja okkur vel fram um að láta ekkert trufla okkur. Þar sem dagskrá mótsins er lengri heldur en á samkomum okkar þurfum við að halda einbeitingunni í lengri tíma í einu. Þar að auki geta ferðalög og annað umstang tengt mótinu gert okkur þreytt. Hvernig er þá hægt að halda einbeitingunni svo að við getum hlustað og lært? – 5. Mós. 31:12.
2. Hvað getum við gert til að undirbúa okkur fyrir mótið?
2 Áður en umdæmismótið hefst: Dagskrá mótsins birtist á vefsetri okkar www.jw.org/is. Þar er hægt að sjá hvað ræðurnar heita og fá lykilvers fyrir hverja þeirra. Ef þú hefur netaðgang getur verið gott að hugleiða þetta efni fyrir fram svo að þú getir einbeitt þér betur á mótinu. (Esra. 7:10) Gætuð þið notað hluta af tilbeiðslustund fjölskyldunnar til að ræða um mótið svo að þið hlakkið öll til að hlusta og læra?
3. Hvernig getum við hlustað vel?
3 Meðan á mótinu stendur: Ef við þurfum að fara á salerni er gott að gera það áður en dagskráin hefst. Einnig er gott að slökkva á farsímanum svo að við missum ekki einbeitinguna ef einhver hringir eða sendir skilaboð, og svo að við freistumst ekki til að senda öðrum skilaboð. Ef þú þarft að hafa kveikt á símanum skaltu stilla hann þannig að hann trufli ekki aðra ef einhver skyldi hringja. Ef þú notast við spjaldtölvu skaltu gera það án þess að trufla aðra. Ekki borða eða drekka á meðan ræðumaður talar. (Préd. 3:1) Horfðu á ræðumanninn, og þegar hann les biblíuvers skaltu fletta upp í þinni eigin biblíu. Skrifaðu hjá þér stuttar athugasemdir.
4. Hvernig geta foreldrar hjálpað börnum sínum að hlusta og læra?
4 Við viljum að börnin okkar hlusti líka og læri. Í Orðskviðunum 29:15 segir: „Agalaus sveinn gerir móður sinni skömm.“ Það er þess vegna gott þegar öll fjölskyldan situr saman. Þannig geta foreldrar fylgst með því hvort börnin séu hlusta en ekki að tala saman, senda textaskilaboð eða rápa um salinn. Þótt þau séu of ung til að skilja allt sem fram fer er engu að síður hægt að kenna þeim að halda sér vakandi og sitja kyrr.
5. Hvers vegna er gott að rifja upp efni mótsins? Hvenær er heppilegt að gera það?
5 Í lok hvers mótsdags: Ekki vaka fram eftir. Farið snemma að sofa svo að þið fáið nægan svefn. Þið eigið eftir að muna lengur það sem þið heyrðuð ef þið rifjið það upp. Það væri því gott fyrir fjölskyldur að nota nokkrar mínútur á hverju kvöldi til að ræða saman um efni mótsins. Ef þið farið út að borða með vinum væri þá ekki ráðlegt að taka skrifblokkina með og segja frá einhverju sem vakti áhuga ykkar? Þegar þið komið heim eftir mótshelgina gætuð þið notað hluta af tilbeiðslustund fjölskyldunnar til að ræða hvernig þið getið nýtt ykkur efnið í fjölskyldunni. Þið gætuð líka tekið frá tíma í hverri viku til að fara yfir valið efni í nýju riti sem kom út.
6. Er nóg að mæta bara á mótið? Skýrðu svarið.
6 Það er til lítils að fara í matarboð ef við borðum ekki af matnum og nærumst þar af leiðandi ekki af honum. Það má segja það sama um andlega veisluborðið sem okkur stendur til boða á umdæmismótinu, við þurfum að meðtaka fæðuna og melta hana. Við skulum því vera staðráðin í að vera viðstödd alla dagskrána, hlusta með athygli og heimfæra það sem við lærum upp á okkur sjálf.