Tillögur að kynningum

Hvar finnum við svör við stóru spurningunum?

Réttu húsráðanda smáritið þannig að hann sjái titil þess og segðu: „Góðan dag. Mig langar til að afhenda þér þetta rit sem verið er að dreifa um allan heim. Þar er að finna upplýsingar sem þú getur haft gagn af.“

Ef þú skilur ritið eftir þar sem enginn er heima skaltu gera það á lítt áberandi stað og forðast að brjóta það saman.

Ef húsráðandi sýnir áhuga og vill ræða við þig getur þú spurt hann álits á spurningunum framan á smáritinu. Opnaðu síðan smáritið og sýndu honum hvað stendur í Sálmi 119:144, 160. Bentu á að í ritinu sé að finna upplýsingar um vefsetur sem getur hjálpað honum að finna svör Biblíunnar við spurningum sínum. Þú getur ef til vill sýnt honum dæmi um það með því að spila fyrir hann myndbandið Hvers vegna ættum við að kynna okkur Biblíuna? Áður en þú ferð skaltu benda á spurningarnar þrjár á baksíðu ritsins og spyrja hann hvaða spurning veki mestan áhuga hjá honum. Bjóddu honum að koma aftur til að sýna honum hvernig hann geti fundið svar Biblíunnar með því að nota jw.org. Þegar þú kemur aftur skaltu ræða um svarið sem finna má á vefsetri okkar undir BIBLÍAN OG LÍFIÐ > BIBLÍUSPURNINGAR.

Ef þú ert líka að dreifa boðsmiðum fyrir umdæmismótið skaltu afhenda húsráðanda boðsmiðann ásamt smáritinu og bæta við: „Auk þess erum við að bjóða fólki á samkomu sem verður haldin fljótlega. Aðgangur er ókeypis.“

Varðturninn Júlí-ágúst

Um helgar, þegar það á við, er hægt að bjóða Varðturninn á eftirfarandi hátt: „Við viljum líka bjóða þér nýjustu blöðin okkar. Í þessu tölublaði Varðturnsins er rætt um viðhorf Guðs til reykinga.“

Vaknið! Júlí-ágúst

Um helgar, þegar það á við, er hægt að bjóða Vaknið! á eftirfarandi hátt: „Við viljum líka bjóða þér nýjustu blöðin okkar. Í þessu tölublaði af Vaknið! er fjallað um leiðir til að takast á við streitu.“