ფსალმუნები

145 განგადიდებ, ჩემო ღმერთო, ჩემო მეფეო!+

განვადიდებ შენს სახელს სამარადისოდ, მარადიულად.+

 2 მთელი დღე განგადიდებ.+

განვადიდებ შენს სახელს სამარადისოდ, მარადიულად.+

 3 დიდებულია იეჰოვა და დიდად საქები,+

ჩაუწვდომელია მისი სიდიადე.+

 4 თაობიდან თაობაში განგადიდებენ შენი საქმეების გამო;

ილაპარაკებენ შენს ძლევამოსილ საქმეებზე.+

 5 შენს ბრწყინვალებასა და დიდებულებაზე ილაპარაკებენ,+

მე კი შენს საოცარ საქმეებზე ვიფიქრებ.

 6 შენს შიშის მომგვრელ საქმეებზე ილაპარაკებენ,

მე კი შენი სიდიადის შესახებ ვაუწყებ.

 7 გაიხსენებენ შენს სიკეთეს* და განგადიდებენ დღემუდამ,+

სიხარულით შესძახებენ შენი სიმართლის გამო.+

 8 იეჰოვა თანამგრძნობი და გულმოწყალეა,+

სულგრძელია* და ურყევია მისი სიყვარული*.+

 9 იეჰოვა არავის აკლებს სიკეთეს,+

მისი წყალობა ყველა მის საქმეში ვლინდება.

10 იეჰოვა, შენი ნამოქმედარი განგადიდებს,+

ხოტბას შეგასხამენ შენი ერთგულები.+

11 შენი დიდებული მმართველობის შესახებ გააცხადებენ+

და შენს ძლევამოსილებაზე ისაუბრებენ,+

ל [ლამედ]

12 რათა აუწყონ ხალხს შენი ძლევამოსილი საქმეებისა+

და შენი ბრწყინვალე მეფობის სიდიადის შესახებ.+

13 შენი მეფობა მარადიულია

და შენი ძალაუფლება თაობიდან თაობაში ვრცელდება.+

14 იეჰოვა მხარში უდგას ყველას, ვინც ეცემა,+

და ფეხზე წამოაყენებს დამდაბლებულთ.+

15 შენ შემოგცქერის ყველას თვალი იმედიანად

და შენ აძლევ მათ საზრდოს დროულად.+

16 შლი ხელს

და აკმაყოფილებ ყოველი სულდგმულის სურვილს.+

17 იეჰოვას ყველა გზა სამართლიანია+

და ყველა მისი ნამოქმედარი მის ერთგულებაზე მოწმობს.+

18 იეჰოვა ახლოს არის ყველასთან, ვინც მას უხმობს,+

ყველასთან, ვინც წრფელი გულით უხმობს.+

19 გულის წადილს უსრულებს თავის მოშიშთ,+

ისმენს მათ ღაღადს, შველას რომ სთხოვენ, და იხსნის მათ.+

20 იეჰოვა იცავს ყველა თავის მოყვარულს,+

ყველა ბოროტს კი მოსპობს.+

21 ხოტბას შევასხამ იეჰოვას ჩემი ბაგით,+

ყოველმა სულდგმულმა ადიდოს მისი წმინდა სახელი სამარადისოდ, მარადიულად!+