დაბერათი

[საძოვარი]

ქალაქი, რომელიც ზებულონის ტერიტორიის სასაზღვრო ქალაქებს შორის მოიხსენიება (იეს. 19:10, 12), თუმცა მოგვიანებით, როცა დაბერათი თავის საძოვრებიანად ლევიანებს, გერშონის (გერშომი) ძეებს მიეცათ, იგი მეზობელი ტომის, ისაქარის საკუთრებად არის მოხსენიებული (იეს. 21:27, 28; 1მტ. 6:71, 72). ისაქარის ტომისთვის მიცემულ ქალაქებს შორის დაბერათს არ ვხვდებით, თუმცა ბევრი გეოგრაფი მიიჩნევს, რომ ის შესაძლოა იესო ნავეს ძის 19:20-ში მოხსენიებული რაბითი იყოს. ამ თვალსაზრისს მხარს უჭერს ვატიკანური ხელნაწერი №1209 (იხ. რაბითი).

მიიჩნევენ, რომ ხირბეთ-დაბურასთან (ხორვათ-დევორა) სწორედ დაბერათის ნანგრევებია შემორჩენილი. ხირბეთ-დაბურა თაბორის მთის ჩრდ.-დას. თხემთან გაშენებულ სოფელ დაბბურიას მახლობლად მდებარეობს.