ფსალმუნები

 2 როცა ბოროტნი თავს დამესხნენ გასაგლეჯად,+

თავად წაბორძიკდნენ და დაეცნენ ისინი, ჩემი მტრები და მოწინააღმდეგენი.

 3 ჯარმაც რომ დაიბანაკოს ჩემ წინააღმდეგ,

არ შემიკრთება გული.+

ბრძოლაც რომ გამიმართონ,

იმედიანად ვიქნები.

 4 ერთი რამ ვთხოვე იეჰოვას,

ერთ რამეს ვესწრაფვი,

რომ მთელი ჩემი სიცოცხლე იეჰოვას სახლში ვმკვიდრობდე,+

რათა შევყურებდე იეჰოვას მშვენიერებას

და მადლიერებით შევცქეროდე მის ტაძარს.+

 5 უბედურების დღეს შემიფარებს თავის თავშესაფარში,+

თავის კარავში დამმალავს,+

მაღალ კლდეზე დამაყენებს.+

 6 ზემოდან დავცქერი გარშემორტყმულ მტრებს;

მის კარავში მხიარული ყიჟინით მივიტან მსხვერპლს,

ვუგალობებ იეჰოვას.

 7 მომისმინე, იეჰოვა, როცა შემოგღაღადებ,+

წყალობა მიყავი და მიპასუხე!+

შენ ხარ ჩემი შემწე,+

ნუ მიმატოვებ, ნუ დამტოვებ, ღმერთო, ჩემო მხსნელო!

10 დედ-მამამაც რომ მიმატოვოს,+

იეჰოვა შემიფარებს.+

11 შენი გზით სიარული მასწავლე, იეჰოვა,+

და წამიძეხი სიმართლის ბილიკზე, მტრებისგან დაცული რომ ვიყო.

12 ნუ ჩამაგდებ მტრების ხელში,+

რადგან ცრუდ ამოწმებენ ჩემ წინააღმდეგ+

და ძალადობით მემუქრებიან.

13 რა მეშველებოდა, რომ არ მქონოდა იმის რწმენა,

რომ ვიხილავდი ამ ცის ქვეშ, თუ რაოდენ კარგია* იეჰოვა*!+

14 იეჰოვას იმედი გქონდეს,+

გამბედაობა მოიკრიბე და გული გაიმაგრე!+